رد: ( صـوت وصــدى )
صوت الشاعر عويد كسار العنزي ( بحر القصيد ) http://dc17.arabsh.com/i/03537/6sp5vpi9y009.bmp
عينك تشوف أطباع روحك مع الناس=وكلٍ على أطباعه يشوف الخليقه كانك صدا صديت لوبيدك ألماس=وكانك ذهب والــناس لمعة بريقه دهامشه والنعم يامعرب الساس=من ورث أبوك وطيب جد العريقه يزبن عليك الهم ماشاف الأتعاس=ويزبن عليك الضيق ماشاف ضيقه يزبن عليك الفقر ماشاف الأفلاس=وأنت الطريقه بأنعدام الطريقه وأنت الفخر فيك افتخر يرفع الراس=وفيض المشاعر بالبحور العميقه وأنت القصيد اللي نبض كل الاحساس=وعز الصديق الياأعتزى في صديقه مابغا أمدحك في بيت يبقى بكراس=قلبك ذهب والناس لمعة بريقه كان الفرج بالأرض يمشي مع الناس=أنت الفرج من بعد رب الخليقه صدى الشاعر فرج الدهمشي
الصاحب اللي خوته ترفع الراس =مثل الذهب في معدنه في بريقه اللي بنا بيت القصيده على ساس =مثلك حرام يشوف شي يضيقه يا صاحبي حذراك تشكي على الناس =الله كريم ولا قطع بالخليقه شمس القصيد وصبح غيم بالأنفاس=شاعر وضوح ومنهجه له طريقه اللي ملا روح المشاعر بالأحساس =بحر من القيفان قاعه عميقه ما هو بها مصنوع شاعر بكراس =لو ضاعت الشعار تسلك طريقه نجم القصيد اللي ضوي ليل الأدماس =مثل العسل والحرف زهرة رحيقه يا صاحبي لاهنت يا معرب الساس =عز الخوي لا قيل مثلك صديقه |
رد: ( صـوت وصــدى )
ترحيبيه قديمه بأستاذي الشاعر القدير زايد الدغماني
حي الله من جانا امسيـر=مـن سكاكـا جانـا متهيـر الدغمـانـي رجــل ٍ خـيـر=عسـاهـا أيـامـه سـعـيـده بالقيصومـة لـك جماعـه=يامرحبـا بـك كـل ساعـه مرحـب بـراع الشجـاعـه=دايـــم أرائـهــم ســديــده أرويـلـي وعقـالـه مـايـل=هو راعي العليا من وايل مــن قـبـل لـهــم فـعـايـل=نظـرتـهـم دايـــم بـعـيـده ونعـم بشيـوخ الشعلانـي=أكـرام اليـا جاهـم عـانـي النوري هوعالي الشانـي=وأورنـس الذيـب الوليـده هــــم قـرايـبـنـا فـخـرنــا=مـاشــي عـنـهـم ذخـرنــا لامــن دعـونـا حـضـرنـا=جيـنـا مــن أديـارٍعـديـده وأختم كلامـي أبترحيبـك=أنـــرحـــب يـامـعـزيـبــك أن طبنا والله مـن طيبـك=وهــذا خـتــام القـصـيـده الشاعر القدير زايد الدغماني 
فرج فرج جعلك سالـم=اعـزك والله العـالـم شاعر ردك دايم والـم=جعـل حياتـك مديـده افخر ببوتـك لاجنـي=شعرك كنـه يحتظنـي طرقك دقيق(ن) وفنـي=وافنون الشعر تجيـده يافرج عـزالله وافـي=ترحب با الضيف الافي اخون عزيز(ن)وسنافي=وخصالك دايم حميـده وان جيت ابمدح افعولك=مايقدر حرفي يطولـك ماظن يلحق قولي قولك=لكن قلبي شوفك عيـده |
رد: ( صـوت وصــدى )
صوت الشاعر ناصر عطاالله العنزي مدري وين راح اختفى : )
عزي لمن مثلي حياته زحاليق = كل ما رفع راسه تجيه الاعاقه ولا كمى اللي عاش عمره تلافيق = ابسط حوايج دنيته بطقاقه ليتك يبن عمي على حالي اتويق = كني مريض ٍ ناخر الدود ساقه واليوم صبري صار مافيه توفيق = او صبرن بليا فود فعل الحماقه يا الله ياخالق جميع المخاليق = ياعالم بخافي الامور الدقاقه تجيرنا من نار تشوي المعاليق = يارب انا مالي على النار طاقه ردي لابياته
لاتشتكي ياهام سنجار و طويق = حبل الوصل مشدود عندي وثاقه فزعاتنا ماهي برد الطواريق = ابشر وحنا يالبناخي رفاقه من غربنا إلين توصل تشاريق = فدا ولك فوق القرابه صداقه نزيل عنك كل ما يمكن يعيق = واللي تبيه يجيك طيب ولباقه حنا ليامن وصلت نشفة الريق = نزيد للجهيل جهل و حماقه بالجنه العليا نمارق واباريق = والعبد بالدنيا كثير انزلاقه الصبر والسلوان جعل الله يتيق = قلبك لهديٍّ يرتضيلك سياقه ويجيرك الفتنه وبطش المطاريق=في ساعة والمرء تلتف ساقه |
رد: بوح المشاعر!..حديث الذات!
