قصيدة ياسر التويجري في شاعر المليون

[سندريلا]

هذي قصيدة ياسر التويجري اللي القاها في شاعر المليون



ولدت ساطي ومتغطرس وأحب الخصام=ولا أعترف في إدارة طبـع والا مديـر
أوجدت نفسي من اللاشـي والانعـدام=نبذت فالمجتمع لانـي صريـح وفقيـر
ماكان تفكيري الا كيف أخطف السنـام=والحمد لله خطفت اليـوم كـل البعيـر
إن لم يكن مركزي بالصف الاول أمـام=ماعاد تفرق معي لو كنت قبـل الاخيـر
الله أكـبـر ولله البـقـاء والــداوم=وهو الاله الاحدوهو السميـع البصيـر
أخذت من مدرسة أحمد عليـه السـلام=مالاخذيته من مخـاوى وزيـر واميـر
وأخذت من تجربة عبدالعزيـز الامـام =وش يصنع العلم لا خاواه سيف شطير
واخذت من فلسفة هتلرعـدم اللالتـزام=وكسبت نفسي وريحت القلق والضميـر
وابشرك حالتـي دايـم علـى مايـرام=من ركعتين الفجر اليـن بعـد الاخيـر
صحيح عندي تحفظ على بعض الانـام=مثل معمر وابو مـازن وتونـي بليـر


لكـن انـا مااحـب اقلـل الاحـتـرام=واذهب ضحية طموح الغرب وانا صغير
قومية المسلمين اللـي عليهـا الكـلام=راحت معا خالد وعمرو وعلي والزبيـر
الله ولا ذل والتخـويـن والانـهــزام=ياعابدين العروش الوضع جـدا خطيـر
يابو خلف كيف حالك عل حالـك تمـام=انسى القصيدة وهات علوم اخوي الكبير
شيخ عرفته وتقريبا لي اربـع اعـوام=يومني اجيـه لا جايـر ولا مستجيـر
يشوقني له نشوق الوسم عقب الحيـام=في صفرة جوهـا ماهـو بفيـة هديـر
الشيخ ابو خالد محمـد عـداه المـلام=اللـي يصيـر مـن الاصرارمالايصيـر
حـد الثمالـه اعـزه لاعلـي الحـرام=انـي احبـه وحـبٍ لودرابـه يطيـر
يطير مثل الوحش لاضف ريشه وحـام=وحول على الذايره بالجو مثـل المغيـر
ان الملوك اذا اعطـوك حـب وغـرام=خلوك من سائر الخـدام يعنـي خفيـر
الا انـت ياراعـي التقديـر والاهتمـام=ياللي رحمت الصغير وشلت هم الكسير
اذا البـلاط الاميـر والكنـب والرخـام=له شاعر يدهله في صبح والا عصيـر
فانادهلـت الثرياوالقـمـر والغـمـام=وحولت اداهم طرف مشلحك مالي خشير
كفـرت بالناقصـه والغـدر والانتقـام=وامنت باانك حزامي بالنهـار العسيـر
من لايقدر ثباتك مـع عكـاك الزحـام=ماهوبوالله مقدر ويش معانـي جريـر
يارا س عيطا يمسك البدء قبل الختـام=يالنادر اللي على صيد المكـارم شهيـر
يالمهدي المنتظر بالحاجتيـن الجسـام=المدة المسكته والاخـذ بيـد الضريـر
ياسيدي ودي افهق لك ضلوع العظـام=واعطيك شي بصدري وانت رجل خبيـر
اناتراني اعانـي نـوب مـن انفصـام=يوثرعلى البرمجة في راسي المستديـر
واصير احس اني البارود والا الحسـام=في ساحة الشعر من تبوك لاقصى عسير
ممايسبـب لبعـض اعدائـي الاحتـدام=اللي يحسبون قرض الشعر مثل الشعير
والشعر وان كانه المقصودبـاول مقـام=فالله يرحم ابو الطيـب ويرحـم زهيـر
روح التنافس وحب الشيخ والانضمـام=ماهي بتعني لدى الكثرة نهاية مصيـر
والشاعر اللي معه عزوة خوال وعمـام=تفداه وايـل وترقـب مستعـدة مطيـر
والله فلا ينقهـروالا يضيـق ويضـام=لاجاء اللززوالملاقى والقبـس والنذيـر
وجمع الدراهم ماهي باكبر طموح الغلام=اللي جمع من قلوب الناس شـي كثيـر
من حبني رغم تفويتـي لـه الانخـدام=واللي كرهني فهذا شخص ملعون صير
دام المعـارك صغيـره ماعلينـا لـزام=ينوب عن سيفـي البتـار اصغرجفيـر
قرات فيماقراتـه مـن بلـوغ المـرام=اللي ترك شـي لله عاضـه الله بخيـر

