توكل لانويت تروح وتهجرنـي وتنسانـي = أمانه لايردك شي ترى من عافنـي عفتـه
لاتستغرب شعوري ذا لأنك ظالـم وجانـي = ولابه يوم جربت الغـلا يافـلان أوزرتـه
خساره أحسبك ماتعرف الثالث ولا الثانـي = أثاري قلبك اللي مايعرف السبت من سبته
ومادام ان الرجل قوام على المرآه بهجراني = تأكد كل رجال ٍ عظيـم بزوجتـه واختـه
أنا الحوراء أنا الماسه وراس الغيم مسكاني = أنا الشيهانه اللي من طمان الأرض ماشفته
بشمت فيك خلق الله من القاصي ألى الداني = مكانك وانت حر في مكانـك يـوم وهقتـه
أنا حوى صحيح اني دموع العين تشقانـي = ولكني أذا صديـت قلـب المبتلـى دستـه
فمان الله وداعيه على شانك على شانـي = قبل لايكبر الموضوع تفضل أخذ (هالنبته )

غريبه كيف افكر به وتمـوت لشوفتـه عينـي = غريبه كيف اهو يسكن خيالي ويشغل افكـاري
غريبه كيف احس اني هويته وصـار يعنينـي = وكيف انه غدى بوحي وحبه جوهـر اسـراري
غريبه ثورة احساسي وش اللي صار وش فيني = والاغرب حالتي لمّا يجي عنـه ولـو طـاااري
اشوفه دوم باحلامي يجـي يركـض ينادينـي = واقول آمر تدلل ياحبيبـي جيـت لـك شـاري

أكتب من ا شعارك على صفحة ا لنوت = شعـر الغـرام اللـي بحبـك سببهـا
ياللي غلاك بداخل الـروح مكبـوت = حبك سلـب عقلـي وحالـي سلبهـا
سحرك سرى فيني مثل سحر هاروت = وغرا مك ا شقانـي وروحـي نهبهـا
مغير أفكر فيـك وا لبـال مشتـوت = ونفس ا لعنا طاريك يبعـد غضبهـا
يا منوة ا لمشتاق يـا منـوة القـوت = ترى هوا ك ا ليـوم روحـي جذبهـا

حد علمي بالزعل والأنفعال = يجعل الروض الخضر كنه خبوت
بس والله من عرفته والليال=كنها تفهم جوابي في سكوت
صارت الدنيا محبه وابتهال=صرت طامع في لقا حبه وقوت

عشقته موت وااااحبه .. وحبه حيـل مشقينـي = ولا ظني ابـد فكـر او انـه صـار بـي داري
وكل هذا غلا نظره أجل لو هـو محاكينـي ؟!! = وش اللي يصير باحوالي لو انه صار اقداري

واهني من احتضن خلـه = في نعيمـه دالـهٍ سالـي
أنتظر حتى يجـي حلـه = أطفي اللوعات والصالي
الهـوى تيارنـا شـلـه = في بحوره غصت طوّالي

صوتك وطيفك على بالـي = يداعب الفكـر بـالحانـه
يفداه روحي مع المالـي = وهذا اعترافي على شانه
غالي ويشتاق للغـالـي = والطاير يحنّ لغصـانـه

يطيبن جروح القلب في شوفة محياه= وتزيد الجروح ان كان له بالهجر نيه
وانا اجر صوتي والحق الصوت وِويلاه= سطابي غرامه دون رحمه وماويه
نسى كل مابيني وبينه وماذقناه= من احلى ليالينا ولحظات ورديه

واعذابي كان الايام ابعدني=عن دياره واستمريت بهيامي
آتمنا بس وش جاب التمني= الاماني ما يمس بها الحزامي
جيت طالب للحنان وخاب ظني=لوعة الحرمان يدفعها غرامي