كل عام وانتم بخير
سلام مني يالوجيه المسافير= سلام مخصوصٍ جديدٍ طرازه حياكم الله يالمطاليق بالخير=ياللي لكم بين الضلوع ارتكازه من فكرٍ انقى من حليب المغاتير =اصفى من اخيار العسل في قزازه بالمسك والجوري وريح النواوير=ارسل سلامي للحضور بركازه جوي معاكم ياجماعه يجي غير =عن كل جوٍ ضف حزني وحازه من شاعرٍ مطنوخ مع كل تعبير= لجل الوفا والطيب حاز امتيازه من لابتن بالعز روس ومناعير= ترقى (سنام المجد) معها جوازه من دور (وايل)..من عهد(سالم الزير)=خوينا يمشي فخر بعتزازه |
رد: بوح المشاعر!..حديث الذات!
قسمة قدر حانت بليا مواعيد = لقيت فيها طيب الصيت والكار نسل الرجال الشامخين الصناديد = الوافي اللي له معزه ومقدار
لحظة صدفته كنها (فرحة العيد) = في وصفها تقصر جزيلات الاشعار نظرة غلا مضمونها صار تأكيد = ان الغلا لو توصفه فيه تحتار |
رد: ( صـوت وصــدى )
صوت الشاعر فرج الدهمشي
عواد عوّد وانت بالاسـم عـواد = عود ٍ ومثلـك لازم انـه يعـودي طوّل غيابك حيل ياذيـب الاولاد = يالله عساها خير مامـن نكـودي الطيّب يذكر دايم ٍ بيـن الاجـواد = ولاالردي ينسى ولابـه قعـودي لك بصمة ٍ مامسهـا كـل نقـاد = جزل القصيد وكل مابه عهـودي الشعر يسأل وينه اليـوم عـواد = يبيه يحيي عرقه اللـي يسـودي عرق ٍ يموت وفرحته صوت رعاد =وعواد اقبل يدحم اللـي يـزودي والختم صلـو عـد ماثوَر زنـاد = وعداد ماهبت من الشرق نـودي على النبي الهاشمي سيد الاسيـاد = اللي بـدون رسالتـه مانسـودي صدى الشاعر القدير عواد الدهمشي
كل ٍعلى ما تزرعه يـده حصـاد = وانا زرعت الورد واجني ورودي والطيب لوسقته بالانـذال مافـاد = إن مارجعلك شر مافيـه فـودي وهذا الوفا لوينقسـم بيـن العبـاد = ياخذ فرج نصّـه إذا مايـزودي الطيب للعيّـاش يرضخ وينقـاد = هذا كلامـي والقبايـل شهـودي وفـاك يالبـلاّز بالعـون معتـاد = دايم على درب المراجل سنـودي وانـا إذا ربـك اشــا والله آراد = لارجع وانا ماقول واخلف وعودي لكن ظروفـي جعلها تبتعـد غـاد = إدعوا معايـه جعلهـا ماتعـودي ولازالت ظروفي وبي الزمن جاد = لاشعل قناديل الشعر من وقـودي ولاهان كل اللي نشد وين عـوّاد = واقسم قسم انتم سبايب وجـودي |
رد: بوح المشاعر!..حديث الذات!
