ابو وليد
27/02/07, (06:41 PM)
قصة شاب ايماراتي تخرع )).:.
--------------------------------------------------------------------------------
هذي قصة واحد من الشباب ... استوت السالفة من 3 ـ 4 سنوات
تعرفون الكل في في اجازة الربيع يروحون العزب .. خاصة في الامارات الشمالية .. المهم خالد وربعه قرروا في يوم انهم يروحون العزبة ويقعدون هناك قبل لا تبدا الناس في السيرة للعزب .. خالد مآذي ربعه ان هو السويق .. اللي لو تضيعه فالبر بيظهر وما يهمه شي .. المهم الشباب اتحدوه ان ما بيقدر يوصل العزبه من الدرب الصحراوي .. وطبعا غروره اعمى عينه قال : وازيدكم من الشعر بيت والله لاظهر الساعة 1:30 فليل .. والمسافة لين العزبة 45 دقيقة ...
المهم ان الشباب حاولوا يغيرون رايه لكن منو قال ... الريال مصر ..
وبالفعل ظهر من المكان اللي هو كان فيه ودقلهم تليفون وقالهم انا توني ظاهر ... وبعد 30 دقيقة حس انه ظايع .. الحبيب كان يمشي مسافة معينة من الشارع ... فكل ما شاف ليتات السيايير من بعيد يعرف ان دربه صح .. " الشارع ما فيه اظاءة .. درب البر " بس الحين ما يشوف شي لين ما وصل بقعة معينة قام يحس بشي يظب السيارة من كل صوب .. شي يخظ السيارة طبعا الريال خاف بس كان يقول حق عمره انا اهذي يمكن ظرب الحصى من السرعة
بس عقب الظرب زاد فما طاع يوقف وكان يمشي ... وفجأة الباب انفتح والسيارة تمشي .. وحس ان في حد يالس عداله .. ويوم لف راسه .. حصل بنت صغيرة ... قالت له غمض عينك واسمعني شو بقولك .. وتمت اتدليه الدرب والريال من الزيغة قام يصيح .. وهي تقوله تدري لو تموت شو كان بيستويلك ؟؟؟؟ .. وت يمشي ويسمع كلامها و هو مغمظ عينه .. تقوله يلف يلف .. تقولة يخف يخف .. والظرب على السيارة زاد .. وتليفونه يرن ومن الخوف هب قادر يمد ايده ... وبعد فتره وقف الظرب وكان يمشي لين ما قالتله اوقف ... وفتح عينه لقى عمره جدام الشارع مرة ثانية .. ف راسه يبا يشوف البنت .. لقى اللي عداله عيووووز ...
وهو يقول فخاطره القاها من وين ولا من وين ؟؟؟ .. ونزلت من السيارة .. ومن الخوف مسك الخط ولا حتى شكرها ..
المهم وصل عند ربعه قبل صلاه الفجر بنص ساعة ... ربعه يوم شافوا السيارة مجبلة ارتاحوا وطلعلهم خالد ينتفظ من الخوووف ودموعه مازره ويهه .. المهم دخلوه وهو يهاذي وطاح غشيان ... خذوه الشباب وودوه عند مطوع المسيد القريب من العزبة .. والمطوع بدوي .. قرا عليه ويالله يالله قدر يرمس .. المهم خبرهم السالفة .. قاله المطوع انته دخلت منطقة ين .. والبنت اللي ساعدتك من الين المسلمين .. ولو تموت بين ايدهم ايهم ما تدري شو بيسوون فيك .. وعقب ما ظهروا من المسيد كانت الشمس ظاهره .. ويوم راحوا يشوفون سيارة خالد .. لقوا ان السيارة عليها ظربات وحروق فالمكان اللي حس بالظربات فيها ...
ومن يومها الريال كل يوم يدعي حق الجنية اللي ساعدته في كل لحظة
سبحان الله
ولكم تحياتى
--------------------------------------------------------------------------------
هذي قصة واحد من الشباب ... استوت السالفة من 3 ـ 4 سنوات
تعرفون الكل في في اجازة الربيع يروحون العزب .. خاصة في الامارات الشمالية .. المهم خالد وربعه قرروا في يوم انهم يروحون العزبة ويقعدون هناك قبل لا تبدا الناس في السيرة للعزب .. خالد مآذي ربعه ان هو السويق .. اللي لو تضيعه فالبر بيظهر وما يهمه شي .. المهم الشباب اتحدوه ان ما بيقدر يوصل العزبه من الدرب الصحراوي .. وطبعا غروره اعمى عينه قال : وازيدكم من الشعر بيت والله لاظهر الساعة 1:30 فليل .. والمسافة لين العزبة 45 دقيقة ...
المهم ان الشباب حاولوا يغيرون رايه لكن منو قال ... الريال مصر ..
وبالفعل ظهر من المكان اللي هو كان فيه ودقلهم تليفون وقالهم انا توني ظاهر ... وبعد 30 دقيقة حس انه ظايع .. الحبيب كان يمشي مسافة معينة من الشارع ... فكل ما شاف ليتات السيايير من بعيد يعرف ان دربه صح .. " الشارع ما فيه اظاءة .. درب البر " بس الحين ما يشوف شي لين ما وصل بقعة معينة قام يحس بشي يظب السيارة من كل صوب .. شي يخظ السيارة طبعا الريال خاف بس كان يقول حق عمره انا اهذي يمكن ظرب الحصى من السرعة
بس عقب الظرب زاد فما طاع يوقف وكان يمشي ... وفجأة الباب انفتح والسيارة تمشي .. وحس ان في حد يالس عداله .. ويوم لف راسه .. حصل بنت صغيرة ... قالت له غمض عينك واسمعني شو بقولك .. وتمت اتدليه الدرب والريال من الزيغة قام يصيح .. وهي تقوله تدري لو تموت شو كان بيستويلك ؟؟؟؟ .. وت يمشي ويسمع كلامها و هو مغمظ عينه .. تقوله يلف يلف .. تقولة يخف يخف .. والظرب على السيارة زاد .. وتليفونه يرن ومن الخوف هب قادر يمد ايده ... وبعد فتره وقف الظرب وكان يمشي لين ما قالتله اوقف ... وفتح عينه لقى عمره جدام الشارع مرة ثانية .. ف راسه يبا يشوف البنت .. لقى اللي عداله عيووووز ...
وهو يقول فخاطره القاها من وين ولا من وين ؟؟؟ .. ونزلت من السيارة .. ومن الخوف مسك الخط ولا حتى شكرها ..
المهم وصل عند ربعه قبل صلاه الفجر بنص ساعة ... ربعه يوم شافوا السيارة مجبلة ارتاحوا وطلعلهم خالد ينتفظ من الخوووف ودموعه مازره ويهه .. المهم دخلوه وهو يهاذي وطاح غشيان ... خذوه الشباب وودوه عند مطوع المسيد القريب من العزبة .. والمطوع بدوي .. قرا عليه ويالله يالله قدر يرمس .. المهم خبرهم السالفة .. قاله المطوع انته دخلت منطقة ين .. والبنت اللي ساعدتك من الين المسلمين .. ولو تموت بين ايدهم ايهم ما تدري شو بيسوون فيك .. وعقب ما ظهروا من المسيد كانت الشمس ظاهره .. ويوم راحوا يشوفون سيارة خالد .. لقوا ان السيارة عليها ظربات وحروق فالمكان اللي حس بالظربات فيها ...
ومن يومها الريال كل يوم يدعي حق الجنية اللي ساعدته في كل لحظة
سبحان الله
ولكم تحياتى