قصيده للشاعر \ مدغم ابو شيبه

[سعوط المجانين]

اليكم اخواني اعضاء منتدى ويلان هذه الرائعه للشاعر \ مدغم ابو شيبه

للحزن ساحات بصدري مثل ساحات القتال
فيها الاصيل من المهار تعود بخيالها

ولايطفي حر مابي من حرايق واشتعال
الا الدموع اللي من عيوني يهل هلالها

لازال فيها دمعتين للفراق ولا تزال
ذكرى هنوف كل يوم احطها واشتالها

راحت عسى الله ما يلحقني مشاريه الرجال
تقول كني ماخلقت من التراب الا .. لها

عز الله اني مانسيت افعالها بنت الحلال
لعل ربي مايجازيها بسو افعالها

اكبر جريمه ترتكبها فالهوى من وسع بال
هذي ضحاياها بقلبي شيدوا تمثالها

وشلون تهجرني وانا مالي على الهجر احتمال
وشلون تهملني وانا مانيب اطيق اهمالها

وشلون تقطعني بسيف البعد قطاع الوصال
وانا لو اقطع عرق قلبي ماقطعت اوصالها

وشلون ماتشتاق , ماترح , ماتذكر , ماتسأل
وشلون ماتطلق يدين كبلت باغلالها

وشلون مايطري عليها لا تفيت فالظلال
متشبث لا وقفت جنبه قعد بظلالها

مكسور خاطر والسوال اعووووذ من ذل السؤال
ياما انتظر من برج هاتفها يبث ارسالها

لكن ما للآدمي حيله لامن الحظ مال
الميله اللي فال ربي خير له من فالها

هي افقدتني من هنا .. وانا فقدت الاتصال
من يوم راحت لا رسايلها ولا جوالها

يا قسوة الايام والحظ الردي والاتكال
على مقولة للمواقف واللزم رجالها )

يالله دخيلك من ترداية نصيب وشين فال
من حيرة امري ليت عندي حيله واحتالها

ان ارخصت قدري وطاحت قيمتي والهجر طال
قولوا لها تترك مكابرها وتاخذ بالها

انا من اللي فـــوق.فـــوق ... وعــال .عـــال
تركد ويركد عمها معها ويركد خالها

لا وصلت للحد هذا لا نقاش ولا جدال
تبعد وتنكف الامور دقاقها وجلالها

لو المفارق صعب والنسيان ضرب من الخيال
ارخاي راسي لا يروق الها ولا يحلالها

احفظ لها قيمه غلاها وانتظرها من شمال
واذا نستني هذى الدنيا وهذا حالها

اما اني انساها .. نسى الله من نسى ذاك القبال
ياااااصب روحي صب دلتها على فنجالها

قولوا لها لا ستخسرت فيني (ريالين اتصال)
تهدي على(جمعية الصم البكم) جوالها

...

[مزيد المزيد]

سعوط المجانين


تسلم يمينك ويسلم اختيارك ومدغم رااائع ومبدع يشار له بالبنان


صح لسانه وسلمت يمينك


دمت بخير

[صالح العرجان]

اكبر جريمه ترتكبها فالهوى من وسع بال
هذي ضحاياها بقلبي شيدوا تمثالها


صح لسان مدغم ابو شيبه



وتسلم يمينك يا الذيب

[سعوط المجانين]

الاخ مزيد المزيد لاهنت على مرورك الكريم والله يعز قدرك

تحياتي

...

[سعوط المجانين]

الاخ صالح العرجان

صح بدنك وشاكر لك مرورك يالقرم

دمت بخير

...

[البيداء]

راحت عسى الله ما يلحقني مشاريه الرجال
تقول كني ماخلقت من التراب الا .. لها

عز الله اني مانسيت افعالها بنت الحلال
لعل ربي مايجازيها بسو افعالها

اكبر جريمه ترتكبها فالهوى من وسع بال
هذي ضحاياها بقلبي شيدوا تمثالها

وشلون تهجرني وانا مالي على الهجر احتمال
وشلون تهملني وانا مانيب اطيق اهمالها

وشلون تقطعني بسيف البعد قطاع الوصال
وانا لو اقطع عرق قلبي ماقطعت اوصالها

وشلون ماتشتاق , ماترح , ماتذكر , ماتسأل
وشلون ماتطلق يدين كبلت باغلالها




* * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * *

:messenger3: :messenger3:


مرحباً بالأخ ( سعوط المجانين ) ...


قصيدة في قمة الروعة ،، ونقل أكثر من رائع لشاعر قدير مثل مدغم ابو شيبة ،،


وخاصة ً الأبيات أعلاه ،، فهي لب المعنى وخلاصته ،، وروح القصيدة بترانيمها الجميلة


أخي الفاضل شكراً مرة اخرى على هذا النقل ،، الذي امتعنا كثراً وسعدنا به ..




إختك البـــــيــــــداء ......:more19:

[سعوط المجانين]

الاخت الفاظله \ البيداء شاكر لك تواصلك الجميل ,,

...