[سعوط المجانين]

يعطيك العافيه ياسندريلا ولاهنتي

وصح لسان ابو محمد والله يعزه

...

[نايف الجعفري العنزي]

ماقصر ياسر


فعلاا خير من يمثل عيال وايل


ومشكوره اختي

[سندريلا]

يعطيك العافيه ياسندريلا ولاهنتي

وصح لسان ابو محمد والله يعزه

...




الله يعافيك اخوي سعوط المجانين


نورت المتصفح :more19: بمرورك

[سندريلا]

ماقصر ياسر


فعلاا خير من يمثل عيال وايل


ومشكوره اختي





العفو اخوي نايف فعلاً ياسر ماقصر والله يوفقه


دمت بخير :more19:

[أبو رائد]

ياسر التويجري مبدع

وكنت متوقع بأنه سوف يلفت الأنظار بأحدى طرقه العجيبه

وفعلا .. إبداع × إبداع


الله يعطيك العافية

على هذه القصيدة


وصح لسان الشاعر ياسر التويجري

[مشاعر حالمه]

ياسر التويجري

معروف بقصايده الحلوة واللي يحبها النسوان أكثر من الرجاجيل <== احلفي

مع انه يقول مايداني الحريم ولاأدري وش السبب <== ماهوب شغلج اخلصي ردي

^______^

خواتي حفظوا قصيدته والله كل وحده تهايط علينا وتقول انا اعرف مثل القاء التويجري ( ترى كلنا نهايط عادي خخخ)

بس صراحه ودي انه يشوف ردي الحين

انا انتقدت هالبيت

يطير مثل الوحش لاضف ريشه وحـام

وحول على الذايره بالجو مثـل المغيـر


وقلت الوحش يطير ؟

انا خابره الوحوش مرعبه وتخوّف وقلت التشبيه ليس في محلّه <== لا يالجنة التحكيم

ردوا علي اشخاص وقالوا انه الوحش من انواع الصقور

سألت الوالد الله يطوّل عمره بحكم انه يعرف في الصقور لانه كان يقنص ايام الشباب <== ترى ابوي الى الحين شباب فديته

المهم

قال لي يابنتي هذا نوع من الطيور يستنكر الناس وصوت لجّتهم

واذا طاح في يد احد يعني صادوه يغمى عليه <== ياقلبي شوفوا الرهبه اللي جاته

المهم انه اذا تربى على يد الشخص وكبر وضاع منه يعرف بحالتين ياإما عن طريق المربط اللي في رجل الصقر او عن

طريق مناداته للأكل ..

وبس ^__^ <== ماجبتي شي جديد

يعني انا قلت البيت اللي انتقدته من اخوي ياسر التويجري بس مهما كان ترى كان ودنا انك مدحت ابونا عبدالله

لان خيره جزيييييييل فديت عمره ...

والشيخ محمد بن زايد أكيد فضل الله ثم فضله عليك كثير ..والله يطوّل عمره ..

وكان ودنا بعد انك استمريت الين تشوف رأي اللجنه ويعرفون انك شاعر واااااثق ولاتحتاج لنقد ..

عاد مهايطتك هي اللي زادت جمال في القصيده <== والله اني صادقه

: )

وصح الساااااااااااااااانك ولاهنت

سندريلا

مشكووووووورة فديت عمرج ولاهنتي

سلاااااااااام ينطح سلاااااااام

مشاعر حالمه _ عزوة ابوها

[صالح العرجان]

سندريلا


مشكوره على نقل القصيده بهالسرعه ومجهود تشكرين عليه





تعليق.


