ماهمنا مـن ذمنـا لـو يذمنـا = ذميمً على الذمه فلانـي بلايمـه
حيثه تجرع باول الوقت سمنـا = ويذمنا قصده يغطـي هزايمـه
يبغا يسيد اليوم ويصيـرعمنـا = وعيت تجي ماهي علينا ملايمـه
حنا الاسود ان كان ابو ذيل شمنا = من خوفنـا ماينهضنـه قوايمـه
ياشين منطقنـا وياثقـل دمنـا = على الذي نبغا نهبـط عزايمـه
وحنا ذراء من حده الضيم يمنـا = عيناه بحمانـا قريـره ونايمـه

ماظن في قربي تعيش بسعاده = كيف امنحك شي ٍ انا منه محروم ؟!!

واحد مع واحد يساويله اثنين=احيان يطلع ناتج الجمع واحد
واحد اذا كان المحبين وافين=واثنين لا حبيتلك شخص جاحد

حَيَّـا الله الـلـي بالـغـلا مالـهـا اثـمـان=الـلــي تـمــوت وحـبـهــا محـتـويـنـي
الــدُّرَّه الـلّــي لـــو تْـــوَزَّن بْـمـيـزان=بأصدق غلا تَرْجَح على شوف عيني

سمي على رابح لياجيت سمي=يافاتنــة يــاساحــرة ياعجيبــه
انتي دواي وداي وعلاج همي=يابلسم جروحي وعطره وطيبه
البارحة عطرك على اطراف كمي=عطر نفس من قادني له غصيبه

سجل حضوري وفا يالمنتدى الراقي = مثل المطر لارجع للقاع بطشـاشه
الساعه العاشره وان ضاقت أخلاقي = تركت كــــل البشر والنت والشاشه

لاتتصل ماهو لزوم اتصالك = حتى الرسايل خاطري طاب منها
انا ادري انه غير الوقت حالك = من يوم حايل سرك البعد عنها

الموت حق وكلنا ذايقينه=مير البلا من ذاق موته وهو حي
اضحك مع العالم وروحي حزينه=واسج بين الناس ون قيل وش بي؟!
اقول عادي ضرسنا شايلينه=والبنج يتعبني مع الهرج يا خي