أجْهَلُ النَّاسِ مَنْ كانَ على السلطَانِ مُدلاً وللإخوانِ مُذلاً |
الاصايل
قادت اصطبل الاصايل مهرةٍ عنقا طويله=الجموح اللي تعزوى بأول خيول الاصايل بالسبق معها ومعها خطوة الواثق دليله=خطوة اللي ماتعوَد بالسبق غيرالاوايل كل حملٍ في زمانك حالف اني غير اشيله =واركز برجم المشاعر بارقٍ فوق النثايل من وفاها بالمحبه مثمر بموسم حصيله =والعواذل من حصيله كسبهم مامن صمايل وردتني من غلاها نهر عذب وسلَسبيله=لا نثنى زهر المحبه ثم تعطر ثم تمايل في سفوح امن المحبه لا رقينا بالطويله=عشت ذيبٍ بالطويله واسألي سبع القبايل والله اني ما تعزوى غير بسيوفٍ صقيله=كل سيفٍ لو تعزوا عزوته بعيال وايل قادت اصطبل الاصايل مهرةٍ عنقا طويله=الجموح اللي تعزوى بأول خيول الاصايل |
رد: بوح المشاعر!..حديث الذات!
يالله يالمعبود يالواحد الحيّ = ياعالم الغيب وخفيات الاسرار تسعد عروقن مالها بالردى ضيّ = عبدك ضعيف ولو ملك كل الاقطار انت العظيم اللي سقى قاعه الميّ = وانت الرحيم وغافر ذنوب الابرار يقولها من ما ملك داخله شيّ = رضاك نعمه يطلبك عتق من نار |
رد: بوح المشاعر!..حديث الذات!
ابارك واهني صديقي وزميلي الشاعر الرائع /حشر الغضيان بمناسبة ترقيته من رتبة نقيب الى رتبة رائد في شرطة حائل الف الف مبروك ..
اليوم انا ودي ابارك واهني = واكتب تباشير الفرح والقصايد في ترقية شخص عزيز واغني = يومه ترقى من نقيبٍ لرايد مبروك لك تاج بكتفك يحني = ياصاحبٍ فيك الفخر دوم زايد والنعم مني مع حروف ٍ حوني = خصت (ابوياسر) به الطيب سايد
جينا نزف اسمى التهاني بطرياك = واصدق مشاعر بالقوافي تهنيك اليا حضرت بفعلك القول سماك = ولاغبت كل المدح حاضر بطاريك الطيب والهقوه من ادناك لأقصاك = يالشاعر اللي صادقاتٍ معانيك تستاهل الرتبه على طيب مبداك = وافي وربعك بالمواقف تهقويك ساس الوفاءوالطيب سيف ٍبيمناك = اللابة اللي بالمواجيب توفيك مادام اسمك حافظ ٍطيب معناك = واسمك سما لأطيب معاني مسميك وسلايل الويلان مثلك وشرواك = يالوافي اللي نفتخر في مباديك كل ما كتبتك زاد شعري بذكراك = ياللي طوال وشامخات ٍمراقيك ما اقول غير الله يعزك ويرعاك = وتحقق احلامك وتكمل مساعيك |
رد: بوح المشاعر!..حديث الذات!
ابارك واهنّي الشاعر / خلف المشعان بمناسبة زواجه جعل الله زواج خير وبركه ورزقه الذريه الصالحه ...
لا ياخلف من جاء واللي بعد راح = لا يضيق صدرك يالشمالي على شيّ لجل المحبه والغلا خاطري ساح = ياعزوة اللي فزعته تكفي الحيّ يالكوكب الدري ياشمس الاصباح = ياسيفي اللي في يميني على ايديّ كم ليلة ٍوالضيق في صدر الاشباح = ليت القصايد خففت واقعي ليّ ورق القصيد اللي على دفتري ناح = يتبع ورى برق المشاعر يبي ميّ يامزبن المضيوم في ليل الاجراح = يانخوة الفدعان يافزعة الخيّ بعين الفرج شفتك وانا همي انزاح = وشلون اضيع وكوكبك بالسماء ضيّ نجم الشمال ان بآن جذاب الارواح = لا يضيق صدرك يالشمالي على شيّ |
رد: بوح المشاعر!..حديث الذات!
