لو الثمن في شوفتك عمر رجال=كان الثمن من يوم ماغبت مدفوع
ولو القدر ما تم قوله ليا قال=ما ضاق صدر ولا انحنا راس مرفوع
يا صاحبي عشقتني فعل وأخصال =وأنا عشقتك شعر وأحساس وأطبوع

ياصاحبي خل الجفا عني وعنك=الخوف متبادل ترى بيننا اليوم
ماهي مصيبه قولتك خايف الضنك=ولاهي غريبه قولتي شايل هموم
الود متبادل ملا خزنة البنك=مار البلا صرفه صعيبٍ على الدوم
خلك على ماتشتهي لا خلا منك=دامي على تاج الغلا دايم الدوم

سجل خروجك ثم سجل دخولك= خلك على هالحال تكتب وتقرى
قوقل بلش بك يا عسى يقل قولك = هذى مرض عساك تشفى وتبرى

إلتقيتك شوق والهاجس يرى=نو حبك يوم ينبت بالعروق
وارتميتك حضن من دون الثرى=وإلتحفتك زهر حالي بالعذوق
اصتبح بك دامك لقلبي ذرى=واتمسى فيك وادعيك الغبوق
ضي حسنك من يشاهده انبرى=ياخذك بالغصب لو ينده سروق
إلتقيتك شوق هذا اللي جرى=رعد حبك جاوبه جاشي بروق