مشاعر كان من الواحظ على شاعرنا ياسر انه جاي علشان خاطر الشيخ محمد ابن زيد

وان المساله عنده منتهيه هو مهو بحاجه هالمسابقه حتى يعرف او يشتهر او حتى للكسب المادي

واذا ان حمد السعيد قال كلمه مهايط والعالم طبحت وراه هذا شي موسف!

ياسر قبل لا يكون شاعر هو رجل موقف وفعل وينعكس ذلك جليلا على قصائده الناريه


من سواقه المراءه الى ......... فلسفه ابليس


ياسر اتمنى لك التوفيق ياللي تصير من الاصرار مالا يصير !ّ



دمتم بحب

[سندريلا]

ياسر التويجري مبدع

وكنت متوقع بأنه سوف يلفت الأنظار بأحدى طرقه العجيبه

وفعلا .. إبداع × إبداع


الله يعطيك العافية

على هذه القصيدة


وصح لسان الشاعر ياسر التويجري


صح بدنك والله يعافيك ومشكور على المرور


تحياتي لك :more19:

[سندريلا]

ياسر التويجري

معروف بقصايده الحلوة واللي يحبها النسوان أكثر من الرجاجيل <== احلفي

مع انه يقول مايداني الحريم ولاأدري وش السبب <== ماهوب شغلج اخلصي ردي

^______^

خواتي حفظوا قصيدته والله كل وحده تهايط علينا وتقول انا اعرف مثل القاء التويجري ( ترى كلنا نهايط عادي خخخ)

بس صراحه ودي انه يشوف ردي الحين

انا انتقدت هالبيت

يطير مثل الوحش لاضف ريشه وحـام

وحول على الذايره بالجو مثـل المغيـر


وقلت الوحش يطير ؟

انا خابره الوحوش مرعبه وتخوّف وقلت التشبيه ليس في محلّه <== لا يالجنة التحكيم

ردوا علي اشخاص وقالوا انه الوحش من انواع الصقور

سألت الوالد الله يطوّل عمره بحكم انه يعرف في الصقور لانه كان يقنص ايام الشباب <== ترى ابوي الى الحين شباب فديته

المهم

قال لي يابنتي هذا نوع من الطيور يستنكر الناس وصوت لجّتهم

واذا طاح في يد احد يعني صادوه يغمى عليه <== ياقلبي شوفوا الرهبه اللي جاته

المهم انه اذا تربى على يد الشخص وكبر وضاع منه يعرف بحالتين ياإما عن طريق المربط اللي في رجل الصقر او عن

طريق مناداته للأكل ..

وبس ^__^ <== ماجبتي شي جديد

يعني انا قلت البيت اللي انتقدته من اخوي ياسر التويجري بس مهما كان ترى كان ودنا انك مدحت ابونا عبدالله

لان خيره جزيييييييل فديت عمره ...

والشيخ محمد بن زايد أكيد فضل الله ثم فضله عليك كثير ..والله يطوّل عمره ..

وكان ودنا بعد انك استمريت الين تشوف رأي اللجنه ويعرفون انك شاعر واااااثق ولاتحتاج لنقد ..

عاد مهايطتك هي اللي زادت جمال في القصيده <== والله اني صادقه

: )

وصح الساااااااااااااااانك ولاهنت

سندريلا

مشكووووووورة فديت عمرج ولاهنتي

سلاااااااااام ينطح سلاااااااام

مشاعر حالمه _ عزوة ابوها



هلا وغلا مشاعر

يسلم راسك على المرور والتعليق

الف شكر :more19:

[سندريلا]

سندريلا


مشكوره على نقل القصيده بهالسرعه ومجهود تشكرين عليه





تعليق.


مشاعر كان من الواحظ على شاعرنا ياسر انه جاي علشان خاطر الشيخ محمد ابن زيد

وان المساله عنده منتهيه هو مهو بحاجه هالمسابقه حتى يعرف او يشتهر او حتى للكسب المادي

واذا ان حمد السعيد قال كلمه مهايط والعالم طبحت وراه هذا شي موسف!

