الله يصبرني ويدمح زلتي والله يعين=وجهٍ من غبار السنين العوج والحزن اكتساء
ياوجد حالي من عنى قلبي ودورات السنين=لاجيت بنسى ضيقةٍ فالصدر قلبي مانساء
ويامل قلبٍ له سنه مابين زين وبين شين =اصبـِح وانا طيّب واشوف الموت لاحل المساء
لي فكر متشتت ولي قلبٍ من اللوعه حزين= كله من اسباب الجفا والبعد وجروح الأساء
على الهنوف اللي غلاها بين قلب وبين عين=اللي غلاها بان فعيوني وفي قلبي رساء
اجي لها يومين واليومين كنها ساعتين =واروح عنها والطواري بين عل وياعساء
وايدي على الجوال قبل يدق واسمع له رنين= كني مواعد لي جموع شيوخ وجموع اريساء
ولا كلّمتني من حرارة صوتها اتوه لين =اروي ضما سمعي ويدفا السمع لامنه احتساء
والى طرت لي والهموم افواج جريت الونين= والى تذكرت الطريق الصعب غنيت يخساء
اشغـّل الفكسار دون شعور ويحذِف ميــّتين=ولا أحس إلا بدون شعور قد طفت الحساء
لاتسألوني وين خلوني كذا من دون وين =قلبي دليلي لو يطول الدرب ويطول القساء
وان كان شفتوني حزين وحافظ السر الدفين = خايف لجي منّي وكيفي علك فحلوق انجساء
به حاجتين الناس تكرها مع انها حاجتين=الموت من ضيم الدهر والموت من كيد النساء

ما احترق من سار لله في ثوب الشهيدْ=احترقنا بعهدهم بالغموم وبالهمومْ
عيدهم في جنة الخلد والله خير عيدْ=وعيدنا عيد المظاهر وتجميل الهدومْ
في مقاعد علم في حلقة الذكر المجيدْ= بين تسبيح المهيمن وتدريس العلومْ
في بيوت الشعب كلن فقد منا فقيدْ= اختلط نوح الثكالى مع جرح السهومْ
يا حمام البيت مالك عن الكعبه طريد=احسبك فوق المقابر على احبابك تحومْ
بالقدر نرضى وحنا لمولانا عبيدْ=ان بغاها في الحشى وان بغاها في الخشومْ
أسأله باسمه وهو صاحب الوصف الحميدْ= يجعل الفردوس بيت الضيافه والقدومْ
الجفون اكفاننا والحنوط من الكبود= ليتنا كنا الفدى بالجلود وباللحومْ

:rolleyes:

سلمت يالقرني وصح الساانك

هالني حرفٍ به الإحساس هايـل=من حروف الشاعره مدري القديره
الغــــــلا لو ما يجـي كلـه صمايـل=كان كــــلٍ نـام مـــــرتـاحٍ ضميـره
انشد اللي ما يبي شـرح ودلايـل=عاشقٍ بالحب له رحلـه وسيـره
احترق من حر لوعـات الفتايـل=لا بدت بالقلب وش حر السعيـره
كل شيٍ غيـر وجـه الله زايـل=كم حبيبٍ راح في شـره وخيـره

يسعد صبح ثقل البنات العفيفات =اللي لعيون أخوانهن كانن الشوف
اللي بأبوهن شامخات وعزيزات =ودامن مدام أخوانهن سد وصفوف
ما فكّرن بلباس غالي ونيرات =ولا خصّرن قدّام الأجناب نفنوف
ما فرّعن وتبرّجن كل الأوقات =إلاّ لـمن يأمن عليهن من الخوف
بنات بيت أجواد ما هن رديّات=وبالستر دايم بيت الأجواد معروف
ترفات عز وللمعازيم قرمات=لا طبّت الوحدة محل حافته حوووف

ثلاثة ايام تقراني وانا اقراها=عشنا الروايه من اولها لتاليها
ودعتك الله حروفي لا تناساها=تذكريني بها لا حل طاريها
مده قصيره ولكن فوح ذكراها=عطّر حياتي وانا الي مغرم ٍ فيها
أواه ياهالصدف واواه ما احلاها..!!=الي جمعتني بروحي في حراويها
الفاظها مثل غيمه وانحدر ماها=ما يرتوي من لذيذ الشوق ظاميها
يافتنة الروح روحي فيك مشهاها=كل العذارى بعدها ما تساويها
اليا اشرقت شمس صبحي من ثناياها=أبتل عرق الندى في جوف مغليها
في ذمتي يالقصيده مابي تقراها=أخاف أعذبها باحساسي واعنيها
يكفيها نبضي ليا من حل طرياها=يرتج صدري على الذكرى وماضيها
كل القوافي بعدها شاب معناها=حتى حروفي سراب الوقت كاسيها

