سعوط المجانين
26/07/07, (10:51 AM)
السلام عليكم ورحمة الله وبركاته
اليكم هذه القصيده لـ علم من اعلام الشعر النبطي الشاعر \ بندر بن سرور رحمه الله واتمنى ان تحوز على اعجابكم
يالله يـا جـال الأمــور المهمــه = تجلا وهـج قلـب برا حـال راعيـه
البـر دجتـه والبحـر رحـت يمـه = يقطعـك يا حـظ على الله مساعيـه
يوم أن ولد اللاش رزقـه على أمـه = رزقي على اللي ميت القشـع يحييـه
يامـل قلـب كـل مـا مـات همـه = دارت دواليـب الدهـر ليـن تحييـه
فـراق شمـل النـاس عيـا يلمــه = وقت يشيـب الراس من شايـه فيـه
أحـد ٍ ينـام وحـط راسـه بكمــه = واحد ٍتخـم النـوم عينـه وتخطيـه
واحدٍ يحـاول بالـردى بنـت عمـه = واحدٍ يحاول ستـر عـذرا عوانيـه
مـانـي وأنـا بنـدر ببيـاع دمـه = يقطعـك يـا بيـاع دمـه ومهفيـه
اللـي يبيّــع لابســات الازمــه = ثور يبـا بيـض الرعابيـب تغنيـه
يزعل ليا جـت ليلـة الـدور يمـه = يرضى بسـوق المال فخـوه وفابيـه
خطـو البخيـل اللـي يكبـر معمـه = يقـرأ الكتـاب وواجـب الله يخليـه
أمـر هـرج لك فـي رفيقـه بنمـه = والا عطـا وأمـه تضيـع هقـاويـه
أنشـدك ياللـي كـل فـرض تتمـه = تقـرا الكتـاب وكل فـرض تصليـه
ويش القليـب اللـي غميـق مجمـه = ما فاد غرسه مـاه عطشـى سوانيـه
تخـالـف الانظـار شــرق ويمـه = وكل هدف رايه من النـاس مرضيـه
سم السبـب يا عـارف ٍعنـه سمـه = سم السبـب يا عارفـه قبـل اسميـه
وسلامتكم
اليكم هذه القصيده لـ علم من اعلام الشعر النبطي الشاعر \ بندر بن سرور رحمه الله واتمنى ان تحوز على اعجابكم
يالله يـا جـال الأمــور المهمــه = تجلا وهـج قلـب برا حـال راعيـه
البـر دجتـه والبحـر رحـت يمـه = يقطعـك يا حـظ على الله مساعيـه
يوم أن ولد اللاش رزقـه على أمـه = رزقي على اللي ميت القشـع يحييـه
يامـل قلـب كـل مـا مـات همـه = دارت دواليـب الدهـر ليـن تحييـه
فـراق شمـل النـاس عيـا يلمــه = وقت يشيـب الراس من شايـه فيـه
أحـد ٍ ينـام وحـط راسـه بكمــه = واحد ٍتخـم النـوم عينـه وتخطيـه
واحدٍ يحـاول بالـردى بنـت عمـه = واحدٍ يحاول ستـر عـذرا عوانيـه
مـانـي وأنـا بنـدر ببيـاع دمـه = يقطعـك يـا بيـاع دمـه ومهفيـه
اللـي يبيّــع لابســات الازمــه = ثور يبـا بيـض الرعابيـب تغنيـه
يزعل ليا جـت ليلـة الـدور يمـه = يرضى بسـوق المال فخـوه وفابيـه
خطـو البخيـل اللـي يكبـر معمـه = يقـرأ الكتـاب وواجـب الله يخليـه
أمـر هـرج لك فـي رفيقـه بنمـه = والا عطـا وأمـه تضيـع هقـاويـه
أنشـدك ياللـي كـل فـرض تتمـه = تقـرا الكتـاب وكل فـرض تصليـه
ويش القليـب اللـي غميـق مجمـه = ما فاد غرسه مـاه عطشـى سوانيـه
تخـالـف الانظـار شــرق ويمـه = وكل هدف رايه من النـاس مرضيـه
سم السبـب يا عـارف ٍعنـه سمـه = سم السبـب يا عارفـه قبـل اسميـه
وسلامتكم