ياسر قبل لا يكون شاعر هو رجل موقف وفعل وينعكس ذلك جليلا على قصائده الناريه


من سواقه المراءه الى ......... فلسفه ابليس


ياسر اتمنى لك التوفيق ياللي تصير من الاصرار مالا يصير !ّ



دمتم بحب



صالح العرجان

مرورك عطر متصفحي
دمت بخير ولا تحرمنا من تواجدك هنا

كل الشكر والتقدير لشخصكــ الكريمـ :more19:

[مشاعر حالمه]

صالح العرجان

لا والله ماهوب عشان حمد السعيد قالها واصلا ماسمعته يقولها

ماهيب عيب ذا الكلمه ^__^

وعلى فكره انا من المعجبات جداً بشعره وباسلوبه

وماأعتقد انه بيزعل اذا سمع او شاف احد قال ذا الكلمه

لانها عاديّه جدا ..

^___^

سلامي عليك ..

مشاعر حالمه _ عزوة ابوها

[صالح العرجان]

صالح العرجان

لا والله ماهوب عشان حمد السعيد قالها واصلا ماسمعته يقولها

ماهيب عيب ذا الكلمه ^__^

وعلى فكره انا من المعجبات جداً بشعره وباسلوبه

وماأعتقد انه بيزعل اذا سمع او شاف احد قال ذا الكلمه

لانها عاديّه جدا ..

^___^

سلامي عليك ..

مشاعر حالمه _ عزوة ابوها






عزوه ابوها


الشاعر اذا ابدع ينقال له فحل


اما مصطلح مهايط اعتقد انه مايصلح انه ينقال عن شاعر له وزنه وثقله


والا كان خلف ابن هذال (( ...... )) على حسب نظرتك.





كل الود للقلوب التي تحمل مساحه ولو بسيطه لهذا (( الحر )) ياسر التويجري.



كوني بخير

[مشاعر حالمه]

^

^

طيب ياستاذ ^__^

[سندريلا]

شبلاكم قالبين موضوعي شات لاتخلوني اعصب عليكم << احلفي

[نايف الجعفري العنزي]

اما مصطلح مهايط اعتقد انه مايصلح انه ينقال عن شاعر له وزنه وثقله


لافظ فووك >>>مدري عاد حمد السعيد قال مهايطي او لا

بس اذا هو قايلهاا بلاا والله من القهر


واحسن شي سواه ياسر انه مارد عليهم


وانتي مشاعر صراحه انتي وناسه هلحين تتنقدين ياسر تقولين الوحش مايطير ههههههههه



على العموم انا بس كان مروري علشان اوجه سؤال ونص

قصدي سؤال واحد

ياسر التويجري من ضمن قائمة الشعراء الي موجودين معنا في المنتدى اولااتمى اذا الاجابه تكون بنعم يرتبون لنا معه لقااء

واذا لاا اتمنى يوجهون له الدعوه هذا ولدناا

اتمنى احد يجاوبني والف شكر ااختي


سندريلا

[سندريلا]

حياك الله يا نايف نورت المتصفح بمرورك


واجابة على سؤالك ياسر التويجري عضو معنا في المنتدى بس مايدش واجد

[نايف الجعفري العنزي]

مشكووره سندريلاا


وبالنسبه لياسر


دامه موجود معنا ياليت

الاداره يسحبونه لناا لو يوم واحد بس


فيه اشياء واجد ودناا نستفسر عنها منه شخصياا


خصوصا بعد مشاركته بشاعر المليون

وانسحابه...؟


اختي سندريلا..

