بين أمس واليوم..؟

[صالح الضويحي]

قصيدة من الأرشيف 000 وتعتبر من البدايات الاولى 1402هـ

اقدمها لكم بناءا على طلب اخوي الشايب ابو محمد ( موسى المشعان ) لانه خابرها وابلشني عليها وقصده يعيدنا للماضي بعد ان حسستوه بكبر سنه فتذكّر هذه القصيده وأصر على نشرها هنا لانه خابر العد والمقاطين والابل وحياة الباديه عندما كان عمري (7 سنوات)000

عديت رأس مشلوحٍ يجـذب الشوف= ناب الحجاء روح المشقى فـتـنها
رجـمٍ بدأ فـتان في مرقـبه نـوف = ام الوحـش بحماه تبني اوكـنها
عمـردٍ يزمي على راس قـفـقـوف= يكشف طـوارف شامها مع يـمـنها
معلولياً من نحت الأرياح منحـوف=في راس عيطاء مكهفاتٍ اركـنها
يكشف غطاليس ومغارات وكهوف= ويبدي عليك المخـتفي من وطـنها
رجمٍ بمرقابه راع الصنف مكلوف=مرقاب من روحه تزايد شجنها
جلست بظلاله عقب ساعة اوقوف= ياما غروب الشمس قـرّب زمـنها
أدير بفكاري مواقـيف وصدوف=وعوايدٍ سيل التطوّر دفـنها
زاحت كما زاح الطخى ريح عاصوف= أقفـت بها جرد السنين (ونحنها)
عوايدٍ هجر النيا لافها لوف= عصر التقدم سيف غدره طعـنها
أقفى عليها دون رحمه ولاروف=وأحفاد اهلها حاملينن كفـنها
بس الأثار ورمس نقـشٍ على احـيوف=وأرضٍ خلا ماكن حياً سكـنها
جريت من صدري تناهـيت واحسوف= ونشدت دورات المقادير عـنها
وين الزحول اللي بهم يدحم الخوف= اللي نهار الكون تحمي ضعـنها
اسباع الرجال اللي لها الصعب معسوف= لرزم وغى الهيجاء وثوّر دخـنها
ماعدهم في هالفـيافي خذوا طـوف= ولاعـد مضهود الرفاقه زبـنها
من دونهم حالت غياهيب وألجوف= واللي خلف ريف الهجافا دشـنها
ووين الجهام اللي على العد مردوف= يدهل اقفور المرتفع مع طمنها
يرعى هيت ماصفقه كل مزهوف=بقفريتن نو الثريا مكـنها
يسرح بأمان مهديت كل مزغـوف= وقومٍ تنوش احماه تقطع أوتـنها
ووين البيوت اللي لها القدر معروف= عن المسيّر ما اتقطّب اعـنـنها
برفافها كيف الرجاجيل محيوف=ومن ضدته سود الليالي زبنها
بيوتٍ اتـبـنّا للمسايير وضيوف= وان طبها الخايف حياته ضمـنها
ميسورها يغني معاويز وضعوف= كم من ضريرا جاله العون مـنها
اسلوم عنها جيلنا يعلن اعزوف=داع الحضاره تحت سقفه ركـنها
دارت رحى شهبٍ شلاهيب وعجوف= بيعت بها الشيمه رخيصٍ ثمـنها
ادوار وأسرار ومقادير وحـتوف= سيرة حياة الحي هاذي اسـنـنها
تظهر علينا اشكال وانواع واصنوف= اتخيف اللبيب اللي بعقـله وزنها
تفرّقت شوفات وأهداف وشفوف=والكره خيّم بالنفوس وشحـنها
وحلّ الظلام وصاب شمس الضحى اكسوف= وعقيلها خافت بوايق خونها
وصارت على الطيّب مهاميز واوهوف= وعليه عـفـن الساس يأمر ويـنها
وقل التواصل وانمحى كل معروف=وأيامنا كثرة بلاوي أشطـنها
وعفن الرجال اصبح شجاعٍ وعيروف= سبع اللغات المستحيله رطـنها
ورأي المره مأخوذ ورجالها اوقوف=تقودهم قود العسيف برسـنها
ياحيف ماهاذا لنا عهد واوصوف= حياتنا نقطع بتايت أمننها
أحفاد من ترثت مقاديم وسلوف= نتبع غيانا والنفوس بوهـنها
تردت الهقوات والعزم متلوف= واهل السلوم الوقت غيّر لحـنها
تم الجواب اللي به القصد مكشوف= من عارفٍ له غايةٍ مالكـنها

