شفني على جال الشعيب اغني=وآشيب عيني يالشعيب بعيني
البارحه كلي وقطعه مني=البارحه مدري ولاادري ويني
انشد وأنشدني وأنشد عني=أنشد وينشدني الجواب منيني
ياذا البلا دفع البلا ياسني=لاتطحن القمحه من يداويني
لاياشعيبي ماهجرتك لاني=مبطي شربت من القراح اليني
مبطي وأنا عندك هنا لكني=لو طال يبسك ماعلت سكيني
لو صفر الشوك وسواده سني=وتكسرت بعده جميع سنيني
لو جف عرقي ثم ضلوعي جني=وعد الرمل حدر الشجر ضلعيني
لو تشبع اليبس اليباس ولني=ويخضًرن الوافيات بليني
لين الزهر يزهر وريح البني=يسابق الشيحه على الافيني
ماكفكف الدمعه عليك امني=ماعدها لوهي تجيك بديني
البارحه ياذا الشعيب وكني=جيتك وعجزت لاتشيل يديني
جيتك وأنا مدري ولادري اني=آقف ولكنك عجزت تجيني
البارحه مات السوال وحني=حتى سؤالي ماقدر ياسيني
واليوم سني قلتها وأثني=لاتطحن القمحه وبي جرحيني
وآشيب عيني يالشعيب اغني=شفني على جالك ولا أدري ويني