. . البارحه مدري وش اللي خذاني .... يوم اجنبو عني من الضيقه اشملت جيت اتكلم بس عيا لساني .... ماكني الا مرتكب ذنب واخملت الله يسامح من ذكرت ونساني .... وانا ادري اني لاذكرته تجملت عانيت وادري كل طيب يعاني .... وعلى حساب طعوني الخضر جاملت |
رد: سجل دخولك للمنتدى ببيت شعر اعجبك
سولف سواليفك بها ريحة الهيل عطر بها كل الاحاسيس فيني سولف وانا باسمعك لاخر الليل وانعس على صوت يداعب حنيني سولف علي ودي اغيض الفناجيل واقول هذا الهيل مني وفيني |
رد: سجل دخولك للمنتدى ببيت شعر اعجبك
من عشق بنت البدو عزي لحاله
.. تجعلـه مابين نـار وبين فيّـه |
رد: سجل دخولك للمنتدى ببيت شعر اعجبك
. . قلبي أصيل وماضــي الحــب ماانــساه والصــاحب الغــالي تشيلـــه عــيونـــي أشتاق له وأشفق لـصوته وطــرياه واقول هو: دنــــياي وشمـــوع كونـــي ( رفيــــق دربــي ) مـاتـناسيـــت ذكـــراه لــــوالعـــرب في رفقـــته يعــذلــــوني . . |
رد: سجل دخولك للمنتدى ببيت شعر اعجبك
الزمن لا صار ضدك واحتوى درب
المصايب.. لا تحاول تنكسر له لاتزيد الطينة طينه.. للزمن حكمة غريبة تحكم بدرب الصعايب .. وياكثر من ضيع الفرصة وهي فرصة ثمينة.. عزّ نفسك في زمانك لا تقول الحظ خايب .. وسق عمرك للمعالي واكسر النفس الحزينة .. والطريق اللي تشوفه يرسم الدنيا عجايب !! مد يدك في طريقه لين ما تمسك يمينه .. والرفيق إن طال وقته لا تحاتي كل غايب.. حجته دايــــم معاه لاتقول فلان ويـــــنه.. ولا تكابر بالمصيبة لاحكو بأغلى الحبايب.. قول غالي وكل غالي تكرم لعينه مدينه .. |
رد: سجل دخولك للمنتدى ببيت شعر اعجبك
لوكانت العلــه قصيد وقـــــراطيس سيلــت جـاشي بالقصــيد الخرافي مارالبلا ياصاح خلف الكـوالــيس شـي تصــــده شيمــتي مــايشــافي هذي علومي وانت ياصاحبي قيس حجــم المسافه بيــن جـرد الفيافي تــدويبي افكـار الفزع والوساويس وانكــر ذنوبي في ســياق اعترافي شاعر ولي طقس ومزاج وتضاريس اغيــب واحضـر في عيون السنافي |
رد: سجل دخولك للمنتدى ببيت شعر اعجبك
وشله تزعلني علشان اخليك قل خلني ولا تسوي حركات معجب وابيك برغبتك غصب مابيك ولاني متوقف عليك انت بالذات امسيت متحريك واصبحت ناسيك هذا مزاجي وانت راعي مزاجات |
| الساعة الآن (09:44 AM) |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه