أنا مع الدنيا تزايد جهادي =جاهدتها عرفت خيره وشره
لقدارها صبرت والامر عادي =من مرها ماصار خيره مسره
الخير بالدنيا تكاثر وزادي =وحلاوتة تبقى على الذوق مره
عقب الفرح يصير فيها النكادي = تفرح بها وتزعلك تسعين مره
يوم بها تجاهد ويوم تفادي =يوم جروحه مابرد عنك حره
دنيا دنية ماعليها أعتمادي =اللي معه غنت تدور وتضره
احذر من الدنيا لو الجو هادي =يذكر لها مع دورة الوقت فره
واحذر عدوك مرةٍ ببتعادي =واحذر جهل صاحبك في كل مره
شفت وعرفت وقلت حسب أعتقادي=ماظن من شاف الغرايب تغره
بان النهار وزاح كل السوادي=والفكر مخزونه جواهر ودره
من جوهره رسمت شي وكادي=من واقع الدنيا بحلوه ومره
من أقبلت له ماعليه أنتقادي=تضحك ويضحك له غريبٍ يمره
إن أقبلت مع الحكيم أستفادي=وإن أدبرت ماينفعه من يبره
ذا طبعها بالحضارة والبوادي=طريقها معروف من دون جره
سبحان من كون كيانه وأجادي=بالكون مايخفاه مثقال ذره
الواحد المعبود رب العبادي=خلاق مابالكون بحره وبره

أقف أمام هذه الرائعه بكل اعجاب


رائع بما تحمله هذه من جمال ايها المبدع


تحياتي لك