[موسى المشعان]

الغالي علي قلبي الاديب والشاعر صالح الضويحي

شكرا لك من القلب علي تلبيتك لطلبي ويعلم الله اني اقرها وانا دموعي علي كيبوردي

بعد ما اثروا في نفسيتي بعض المرا قبين الله يهديهم حيث اشعروني بكبر سني وانا كنت اعتبر نفسي شباب ولكن تفأجاة في هذا الصباح بكتابة احد اعضاء الادارة بتعيين مساعد لي بسبب قلّة شوفي وكبر سني حسبنا الله ونعم الوكيل من ماجعلني أصر على طلبي لنشر هذه القصيدة لتعيد الماضي لي ولن انجرف مع حضارتكم المزعومه ابدٍ
أخي مزيد المزيد ومحمد المقبل سوف اخلي لكم شاطئ نصف القمر واذهب الى الصمان000

شكرا0

[محمد المقبل]

الاخ الشاعر الكبير صالح الضويحي

صح لسانك وسلم بنانك على هذه القصيده التي تصف الماضي وتشرح الحاضر اخي صالح وبما ان شاعرنا القدير موسى المشعان هو اللي طلبها فهذا يدل على أنه شباب ويحاول ان يتعرف على الماضي الذي لم يلحق عليه لكن أشك لما اقرا رده وهو يكتب في اللون الاحمر ويسرح كانه يتذكر شيٍ ما لكن ذكرياتك يابو محمد كلها ترفع الراس على العز والمعزه ومزيد لايهمك ترى علمه عندي تراه اكبرمنك بست سنوات عاد هويعرف وشلون يقولك شايب.

ولكم جميعاً تقديري واحترامي

[مزيد المزيد]

صالح الضويحي



صح لسانك مليووووووون ورائعه جديده اقراها هنا لصالح الضويحي ولاتحرمنا من جديدك





موسى المشعان


مواري الشيب بينه يابومحمد والشيب وقار ولايزعل احد ياشايب


دمتم بخير

[ابو رزان]

بسم الله الرحمن الرحيم

الشاعر المميز ...............صالح الضويحي

تحية اعجاب ومعزة وتقدير لشخصك اولا ثم لمجهودك الرائع في خدمة المنتدى

قصيدة اكثر من جميلة

صح لسانك وشكر خاص للشاعر موسى المشعان اللي طلبها منك


دمتم بخير


ابو رزان

[عبدالله المطرفي]

الشاعر المبدع والمعجزه
صالح الضويحي





أبداع معهود من شاعر فذ
شاعر كل قصيده من قصائده تختال بروعتها


الله عليك يا ضويحي
والله على هالروعه التي تسكبها بين ثنايا المنتدى




يا راع صح فكرك وقلبك مليون
ودمت بخير ودام الخير بك .. !






عبدالله العنزي .. !

