,’,’ بالبس الغتـــرة وأميّـــل بالعـــقال ,’,’,’

[مشاعر حالمه]

بسم الله الرحمن الرحيم

السلام عليكم ورحمة الله وبركاته

لاني كان في خاطري اشارك في شاعر المليون بس وانا في هيئة رجل ليوم واحد فقط

وعقبه ارجع حرمه خخخخ بس ادري مستحيل:o

المهم كتبت هالأبيات واتمنى من كل قلبي انها تعجبكم ^___^ وتوصل لذائقتكم الشعرية ...

,’,’,’,’,’,’,’,’,’


بالبس الغترة وأميّل بالعقال=واحذف البرقع ولااجيب اخبره

ليلةٍ وحـــده ولاابغيها ليال =انقلب رجلٍ ولا أرجــع مره

واكتب أبياتي بأحسن مايقال=شاعر المليون ودي أحضره

وابدع القيفان واعطيها مجال=تعجب اللجنه ومابي مسخــره

لجنة الشعّار ياعيال الحلال=رشحونــي دام فيــني مقـــدره

آتحلّــم وادري ان حلمــي محال=اصبح المليون في ايدي اعشــره

والله اني لو ربـــحته يارجـــال =كان ابقضي دين ابوي وابشّره

اشهد اني عايشه بعز ودلال =ماطلبته شي يصعب وفّــره

الديون ياثقلها مثل الجبال=ماتهمّــه يافديـــته مـــاصبــره

ياإلهـــي ياعظيمٍ ذو الجلال=احفظ الوالد وديـــنه يسّـــــره

باجعل المنـــظوم تاليته مثال =من زرع نخله يجني اثمره

,’,’,’,’,’,’,’,’,’,’,’,

وسلامــــــه تسلـــــمكم

للتوضيح فقط : في الشطر

اصبح المليون في ايدي اعشــره ( بمعنى ان المليون صارت عشره ريال :( وطارت الطيور بارزاقها )

تحيتي لكم / مشاعر _ عزوة ابوها

[فجر الشمال]

مشاعر

ورده معطره بالحب والود لك يالغلا :more19:

صح لسانك رائعة

ميلي العقال وينك يالمليون

محبتك فجوره :more19: :more19:

[نجلاء محمد]

بالبس الغترة وأميّل بالعقـال
واحذف البرقع ولااجيب اخبره
ليلةٍ وحـده ولاابغيهـا ليـال
انقلب رجلٍ ولا أرجـع مـره
واكتب أبياتي بأحسن مايقـال
شاعر المليون ودي أحضـره
وابدع القيفان واعطيها مجال
تعجب اللجنه ومابي مسخـره
لجنة الشعّار ياعيـال الحـلال
رشحونـي دام فينـي مقـدره
آتحلّم وادري ان حلمي محـال
اصبح المليون في ايدي اعشره
والله اني لو ربحتـه يارجـال
كان ابقضي دين ابوي وابشّره
اشهد اني عايشه بعـز ودلال
ماطلبته شي يصعـب وفّـره
الديون ياثقلها مثـل الجبـال
ماتهمّـه يافديتـه ماصبـره
ياإلهـي ياعظيـمٍ ذو الجـلال
احفظ الوالـد ودينـه يسّـره
باجعل المنظوم تاليتـه مثـال
من زرع نخله يجنـي اثمـره

الشاعره الكريمه/ مشاعر

ابيات جميللللللله ومشاعرك تجاه والد اجمل طول الله بعمره ويخليه لك
مااجملك وانت امرأه ابقي كما انت فحياة الرجل جداً قاسيه حتى لو كانت ليوم واحد
تقبلي فائق تقديري واحترامي

[عبدالله عايد]

بالبس الغترة وأميّـل بالعقـال
واحذف البرقع ولااجيب اخبره
ليلةٍ وحـده ولاابغيهـا ليـال
انقلب رجـلٍ ولا أرجـع مـره
واكتب أبياتي بأحسن مايقـال
شاعر المليون ودي أحضـره


مشاعر صح لسانك مدد بلا عدد

قصيدة رااائعة جدا وصح لسانك مرة ثانيه

تقبلي فائق تحياتي لجنابك

[نايف الثبيتي]

لجنة الشعّار ياعيـال الحـلال
00000رشحونـي دام فينـي مقـدره

مشاعر

لوكنت بالجنه رشحتك بهالقصيده

صح لسانك ياعزوة ابوها

تقبلي مروري

ولكي تقديري

[سعود العواجي]

الشاعره ذات المستقبل الباهر / مشاعر




تعرفين رأيك فيك ...




