يابوي جعلـك للبقـا والمكاسيـب=عمري بدونك يالذ ّرا ويش أبي به
يابوي بنتك لاانحكـى بالتّجاريـب=كل ٍ يشق لهيبـة الصّيـت جيبـه
يابوي ماني من سوات المخاريـب=اللّي تجيب لعليَـة القـوم خيبـه
وماني من اللّي لامشت حفّها الرّيب=أنا مـن اللّـي مايدنّـس حليبـه
مرفوع شاني عن غرام المكاتيـب=وأكبر من انّني أرتضي بالحبيبـه
أنا غرامـي لاابتـدوا بالتّراحيـب=نفوس الأوادم في وجودي رحيبه
وان كان زيني فتنـة ٍللمصاويـب=أحط وجهـي بالحريـق ولهيبـه
زيني أبيعه وأشتري سمعة الطّيب=اسم ٍ ينومس بالصّروح الذ ّهيبـه
وان كان عندي بالحلا شي ٍاصعيب=عندي جدود ٍ مارضـت بالغليبـه
دموع القبأيل في لقانـا مساكيـب=كـن المقابـر لاحضرنـا قريبـه
خضّبت لك كفّي من العز تخضيـب=ورفعت راسي للنّجـوم الصّعيبـه
والله لأسدّك بالفعـول المصاليـب=والله لأشيلك بالرخـا والمصيبـه
طلع المعالي ماانحكـم للشّواريـب=بنت ٍوأناطح فارس القـوم بطيبـه
وياشيخي ابشر لوتدور الدّواليـب=بنتك إلا منّه عوى الذّيـب ذيبـه