بيبان قلبي مالهـا غيـر مفتـاح = مايملكـه ياكـود راع السـيـاده
راع الخدود اللي كما البرق لالااح = ماخذ على جيلـه وسـام الريـاده

ابذر ورودك بالصدر بذر فلاح=وكل مانبت اقطف العينك جداده
عوض حياتي مامضى له من جراح=انت ولاغيرك يحقق مراده
بيبان قلبي مالها غير مفتاح=مايملكه ياكود راع السياده
راع الخدود اللي كما البرق لالااح=ماخذ على جيله وسام الرياده
اسلي الخاطر بذكرى ومسباح=وانسى واخاف من النكد والنكاده
واهني اللي داله الفكر مرتاح=امن الهوى والعشق خالي فؤاده
اليارضت ترضي معاليق الارواح=واليازعلت ليلي حلك في سواده
كم واحد من دونها قام ثم طاح=وانا ملكت اخطامها مع شداده
شيهانةٍ مايغريه كل ملواح=صعب على غيري يهون اصطياده
اقفى خيالي والتفت يمه وراح=يرجي غلاه ويلتمس في وداده
مااقول له سكر ولاعطرفواح=اقول له بالضبط (سكر زياده)