[المطرفي]

صالح الضويحي




صح لسانك وسلمت يمينك




عزالله ما قصرت يا ابو شايح




والله يجزاء ابو وضاح كل خير اللي خلاك تنشرها




ولا تبخل علينا بمثل هالقصايد ترانا مانرى من اللي مثلها



لك الغلا والتقدير

اخوك المطرفي

[عبدالكريم العنزي]

الاستاذ والشاعر الكبير / صــالــح الــضــويــحــي



دائماً وانت مبدع يعجز اللسان عن التعبير ويجف القلم عن الكتابه


ولا اوفيك حقك ايها الشاعر العذب



اتمنا منك المزيد من هذا الابداااااع الراااااااائع




دمت عزاً للويلان

[ابوماجد]

الاخ الشاعر/صالح الضويحي

شكرا لك على كل كلمه او حرف بهذه القصيده الرائعه

والشكر موصول ايضا لشايبنا(على ذمت مزيد)ابو محمد الذي امتعنا بطلبه لهذه القصيده الرائعه من شخصكم الكريم

وحاولت ان انتقي من هذه القصيده لأضعه ضمن هذه الرساله فوجدت نفسي محتارا بين البيوت الممتعه والمؤثره

بنفس الوقت!!

واخيرا قررت ان اكتفي بقرائتها مرة تلو الاخرى على امل الا تحرمنا وتحرم منتدى ويلان العزيز من روائع قصائدك!!

وشكرا مرة اخرا

وتقبل تحـــــــــــــــــياتـــــــــــــــــــي

[سالم الجهبل]

رجـمٍ بمرقابـه راع الصنـف مكلـوف

مرقـاب مـن روحـه تزايـد شجنـهـا

جلست بظلالـه عقـب ساعـة اوقـوف

يامـا غـروب الشمـس قـرّب زمنهـا

أديـر بفكـاري مواقـيـف وصــدوف

وعـوايـدٍ سـيـل التـطـوّر دفنـهـا



لايستغرب الابداع من المبدعين

[فهد العتيبي]

الشاعر المبدع صاحب الجزاله

صالح الضويحي

مشكور يادكتور الشعر

وقصيده جزله من شاعر جزل

وبيض الله وجهك

وتقبل شكري الخاص


أخوك / فهد بن دحيم العتيبي

[anamaster]

الأخ صالح الضويحي
لاأستطيع أن أعبر عن ماتملكني لحظة قراءة هذه السيفونيه النادرة والتي تعتبر من عيون الشعر بجزالة معانيها وسمو أهدافها وروعة اسلوبك فلله در بنانك فعلا قصيدة شامخة كشموخك وتبقى شامخا لنا
تفرّقـت شوفـات وأهـداف وشـفـوف
والكـره خيّـم بالنـفـوس وشحنـهـا
وحلّ الظلام وصاب شمس الضحى اكسوف
وعقيلهـا خـافـت بـوايـق خونـهـا
وصارت على الطيّب مهاميـز واوهـوف
وعليـه عفـن السـاس يأمـر وينـهـا
وقل التواصـل وانمحـى كـل معـروف
وأيامنـا كـثـرة بــلاوي أشطنـهـا
وعفن الرجال اصبح شجـاعٍ وعيـروف
سبـع اللغـات المستحيـلـه رطنـهـا
ورأي المره مأخـوذ ورجالهـا اوقـوف
تقودهـم قــود العسـيـف برسنـهـا
العجب يأخذني من مفرداتك الرائعة وكيف العجب والقائل صالح الضويحي اقصد المبدع فلا تحرمنا جديدك القديم نتمنى لك دوام التوفيق

[saad saif]

الاخ العزيز صالح الضويحي
صح الله لسانك وسلمت يامبدع ولكن هذا ليس بغريب على شاعر بقامه صالح الضويحي
تحياتي

[حمود نايف الهذيل]

الاخ/ صالح الضويحي
انشهد انك معجزه من جد

مــــاشـــــــــــــاء الله
هذه من البدايات كيف
الابداع الجديد

الحقيقه يابو شايح يقل شعري في نظري عندما اسمع لك قصيده

صــــــــــــــــــــــــــــــــــــــــــــح لســــــــــــــــــــــــــــــــــــانك

[الواطي]

انـــا اشهـــد انـــه مــــا قـــال الا وصــــايف اللــي تشعــط القــلب يـــاسبحـــان اللي يغيــر ولا يتغيــــر

[المشاعر]

