أحمد حجي الحربي ..

أديب يكتب البياض من النقد
ويحمل قلبه الود للجميع
يشره علي كثيرا لعدم مواكبتي للحدث
وخصوصاً أحداث جدة .
علها يا صديقي ترضيك عني

أحمد .. هواجيس الشعر تعتريني = وشرهات شعري .. يا بعد شعري كبار
وصوتك يا أبو حجي يجاوب ونيني = والطهر في قلبك .. يخلدني أشعار
تبكي على جدة .. ودمعك بعيني = والحب يكتبنا شعر .. كننا صغار
جدة .. أمانة وش جرى ؟ خبريني = خابرك .. ما تكمين عني من أخبار
أقسمت جرحك داخل الروح فيني = وقبلك بكيت شعوب .. وبلاد .. وأقطار
سمعت علم .. وطالبك علميني = هو البلا من صاحب الدار .. يادار ؟
لا تستحين أمانتك ... واصدقيني = لا تحفظين السر .. ما عادت أسرار
ليه الندى لاجاك .. يندى جبيني ؟ = وليه المطر لا جاك .. يتحول إعصار ؟
بيدينهم ضروك .. تبت يديني = ما دامني ساكت .. على الذل والعار
خوذي صدى صوتي .. ولهفة حنيني = وعهدٍ علي أكون لك .. طفلك البار
نعم طفل .. ما أبغى رجولة سنيني = دام الرجال بدارنا .. جورهم جار
نادي علي وتمتمي .. يا جنيني = وتلمسي عذري .. وقولي لي أقدار
قلبك وياسع له بلد .. واعذريني = والشق يا كبره .. ولا عندي أعذار