اكمل الفراغ ( تحدي للشعراء )

[سندريلا]

الإخوة والأخوات / منسوبيّ القوات المسلحه << شطحه قصدي منسوبي منتدى ويلان ..

السـلام عليكم ورحمة الله وبركاته .. ،،، تحية طيبة وبعد ...:)

الفكرة عبارة عن تحدي وهي اكمال القافية بالكلمات المناسبة وبعد إدلائكم بمشاركاتكم ومحاولاتكم سوف اقوم بنشر القصيدة كاملة ..

القصيدة للشاعر عبدالله رزقان الحمياني المطيري


لااطيل عليكم

اليكم القصيدة


حي الجـواب وحـيّ منهـو يخطـه
مـن قـدح قـرمٍ يعتزيبـه خليطـه
ياراكـب اللـي كـل حـزمٍ ......
نومـاس راس اللـي توحّـى ......
وارد مريـض الديـن شـدّه و......
تطلق حجاجـك فزّتـه مـع ......
جمسٍ حَمَر ، مدبول الأوصاف ، ......
قيـره سليـطٍ ، والمكيـنـه ......
مطنوخ لامنّ استـوى فـوق ......
مـدري يشـق الـخـط ولاّ ......
امـل التوانـك لاوصـلـت ......
ثم حط رجلـك ، والدعـاوي ......
وليا خذت عينك مـن النـوم ......
دق المسجـل واستمـع فـي ......
إخـذ الجـواب المختصـر لا ......
واحـذر علـومٍ فيـه ماهـي ......
وانصـى رخـومٍ فالضحـى ......
ثـم انثـره مابينهـم فــال ......
قول البحر ماهو علـى عمـق ......
ولاهو كما اللي منرسم فـال ......
ياكمّ شخصٍ شوف الأعيـان ......
زطّـه فـشطّـه دون ياصـل ......
ومن يقرب امن النـار ، خطـرٍ ......
لابد ما ياخـذ مـن النـار ........
ومن يجهـل المعنـى عساهـا ......
واللـي يخابـط مـا يـسـرّه ......
وضلعٍ نشوف بهامتـه عـشّ ......
ننحـاش عنـه ولانجـي فـي ......
جـاك الجـواب اللـي يزكّيـه .....
رد العبيطـه مثلـهـا بــال ......
وأنـا أحمـد الله حَطّنـا غيـر ......
العـرف فايـض ، والقريحـه ......


نسقوها بليز تراني عجزت وانا انسقها وتطلع كذا :mad:

[سندريلا]

:sm119: :sm143: :sm119: :sm119: :sm143: :sm20: وينكم ؟

[صالح العرجان]

سندريلا

حضور لا يوازيه الا ظهور ضوء الصباح بعد عتيم الليل !


يثبت


صالح العرجان !

[سندريلا]

قمة الاحباط :mad: :mad:

بل اشدعوه معقوله محد قدر يجيب ولا كلمه ؟؟:eek:

[نوووت]