صح لسانك ..


ودمت بخير

[سندريلا]

صح لسانج اختي المشاعر


حبيبتي بس عندي استفسار // انتي قلتي ليلة وحده بس عقبها ارجع لطبيعتي بس انا اشوف في هالبيت تناقض لكلامج
ليلةٍ وحـده ولاابغيهـا ليـال
انقلب رجلٍ ولا أرجـع مـره

والا شرايج ؟؟

[مشاعر حالمه]

فجر الشمال

تسلمين فديت عمرج وصح ابدنج يالغاليه ولاهنتي

تحيتي لج / مشاعر_ عزوة ابوها

[سلطان المسلط]

مشـــــاعر


قصيدةرائعه


فقط حبيت اقول لك



سجلي احترامي


والله يحفظ لك الوالد انشاء الله



سلطان المسلط

[مشاعر حالمه]

نجلاء محمد

تسلمين فديت عمرج ( اي والله بيني وبينج احب عمري كذا والا الرجوله في وادي وانا في وادي خخخ )

مشكورة يالغلا وصح ابدنج ولاهنتي على المرور الغالي

تحيتي لج / مشاعر _ عزوة ابوها

[مشاعر حالمه]

عبدالله عايد

تسلم والله وصح ابدنك ولاهنت والله على المرور الكريم

تحيتي لك / مشاعر _ عزوة ابوها

[مشاعر حالمه]

نايف الثبيتي

تسلم والله وصح ابدنك

^__^ يكفي مرورك اخوي والف شكر والله

تحيتي لك / مشاعر _ عزوة ابوها

[مشاعر حالمه]

سعود العواجي

تسلم والله وكلك نظر اخوي

صح ابدنك ولاهنت على المرور الكريم

تحيتي لك / مشاعر _ عزوة ابوها

[مشاعر حالمه]

سندريلا

هلا والله

تسلمين فديتج وصح ابدنج ولاهنتي

( لا يالغاليه مافيه تناقض لاني ابي في هاك الليلة بس ماأرجع مره ) وعقبها ارجع كما انا

^_^

الف شكر لج يالغاليه على المرور والتعليق ولاهنتي

تحيتي لج / مشاعر _ عزوة ابوها

[مشاعر حالمه]

سلطان المسلط

تسلم والله وصح ابدنك ولاهنت على المرور الكريم

تحيتي لك / مشاعر _ عزوة ابوها

[عبدالله المعزي]

اختي الشاعره ( عزوة ابوها )


تجــــــــــــــــــــــــــــــاز القصيدة وشاعـــــــــــــــــرتهــا


صح السانك اختي

( بداتي بالطريق الصحيح ومن اجمل منا قرأت لكي قصيده فعلاً قصيده )

الى الامام ولا هنتي

تقبلي تحياتي

[عبدالله المعزي]

اختي الشاعره ( عزوة ابوها )


تجــــــــــــــــــــــــــــــاز القصيدة وشاعـــــــــــــــــرتهــا


صح السانك اختي

( بداتي بالطريق الصحيح ومن اجمل ما قرأت لكي قصيده فعلاً قصيده )

الى الامام ولا هنتي

تقبلي تحياتي

[مشاعر حالمه]

عبدالله المعزي

^________________________^

تسلم تسلم خلاص يعني ربحت المليون <== والله حضوركم يسوى المليون ^___^

بارك الله فيك وصح ابدنك ولاهنت

تحيتي لك / مشاعر_ عزوة ابوها

[عبدالله ثويني المانع]

..

** مشاعر حالمة **

النص جميل وميزته أنه جمع بين الطرافة
وسموّ المعـاني ..
كتبتـي نص أجمل مما قدمته الشاعرة
المشاركة في المليون ..
بالتـوفيق وحفظ الله والدك وحفظك له .


أرق التحايا لقلبك

..

[مشاعر حالمه]

عبدالله المانع

تسلم والله وصح ابدنك ولاهنت والله على الاطراء الجميل والمحفّز ^__^

تحيتي لك / مشاعر _ عزوة ابوها

[تركي صالح]

الاخت الشاعره / مشاعر

قدمة لنا هذه الابيات بروعة وجمال

كما تعودنا في طروحاتك الجميله

صح لسانك اختي وسلم بنانك

وحفظ الله والدك لكي

ودمتي بكل خيراً وعافيه