لكي وافر الاحترام,,


اخوك الصغير نايف العنزي

[سندريلا]

ومنا للأدارة


نبي لقاء مع ياسر التويجري

[سلطان الوايلي]

الشاعر ياسر التويجري

صح لسانك مليوووووون

أختي سندريلا

لاهنتي على هذا النقل الرااااااااااااائع

[سندريلا]

الشاعر ياسر التويجري

صح لسانك مليوووووون

أختي سندريلا

لاهنتي على هذا النقل الرااااااااااااائع



هلا بك سلطان نورت المتصفح


صح بدنك


كل الود والتقدير لشخصكــ الكريمــ :more19:

[شمــــــــوخ]

مع أحترامي لياسر التويجري ولمحبيه


صدق حمد السعيد يوم قال هياط على الفاضي


القصيده كلها هياط بــــــ هياط :D

ومدح وحماس زايد حاس الكشخه والشماغ :D

.
.

مشكوره سندريلا

[صالح العرجان]

مع أحترامي لياسر التويجري ولمحبيه


صدق حمد السعيد يوم قال هياط على الفاضي


القصيده كلها هياط بــــــ هياط :D

ومدح وحماس زايد حاس الكشخه والشماغ :D

.
.

مشكوره سندريلا



ابله شموخ

نحترم وجهت نظرك الخاصه بك لانك على الطرف الاخر من النقاش بين محبين ياسر التويجري


شكرا لك

[نايف الجعفري العنزي]

مع أحترامي لياسر التويجري ولمحبيه


صدق حمد السعيد يوم قال هياط على الفاضي


القصيده كلها هياط بــــــ هياط

ومدح وحماس زايد حاس الكشخه والشماغ .


الاخت العتيبيه شموخ وش حارق رزك انتي وحمد السعيد :D



على العموم ماجبتي شي جديد واجد الي يكرهون ياسر


ويقولون عنه هالكلام

:D
بس ياسر كلهم اقزام علشان كذا ماراح ارد عليهم


وعلى قولتهم اذا كنت تركل من الخلف فاعلم انك في المقدمه


ومهما قالوو يبقى ياسر الشاعر الافضل حاليا في الساحه


وبشهادة محمد بن عزب الي يمسونه الديوان بالكويت

قال القصايد بعد قصيدة ياسر ماتنقال ...


يعني هذا استاذ حمد السعيد يقول كذا

لاءن ياسر استاذه هو وحمد


وفي الختام

لك ياصالح العرجان

فائق الاحترام:D

.

[سندريلا]

ليش الانسان الواثق من نفسه يسمونه مغرور ومهايطي ؟!!!!!!!!!!!!!!!!!!!!!!!!!!!!!!!!!!

[محمد الدلماني]

الله يعطيك العافيه على نقل القصيده


ومن ناحية اسلوب وجرأة ياسر فانا معجب فيها وبقوه والحق يقال ماسمعتله الا ثلاث قصائد واعجبتني ولكن المشكله في شاعر المليون هي كما اتضح انها مهايط ولكن الله العالم ما ورائها يعني بالنسبه للشاعر حمد السعيد كان مبتسم اثناء القاء القصيده وتبين اعجابه الشديد لكن تصرفات ياسر من خلال ترك اللجنه ورائه ربما اغاضتهم وانا هنا لاالومه لانها لجنه فاشله وتعتبر لجنة فزعه للمقربين مثل تصرفات المريخي والمسعودي

اما من ناحية المدح الزائد بولي عهد ابو ظبي ربما تكون لامور نحن نجهلها من محبه كبيره ومساعدات لانعلمها


وبالتوفيق لشاعرنا الكريم



شكرا سندريلا

[وآآيليـه مـا تهـاب]

السلام عليكم ورحمة الله وبركاته ,,,

يعطيـــج الــف عــافيــه اختــي سنــدريــلا على هالنقــل الرائــع ,, والقصيــده الــرائعــه

وشــــــــــــاعــــــــــرهـــااا الاروووووووووووووع :more19:

وانا مــن اشــد المعجبيـــن بالشــاعر يااسر التويجري ,,, وربــي انه شــاعــر بمعنــى الكلمه ,,

مــ خالص التحيه ــع : وآآيليـه مـا تهــاب

[سندريلا]

محمد الدلماني


شكراً لحضورك الرائع وتواصل الأروع


صح بدنك ويعطيك العافية

[سندريلا]

وايلية ماتهاب


شكراً لمرورج وحياج الله نورتي المتصفح بطلتك البهيه


لاتحرمينا من تواصلج


دمتي بود