افااااااااااااا محد قد التحدي ؟


طيب انا بحاول


حي الجـواب وحـيّ منهـو يخطـه
مـن قـدح قـرمٍ يعتزيبـه خليطـه
ياراكـب اللـي كـل حـزمٍ ...... ينطه
نومـاس راس اللـي توحّـى ...... نطيطه
وارد مريـض الديـن شـدّه و......
تطلق حجاجـك فزّتـه مـع ......
جمسٍ حَمَر ، مدبول الأوصاف ، ......
قيـره سليـطٍ ، والمكيـنـه ......
مطنوخ لامنّ استـوى فـوق ......
مـدري يشـق الـخـط ولاّ ......
امـل التوانـك لاوصـلـت ......
ثم حط رجلـك ، والدعـاوي ......
وليا خذت عينك مـن النـوم ......
دق المسجـل واستمـع فـي ......
إخـذ الجـواب المختصـر لا ......
واحـذر علـومٍ فيـه ماهـي ......
وانصـى رخـومٍ فالضحـى ......
ثـم انثـره مابينهـم فــال ......
قول البحر ماهو علـى عمـق ......
ولاهو كما اللي منرسم فـال ......
ياكمّ شخصٍ شوف الأعيـان ......
زطّـه فـشطّـه دون ياصـل ......
ومن يقرب امن النـار ، خطـرٍ ......
لابد ما ياخـذ مـن النـار ........
ومن يجهـل المعنـى عساهـا ......
واللـي يخابـط مـا يـسـرّه ......
وضلعٍ نشوف بهامتـه عـشّ ......
ننحـاش عنـه ولانجـي فـي ......
جـاك الجـواب اللـي يزكّيـه .....
رد العبيطـه مثلـهـا بــال ......
وأنـا أحمـد الله حَطّنـا غيـر ......
العـرف فايـض ، والقريحـه ......


مدري صح والا لا بس المهم اني حاولت مو مثل غيري

[مزيد المزيد]

سندريلا

فكره جميله الله يعطيك العافيه ;)


حـي الجـواب وحـيّ منهـو يخـطـه=مـن قـدح قــرمٍ يعتزيـبـه خليـطـه

ياراكـب اللـي كـل حـزمٍ تعطـه=نوماس راس اللي توحّى عطيطـه

وارد مريض الديـن شـدّه وربطـه=تطلـق حجاجـك فزّتـه مــع نطيطه

جمسٍ حَمَر ، مدبول الأوصـاف غبطه=قيره سليـطٍ والمكينـه سليطـه

مطنوخ لامنّ استوى فـوق خطـه=مدري يشـق الخـط ولاّ يخيطـه

امـل التوانـك لاوصلـت المحطـه=ثم حط رجلك والدعاوي بسيطـه

وليا خذت عينك من النـوم غطـه=دق المسجل واستمع في شريطـه

إخذ الجـواب المختصـر لا تمطـه=واحذر علومٍ فيه ماهـي بسيطـه

وانصى رخومٍ فالضحـى مجلهطـه=ثم انثره مابينهـم فـالوسيطـه

قل البحر ماهو على عمق شطـه=ولاهو كما اللي منرسم فالخريطه

ياكمّ شخصٍ شوف الأعيـان زطه=زطه بشطّه دون ياصـل محيطـه

ومن يقرب امن النار خطرٍ تشطه=لابد ما ياخذ مـن النـار حيطـه

ومن يجهل المعنى عساهـا تلطـه=واللي يخابـط مـا يسـرّه خبيطـه

وضلعٍ نشوف بهامته عـشّ بطـه=ننحاش عنه ولانجي فـي محيطـه

جـاك الجـواب الـلـي يزكّـيـه خطه=رد العبيطه مثلهـا بـال عبيطـه

وأنا أحمد الله حَطّنـا غيـر حطـه=العرف فايض ، والقريحه غويطـه

[سندريلا]

ماشاء الله عليك يامزيد :eek: بالله مزيد مرت عليك قبل ؟ :rolleyes:


عموماً مشكور على مرورك وتفاعلك وانقاذك لي بأخر لحظات اليأس والاحباط :)


