°~*¤®§(§ شبـــكة ويــلان العـربـيـه §)§®¤*~ˆ° - بديت بسم الله رفيع الشاني.....

اقتباس:

المشاركة الأصلية كتبت بواسطة نايف هويدي العواجي (المشاركة 325901)

بسم الله الرحمن الرحيم
قصيده تشمل عدد من المواضيع وان شاء الله ترتقي لذائقتكم الشعريه

بديت بسم الله رفيع الشاني=الواحد الغفار يا الرحماني
ابدا قصيدي واستعن في ربي=وازين المعنى مع القيفاني
الرجل ياخذ قسمته بيمينه=ما هو يوصي فلان ولا فلاني
وبعض العرب يا ناس فيهم حاجه=ما يقدر الجيره ولا الجيراني
مير النصيحه بهزمن تلزمنا=ولا الاصيله بوسط الميداني
يا ناس لاتجيبون هرج النمه=ولا تسولف بهذا ولا تشناني
ترى الكلام الزايد المتكاثر=يجيب عيب ودايمن نقصاني
والكبره الكبره ما هي للمسلم=والي يتكبر هو سوا الشيطاني
والكذب مدري ليه بعض العالم=مايتوب عنه ويعبد الحناني
وهذي نصيحه للولد واصحابه=والخيل ما يمسك بدون عناني
ابعد عن الدخان والي حوله=يجعلك دايم طايحن تعباني
واحذر من حبوبن تجيب السكته=والطير ما يعلى بلا جنحاني
هذي نصيحه لك وانت بكيفك=انهج مناهج جدك وجداني
كم شايبن خلا عياله قدوه=دربن صحيح وللخطأ عداني
وكم شايبن خلا عياله عبره=علمه بهم يومنهم ورعاني
يا الله تكافينا شرور الدنيا=وتغفر ذنوب العبد يا مناني
قلت القصيده والقصيده حيه=وربعي هم الي يكرمون العاني
حنا هلا النخوات واهل الفزعه=وسيوفنا تلمع على العدواني
وبا المعركه منهو يقابل ربعي=انشهد انه دايمن خسراني
لا فرعت الترفه المزيونه=عيال وايل بوسط الميداني
صغيرنا يشوش من نخوتها=وكبيرنا يذبح من الفرساني
فينا الحميه والسطر والطنخه=وحنا ترانا للكرم عنواني
واخر قصيدي مرحبا ترحيبه=اهلا هلا في ربعي الويلاني
وختامها تسليمتن من نايف=من قوها تروي ضما العطشاني

.
.

اخي نايف هويدي العواجي

اهلا وسهلا بك انا من المعجبين بأسلوبك ولا زلت اذكر المشاركات الاولى التي كتبتها وانت تطلب النقد وهذا يدل على ثقه وبأذن الله سوف تصل للقمه كشاعر ان شاء الله .

اخوي نايف القصيده جيده اجمالا وتحتوي على مبادي ومعاني جيده .

لكن اسمح لي بتوضيح بعض مكامن الخلل فيها ولن اتطرق الي الجماليات التي فيها لان هدفي والله يعلم انك تستفيد من هذه الاخطاء في المستقبل وليكن في علمك ان كثير من الاخطاء التي وقعت فيها من الممكن ان يقع فيها شعراء غيرك وهذا الامر لايعيبك كشاعر .

ملاحظاتي على القصيده :

--

اقتباس:

بـديـت بـسـم الله رفـيــع الـشـانـي = الـواحـد الـغـفـار يـــا الرحـمـانـي

الياء(يا) التي في الشطر الثاني قبل كلمة الرحماني زايده ولاتضيف للمعنى والاساس هو الواحد الغفار الرحماني وانت اضفت اليا لاجل الوزن ولكن من الغلط ان تجبر المعنى لأجل الوزن .

--

اقتباس:

ابـدا قصيـدي واستعـن فــي ربــي

هنا الشطر فيه خلل بالوزن كما ان الكلمه "استعن" صيغة امر واذا كنت تتكلم عن نفسك تقول "استعين" فلو قلت "ابدا قصيدي واستعين بربي" لأستقام الوزن واستخدمت الكلمه الصحيحه.

--

اقتباس:

مـا هـو يوصـي فــلان ولا فـلانـي

هنا الشطر فيه ثقل بالوزن لان "اليا" في يوصي زايده وحتى الشطر الاول فيه ثقل بسيط لكن يمكن معالجته اثناء النطق.

--

اقتباس:

مـيـر النصيـحـه بهـزمـن تلـزمـنـا = ولا الاصـيـلـه بـوســط المـيـدانـي

هنا في ثقل بالشطر الاول اما الشطر الثاني فلو قرأنا كلمة "بوسط" بتشديد حرف السين فالكسر يكون واضح اما اذا قرانها بتشديد حرف الواو فلايكون هنا كسر والنطق في الحالتين يختلف شوي مع ان المعنى لايتغير كثيرا .

--

اقتباس:

يـا نـاس لاتجيـبـون هــرج النـمـه = ولا تسـولـف بـهــذا ولا تشـنـانـي

هنا في الشطر الاول تخاطب الناس (جمع) وفي الشطر الثاني تحولت الي مخاطبة المفرد وهذا خطاء كان من المفترض الاستمرار بمخاطبة الجماعه.

--

اقتباس:

والـي يتكبـر هـو سـوا الشيطانـي

هنا تقصد ان المتكبر مثل الشيطان اي "واللي يتكبر سوى هو والشيطان" وطبعا لان الوزن ينكسر عدلت الشطر لكن التعديل هنا اتى على حساب المعنى مثل ماعملت في البيت الاول وهذا خطاء كبير فالمعنى هنا خطأ

--

اقتباس:

وهـذي نصيحـه للولـد واصحـابـه =والخيـل مـا يمسـك بـدون عنـانـي

هنا البيت جيد لكن يعاب عليه عدم ارتباط الشطر الثاني بالشطر الاول لان ماله علاقه به ففيه خروج عن سياق النص وان كان الامر هنا يمكن تجاوزه وانما اردت التذكير عليه .

--

اقتباس:

هـذي نصيحـه لــك وانــت بكيـفـك

فيه خلل في الوزن

--

اقتباس:

دربــن صحـيـح وللخـطـأ عـدانــي

لا ادري ماعلاقة الجمله "للخطاء عداني" فيه هذه الجمله تكلمت عن نفسك مع ان الكلام في الابيات التي قبلها تخاطب شخص كما ان الجمله غير مفهومه.

اخوي نايف هذا مالدي وآسف على تطفلي واعتذر منك