لاصار خلك مبعدن وانت زعلان=دور على غيرة وغيرة ينسيك
عمر الزمن مايوم وقف على انسان=يمشي وفيه اشياء كثيرة تسليك
واللي تسبب في دمع سود الاعيان=ماهو كفو لمصافحة طاهر ايديك
خله يولي والزمن خير برهان=انه على نسيان مابك يواسيك

خلقني الله لي شموخ ومهابه=بدري على إيدين الرخوم إتخطفهاا
أرفع مقامي عن طمان الخرابه=واطبّع إمهار الفكر واعسفهاا
والذيب مايحقر جناب الذيابه=بندر عن الشكات نفسه صرفهاا

من لايلوم النفس ماعاش مرتاح =لقى المذمه من جميع الجهاتي
ومنهو فهم ان الزمن هم وافراح =عرف دروب التهلكه والنجاتي

الضيق/ والهم/ والألام/ والحسره=اوفى من الخلق ..مايوم اغدرت فيني
مجبوره اصبر لو ان..الصدر به جمره=واخفي عن الناس دمعٍ.. هلته عيني

تدري علام الخواطر صايره عمسه=ودموع عيني من الضيقه اوارييها
كله سبب قلب كنه بن منحمسه=من فوق جمرن تحت ضلعين مخفيها

محدً عرف سر الصدور المغاليق=غير الذي بالعرش جل جلاله