رد: تهيض يامعيض
اقتباس:
سلامه الجعفري شكراً لك على تواجدك وبالنتظار باقي المقيمين والنقاد تحياتي |
رد: تهيض يامعيض
صحت السنتكم جميعً0 ملاحظة اخي سلامه في مكانها0 ترا منته مصوت بالعشا ولانت ابن هذالي0 لو كانت كذاافضل000؟ ترا منته مصوت بالعشا ولا ابن هذالي0 وهنااك بعض البيوت السطحيه والمحاوره كل ماكانت معانيها مغطاه تكون افضل0 بعد ماحط مشرف راعي الدنه الولد حماد0 حسبي الله عليك خليتني سواق دنا ههههههههههههههه الف شكر لكم على هاطاروق |
رد: تهيض يامعيض
اقتباس:
الاخوان سلامه الجعفري حمد الخمعلي شطر البيت التالي غير مكسور ترا منته مصوت بالعشا ولانت ابن هذالي0 الا اذا كان ينطقونه بهالشكل ممكن يكون مثقل ترا منته مصوت بالعشاء ولا ا نت ابن هذالي كذا بزيادة الالف يكون ثقيل للوزن وهو ضروري وقولك في التعديل ترا منته مصوت بالعشا ولا ابن هذالي0 ماغيرت بالوضع شي اللم ثقلت الألف في اللام وكلها صبها احقنها على قولتهم عموماً من ناحيت الوزن غن البيت والغنى هو الحكم واسمحولي الملاحضتين ليست في مكانها نهااااااااااااااااااااااائي ولاتبت للتقييم بأي صلة وانا وياكم وكبار الشعراء اما من ناحيت بعض البيوت سطحية هذا شي صحيح لكون اللعب مع طلال انا اعتبره لتسليت اثنين بدون حواجز بغض النظر عن الجمهور لذلك تكون بعض الامور ليست من اسلوب الرمزيه علماً ان الرمزيه في اشياء معينه تريد ايصالها للشاعر الاخر دون ان يحس بها الجمهور وهي في امور معينه اذاكانت المحاوره كلها رمزيه الجمهور لايعلم عن شي كانه يستمع الى لغه لايفهمها وسوف يمل الجمهور من المحاوره ولكن لازم يكون في شي واضح للجمهور بدون رمزيه لكي يتفاعل وينسجم مع المحاوره واما من ناحيت جودة المحاوره من عدمها لايحق لي الاعتراض عليه لأن الجمهور له رايه ويفرضه على الشاعروانا لا اقول الكلام ذا دفاعاً عن نفسي بل دفاع عن كلمة تقييم في غير محلها وعموماً نحن نتقبل اي نقد بدون اي تذمر سواء وجهت نظر المنتقد صحيحه او غير صحيحه ولاكن النقد البناء نعتبره نور لنا نمشي من خلاله الى الصواب والذي لايقبل الانتقاد الحقيقي لن يتعلم ولن يعتبر بل اخطاءه تعلمه وهي عبره له ونور له بالمستقبل ومن اصر على اخطاءه عليه السلام وبانتظار الباقين بدون مجاملة احد على حساب الاخر والحقيقه تفرض نفسها تحياتي للجميع والمعذره على الاطاله |
رد: تهيض يامعيض
[size=6]
الاخ سلامه اذا كل واحد يبي ينقد زي نقدك كذا والله مشكله،،، [/size]ونا والله اتقبل بصدر رحب لاكن بحد المعقول تروح لجمل بيت قليل من الشعار اللي يقوله ولا رايح احد يقوله من الشعار اهل الموجودين ترا منته مصوت بالعشا ولا ابن هذالي انا بالعب طناخت راس ماني شايفن نقاد سلامه ،،الجعفري حمد ،،، الخمعلي اذا كانت فيهن عدم وزن او ثقل ،،،، انا محقوق لكم ونا وياكم والشعار ياخواني اذا كان تبغون اهم حاجه لازم انكم تنقدون انقدو صح مهو على شان يقال فلان نقاد حنا نعرف من هو الناقد ،،،،وعارفين منهو الشاعر ،،،،، اخر كلام ياخوان النقد صعب جدا وله اهله تحياتي للجميع |
رد: تهيض يامعيض
انابالعلب طناخت راس ولاني شايفن نقاد = ومن ينقد قصيدي قلتله لايابعد حالي تهيض يامعيض الهرج واضح والعلوم جداد = تبيها حولنا ولا نوديها الخلا الخالي بدايت هجوم من اخونا طلال والهجوم واضح لمن موجه على هونك دقايـق ليـن ياصـل عنتـر الشـداد=عسى خط الشريحه واصلته ابراج الارسالي نبيها بيننا وبيـن الربـوع وهـات زيـن الـزاد=ترى الضيفان واجد لاتحسب الضيف بنقالـي ايده ابن عريفج على الهجوم الا يابن عريفج يلعن الله شركة الحداد = بعد ماخذت جوالي تعذر شغل جوالي تبي تاكل نصيبك ثم تشرب دلة البغداد = نعرف ان الضيوف انواع بين الوان وشكالي استمر اخونا طلال ولكنه حط ابن عريفج معهم وهجم عليهم انـا للـي سواتـك ياطويـل العمـر