في نظرتي حلم ٍقطفته.. من البال
وفي خطوتي عمر ٍ خطفته من الريح

جيت ب قصيد وحب وأحلام وآمال
طلاب قرب ٍ طاولته التباريح

لي في عيونك عشرة وبيت وعيال
وفي يديك لي دبله وعشرة مصابيح

جيتك وقلبي فيه من عشق الاطفال
لا حب قال احب من غير تلميح

سلمتك امره وانت ادرى بالأحوال
لا تتركه في دروب المجاريح

اما يعيش الطفل في صدر رجال
وإلا يموت الطفل بين المراجيح

يرتجف أحساس قلبي يوم أشوفك=وأنتظر لحظـة وأستسلم وأروح
وأتخيل نظرتك وأحساس خـوفك=نظرة الـولهان والنظرة جـروح
تعال خـذني وغطني بطيـه كفوفك=تستريـح العين وهمومي تـروح
في حنايا الجـوف منقوشـة وصـوفك=وفي حنـايا القلب رسـمك لي يلـوح
خلني أعيش لحظـة في حـروفك=بين كلماتك وهـمـسك يا مـزوح
بين كتبك أتـجول في رفوفك=واتـحـول من هـضابك للـسفوح
قلت لك كلمـة أذا تـسمـح ظروفك=قلت لي أسف وبالكلمـة شـحوح
هـذا ردك قلته من شـدة كـسوفك=لا تـخاف اليوم لك قلبي سـموح