اسلـوم عنهـا جيلنـا يعلـن اعـزوف
داع الحضـاره تحـت سقفـه ركنـهـا
**
تظهر علينا اشكـال وانـواع واصنـوف
اتخيـف اللبيـب اللـي بعقلـه وزنـهـا
تفرّقـت شوفـات وأهـداف وشـفـوف
والكـره خـيّـم بالنـفـوس وشحنـهـا
**
وعفن الرجال اصبح شجـاعٍ وعيـروف
سبـع اللـغـات المستحيـلـه رطنـهـا
ورأي المره مأخـوذ ورجالهـا اوقـوف
تقودهـم قــود العسـيـف برسنـهـا

السلام عليكم والرحمه
صح لسانك أخوي الضويحي

واحترامي وتقديري لخوي موسى المشعان

[المسيكي]

قصيدة من الأرشيف 000 وتعتبر من البدايات الاولى 1402هـ

اقدمها لكم بناءا على طلب اخوي الشايب ابو محمد ( موسى المشعان ) لانه خابرها وابلشني عليها وقصده يعيدنا للماضي بعد ان حسستوه بكبر سنه فتذكّر هذه القصيده وأصر على نشرها هنا لانه خابر العد والمقاطين والابل وحياة الباديه عندما كان عمري (7 سنوات)000

عديت رأس مشلوحٍ يجـذب الشوف= ناب الحجاء روح المشقى فـتـنها
رجـمٍ بدأ فـتان في مرقـبه نـوف = ام الوحـش بحماه تبني اوكـنها
عمـردٍ يزمي على راس قـفـقـوف= يكشف طـوارف شامها مع يـمـنها
معلولياً من نحت الأرياح منحـوف=في راس عيطاء مكهفاتٍ اركـنها
يكشف غطاليس ومغارات وكهوف= ويبدي عليك المخـتفي من وطـنها
رجمٍ بمرقابه راع الصنف مكلوف=مرقاب من روحه تزايد شجنها
جلست بظلاله عقب ساعة اوقوف= ياما غروب الشمس قـرّب زمـنها
أدير بفكاري مواقـيف وصدوف=وعوايدٍ سيل التطوّر دفـنها
زاحت كما زاح الطخى ريح عاصوف= أقفـت بها جرد السنين (ونحنها)
عوايدٍ هجر النيا لافها لوف= عصر التقدم سيف غدره طعـنها
أقفى عليها دون رحمه ولاروف=وأحفاد اهلها حاملينن كفـنها
بس الأثار ورمس نقـشٍ على احـيوف=وأرضٍ خلا ماكن حياً سكـنها
جريت من صدري تناهـيت واحسوف= ونشدت دورات المقادير عـنها
وين الزحول اللي بهم يدحم الخوف= اللي نهار الكون تحمي ضعـنها
اسباع الرجال اللي لها الصعب معسوف= لرزم وغى الهيجاء وثوّر دخـنها
ماعدهم في هالفـيافي خذوا طـوف= ولاعـد مضهود الرفاقه زبـنها
من دونهم حالت غياهيب وألجوف= واللي خلف ريف الهجافا دشـنها
ووين الجهام اللي على العد مردوف= يدهل اقفور المرتفع مع طمنها
يرعى هيت ماصفقه كل مزهوف=بقفريتن نو الثريا مكـنها
يسرح بأمان مهديت كل مزغـوف= وقومٍ تنوش احماه تقطع أوتـنها
ووين البيوت اللي لها القدر معروف= عن المسيّر ما اتقطّب اعـنـنها
برفافها كيف الرجاجيل محيوف=ومن ضدته سود الليالي زبنها
بيوتٍ اتـبـنّا للمسايير وضيوف= وان طبها الخايف حياته ضمـنها
ميسورها يغني معاويز وضعوف= كم من ضريرا جاله العون مـنها
اسلوم عنها جيلنا يعلن اعزوف=داع الحضاره تحت سقفه ركـنها
دارت رحى شهبٍ شلاهيب وعجوف= بيعت بها الشيمه رخيصٍ ثمـنها
ادوار وأسرار ومقادير وحـتوف= سيرة حياة الحي هاذي اسـنـنها
تظهر علينا اشكال وانواع واصنوف= اتخيف اللبيب اللي بعقـله وزنها
تفرّقت شوفات وأهداف وشفوف=والكره خيّم بالنفوس وشحـنها
وحلّ الظلام وصاب شمس الضحى اكسوف= وعقيلها خافت بوايق خونها
وصارت على الطيّب مهاميز واوهوف= وعليه عـفـن الساس يأمر ويـنها
وقل التواصل وانمحى كل معروف=وأيامنا كثرة بلاوي أشطـنها
وعفن الرجال اصبح شجاعٍ وعيروف= سبع اللغات المستحيله رطـنها
ورأي المره مأخوذ ورجالها اوقوف=تقودهم قود العسيف برسـنها
ياحيف ماهاذا لنا عهد واوصوف= حياتنا نقطع بتايت أمننها
أحفاد من ترثت مقاديم وسلوف= نتبع غيانا والنفوس بوهـنها
تردت الهقوات والعزم متلوف= واهل السلوم الوقت غيّر لحـنها
تم الجواب اللي به القصد مكشوف= من عارفٍ له غايةٍ مالكـنها