بالمرصـاد=تـروغ مـاتـروغ مامـعـك حـيـلات تحتـالـي ابا احدك على جهدك وانا واياك وسط الماد=عسى رجليك تثقل مايصيبك خـف وجفالـي هجوم من ابن عريفج على طلال تصبر يامعيض اصبر دقايق بشرب البراد = وعليه من يميني لاخذك بقفاي وقبالي جحت الطيبه يامعيض وانا محسبك جحاد = وذا جت بالتحدي دق راسك في جبل عالي ترك اخونا طلال الهجوم على المقصودين وبدا بالهجوم على ابن عريفج لقيت الهرش يرغي والسبب يالمسلمين قراد=دخـل بذنـه ولامـنـه تـحـرك صـابـه هبـالـي يمر البل مثل سرع الحمامه بين جاي وغاد=ودموعه من وجع راسه على الخدين همالي هجوم من ابن عريفج وفيه نوع من المناوره لأرباك طلال اليامنك مسكت الهرش تكفى قيده بقياد= ترا هرش العرب به سم نابه مرن وحالي عسى ربي يعينك كان قاود ياعسى ينقاد= ولاكن قود هرشك ياجودي للي على بالي حاول اخونا طلال قلب السحر على الساحر وهذا من اساسيات المحاوره اثرك امجربن هرش العرب يالشاطر القصاد=هذا هرجـك لاتنكـر والا انـا معروفـه اقوالـي لياحطيـت الدويـرع والـدلال وشـد فيـه شـداد=تشـارك بالسبـاق وتقـطـع المـشـوار ذومـالـي حاول ابن عريفج التخلص من المأزق وفعلا يعتبر مخرج نجاه توقع يامعيض البرج لايكشفك بالعداد= نسينا الانضمه ياالله عسها بقلت الوالي بعد ماحط مشرف راعي الدنا الولد حماد= نعرف ان الشريطي وبن عمه ذاك دلالي ترك الهجوم طلال على ابن عريفج وعاد لنفس موضوعه الاول يقولو ن الدجاجـه تولـد وتلقـح مـن الرمـاد=مثـل مـن كـان يفتعـل الزعـل والايـورالـي ومن يزعل بكيفه كيفه يراضيه دون اجهاد=تضـيـق وتنـفـرج والله الاول والله الـتـالـي ايده ابن عريفج وبدا بهجوم شرس على اللي يقصد طلال ولا يابن عريفج خط مكه به ثمان اسياد= وتطوف من اليمين وجوها به سو الاحوالي تعرف ان السنه يوجد بها الهجري مع الميلاد= ولاكن بعد دار الصين منزالك ومنزالي قال طلال هجومك هذا يابن عريفج فيه مشكله اكيد انك تبي تسوي كارثه او سويت كارثه ترى مانته مثل ابا الشيوخ ولانـت ابـن مجـلاد=وترى مانته مصوت بالعشاء ولانت ابن هذالي سفيهن بس تركض ليت تربط في حدى الاوتاد==وتريـح بالعريشـه عـن لهيـب القيـض بظلالـي تراجع ابن عريفج عن الهجوم الذي حده عليه طلال وبدا بمهاجمة طلال وترا ك مانته سوات المرتعد يوم الطراد طراد = منوخ في ذلوله ولفشق والموت قتالي نعرفك زين ياعبدي ولدنا ياخوي عباد = خسرتنا خساره فيك راحت كل الاموالي رجع طلال على نفس الموال الهجوم على ابن عريفج مع وجود مطب اصطناعي حطه لابن عريفج انــا يمـنـاه يــوم انــك تشـكـا مــن حـفـا الحـمـاد=رفعت اطراف ثوبك شاردن فـي عمـرك الغالـي عسى الله يرحم اللي كان متصيطر على الاكراد=وهالحيـنـه ياكردسـتـان غـنـي فــوق الاطـلالــي رد عليه ابن عريفج بنفس الموال مع تذمر من الوقت اللي خلى طلال يسوي هالمطبات الاصطناعيه وهو رد مقبول مع العلم انها تكون محاوره جدا حلوه ومقنعه لحدا ما هذه وجهة نظري اما من ناحية البيتين اللي علق عليهن اخونا سلامه واخونا حمد عليهن وجه ناجي لأن مافيهن اي شي من ناحية الوزن هذه وجهة نظري دمتم بخير |
رد: تهيض يامعيض
اقتباس:
الاخ نافع الاسود بيض الله وجهك كفيت ووفيت هذا الشرح الكافي الوافي تقييم في مكانه نعم رتبت الردود علقت على كل رد تعليق لوحده ووضحت المقاصد والنوايا الى حداً كبير وعزالله انك اطلق من لجنة شاعر المليون كلهم لله درك ولك شكري وتقديري ودمت بالف خير وعافيه |
رد: تهيض يامعيض
الشاعر الرائع طلال صح لسانك والشاعر الرائع معيض بن عريفج صح لسانك ولا هنتو أنا تابعت المحاوره من بدايتها واستمتعت كثير فيها خصوصا مع فك التشفير وحبيت أعلق لاني أحب أتابع الشعر بكل أشكاله وأعجبتني روحكم المرحه اللي زادت المحاوره متعه وودي أشوفكم بمحاوره صوت وصوره وأنا أحرش بينكم عشان أشعللها هههههه طلال ماتبي سلف?
