اأنا بليت بحبكم من هبالي=ولا أنت ظل مالنا في منزال
خيرك لغيري والشقاء والعنا لي=والمشكل اني عارف كل الاحوال
أرمي بروحي في بحرك الزلالي=وتنسفني أمواجك على يابس الجال
اسأل فراشي كيف اقضي الليالي=باليل لي حال ومعكم لي احوال
من خوفي الشمات يشمت بحالي=ويكثر علي من العدا القيل والقال

لا تنشغل فيني أنا بحالي ادرى..=قلب تعلق فيك ينسى مع الوقت..
اكثر من اللي صار لي وش يجرى..=بين الرجا والياس شفني تعلقت..‏
لاراحت الفرصه تحريت الاخرى..=وتروح ماكني عليها تشوقت..
هاك القصايد لاتضايقت واقرا..=شف وش كثر فيها لضحكاتك اشتقت..
لاصار حظي اقشر والايام قشرا..=مافيه احد عاقل يلوم ليا ضقت..
ماكل جرح لاخذ ايام يبرى..=بعض الجروح يزيد شره مع الوقت..
السيل يبقى له مع القاع مجرى..=يبقى له التذكار لو كنت فارقت..
يامدعي فرقا المواليف حذرا..=تبعد وانا في سكة الحب مافقت..
ليتك خذيت بليل الافكار مسرى..=وغربت من كثر الطواري وشرقت
أشوف لك من وين مارحت ذكرى..=لاشفتها صديت عنها عنها ودنقت