الشاعر الفام ،،، صالح الضويحي

صح لسانك ،، ولاهي اول مرة اقول صح لسانك على هالقصيدة بالذات ،،،

لاني تعبت وانا ابحث عنها ... مع انها كانت عندي قديما لكن ضاعت للاسف مع غيرها

لك انت بالذات ،،،كنت احتفظ بهن

وطلبتها نوبه منك بمنتدى عنزة تسان تذكر وهذا انت عندي مار استحيت اطلبها ثاني مرة

مار انا شرهان عليك وانا اخوك ،،،

انت شاعر واعجز وانا اقول شاعر ،، ليه مشاركاتك قليله هنا ،،

ماقريت لك يمكن غير اربع او خمس قصايد ،، وغيره ماشفت شين

انا ودي ماتبخل علينا باللي عندك سواء القديم والجديد ،،،

وترى هالقصيدة بالذات مبطي سمعتها مهو تو ،،، وكنت ادورها وادور مجاراه الشاعر عايض الحامد العنزي تسان ماني غادي ،،،

اذا هي عندك لاتبخل علينا ............

تراي متابعك بالحيل ...بس عطنا اللي عندك......

وتسلم يالقرم ،،

وصح لسانك مرة ثانيه

[صالح الضويحي]

الغالي علي قلبي الاديب والشاعر صالح الضويحي

شكرا لك من القلب علي تلبيتك لطلبي ويعلم الله اني اقرها وانا دموعي علي كيبوردي

بعد ما اثروا في نفسيتي بعض المرا قبين الله يهديهم حيث اشعروني بكبر سني وانا كنت اعتبر نفسي شباب ولكن تفأجاة في هذا الصباح بكتابة احد اعضاء الادارة بتعيين مساعد لي بسبب قلّة شوفي وكبر سني حسبنا الله ونعم الوكيل من ماجعلني أصر على طلبي لنشر هذه القصيدة لتعيد الماضي لي ولن انجرف مع حضارتكم المزعومه ابدٍ
أخي مزيد المزيد ومحمد المقبل سوف اخلي لكم شاطئ نصف القمر واذهب الى الصمان000

شكرا0


الاخ موسي المشعان

تحياتي

انت وينك يارجل؟

الظاهر انك نفذت وعدك؟ ارجع وانا اخوك ماعليكم من كلامهم رده عني انك شاب ولازلت في عز الشباب خلهم عنك00

وشكرا لك اولا على طلب هذه القصيده وعلى ماكتبته هنا ثانيا

مرورك وطلبك تشريف لي قبل ان يكون تشريفٍ للقصيده

احترامي وتقديري الخاص لك

[صالح الضويحي]

عذرا لكم

سوف اعود للردود

التي شرفتمونا بها