يوفقكم ربي وتحياتي ومودتي |
رد: تهيض يامعيض
اقتباس:
الاخت مشاعل يامرحبابك تراحيب المطر وياهلابك وصح بدنكي ولاهنتي على هالمتابعه ولولا الاخوان والاخوات المتابعين الذي يحتضنهم منتدانا الغالي مالعبنا محاوره ولاشاركنا باي موضوعٍ كان ولكن لحضور الجميع وقار ودافع الى الامام والروح لازم تكون رياضيه بيني وبين طلال او اي شاعر اخر وبعدين هي مشعلله بدون تحريش وتبين تسلفين طلال لاتوصين الحزين على البكاء ههههههههه ومشكوره على حضورك المشرق ولك احترامي وتقديري |
رد: تهيض يامعيض
صباح الخير للجميع0 الاخ معيض0 البيت الذي اتفقت على الملاحظه فيه مع الاخ سلامه ارى انه في مكااانه0 لان بعض الالحان لا تكسر البيت ولاكن انا اريدك ان تلحنه على عدة ألحان حتى يتضح معك ما أتضح معي0 ترا منته مصوت بالعشا ولا ا نت ابن هذالي الكلام ليس على وجود الف مثل ماذكرت وهناك لحن فيه سرعه لايوضح معك انه يوجد خلل وفيه الحان توضح لك انه فيه خلل0 الاخ طلال الكلام ليس على انه اهم شي ننقد واذا كان قصدنا مثل ماذكرت كان نطلع اكثر من خلل0 تقديري |
رد: تهيض يامعيض
في النهاية هو وجهة نظر يالربع
واختلاف وجهات النظر لايفسد للود قضية |
رد: تهيض يامعيض
حمد الخمعلي تقديري
حنا ماهو خلاص تناقشنا ،،يكون فيه زعل او مايشبه ذالك بالعكس انت وسلامه الجعفري خوان عزيزين والف نعم بكم ،،،،،،وتامرون على امر اشهد بالله العضيم لاكن انا اشوف ترا منته مصوت بالعشا ولا ابن هذالي اخوي سلامه نقد البيت،، انت ايته انا اقول مافيه شي صاحبه كذالك من يحل المشكله وين الصواب سبق اني تكلمت بنسبه لمحاوراتي شخصيا اسمح لي ملاحضه تحياتي لكم |
رد: تهيض يامعيض
نافع الاسود
الشكرك جزيل الشكر على ماقمتبه بتفسير المحاوره بيني وبين معيض نافع حقيقه اعجبتني والله ماشالله عليك الله يزيدك من فضله بس يبغالك تكبير الخط للملاحضه دمت بخير |
رد: تهيض يامعيض
انا لا احب المجامله والمثاليه الزائده عن اللازم .
الابيات كما فسرها شاعر المحاورة المخضرم نافع الاسود هجوم .. دفاع.. دفاع.. هجوم .. اصبحت مبارة كرة قدم ولم يوضح نافع خطط الفريقين هل هي 343 او 352 او 442 ..... حسب وجهة نظري انا المحاورة ليس فيها لا دفاع ولاهجوم ولامعنى ولاشي ابيات مركبه على القافية فقط لان الوزن فيه خلل في بعض الابيات بيت طلال تكلم عنه الاخوان بما فيه الكافيه وبيت معيض الذي مد كلمه (الحماد)اكثر من اللازم للوصول الى الوزن حيث نطقها ( الحاماد) عموما الابيات من ناحية المعنى كلها طقها والحقها احترامي للجميع . |
رد: تهيض يامعيض
ترا منته مصوت بالعشا ولانت ابن هذالي0
عجز البيت ليس به كسر ولكن السبب في قرأتكم لها وانا سأكتبها بشكل خاطي حتى تعرفون السبب في قولكم بأنه مكسور ترى مانته مصوت بالعشا ولنت ابن هذالي |
رد: تهيض يامعيض
مشاعل مرحبابك الف مره ثانيه شكرا لك على المرور سبق وان طلبتك سلفه 2000ريال يوم كنت محتاج ،،،وعتذرتي وانا عارف تفكرين اني اباطل ماجيبهن ههههههه بالعكس اسئلي عني بقالات الفغانيه اللي بجنب بيتنا كيف عملتي معهم ههههههه |
رد: تهيض يامعيض
يامرحبا ياكاتب تراحيب المطر اذا كانت طقها ولحقها ابشر بالعوض وانا اخوك المقبلات اكثر شكرا على المرور |
| الساعة الآن (04:05 AM) |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه