كل يوم أهديك من قلبي قصيده = منك شعري يكتسي ثوب الجمال
أن كتبت الشعر فأنت الشعر سيده = من خصالك يستمد أحلى الخصال
كل شعراً في معانيه الفريده = أتعجب كيف في غيرك يقال
ودي أوصف بس وصفك كيف أجيده = ما أظني اقدر أوصف بالمقال
حيثك اكبر من كلامٍ في قصيده = بل ! بعيني للجمال انتي مثال
بس لايمنع أحاول وأستعيده = وصفك اللي دوم أشوفه بالخيال
العيون أن سلهمت تقتل بديده = ناعساتٍ فيهن السحر الحلال
والخشم كالسيف وان سله وليده = فارسٍ متعود لخوض النزال
والجديل اليانتثر من فوق جيده =ليل في ليله مغطيها الخِيال
والثنايا كنهن قطعة جليده = ساطرتٍ صف واحد بإعتدال
والخدود مورداتٍ مستزيده = بالجمال اليوسفي وأحلى الدلال
كامله بالزين واطباعك حميده = غير عن كل البني مالك مثال