هذي القصيدة كاملة انت غيرت فيها كلمتين فقط

حي الجـواب وحـيّ منهـو يخطـه
مـن قـدح قـرمٍ يعتزيبـه خليطـه

ياراكـب اللـي كـل حـزمٍ يعـطّـه
نوماس راس اللي توحّـى عطيطـه

وارد مريض الديـن شـدّه وربطـه
تطلق حجاجـك فزّتـه مـع فحيطـه

جمسٍ حَمَر ، مدبول الأوصاف ، لقطه
قيـره سليـطٍ ، والمكينـه سليطـه

مطنوخ لامنّ استـوى فـوق خطّـه
مـدري يشـق الخـط ولا يخيـطـه

امـل التوانـك لاوصلـت المحطـه
ثم حط رجلك ، والدعـاوي بسيطـه

وليا خذت عينك مـن النـوم غطـه
دق المسجل واستمـع فـي شريطـه

إخـذ الجـواب المختصـر لاتمطـه
واحذر علـومٍ فيـه ماهـي بسيطـه

وانصى رخـومٍ فالضحـى مجلهطـه
ثـم انثـره مابينـهـم فالوسيـطـه

قول البحر ماهو على عمـق شطـه
ولاهو كما اللـي منرسـم فالخريطـه

ياكم شخصٍ شـوف الأعيـان زطـه
زطّه فشطّـه دون ياصـل غويطـه

ومن يقرب امن النار ، خطرٍ تشطـه
لابد مـا ياخـذ مـن النـار حيطـه

ومن يجهل المعنـى عساهـا تلطـه
واللـي يخابـط مـا يسـرّه خبيطـه

وضلعٍ نشوف بهامتـه عـش بطـه
ننحاش عنه ولانجـي فـي محيطـه

جاك الجـواب اللـي يزكّيـه خطـه
رد العبيـطـه مثلـهـا بالعبيـطـه

وأنا أحمـد الله حطّنـا غيـر حطـه
العرف فايـض والقريحـه نشيطـه

[سندريلا]

نبدأ بكصيدة جديدة :)





ياالله يامطلوب ياوالي الأقدار =أنت الذي مدات جودك لطيفه

أطلبك يامعبود عاون هل الكار =وتحل شطاتٍ عليهم كليفه

أللي مجالسهم بها بن وبهار =ونجرٍ يصوت للنشامى .............

يامزنةٍ غرا من الوسم مبدار =اللي جذبنا من بعيدٍ ................

تومر على كل المفالي بالأمطار= وتصبح بها ديران قومي .......

ترعى بها قطعاننا سر وجهار =ترعى زماليق الفياض ........

في ضفة الله ثم جبرٍ وجبار= خيالةٍ يوم الملاقا ..........

ترعى بها وضحى من الذود معطار =غبوقة الخطار عجلٍ ...............

ويبني عليها بنية اللبن بجدار= عقب الضعف راحت ردومٍ ........

ماهي حكايا مسردٍ عقب مانار= اللي هرب وأطراف رمحه ......

والصبر مفتاح الفرج عند الأذكار= من لا صبر تصبح حواله .........

خطو الولد مثل البليهي إلى ثار= زودٍ على حمله نقل حمل....

وخطو الولد يبهش على موتة النار =العرب يشبه لخطو .................

وإلى بخصته ماسوى ربع دينار =صفرن على عودٍ تضبه ...............

وخطو الولد مثل النداوي إلى طار =صيده سمين ولا يصيد ................

إلا ومع ذلك لك الله لنا كار =عن جارناقط نخفي ......................

ونرفا خماله رفية العش بالغار= ونودع له النفس القوية .................

ولا نبدي الخافي إلى صار ماصار= يفلج قصير البيت لو بان..............

والجار لابده مقفي عن الجار= وكل بجيرانه يعد .........................

احدنٍ على جاره بختري ونوار= واحدنٍ على جاره صفاةٍ .............

نكرم سبال الضيف حق وتعبار= لامن ولد اللاش شح .................

ولابدها تصبح تواريخ وأذكار =وتبقى لدسمين الشوارب ............

