زان القصيد وزان وقت التعاليل=والراس كيٌف فيه فنجال دله
ماني بيم ام الرموش المضاليل=لو سلهمت والقرن الاشقر تفله
(سعود) يرسل ..حي ذيك المراسيل=ويلعن قصيد(ن) مايجي في محله
يامرحبا يااهل الدسم والمعاميل=يامرحبا يااهل البيوت المطله
الصاحب اللي خوته مابها ميل=العمر كله لا حشا ما نمله
ان قال غالي قلت بالحيل بالحيل=وان قلت وينك قال دربك ادله

مايدوس الذل رجـل ٍ يعرف سلوم الرجوله = ان مشى بليل الخطايـــا صار قلبه هو سراجه
بعضنا يسعى ورى شي ٍ يشوفه مايطوله = وبعضنا يقدر يطـول اللي يبيه بدون حاجه !!
وإلا انا بيدين حلـم ٍ مايجي بيسر وسهوله = دام انا بالوقت كني عالــق بعنق الزجاجه