لآ تحطني برآسك ولآ آحطك برآسي=رح قبل لآ تشعل بـ صدري لوآهيبه
يآ شآطر آصحى ولآ تزود لي عمآسي=آلرآس يآبس .. ولآ دآرت دوآليبه
لو تنكسر شوكتك مآ ينكسر بآسي=جنب ترى آبليس يروي لي ملآعيبه

طال(صبر) الهواوي يا(سعد) واضمحل=هقوتك يا(عشيري)00هو يفيد السكوت؟
القلوب (الضوامي)00حل فيها (محل)=هي تعيش( المشاعر)00ياسعد أو تموت؟
ياعشيري تراني00صرت بأرض ن وحل=وأنت تدري وش اللي00أقصده فالبيوت

كن[ الشتآ ] من : " شُرفة الوقت" بيّن
وأنآ ضلوع ـي من : [ شتآ الع ـآم ] .. نيّه !

كنّي .. حـبست البرد / بـلحـآف .. هيّن
و لَا حـسبت ح ـسآب .. رعشة / مجـيّه !

أشب ّ " جمرة .. رآحـتيني " .. و أعـيّـن
حُـمرة عـروقي / نافـرة / عن : ايديّه !!

" يآ برد " لآ تقسى ! و قلـبي .. حِـنَيّن
و الشوق " غآبر" .. و الحـنآيآ " نديّه " !

:rolleyes::rolleyes::rolleyes:

يخرب بيتك جبت بي العيد :(

يالمنتدى ياللي عـن الحـال تـدري=ياللي عليك أشكي وأسجـل مواثيـق
وأخط إلك بالشعر لاضـاق صـدري=من لاااهب(ن) وسط الحشاء بالمعاليق
إماا جبـرت النفـس وزداد قـدري=ولا مماتي خير من عيشـت الضيـق

الله يرحمك يبه :o
.
.

http://www.youtube.com/watch?v=IWt_R...eature=related

الا يالمقفي هف جعلك مهف مقيط = ولا تحسب ان افراقك اليوم مشقيني
بديت الغلط وانا ترى مااقبل التغليط = ولا اهين نفسي لو غدى الراس نصفيني
تظن ان قلبي عندك امربطٍ تربيط = وتظن انّك بتامر عليّه وتنهيني
تخطط تبي تاصل..ولاتضبط التخطيط = وترى كل شيٍ صار ماغاب عن عيني
انا اعرف تدابيرك وبقطع عليك الخيط = ودموع الندامه من عيونك تكفّيني
وكانك رضيت بكلمتي تعرف التضبيط = ولانيب انا اللي كل ضحكه تسليني
واذا مارضيت اضرب براسك بعرض الحيط = وترى ماشحنّي واحدٍ دوم ناسيني

:)

انـا داري واداري وانـت داري =عن جروحي وظرفي واعتذاري
ولكـن التغلـي فيـك عـــــــــاده =وانا مليت من طـول انتظـــــاري
تسمع قـول عدوانـي وتزعـــل =حذاري يابعد عمـري حـــــذاري
ترى العـدوان نيتهـم خبيثـــه =يجيبـون الغـداري بالقمــــــاري
تأكـد قبـل ماتــزعـل عــلــيـه =تثبت مثـل مسلـم والبخــــــاري
الا ياطيـر صيـدك لـــي تـــردا =علامك وانت صيـاد الحبـــــاري

ازعل وترضيـك الليالـي والايـام=انا تعبت..ومرضـي النـاس كايـد
اجاملك وادرا شعورك مـن العـام=وان ضقت اغني لك لحون وقصايد
لكن غشيم وضيعت فيـك الاوهـام=والمشكله دايـم تجـي رون سايـد
صحيح طيب..قلبك ابيض من الخام=وغلاك عندي فوق الاصحاب زايـد
لكن تعبت أفسـرك مثـل الاحـلام=تفهم..وتجهلـك سلـوم وعـوايـد
ياما معاك أحفيت بالـدرب الاقـدام=لكـن صراحـه مالقينـا فـوايـد
لاشـك روح وباكـر ألقـاك قـدام=حنـا مواقفنـا نـهـار الشـدايـد

.

.


‏​‏​‏​آلبآرحه هبّت علي ، ذڱريآتك
آلين ، آستقرّت دآخل آلعين ديمه

مآتشبه دموعي ، بـ لحظة سڱآتك
آلآ ، آلدموع آللي بـ عين آليتيمه