المساعد الشخصي الرقمي

مشاهدة النسخة كاملة : الفزعه ياعيال وائل .......... الشمري ينخاكم

عبدالله الثابت
27/01/07, (11:25 PM)
اخواني اعضاء هذا الصرح الشامخ


افيدكم بانني قمت بالاتصال بالشاعر عبدالرحمن عادل الشمري


وتبادلت النقاش معه عن مشاركته ببرنامج شاعر المليون وحملني رساله لكل اعضاء هذا الصرح الشامخ


بالتصويت له وحقيقه الشاعر عبدالرحمن الشمري رقم (( 18 )) يستاهل ان نقف معه ونصوت له


شاعر جزل وقصائده متميزه وعبدالرحمن واحد منا وفينا


وكما قال الشاعر المعروف خلف المشعان :-


الطيب مبطي بين شمر ويلان *****وكل القبائل تعتبرهم قبيله


ولكن يالويلان لاتنسون اخونا عبدالرحمن عادل الشمري


وبيض الله وجيهكم


وتحياتي لكل اعضاء هذا الصرح الشامخ
سندريلا
27/01/07, (11:35 PM)
من غير فزعه

عبدالرحمن شاعر جزل وبيفوز ان شاء الله بشاعريته


وكلنا مع عبدالرحمن والله يوفقه
مزيد المزيد
27/01/07, (11:56 PM)
عبد الرحمن يستاهل وسنرشح باذن الله له ...
سعوط المجانين
28/01/07, (04:27 AM)
افاا عليك من غير لاتوصي الشمري عده عنزي عزالله ونفرح لفوزه وانا ابي اذكر بيت للشاعر \ عقيل منيس الشمري

ابو جمال يقول فيه

مايفرقنا عن الويلان ياكود البطايق \\\ ابك حنا دولتين اكبار بمسمى قبيله

مابه فرق بين عنزي وشمري ويبي يبشر بالتصويت

,,,
صالح العرجان
28/01/07, (03:16 PM)
حنا هلا الفزعه وهلا الرده


ابشر يا عبدالله باللي يفزع وابشر بالعلم اللي يبيض الوجه !


اطرا علي كلمه العود يقول علموه ان عيال العود كلهم يصوتون له هالوليده !


يستاهل السنعوسي هذولا الطنايا منقع الطيب !
فيصل اللويش
28/01/07, (07:09 PM)
عز الله انتم هل الفزعه وهل الرده

لايسعني الا ان اقول

ونعم بعيال وايل


شكرا للاستاذ عبدالله الثابت على هذه البادره الطيبه والتي فرحت بها

عنزه وشمر واحد


والشاعر عبدالرحمن عادل يستاهل

وانا من ضمنكم ياعنزه وراح ارشح


اخوكم... فيصل اللويش
فهد معزي
28/01/07, (11:19 PM)
استادي عبدالله الثابت

ماهي غريبة عليك مثل هذا الوقفات

بيض الله وجهك

وانشالله رايح نصوت

للشاعر الرائع عبدالرحمن الشمري
!! بندووووول !!
04/02/07, (04:05 AM)
يستااهل عبدالرحمن





وتستااهل انت يااعبدالله بعد



:)
أحمد السبيعي
18/02/07, (02:09 AM)
ما يحتاج توصينا



عبدالرحمن ولدنا



شكرا
شاعري
23/02/07, (09:06 PM)
يستاهل عبدالرحمن الشمري