ماعليه الفراغات معوقه بس شسوي تعبت :sm249:

تابعونا وفالكم طيب :sm254:

[شمــــــــوخ]

الله يعطيتس العافيه سندريلا


موضووع رووعه بصراحه بس أنتي قلتي ( تحدي للشعراء )



يعني قواهم الله الشعراء المفروض يجون يشاركون

ويعطيه العافيه مزيد ماقصر ع مشاركته ماشاءالله عليه :confused:



ونحن بالتأكيييد متابعيين لكم :)


::

تسجيل أعجاب بالموضوع

بس حاولي تسوين جذب أنتباه للموضوع بتنسيقه ولوني الخط <<< اقول طسي بس :sm255:


::


س ل م ل م

[مزيد المزيد]

يعطيك العافيه ونسقت القصيده بقدر المستطاع ونترك المجال للمشاركين مع العلم ان القصيده

هي من شيخات القصيد لعنزه

[سندريلا]

هلا وغلا شموووووووووووخ

متفرغه ياختي انا من عنزة الخرطوم مالي مزاج انسق واخربط يكفي اسمي بالموضوع << عاش واثق



شموخه منورة يالغلا واستقبلي الاضافة

[سندريلا]

يعطيك العافية مزيد على التنسيق

والقصيدة من شيخات القصايد للشاعر مقحم الصقري مثل ماتفضلت


فديتني الشيخه ماتجيب الا الشيخة << هرمون الهياط مرتفع عندها هاليومين :more1:

[حمد الخمعلي]

ياالله يامطلوب ياوالي الأقدار أنت الذي مدات جودك لطيفه
أطلبك يامعبود عاون هل الكار وتحل شطاتٍ عليهم كليفه
أللي مجالسهم بها بن وبهار ونجرٍ يصوت للنشامى .رجيفه............
يامزنةٍ غرا من الوسم مبدار اللي جذبنا من بعيدٍ ..رفيفه..............
تومر على كل المفالي بالأمطار وتصبح بها خدان ربعي مريفه.............
ترعى بها قطعاننا سر وجهار ترعى زماليق الفياض ...النظيفه..............
في ضفة الله ثم جبرٍ وجبار خيالةٍ يوم الملاقا ..عنيفه...........
ترعى بها وضحى من الذود معطار غبوقة الخطار عجلٍ .عطيفه..............
ويبني عليها بنية اللبن بجدار عقب الضعف راحت ردومٍ ...منيفه............
ماهي حكايا مسردٍ عقب مانار اللي هرب وأطراف رمحه ..نظيفه.............
والصبر مفتاح الفرج عند الأذكار من لا صبر تصبح حواله .كليفه..............
خطو الولد مثل البليهي إلى ثار زودٍ على حمله نقل حمل أليفه...............
وخطو الولد يبهش على موتة النار العرب يشبه لخطو .القطيفه................
وإلى بخصته ماسوى ربع دينار صفرن على عودٍ تضبه ...............
وخطو الولد مثل النداوي إلى طار صيده سمين ولا يصيد ...الظعيفه.............
إلا ومع ذلك لك الله لنا كار عن جارنا ماقط نخفي ...الطريفه...................
ونرفا خماله رفية العش بالغار ونودع له النفس القوية ...ظعيفه..............
ولا نبدي الخافي إلى صار ماصار يفلج قصير البيت لو بان...حيفه...........
والجار لابده مقفي عن الجار وكل بجيرانه يعد ....الوصيفه.....................
احدنٍ على جاره بختري ونوار واحدنٍ على جاره صفاةٍ .محيفه............
نكرم سبال الضيف حق وتعبار لامن ولد اللاش شح ..برغيفه...............
ولابدها تصبح تواريخ وأذكار وتبقى لدسمين الشوارب ...وظيفه

الشاعر والفارس/مقحم النجدي الصقري العنزي


مدري صحولا خطا

تحياتي

[سندريلا]

لاااا عااااااااااااد حرام عليكم غششششششششششش تروحون تسوون بحث عن القصيدة وتحلونها بهالسهوله مايصير



اخوي المهند برافوووووووو عليك


بس المره الجايه انتو تحطون القصيدة


سلملم

[حمد الخمعلي]

الأخت سندريلا


شكـــــــــراً لك على هذه الفـــكره الجميـــله وبنتظار الأخوه على هذا الطرح المتميز

لي عوده بأذن اللـــه

تحياتي لك