رد: ][~^)()( صَـمْتِي~آلــ مُزْعِج!!)()(^~][
اقتباس:
بروق الشمال .. قاعده تتشمتين فيني .. أصلاً أنا ما كنت نايم بس كنت بسوي فيكم مقلب << هههههه بشوف مخرج .. و بعدين لا تلوميني ما نمت الليله اللي قبلها .. أجهز نفسي للرحله و ما توقعت أنام .. بس الله يجزاه خير ماجد الجعفري وطا رجلي .. و هو ما كان ناوي يصحيني بس ما يشوف زين .. و ابشرك صحيت و لحقت الرحله .. و اسمعكم تقولون إذا نام سعد لا أحد يصحيه >> خخخخخ شراني و أحب المشاكل كيفي .. الله اكبر يا سعد .. بعد ما كنت مشرف قسم الشعر .. الحين يبون الفكه منك .. بس تدرين يا بروق الشمال .. هذي آخر رحله أروح معكم .. بعد الموقف هذا قاعد أشرب قهوه 24 ساعه عشان ما أنام .. لا و من زين الحظ قاعد بالكرسي الأخير تقل أفغاني .. بس خيره .. أتسدح على كيفي ما عندي أحد ههههههه . بعدين فضحتيني .. ما أحد يدري إني راعي نوم .. و أنا إذا جيتهم قلت .. نومي نوم ذيب .. خخخخخخخ و الله مفارقني .. و الحين طاح كرتي .. ما أحد راح يصدق .. شوهتي سمعني .. لا زم تتراجعين بكلامك يا بروق .. و من قال لك تجيبين طاري الفروه .. هذا أغلى ما أملك .. ورثتها من جد جد أبوي .. و من تشوفينها تقل خيشة رز تغسلين يدك .. الحمدلله اللي ما وصفتي شكلها للناس و الا كان مقدم استقالتي من المنتدى >> مالي وجه أقابل أحد خخخخخخخ . مشكوره على اسلوبك الراقي يا بروق الشمال .. . بانتظار القادم من تقريرك يا بروق .. |
رد: ][~^)()( صَـمْتِي~آلــ مُزْعِج!!)()(^~][
كيبورديه .. حبيت اتواصل فيها مع الغالي / ابو أحمد ..
. يا صا حبي يوم الخلايق مهاجيع = عيني لقلبي ما رجت بانتفاعه .. كل يوم تشرب من عذابه قراطيع = و القلب ضايع في هبايب ضياعه.. يا جايز مليحان ما هي مراميع = قل وش سبايب عزلته و اندفاعه .. بعض الهوى خلّف قلوب ٍ مواجيع = و اعلن على دنيا المحبه وداعه .. و راع الهوى يطلع صعاب المطاليع = يرقب على زين الحلا و اتباعه .. يتبع حسين الوصف من ريع ٍ لريع = و يقيس جرحه بالزمن و اتساعه .. و تال الهوى حب ٍ تلاشى بتوديع = و الحب يا المطنوخ يُطوى شراعه .. ليت الهوى يومر بالايام و يطيع = ليا قلت هوّن قال : سمع ٍ و طاعه .. ^_^ |
رد: ][~^)()( صَـمْتِي~آلــ مُزْعِج!!)()(^~][
.
كيبوردية يجتاحها ألم .. نبغى السنع من غير رب السماوات !! = وشلون نلقى دون ربي سنعنا .. تحت جناح الغيض نقرا التحيات = و الظلم يصنع بصمته في وجعنا .. هدم المباني و احتلال المساحات = و صوت النساء و الطفل في مجتمعنا .. و ضرب المدافع و اقتراب النهايات = و حنا !! نشيل الذل و الياس معنا .. تاريخنا .. صحيح كله حكايات = ما شفنا شي .. إلا قرينا و سمعنا .. و اذا بغينا نثبت إنا بطولات = على زمان العز .. رحنا و رجعنا .. زمن صلاح الدين و اهل المروات = في وقتها .. حتى البحر ما وسعنا .. . |
رد: ][~^)()( صَـمْتِي~آلــ مُزْعِج!!)()(^~][
. احرقتني بالصد و الهجر يا وبل الغمام = تركتني ما بين عصف الليالي و الظروف في داخلي موجة غضب آآآآه يا كثر الكلام = ما عاد ينفعني قصيدي و ترتيب الحروف في الغرور اللي نثر دمعتي وسط الظلام = معْك القدر حدد مصيري و رافقتك بخوف عام ٍ مضى و العام يتليه عام عام عام = و لا زال جرحي ينزف و كن عينك ما تشوف أكبر خطأ .. حرمت الاعيان من حلو المنام = و اكبر خطأ .. صنعت من ريشة الحب .. السيوف بعد الوفاء و الصدق و الحب و أوراق الوئام = اليوم جتني ذكرياتك .. على هيئة طيوف |
رد: ][~^)()( صَـمْتِي~آلــ مُزْعِج!!)()(^~][
عاشق و احبك و انكسر منك و اهواك = لا تلومني ليا صحت لحظة وصولك .. صغير و مدلع و تفتن مزاياك = همسك و لمسك و التغنج بزولك .. دوبك تحط الكعْب و تقيس ممشاك = كنك تحرّ العالم اللي عنولك .. و الضحكه اللي تعتلي من شفاياك = ما كنها إلا غيم يسبق هطولك .. تروي قلوب ٍ عايشه في بقاياك = لكن متى يا غيم تعلن حلولك .. يا ليتني كل ما تمنيتك القاك = لكن على الله لا يطول جفولك .. و أنا أحبك و اعشقك عشق و اهواك = رغم الظروف القاسيه في وصولك .. |
رد: ][~^)()( صَـمْتِي~آلــ مُزْعِج!!)()(^~][
أحسكـ غير .. و احساسي تجاهكـ غير .. يكفيني وجودك .. و جودك .. فوضويتكـ .. ركودك .. . حروفك وصوفك و أنتي غير .. فعلاً غير .. |
رد: ][~^)()( صَـمْتِي~آلــ مُزْعِج!!)()(^~][
|
| الساعة الآن (01:58 PM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه