والله لو تمطر سمانا رجاجيل=ونستسقي بوقتٍ تشح الرجولة
انا اشهد انك ماتجي بالهماليل= لان الذي مثلك صعيبٍ هطوله

تدري يابوراكان صفر المعاميل=تشفق على شرواك لحظة وصوله..
(النعم) كايد..مايجي بالتساهيل=لكن بفعلك يابن عمي تطوله
لو (الكرم) رجال ..يرسل مراسيل= انا اشهد انك مالكه ..مع رسوله
يابن الذي ماخذ على الطيب توكيل= عودٍ على الطولات تشهد فعوله
حلاّل للصعبات..بتّاع ..حلحيل=من راسه الشامخ ..لـماطى رجوله
على الفخر رباك..والبن ..والهيل= وعلى ما قال الله ..وقاله رسوله

والله لو تمطر سمانا رجاجيل=ونستسقي بوقتٍ تشح الرجولة
انا اشهد انك ماتجي بالهماليل= لان الذي مثلك صعيبٍ هطوله