انا مريض وعلتي مالها اطباب =جيت الطبيب وكل مابي شكيته
قال الحقيقه علتك علة احباب=اللي برى حالك بصدرك حويته
مالك دواء بالطب ولاتاخذ اعشاب=ترى الدواء لاشفت خلا بغيته
مشكور يادكتور والحب غلاب=نهيت قلبي ورتكا ماقويته
اللي سحرني نورعيني بلا اسباب=من سبته لو متّ جعلي فديته
داخل شراييني مع الدم ينساب=الرووح له ميدان والقلب بيته
وشلون حالي يافترق شمل الاحباب=اكبر مصيبه ياختفى مالقيته
كااتب النص

ياصاحبي ياكامل العقل والذوق=ماودّ لك يالترف غير المبرّه
ان كان مالي مشاريه وحقوق=على الذي مابديت للناس سرّه
انا اعترف لو كنت صادق وماثوق =ماني ثقه في في ناظر الغير مرّه
والله عليم بخافي السّر من فوق=مازدت عن ماقلت مثقال ذرّه
والناس ترمي بالخطأ كل مخلوق=من باب درب الحسد حتى تضرّه
"كااتب النص"

لولاغلاكم يابعد كل مزيون=ماشاقني باللوم كثر المشاريه
يضيق بالي يوم عني تغيبون=مريد شوف الناس والهرج مابيه
في حبكم ياشوق هايم ومجنون=مسحور والمسحور هذه مواريه