سلام يالجارح و انا عايش الجرح = رغم الثقه ما بيننا يا رفيقي
لو اشرح اسباب الغلا ؟ طوّل الشرح =و تلعب حروف الابجديه بريقي
لكن / كسرت بخاطري و انتهى الفرْح = و اللي مسح طعم الفرح / هو صديقي!
يضحك بوجهي ثم يهدم لي الصرح = و لا تستحق السالفه كل ضيقي
و ما كنت مؤمن بالخساره و بالطرح = حتى كشفت الأقنعه في طريقي

ملعون ابو خير الذكرى وطاريه =مامر يوم الا وطيفه .. تهيالي
راح وتركني ولاحتى طرا الجيه=وكل يوم انطر لقاه وشوفه قبالي
ياليت صرح وقال انه مهو ليه=اقلها شوفته .. تنشال من بالي

ضيقه وهم .. وخيبة ظنون .. والآآم=تجمعت .. في راس .. رجال ..واحد
جاء يرسم ..البسمه ..على ثغر الايام=لكن هجدة من .. الصواديف .. هااجد
وتحطمت من عينه .. امآل .. واحلام=لانه وصل في وقت .. نااكر .. وجاحد

يالله وان ضاق الفضاء في عيوني=تفتح لنا من عندك ابواب وابواب

الليل له مع خافقي حب واسرار=والدمع له مع محجري الف سيره