يامن على قلبي خذيتي وثيقة=وسكّرتي باب البيت عن كل الاصحاب
ارآف بحالي ناشف الحيل ريقة=ابي ابتسامه من ثناياك وانساب

جربت نـسيانك وجربت ذكراك
واحـترت ما بين الـوهم واشتياقي !

أحيان اسولف بك وأنا قصدي انساك !
وأحيان أحس إنك معي في فـراقي !

وإن جيت ابـبـعـد يا بعد عيني ألـقاك
إنت الوحيد اللي بـها الـقـلب باقي !!

سيف السَّعد ما تكسبه ناصع اللون=وإن جاك ناصع يعني ما تمتلك سيف
السيف كايد دونه ارصاد وعيون=وايمان تحرس منزله لا لفى ضيف
لنه كريمٍ عضوا انجاذ وسنون=تعصبوا له دون تزويرٍ وزيف
تبّاعته ما بين صاحي ومجنون=اصنافهم بدوٍ وحضرٍ من الريف
والضيف لا جاهم تلقوه بالهون=جسوه دون اللمس باشعة الطيف
ان كان بوحه خاليٍ مابه فنون=سمّوا خياله لا مشى مطرة الصيف
وان كان رمحه مدبب الراس مسنون=شدوا له البيرق وصبوا له الكيف
هذا الكلام وزبدة الهرج بالعون=تغنيك عن قولة حسايف ويا حيف
اما تشيل السيف وتخضّب ردون=والا بلاش السيف يا مخايل السيف

يامن غرامك غير عن هالبشر غير=تفرق وفرقك عنهم حيل شاسع
يرفرف الخفاق لاسمك كما الطير=ويعيش فكري في وصوفك وياسع