زوجة مشعان الهذال ؟!

[صالح العرجان]

وقال هذه القصيدة يتوجد على زوجته سبيكة بنت قاعد بن روضان شيخ قبيلة الساري من ضنا فريض من الولد من الفدعان من ضناعبيد من عنزة عندما غاضبته وكان لها من الاخوة الشيخ الفارس مشعان بن قاعد و علي بن قاعد الملقب القصاب ، ويقال أن هذه القصيدة قالها مشعان وقت هجرة الفدعان إلى الشمال في حدود سنة 1220هـ تقريبا وكان وقتها مشعان وجماعته بنجد وديار عنزة ، وقد كان جالسا عند القهوة ومجتمع مع قومه فقال هذه القصيدة
:
يالله يا منشي المزون المزابيـــــــر
ــــــــــــــــــــــــــــــــــــــــــ يارب نطلبك الفرج والمعونــــــــه

أنا وخلي فرقتنا المقاديــــــــــــــــر
ــــــــــــــــــــــــــــــــــــــــــ وكم واحد بيديه يطرف إعيونــــه

من دونها حالوا عيال مساطيـــــــر
ــــــــــــــــــــــــــــــــــــــــــ علي ومشعان يعرضون دونــــــه

من دونها اللي يكسرون الطوابيــر
ــــــــــــــــــــــــــــــــــــــــــ وعزي لمن مثلي يصالي غبونــه

فوق اشقح يتلي السلف والمظاهير
ــــــــــــــــــــــــــــــــــــــــــ يتبع قطيع مغتر مثل لونــــــــــــه

منجاعهم وادي الشملي وأبا القيـــر
ــــــــــــــــــــــــــــــــــــــــــ أقفا مع الفدعان تطرخ اضعونــه

وان كان سلتوا يارجال المخاسيــــر
ــــــــــــــــــــــــــــــــــــــــــ عن حالتي فالحال مني ترونـــــه

وجدي عليهم وجـد من طاح بالبيــر
ــــــــــــــــــــــــــــــــــــــــــ خم الـرشا وحال ازرق الجم دونه

أو وجـد مـن صكوا عليه المشاهيــر
ــــــــــــــــــــــــــــــــــــــــــ أزروا هـل الـردات لا يـظهرونـه

أو وجد راعي هجمـة ٍ بـه خواويـــر
ــــــــــــــــــــــــــــــــــــــــــ مايقدرون أهل الطلب يرجعــونه

غدوبها اللي يكسرون الطوابيــــــــر
ــــــــــــــــــــــــــــــــــــــــــ واقفا من اللوعة يصالي غبونـه

اهجل كما تهجل خلوج ٍ على ضيـــر
ــــــــــــــــــــــــــــــــــــــــــ واندب وقلبي وهقنه ظنونـــــــه

على الهنوف اللي ثمانه مغاتيـــــــر
ــــــــــــــــــــــــــــــــــــــــــ غـروٍ يـغـذي بـالشمطـري قرونه

ماوقفت بالسوق سواة العاطاطيــــر
ــــــــــــــــــــــــــــــــــــــــــ ولا لمحت للي رضى بالمهونــه

ماكولها التمن على حنطة الديــــــر
ــــــــــــــــــــــــــــــــــــــــــ وتمرة شثاثا لريش العين مونه

ومشروبها در البكار المباكيــــــــــر
ــــــــــــــــــــــــــــــــــــــــــ تلقا الصبوح مبرد ٍ في صحونه

ملبوسها أفخر ما سدوه الحواضيــر
ــــــــــــــــــــــــــــــــــــــــــ تلبس طربزون مخثع ردونـــــه

يا موقدين النار جوكم مساييــــــــــر
ــــــــــــــــــــــــــــــــــــــــــ ناس دعتهم ناركم تشعمونــــــه

الله يـطـيب فالكـم يـا مناعـيــــــــــــر
ــــــــــــــــــــــــــــــــــــــــــ بـسـلام احـلا مـن روايح مزونه

حطوا حطب حطوا على النار تكسيـر
ــــــــــــــــــــــــــــــــــــــــــ الا سمي الترف لاتوقدونـــــــــه

أمس الضحى عندي بوسط المقاصير
ــــــــــــــــــــــــــــــــــــــــــ والـيـوم عنـي مبعـدات ٍ ظعونـه

يالله ترد اللي تيسر على خيــــــــــــر
ــــــــــــــــــــــــــــــــــــــــــ والقلب من فرقاه كثرت إشطونه




وسلامتكم!

[الجوهره....]

صالح الف عافيه على هالنقل الرائع..


ونست امي وابوي وقريتها عليهم..


انا وخلي فرقتنا المقادير


وكم واحد بيديه يطرف عيونه..



ياترى رجعت له والا لا بعد هالحزن..




مشكوووووور..

[عبدالله المعزي]

يجض قلبي

ياصالح 000ذبحتني بهالقصيده


تشوف 00الفرق الواضح بين الاحساس الصادق و ( شربكة هالايام )


سلمت يا بو عبود

تقبل تحياتي

[ابو مشعل]

يعطيك العافيه يا ابو عبدالله

[عبدالله عشوي]

الف الف الف

عافيه

على هالنقل الرائع..

وفيت ولاهفيت

ياصالح العرجاني

[صالح العرجان]

صالح الف عافيه على هالنقل الرائع..


ونست امي وابوي وقريتها عليهم..


انا وخلي فرقتنا المقادير


وكم واحد بيديه يطرف عيونه..



ياترى رجعت له والا لا بعد هالحزن..




مشكوووووور..




عساهم دوم بصحه ووناسه شيبانك



من اول الشيخه لا تركها رجلها صعب ترجع له وهذا عرف عندهم !


سررت بمرورك وردك


اخوك صالح العرجان

:wilted_rose:

[صالح العرجان]

يجض قلبي

ياصالح 000ذبحتني بهالقصيده


تشوف 00الفرق الواضح بين الاحساس الصادق و ( شربكة هالايام )


سلمت يا بو عبود

تقبل تحياتي



اشوف


عسى الله يخارجنا يا ابو عبدالعزيز


سررت بمرورك وجضت قلبك !

:wilted_rose:

[صالح العرجان]

يعطيك العافيه يا ابو عبدالله




عباد

الله يعافيك يا اخوي

انت لحالك عن الناس لانك مني وفيني !

:wilted_rose:

[صالح العرجان]

الف الف الف

عافيه

على هالنقل الرائع..

وفيت ولاهفيت

ياصالح العرجاني



عبدالله عشوي

دامها جازت لك ابصم لها بالعشره انها تميزت عن غيرها


سعيد بتواجدك

:wilted_rose:

[عبدالله الفهد]

سلمت يمناك

[سعود المسعودي]

يعطيك العافيه
على
النقل الموفق