ياجامع(ن) للمال ومخزنله=وش يستفيد الرجل من جمعت المال
ان ماوقف به لا بدت عازتله=لامات من ماله ماغير الكفن شال
ماالله خلف في هاالحياة اتعبله=والمال بالي والعمر باالمثل بال
واللي يفكر بس في عيشتله=الفول بريالين والخبز بريال

وقت العتب راح لا ترجع تعاتبني=مات الوفا والبقا في راس وجداني..
ماني مثل ما انت خابرني وتحسبني=فلان الاول غدالك واحدٍ ثاني..
خلاص مات الهوى لا تهدم وتبني=تركتني لين جا النسيان وناداني..

اللي تناساني وانا مقدر انساه = وغلاه عندي كبر قدره وشانه
لاغاب قلت الله يسامح خطاياه = وليا حضر كل شي يسبق لأوانه
اللي اذكره انه يمون بسواياه = ومعاي أبد ماصك باب الميانه
حتى لو انه يعطي القلب فرقاه = لآخذ فراقه واعتبرها " امانه" !!

سعود

الكل يقسم انه إنسان صادق = والصدق يقسم مالقى صدق إنسان

انا اشوف ان الخطا يامحبين = نشر الغسيل اللي يشوّه مكانه

قررت اغيب وأترك الكون خلفي=يمكن أروق وراحتـي ألتقيهـا
لا وقت يصفالك ولا خل يوفـي=دنيا حقيقي ضايع الصدق فيها

من جنون العشق لي عشق الجنون=ومن زمان الصمت لي رفض الزمان
حاير مابين وضعي والظنون=مكتوي من نار فقدي للأمان

تعبت اجامل اوجاعي .. وانا فيني تعب واضداد=تعبت ادوّرِك وارضي تشتتني نواحيها
تعبت اضيّف همومٍ تجيني كل يوم جداد=تفك حلوقها وامزع لها متني وأدحيها

وأنـا لوإنـي ماتعلمـت الهزيمـه والنصـر = ماكان ذقت من الهوى القتال امـره واعذبـه
شاعروعصري فاتني واعيش في اغرب عصر = لا الوقت وقتي والزمن مابيني وبينـه شبـه
لكن هنوف ٍ مثلت دور العزيـزه فـي مصـر = قدّت قميصي واسرفت في وصلها قبـل انتبـه
يوم انتبهت استشهدت ضدي بحراس وقصـر = قلت ارحمي عزيز قـوم ذل وارخـى منكبـه
ماني نبي الله اقاوم حسن خصرك الى انهصر = انا بشرعبـد ٍ ضعيـف وكـل بـرق يجذبـه

لا والله الا صار للبدو نضناض..=دونك حجير مغيزل العين مقضوض
يا من يبشرني عسى شيخهم راض..=وين انت يا اللي لك مع البدو ملحوظ
يا مل قلب من شديد العرب جاض..=كما يجوض اذا اوجس الكوي ممروض
والدمع من عيني على محجري فاض..=فيضة شعيب فايض له على روض

ياويل قلبي كل ماشتقت لقياه=وشلون ماتشتاق عيني لعينه
انا ادري اني حيل احبه واهواه=وانا ادري ان القلب صار بيدينه
اموت انابه في غيابه واحياه=وشلون اجل لو صافحتني يمينه
حاولت اكتم عبرتي يوم فرقاه=وألملم جروح الزمان الطعينه
واعطيه من قلب المعنا معاناه=وآخذ من جروحه ولو هي دفينه