قالوا تحبه قلت مــا هو بالحيل=بس انه أغلا شوي من نور عيني
يسوى جميع الجيل الأول وهالجيل=واحبابي المــــاضين والمقبلين

أ إن سجعت في بطن واد حمامة = تجاوب أخرى دمع عينك دافق
كأنك لم تسمع بكاء حمامة = بليل ولم يحزنك إلف مفارق
ولم ترى مفجوعا بشئ يحبه = سواك ولم يعشق كعشقك عاشق
بلى و أفق عن ذكر ليلي فإنما = أخو الحب من ذاق الهوى و هو تائق

يقولون ليلى عذبتك بحبها = الا حبذا ذاك الحبيب المعذب ’
فبعد و وجد و إشتياق ورجفة = فلا أنت تدنيني و لا أنا أقرب ’
كعصفورة في كف طفل يزمها = تذوق حياض الموت و الطفل يلعب’
فلا الطفل ذو عقل يرق لما بها = ولا الطير ذو ريش يطير فيذهب’
فوالله ثم الله إني لدائب = أفكر ماذنبي إليك فأعجب’

مات الفهد وانشق صدر الليالي = والحزن فصّل للمشاعر لباسه
وعم الاسى فقلوب كل الأهالي = والصبح ظلّم لين بين أعماسه
مات الاصيل ابو الكرم والمعالي = ما ت الشجاع ابو الوفا والفراسه
من شرق غرب ليا جنوب وشمالي = أبكى القلوب اللي تناشد احساسه
اللي يعز الشعب بأول وتالي = وفي طاعة الله مايدور نعاسه
ياما وقف وقفات رجل ٍ مثالي = وفي خدمته للدين كرس حماسه
قائد وله حنكه وله فكر عالي = وخبير جداً في أمور السياسه
كم قال هذا الشعب كله عيالي = وعقب الجهل صرنا نحب الدراسه
الما بكفه صار مي ٍ زلالي = والأرض تطهر يوم تلمس مداسه
راس تشوفه فوق روس الجبالي = ولاعاش راس ٍ قد تجرا مساسه
ياموت هونك في كريم السبالي = وارفق بحزن قلوب ربعه وناسه
ويا موت فعله صار شي خيالي = وطيبه ترى من طيب أصله وساسه
مدري اعزي فيه شعبه وحالي = وإلا اعزي فيه كرسي الرئاسه
صبري نفذ وش عاد يطري فبالي = مات وأنا مابست خشمه وراسه
والله لو ان الروح تهدى لغالي = لهديه روحي قبل يلفظ أنفاسه !!

سجد قلبي على رمل الضلوع وهـزه التنهيـد=وأنا في جوفي خيام الندم والخـوف منصوبـة
يارب أفهق هلاكي والمنايـا والـدروب بعيـد=مـادام المودمانـي للتـراب تقـوده دروبـه
ياغياث الظوامـي والثمـام وجرهـدي البيـد=أعذني من جهنم والحشـر والمـوت وكروبـه
أنا مانيب لا مشـرك ولا فاسـق ولا عربيـد=أنا اللي لاعصى ,, واخطا ,, تجهم وأقلقه ثوبه
وأنا اللي يرتجف مثل ارتجاف الخايف الرعديد=ليا شاف القبـور الضيقـات وحـس بذنوبـه
أنا عبدك ولد عبـدك وجدانـي هـل التوحيـد=خطايـاي أخجلتنـي يالله الغفـران والتوبـة
أنا الإنسان حمال النقايـض والكمـد والكيـد=غريق الطين واللـذات مـن راسـه لعرقوبـه
أنا عبدك ياربي , وانت تفعل ماتشـا وتريـد=سألتك يالله العفـو العظيـم , وهيـن دروبـه