[youtube]http://www.youtube.com/watch?v=3shEb3QbEL4[/youtube]
دحة العياش من الدهامشه .. في زواج عبد الله الطرقي الضبيان .. |
رد: بوح المشاعر!..حديث الذات!
اقتباس:
مجاراة الشعراء الكرام لأبياتي والتهنئه للشاعر خلف المشعان الشاعر القدير فلاح بن منشار
صح اللسان اللي على المقديه باح=ومبروك للمشعان والخير له جيّ وافي علومك يافرج مثل الاصباح=وانته كريم وصاحبك من جبل طيّ الشاعر القدير محمد الجبريني
الله يديم لخلف مشعان الافراح =ويارب يالله طالبك تسعده لي الشاعر اللي مثل بالشعر مصباح =انشهد انه بالشعر ماهو شوي ماني لغير الكفو شرواه مداح =وانا احمد الله شاعراً محد قدي وياناظم أبيوتك على قافية اح=عزالله انك شاعر براسك احمي نظمتها يالدهمشي نظم مسباح=ترقا بجزل أبيات شعرك معدي شاعر تحقق بجزل الشعر نجاح =والمعذره منك بتقصير ردي وربعك بني وائل هل السيف ورماح=رجالهم بالطيب يظهرر تحدي والله لو مالصبح عليه انباح=لنظم بيوتٍ بك تقال وتعدي |
رد: بوح المشاعر!..حديث الذات!
لي فتره كبيره ودي اكتب وعندي كلام كثير ودي اقوله واتكلم فيه لكن الوقت لا يسعني كثير احب اتكلم ان طيبة القلب انها تكون لحد معين فقط طيب القلب في الكثير من الاحيان يتم استغلاله او حتى من اناس لايهمهم الا تحقيق غاياتهم وانانيتهم ولو كان ذلك على حساب طيب القلب وهنا يجب على صاحب القلب الطيب ان يدرك ان هناك من يستغل طيبته وهو على نياته لا يعلم .. وطيبته مع هذه النوعية من البشر في غير محلها لانها السبب في ظلمه الطيبة مطلوبة مع الجميع ولكن ليست على حساب صاحبها و حساب حقوقه وكرامته صفة الطيبة من الخصال النبيلة والكريمة فمن هم الذين يدركون ويشعر بقيمتها وقيمة من يحملها في زمننا هم ومع الاسف قليلون وعزائك ياصاحب القلب الطيب انك تتحلى بصفة كريمة يفتقدها الكثيرين ... |
رد: بوح المشاعر!..حديث الذات!
^
^ ^ هالكلام الله العالم اني لا اقصد فيه أحد معين .. لكنها هي أفكار احاول ترجمتها وفضفضتها اوضح بعيد عن الشعر والهجاء لاني كتبت كثير |
كـيـف بـن ومـحـامـيـس
تعال واسمع ما قدحت بورقها=وهاك الحروف مورده بالقواميس والدلّه اللي وسط بيتي وذقها=عطني انا بشرب واشب الفوانيس يامحلا الجلسة تبدد قلقها=بين الرجال وكيف بن ومحامييس وقصايد ٍبالقلب عندي وثقها = ماقبل انا الهزله وحكي الدبابيس مايحني الهامه سوى اللّي خلقها=وانسى كلام اللّي براسه وساويس ومن يوم غابت شمس عمري شفقها=ام العيون اللي ذبحنّي نواعيس سبحان من صوّر حلاها ورزقها = حازت على كل الوصايف بتأسيس راحت وانا روحي وقلبي عشقها=اجمع من ايام الشقى وامتلى الكيس حسبي على شيطان منهو سرقها=وحسبي على حظي وحسبي على ابليس والنفس راقت راح منها زهقها=مع بنت منهم كاسبين النواميس |
رد: بوح المشاعر!..حديث الذات!
عندما يمدح الناس شخصاً ، قليلون يصدقون ذلك وعندما يذمونه فالجميع يصدقون.
|
فرحة العيد ...
|
رد: بوح المشاعر!..حديث الذات!
أنا عريب الجد والعم والقوم لامن بغيت تشوف النسب والعزاوي أمعرب الجدين ولاني بمذموم وأنت الذليل اللي ماهو بمتساوي |
| الساعة الآن (12:29 PM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه