اجمل ماقيل في عنزه

[عبدالله التركي]

أجمل ماقيل في عنزه من الشعر والمديح !!!!!



إخواني الكرام من أبناء عنزه أقدم بين يديكم هذا الإقتراح المهم وأتمنى منكم كل الدعم والمشاركه ، ومن المعروف أن قبيلة عنزه نالت من المديح والإطراء من شعرائها وشعراء القبائل الأخرى الشئ الكثير وقد لاحظت الكثير من الأبيات الرائعه في مدح عنزه أو أح قبائلها المذيله في تواقيع البعض ولكن المشكله أن الأبيات قليله لانعرف من الشاعر ولذلك فإني أرجو من كل الإخوة الأعضاء أن يساهموا معنا بإدراج كل ماقيل في عنزه أو أحد فروعها من شعر المديح القديم والجديد سواء كان الشاعر من عنزه أو من غيرها سواء كانت القصيدة كلها مدح أو عرج الشاعر على المدح فيها ببيت أو أكثر مع ذكر اسم الشاعر طبعا ، وبذلك سنكون قد جمعنا ديوانا كاملا في مدح عنزه ولن ينجح هذا المشروع بدون جهد شعرائنا وحفاظنا في منتدانا الغالي ، وأرجو من مشرفنا العزيز تثبيت الموضوع ، كما أرجو من الجميع المشاركه والبحث والسؤال ، وجمع المعلومه من المجالس والكتب والأشرطه حتى ينجح مشروعنا , وأنا بانتظار كم يابني وائل

ونحن أناس لاتوسط بيننا
لنا الصدر دون العالمين أو القبر
ونحن أناس لا توسط بيننا
لنا الصدر دون العالمين أو القبر
سيذكرني قومي إذا جد جدهم
وفي الليلة الظلماء يفتقد البدر




مع تحياتي

[نهاوند]

يعطيك العافيه اخي عبدالله تركي العنزي

اقتراح جداً رائع و بمحله

اتمنى من الاخوان التفاعل

دمت بخير

[ماجد الوايلي]

عبدالله تركي العنزي .....

هلالالالالابك بالويلان وهلالالالا بأقتراحاتك الرااااائعه ....

عز الله صدقت بكل ماقلت وانا معك راح ابدأ بجمع كل ما استطيع ....

واتمنى من الجيمع التفاعل مع هالمشروع .....

لاهنت ياعبدالله وبيض الله وجهك

دمت وداااام تواااصلك ...

[فهد معزي]

عبدالله تركي العنزي

مشكور على اثارة هذا الموضوع

وأتمنى من الجميع التفاعل

ودمت

[عبدالكريم العنزي]

عبدالله تركي العنزي



انا شاكر لك على الموضوع الفعال الذي يدل علي اهتمامك بهذه القبيله



وسوف اقوم بالبحث باذن الله عن القصص والقصايد التي تخص قبيلة عنزه



وساأطرحها بمنتدي التراث مع العلم بان الاداره تحرص تمام الحرص على




مثل هذه المواضيع واطلب من الاخوه اشعراء والاخوه الاعضاء



مساعدتنا بهذا الموضوع



تقبل تحياتي

[محمد المقبل]

يعطيك العافيه يابوزياد

اقتراح جيد جداً

اتمنى من الاخوان التفاعل وانا متاكد بأنه مشروع طيب وناجح ومفيد للجميع


ومثل هذه الفكره الرائعة لاتتم الابتكاتف من الجميع

كما ارجو من مشرفنا الرائع الذي يسعى للفضل وللنجاح دائماً تثبيت هذا الموضوع حتى يتمكن جميع الاعضاء من قراته والمشاركه به

ولكم مني كل الشكر والتقدير

[مزيد المزيد]

يعطيك العافيه وسلمت يمينك اقترااح رائع ومفيد جدا"


واتمنى ان نبدا به من الان وان تكون البدايه منك انت ياغاالي

بان تكتب موضوع جديد وتضيف به الابيات التي ستختارها انت وتضعها في المنتدى التراثي ومن ثم يقوم المشرف بتثبيته


وبعدها يبداون الاعضاء باضافة مالديهم .....


وساقوم بنقل هذا الموضوع الى الاقتراحات بعد قرائتك لردي اذا وافقتني بالراي

لانه مجرد راي فقط .



دمت بكل خير

[موسى المشعان]

يقول الشيخ كنعان الطيار :


يقول الوايلـي قيلٍ وكـادي =معانـي مـا لها شيٍ يشادي


تراهـن يطربن صوت المغنـّي =إلى من ردهن لا هن جدادي


ألا يا راكبٍ من فوق عوصى =سنامه نابيٍ وسط الشدادي


سراهـا للبواسل لا تقيـم =وبلّغهـم مع البيضا سوادي


أصبحنا وصبّحنـا جـموع =بخيـلٍ مثل سيعـان الجرادي


جـوني عيلـةٍ يبغـون ذودي =وذودي كلها ورث الجدادي



يبون الناقة الملحـا وضيرة =عليها مثل منكوس الفرادي



ورودة ناقـة الخطّار تبهـل =تـهـجّع كنها يـمي تنادي


تـراها كـل مـا تسمع مدوّه =تـفجّع من معاليـق الفوادِ


ألا ..ما اهبلك يا باغي نياقي =وانا من دونهن فوق الجوادي


مغـذاةٍ على حـب الشعـير =ودرّ الخلف طلقٍ ما يـزادي


ظهرها مـا يزيد عن الذراع =سريعة موج أباهرها سنادي


قوايمها كمـا عمـد الحديد =وله صدرٍ كما باب البلادي


وحاركهـا كما السبع المويق =على الطليان بايام الكدادي


واذانـيها كما كافـور غيد= وعينه نـار شبّت بالحمادي


وذيلٍ مـثل منقوض الجعـود =يغـذّى بالشمطري والزبادي


وجبهتها كما وصف الطلاحي =ومنخرها كما كير الستادي


وتـاطى بالثـلاث موثّقات =وعلى الأربع كما الادمى تقادي


زمالـت خيـّرٍ تدنـى لسرجه =مـدنـّاتٍ كما فحل الهدادي


ولا تركـب على لعـب المصنّع =ولاهـي للـزز يـوم العيادي


تـزها اللـبس باليـوم الكبـير =نـهار الـكون تذخر للطرادي


عليها فـارسٍ يـرخص حياتـه =يـنوض اليـا سمع حس المنادي


معي سمح الكعوب من البلنـزا =إلى اهوت تودع الصامل بجادي


وضجّ نـزول زينات العـيون =وخيلٍ نـوخت لي باحتشادي


وعرجد نـزلهن وانا ذراهن =وصاحن مالـهن غيري عضادي


مـخموصات المـواطي والبطون =مـن المطعـوم ما مالحن زادي


ومـرّيت الغـرو وضّاح الجبين =تنخـى ولا نـخت غيري سنادي


نـور البيـت بالِمقدِم تـصيح =وترجـي فعل حـرٍ بالـهدادي


وانا لعيناك يـا نـجلا العيـون =حلّـي فعـلنا وقـت الهجـادي


وعيـنا بـكرةٍ حلـوٍ لبنهـا =ترعـى مـا نبـت نبت العرادي


رديـت الكمين علـى المغيـر =كمـا سيـلٍ حدر من بطن وادي


وخيـل الطهر قـادن للهجيج =ونـخـوا فـوزان حمّاي العوادي


وقفـّن بالبواسـل هـاربات =وقادوا عجّهن غـوش الردادي

[عبدالكريم العنزي]

الاستاذ والشاعر والمبدع / موسى المشعان



شاكر لك هذا الاهتمام ومقدر جهودك المبذوله



في سبيل تطوير هذا المنتدى



دمت للويلان ذخراً

[عبدالله التركي]

[ " اخواني الاعزا

تقف الكلمات معي حائرة وتتبعثر الأحرف وتتوارى خجلا أمام هذا الفيض من
الكرم الذي غمرتوني به.

لقد فاجأتموني كثيرا بهذا التكريم وهذا الإطراء والثناء اللامحدود.

كم أخجلتني بما وصفتوني به يا اخواني الكرام وكم أشعر بالسعادة البالغة
لانضمامي لهذا المنتدى الأكثر من رائع والذي يضم كوكبة رائعة من المبدعين أمثالكم.

أتمنى وأدعو الله أن أكون عند حسن الظن بي وأن تجدوني كما تظنون

أخواني الاعزاء

بكل كلمات الشكر والثناء أجلها وأشدها عذوبة أشكركم من الأعماق
و لكم وافر التقدير والإحترام . والسلام عليكم ودمتم.




اخوكم عبدالله تركي العنزي

[محمد الدلماني]

يعطيك العافيه

اقتراح ممتاز

ونتمنى التفاعل معه

مشروع طيب وناجح ومفيد للجميع

[السيف]

عبدالله تركي العنزي
لاهنت على هالاقتراح الطيب والناجح
ونرجو من الاخوه والاخوات التفاعل معه
واشكرك على هالجهد من اجل القبيله العزيزه علينا
ومه ماقيل مايوفيها حقها 0 ولازود على جميع القبايل
كلا ً به حقه 0والله يعز الاسلام والمسلمين 0ويعز دولة ال سعود 0تحت ظل الله عزا وجل ومن ثم خادم الحرمين وولي العهد والنايب الثاني حفظهم الله من كل مكروه 0وجعل كيد اعداهم في نحورهم 0ونصر الله الاسلا م بهم ونصرهم بالاسلام آمين
دمت بكل عز ومعزه يالغالي0
وهذي اللي انا حصلت عليها الان والباقي بالطريق انشاءالله

الشاعر 0 ر ا شد مر شد المسمى المطيري


قال هذه القصيده عند مامر الشا عر المعروف بشير سماح العنزي
وكان زاير زيارة ود ومحبه لشيخ غازي بن ماجد ابن حبشان الحميداني
وعند ماذهب بشير في طريقه علم راشد بالزياره ودلا 0 يتشره على ابن حبشان
ويذكر قصده في الشرهه 0ولايسعني الا ان اشكر الشاعر راشد على هالقصيده الرااااااائعه
ولايستغب من اهل الوفاء هذا ابد 0وقوله صح لسانك ملياااااااااارااااااات يابوفالح 0ولاهنت
ولاهانت قبيلتك قبيلة مطير ولاهانوا جميع القبايل في جميع الاقطار العربية
وكل قبيله وعايله بها حقها من الطيب والمرجله كثر الله من الاوفياء آمين00

وهذي القصيد


ليتني حاضر ٍ جيت بشير
00000000000داري مثل من غيري درا

كيف ما خبرتني به يا الامير
0000000000والخطا منك ما عمره جرا

ودنا . مر .لو وقت ٍ قصير
000000000لو شرب بس .فنجال اشقرا

ودي اخذ علومه واستنير
000000000وشهي . اخبار ربعه يا ترا

وودي انشد . عن الشي الكثير
0000000000وعن شيوخ ٍ لهم ظل وذرا

عن شيوخ ٍ لهم صيت ٍ شهير
0000000شيوخ . وايل . صناديد . اومرا

وودي . ارسل معه . حمل ٍ كبير
0000000000يم ناس ٍ ورى . حايل . ورا

كل ما به سلام ٍ وتعبير
0000000000يطرب .اللي. لطياته . قرا

كاتبه بالنيابه عن مطير
000000000000واتشرف بكتبه . وفخرا

وكل ماذكر هاك الجمع المثير
00000ملتقى . شيوح . وحضور . اشعرا

جد النوم من عيني يطير
0000000000ما تهملج عيوني بالكرا

واسال . الروح .هل ممكن يصير
00000000قبل . يوضع على راسي ثرا



يسلم راسك يابوفالح ولاهنت

الجمع الذي ذكره راشد بالقصيده هو عند ما قام الشيخ فرحان بن شقير ابن سقيان
والشيخ غازي بن ماجد ابن حبشان 0بدعوة بعض اشيوخ وعيان من قبيلة عنزه
وحصل اجتماع طيب وصار فيه من الكلام الطيب والشعر الجزل0دلا 0 ابو فالح يذكر عليه
وهذى من طيب معدنه 0وبعد هذا الاجتماع انف الذكر صار فيه تواصل غير منقطع ولله الحمد
وصحيح في معرفة الرجال تجاره وفخر بينهم عند مايقول 0الرجل لي معارف من القبيله الفلانيه
والعايله الفلانيه كذالك0والمثل قال 0رب اخ ٍ 0لم تالده امك00وسمحوا لي بالاطاله لاهنتم

تحيه للجمع ودمتم بالخير والود

[السيف]

عبدالله تركي العنزي
لاهنت على هالاقتراح الطيب والناجح
ونرجو من الاخوه والاخوات التفاعل معه
واشكرك على هالجهد من اجل القبيله العزيزه علينا
ومه ماقيل مايوفيها حقها 0 ولازود على جميع القبايل
كلا ً به حقه 0والله يعز الاسلام والمسلمين 0ويعز دولة ال سعود 0تحت ظل الله عزا وجل ومن ثم خادم الحرمين وولي العهد والنائب الثاني حفظهم الله من كل مكروه 0وجعل كيد اعداهم في نحورهم 0ونصر الله الاسلا م بهم ونصرهم بالاسلام آمين
دمت بكل عز ومعزه يالغالي0
وهذي اللي انا حصلت عليها الان والباقي بالطريق انشاءالله

الشاعر 0 ر ا شد مر شد المسمى المطيري


قال هذه القصيده عند مامر الشا عر المعروف بشير سماح العنزي
وكان زاير زيارة ود ومحبه لشيخ غازي بن ماجد ابن حبشان الحميداني
وعند ماذهب بشير في طريقه علم راشد بالزياره ودلا 0 يتشره على ابن حبشان
ويذكر قصده في الشرهه 0ولايسعني الا ان اشكر الشاعر راشد على هالقصيده الرااااااائعه
ولايستغب من اهل الوفاء هذا ابد 0وقوله صح لسانك ملياااااااااارااااااات يابوفالح 0ولاهنت
ولاهانت قبيلتك قبيلة مطير ولاهانوا جميع القبايل في جميع الاقطار العربية
وكل قبيله وعايله بها حقها من الطيب والمرجله كثر الله من الاوفياء آمين00

وهذي القصيد


ليتني حاضر ٍ جيت بشير
00000000000داري مثل من غيري درا

كيف ما خبرتني به يا الامير
0000000000والخطا منك ما عمره جرا

ودنا . مر .لو وقت ٍ قصير
000000000لو شرب بس .فنجال اشقرا

ودي اخذ علومه واستنير
000000000وشهي . اخبار ربعه يا ترا

وودي انشد . عن الشي الكثير
0000000000وعن شيوخ ٍ لهم ظل وذرا

عن شيوخ ٍ لهم صيت ٍ شهير
0000000شيوخ . وايل . صناديد . اومرا

وودي . ارسل معه . حمل ٍ كبير
0000000000يم ناس ٍ ورى . حايل . ورا

كل ما به سلام ٍ وتعبير
0000000000يطرب .اللي. لطياته . قرا

كاتبه بالنيابه عن مطير
000000000000واتشرف بكتبه . وفخرا

وكل ماذكر هاك الجمع المثير
00000ملتقى . شيوح . وحضور . اشعرا

جد النوم من عيني يطير
0000000000ما تهملج عيوني بالكرا

واسال . الروح .هل ممكن يصير
00000000قبل . يوضع على راسي ثرا



يسلم راسك يابوفالح ولاهنت



تحيه للجمع ودمتم بالخير والود

[الدامر]

الاخ عبدالله

اقتراحك ممتاز جدا ولاكن نريد تفعيل هذا الاقتراح الرائع

[صالح العرجان]

اعدك اخوي الكريم بان اثري هذا الموضوع بما يكون لائقا باسم هذه القبيله

يقول الشاعر ابو جمال::

ما يفرقنا عن الويلان يا كود البطاقه
..//......................اصلا حنا دولتين اكبار بمسمى قبيله

[AhMeD AlHiZaY]

الاخ العزيز موضوع رائع يستحق التثبيت وهو موضوع يثبت انك انسان مبدع

تحية لك

[فهد الخدلي الفدعاني]

يعطيك العافيه اخي عبدالله تركي العنزي علي هالاقتراح

ونتمنى التفاعل معه


تحياتي

[عبدالله التركي]

الاخت العزيزه نهاوند شكراً على مرورك ويعطيك العافيه على الكلمات الحلوه وناسف على التاخير بالرد نظراً لتمتعي باجازتي السنويه

[عبدالله التركي]

الاخ ماجد الوايلي العزيز شكراً على مرورك ويعطيك العافيه على الكلمات الحلوه وناسف على التاخير بالرد نظراً لتمتعي باجازتي السنويه

[عبدالله التركي]

الاخ فهد معزي العزيز شكراً على مرورك ويعطيك العافيه على الكلمات الحلوه وناسف على التاخير بالرد نظراً لتمتعي باجازتي السنويه

[عبدالله التركي]

الاخ العزيزعبدالكريم العنزي شكراً على مرورك ولانستغني عن دعمك للفكره

[عبدالله التركي]

الاخ العزيز الغالي مزيد المزيد شكراً على التوجيه ونامل حث الجميع لتجميع نواة هذه الفكره

[عبدالله التركي]

الاخ العزيز الفاضل محمد مقبل تيحه من الاعماق لتاييدك لهذه الفكره ونامل تفعيلها على الواقع لم يكن ذلك بدون دعمكم المتواصل

[عبدالله التركي]

الاخ موسى المشعان قراة قصيدتك الجميله ولانستغني عن دعمك المتواصل وكلك ذوق ياراعي الذود

[عبدالله التركي]

الاخ العزيز محمد الدلماني شكراً على مرورك ويعطيك العافيه على الكلمات الحلوه وناسف على التاخير بالرد نظراً لتمتعي باجازتي السنويه

[عبدالله التركي]

الاخ العزيز السيف شكراً على مرورك ويعطيك العافيه على الكلمات الحلوه وناسف على التاخير بالرد نظراً لتمتعي باجازتي السنويه

[عبدالله التركي]

الاخ العزيز احمد شكراً على مرورك ويعطيك العافيه على الكلمات الحلوه وناسف على التاخير بالرد نظراً لتمتعي باجازتي السنويه

[عبدالله التركي]

الاخ العزيزفهد الخدلي الفدعاني شكراً على مرورك ويعطيك العافيه على الكلمات الحلوه وناسف على التاخير بالرد نظراً لتمتعي باجازتي السنويه

[أحمد السبيعي]

يقول الشاعر يوسف محمد العنزي ابو نواف



يومنها بالسيف مشروبنا دم ...///.... تلقا غدانا من رقاب الرجاجيل

[أحمد السبيعي]

حنا هل الفزعات من صلب وايل .............. نفزع مع المظلوم ضد اللعينا
نلعن ثوى من كان جاير وعايل ............ يرجع كسير ونرجع الكاسبينا
حنا ليا منا ركبنا الاصــــايـل ..................انزلزل البيدى على الثابتينا
نضرب بحد السيف روس القبايل ........... تخضع لنا روس(ن) وحنا إعتلينا
لو بذكر افعال عنزه والهوايل ............. روس الصغار تشيب والعاقلينا
نهجم على وضح النقى بالقوايل ............ عيب(ن) علينا نهجد الغافلينا
حنا ليامن صار بالناس مايل ................ نعّدل سيوف الهند بالمايلينا
افهم على عناز والعلم قايل ................... لامن نخانا الذيب حنا عوينا

[مالك الروسي]

رائع جداً هذا الاقتراح وبالفعل يستحق التثبيت

وشكراً لك اخي الكريم لطرحك هذه الفكره الجميله , التي وهي بالكاد مفخره لكل عيال وايل


انتظروني عن قريب سوف اجمع ولو الشي البسيط في ما قيل عنزه


تقبلوا فائق الاحترام والتقدير

[مالك الروسي]

رجعنا

هذه لـــ مشعان بن هذال شيخ مشايخ عنزه

وتسمى ويقال لها شيخة القصايد

يالله يامدير الهبايـب والادوار @@ شانك عسى تصريف شانك لنا خيـر
يالله ياعالم خفيات الأســــــرار @@ يامعتنــي بالخلق والي المقاديـر
قلته ونوم العين عن جفنها طار @@ والقلب كنه فوق حامي المجاميـر
جانـا الخبر يالابتي ولّية الــدار @@ سكانها الأجناب هم والبقاقيـــــر
من عقب ما كنا بها مثل الاسـوار @@ نامر وننهي نحمـي الجار ونجير
من عقب ماكنا هنيا كما الـنـــار @@ نقطع بها شر وناصل بها خيــــــر
حنا الذي ترجع لنا كل الأشــــوار @@ لا صار بالقالات شوار وامـشيـــــر
حامينها في لابة تسقي الامـــــرار @@ عدوهم ما يحتسب للمخاسيـر
لابد ما ناتي لابانــــــــات زوار @@ باسلاف عجلات تعدى المظاهيــــــر
يهوّمن هومات بعيدات وعســــار @@ وكم ذيرن من غافل مابعد ذيـــــر
كم فاجن العدوان غرات وجهـــار @@ الى انتون كم يسبقن من معاييـر
ظعاينن حطن ملكهن بسنجــــــــار @@ وبنن على الخابور زين الدواويــر
وتواهلن الزور حصن لهن كــــــار @@ ومن البطين الى الرها له معابيـر
وكنن مع الحاوي وداجن بالامصـــار @@ وجابن خفارتهن بفكر وتدبيــــــر
وحطن على السلمان طيحات الامطار@@وصارت لهن لينةوخضرا مصادير
وأبا ذراع أضحى مقيم على الـــدر @@ وشالن حلال المحمرة والمسامير
ومالن على رجم الهيازع وسنــّار @@ وجابن حلال المحمره من ورا النيـر
نامر وننهي مانداري بـــها ادوار @@ ونهدي العاصي بخسر ومخاسيــــــر
وراجن على الشنبل وداسن الأخطار@@وهدن بهاالعاصي بيسر وتيسير
ثم انتحن مع كفة الشط عــــبــار @@ وهاجن وماجن فوق روس العناقير
واقفن وكالن من شثاثا بالسعـار @@ وحطن لملموم المسمى مسامير
واقطعن ينون الخطايا والاقفــــار @@ وكم طيرن جول الحبارى مخاميــــر
وخلن فوق الشبك عج الرمك طـار @@ و حلو هاك اليوم خز المعاشيــر
واركن على ورد الدجاني لهب نــار @@ وغدو بها الويلان مثل المداويـــر
وشدن وحطن الثمامي بالايسار @@ وخلن على المطران مثل المعاصيـر
سارن بناالزرفات باقبال وادبــار @@ من غوطة الفيحا الى غسلة الديــر
في كل درب بالمناعير عبـــــــار @@ ياما تجوب خيولنا من مشاويـــــر
نروم من زين المنازل ونختـــــار @@ ونستارد الخوه بحدب البواتــــير
لياما نخونا اللي على نجد حضــار @@ وجانا كتاب من زبن المقاصيـــــر
ماجد بن عريعر حر الاوكــــــــار @@ يقول وليت داركم يالمناعيــــــر
الشيخ اللي حيف على البيض بالغار @@ يقول حل بداركم حرب ومطيــر
وجيناه مثل السيل طمام الاوعـــار @@ لياما غدت عنها البوادي شعاثير
أولاد عم ولابنا قول شبشــــــــار @@ وشيخ لنا عنده جلال وتقديـــــــر
أولاد عم وما حذانا لهم جــــــار @@ حنا عليهم نحمي الجار ونجيـــــر
حنا شبات الحرب وان شبت النـــار @@ وتوايقت بين الحنايا الغناديـــر
حنا بني وايل بعيدين الاذكـــــار @@ اليا تناخو بالجموع المشـــاهـير
حنا هل الجمع المسمى الياسار @@ بمركاضنا يشبع به الذيب والطيــر
وين انت ياللي تايـه منك الابصـار @@ جيناك حوله من شثاثا وابا القـير
هـج (الدويش)و مالقينــاه بالدار @@ زبن على الحـره وذيـك الشناخـيـر
باغي عليهم صـايرن مثل ماصــــار @@ ذبح الشفـايا واغتنـام الخواويـر
كســيرة ماقط ذكـرت بالاذكـــــار @@ فيهـا القلايـع مثل روس الخنازيـر
صحنا عليهم صيحة باللقا الحـــار @@ حتى جبرنـاهم عن الدار تجبــــير
لولا شفــاتي فيـك يانجد ماأحتـار @@ فكـري ولا كثرت علي التفاكـــيــر
ولولا شفــاتي فيــك ماجيت مــرار @@ نادى نذيرات الهواجيــس ونديـــر
وندير حيــلات بالاريـــا وتبصــار @@ وارجي من الباري عساها مسافيـــر
نجد جـفتنا وكــل دار لنـــا دار @@ ماهي معـافه مـير جوع ومداهـيــر
قطعـاننــا ترعى زماليــق نــوار @@ لياما غدى فـوق الاباهر قناطـيــر
مـابين مسنــاد ومــا بين محـدار @@ يامـا قطعنــا بدربن من مشاويــر
ياما ركــبنا بالسرى قب الامهــار @@ وبعيرات الأنضــا كنهن السنانيــر
نعتاض عن دار عليها الدهر جـــار @@ ديد العسل فيها تعيش المفاقـير
مثل المسوح اللي ترزم على حــوار @@ دار مريه بالشتــا تسمن الضير
دار لها بالقيــظ غدران وانــهار @@ والتمّـن المجروش ملي الجواخـيــر
وصلاة ربي عد مابالسـما طــار @@ طيرٍ وعداد ماوردن ظمايـا على بير
على الرسول المصطفى سيد الأبـرار@@ نور العباد اللي يشيع التباشير


دمتم بوود

[عاشق الذات]

اولا مشكورين على هالاقتراح وانشالله تراث عنزة محفوووظ


لكن يبقى اقتراح جيد ومن مصلحه قبيلتنا العزيزة التي وعلى مر الاجيال نفتخر بها

هذه قصيدة للشيخ طراد الملحم شيخ الحسنة

حنا بني وايل على روس الاشهاد نسل ضنا عدنان من ساس وشهود
تغالبه سدنا القبايل ولا نسااااااد غلابتن ولا غلبنا وزن عوووووود
كليب لراس التبعي صار جلاااااااد وكلام ابن كلثوم بالكتب موجوود



هذا اللي حافظ منها بس قصيدة معبرة عن تاريخ عنزة المجيد
تقبلووو محبتي

[فهد الخدلي الفدعاني]

عبدالله تركي

مشكور على اثارة هذا الموضوع

[كبرياء انثى]

الله يعطيك العافيه يارب


جميل جدا


ولله الحمد اننا من قبيله لها هذا المجد


:)

[طلال معيض]

يعطيكم الف عافيه على اثارة هذا الموضوع وسوف نحاول جاهدين على ذلك ولكم الشكر والتقدير

[وآآيليـه مـا تهـاب]

اولا : اشكــركـ اخــوى على هالطــرح الجميــل

ثـانيا : عندى بيت شعر لكن مو حافظته كامل مو حافظه الا القليل

والعذر منكم ,,:more19:

انا شمااالي وجدي شمالى :::: حنا سلااطين الجزيره ياحلالى
شــف سلاطيـــن الجــزيرهـ كلهــا (( عنــــــــــــــــــووووز ))


مــ خالص احترمي ــع : وآآيليـه مـا تهـاب

[سعوط المجانين]

تصحيحا ً للاخت وايليه ماتهاب بالابيات بالرغم من اجتهادها

قالوا شمالي قلت جدي شمالي ,, من وين مارحنا لنا العز مركوز

ترفع لنا الرايات في كل عالي ,, مدامنا بالعـــــز والمجد والفوز

حنا سلاطين العرب ياحلالــــي ,, شــف الجزيره كل حكامها عنوز

...

[سعوط المجانين]

هو الشاعر / سعيد بن سالم بن غيثة ، وينتمي إلى قبيلة الشرارات .. أحد فحول شعراء العامية في الجزيرة العربية .. قال شعراً كثيراً في الرثاء والغزل والمدح والهجاء وغيره .. ولد بحدود عام 1340 وتوفي سنة 1409هـ0

وقبل وفاته – رحمه الله – بسنوات قال هذه القصيدة التي استعرض فيها حياة قبيلته ونسبها والقبائل التي تشكل طوقا على هذه القبيلة ثم ختمها بالثناء على حكام هذه الجزيرة وعلى رأسهم المغفور له الملك عبد العزيز – طيب الله ثراه – رحم الله السلف وحفظ اللهم الخلف وأيدهم بنصره .. ومن هذه القصيدة:





ارويـل متعبـة السلايـل والاجيـاد
جمع الجلاس اللي كما الحيد يرسون

يحدنا أبطـال مـن عصـر الأجـداد
فطاحـل عنـد القبائـل يهـابـون

لهم علـى العـدوان هـده وملكـاد
بسيوفهـم قبـل البنـادق يعرفـون

وحنا مـوا قفنـا قديمـات واجـداد
ما نستمع لقـول حاسـد ومجنـون

لنـا مواريـد وسيـعـات وبــلاد
غرفن على روس الضوامي يصبون

حامينها من دور شـداد بـن عـاد
ياما عصينا به على مـن يريـدون

مداهـل لنـا بهـا فـراش وامهـاد
وتاريخـنـا وأثـارنـا مايغـبـون

قبل اللحاوي جـد محسـن وحمـاد
تاريخ عام ألـف وميـه وخمسـون

حنا العرب أسلومنا سلـم الأجـواد
نفخر بها يـوم السوالـف يعـدون

من العريش للغـرب لشـرق بغـداد
وغرب اليمن وأقصا الجزيرة ومادون

ومن هو له الجيش المعرب والأذواد
والخيل وجل النيب حسينـة اللـون

ماديرتـن ألا بهـا الحضـر قعـاد
ولا باديـة الا يـجـون ويـمـدون

وكلا علـى مسعـاه يعمـل ومـداد
الناس هم النـاس بالطبـع واللـون

الله يخـزي للثنـا كــل جـحـاد
اللي مواقيـف الرجاجيـل ينسـون

مـن العقـل متجرديـنـا تـجـراد
صـار الكـلام الخايبينـا يهـذرون

شوفاتهم حدر القـدم ماهـن بعـاد
ماهم على ساس ولا العهد يوفـون

تعبث بنسب ونسبهـا غيـر معتـاد
وتاريخهـم كـل القبائـل يعرفـون

أصل العرب معروف ياللي عنه غـاد
أسأل هل التاريـخ ويـش يتمطـون

أصل العرب تأريخها عصر الأجـداد
يوم المغازي والمكاسـب يجيبـون

فيهم على أحرار وعلى مهار وأعياد
وفيهم على خضر وشهارا يشـدون

بعصر القنا والشلف ومصقول الأهناد
يوم الكلام ألهـن وفيهـن يهـدون

والموت يوجد عنـد زرفـات الأذواد
وعند الرجال اللي الخزايز يـدورون

هذا كلام اللي على الصـدق يعتـاد
إلى قال بـه فيـه القبائـل يقـرون

مليوم يانسانـا بـلا ضـوء تنقـاد
عيب الخطأ حيث الخطا الناس ينفون

ينقدك في قولك صغيريـن الأوغـاد
ولا يقبله من كـان للعلـم يـروون

والصدق نور بالحقيقـة والارشـاد
خلوا مجالاً لأهـل العـرف بالكـون

ناساً لهم بالمعرفة عمـق وارصـاد
ومواضعاً فيها العـرب يستفيـدون

عـلامـة التـاريـخ للعـلـم رواد
هم الرجال اللي على الضوء يمشون

أعرف تاريخ الجوف هجري وميـلاد
ياللي بصفحـات التياريـخ تقـرون

الجوف عرفه عندنا غاد ابـن غـاد
من عصر ثمود إلى عصـر فرعـون

والجوف رحلاتـه قديمـات وابعـاد
منهم هله يوم أهل السور يبنون .. ؟

حنا هله وأهل هلـه جـد واعمـاد
قبل بنـاء مـارد المـارد ومـادون

مـن جاهليـة ود وللـي لـه أوداد
اللـي بعصـر الجاهليـة يعبـدون

أسأل من خذما للمسيب إلـى البـاد
والغرب والصبه بها من يزكون ..؟

لمن الجوابي بين غرسـات الأغيـاد
وأهل الجهام النازله من يكونون ..؟

وبسيطه أليا جاها من الوبل رعـاد
تيما وأهل الجـوف لهـا يخيلـون

رزق لنـا مـن الله ولـي الأعبـاد
حضر وبدو من رزقهـا يستمـدون

أسأل ولا تخفي عن النـاس نشـاد
من غيرنـا اللـي حماهـا يطبـون

وهالحين حنا بخير وانعام واسعـاد
وحكامنا بأمـر الشريعـة يعدلـون

عبد العزيز اللي جلا شـوك الاكبـاد
ابن عبـد الرحمـن بـه يستعـزون

المسس الباني ومن له مـن أحفـاد
بالسيف طوع كل عاصـي ومفتـون

حضـارة بسرعـة عمرانـهـا زاد
واللـي تولوهـا رجـالاً يـجـدون

هذا بعـد هـذا وهـذا لـه اسنـاد
بنيانهـم فـي طاعـة الله يشـدون

عيال من يقطـع رهاريـه الأجـراد
له الرجال اللـي يخيفـون يتلـون

رأس الرجال الصيرمي باتعـاً عـاد
سبع الرجال اللي جنا بـه يهابـون

ليا شـاف حـراً مداليـه الاضـداد
طيور شلوى أليا شهر ما يطيـرون

بحماية المعبـود عـن كـل حسـاد
العز جعل ألهـم حليـف ومضمـون

[سعوط المجانين]

ومن شعره أيضاً هذه القصيدة التي بدأها بمخاطبة الشيخ مقحم بن مهيد – رحمه الله – وصدف أن هذا الشاعر كان مريضاً حين رأى بارقاً يلوح باتجاه قبيلته فقال قصيدته التي منها:




يا شيخ يا مدمـي كبـود المعاديـن
بدربكـم الخيـل يـامـا وطـنـي

وأنتم هلالات مـن الشـرق ثانيـن
يا ويـل ضـدا خيلكـم يسهجنـي

تنحون بالعليـا جمـوح المعاديـن
لي منهن عبـر الفيافـي اقطعنـي

البارحة ما سلهـم النـوم بالعيـن
اقالـب الجنبيـن مـمـا غبـنـي

هيض هموم القلب والناس غافيـن
غـراً يسقـن ونـوهـن دفقـنـي

صوب البويب اشوف برقة لعج زين
تقـول ضلعانـا مزونـة نشـنـي

وديارنـا وراه ممشـاة عشـريـن
ليـال ممشـى الراحلـة وقمهنـي

ذكر علي أيام ربعـي هـاك الحيـن
* ويوم اشتعلن بروقهـن ذكرنـي

الدور كان مثلـي البرقـة مخيليـن
ومفالـي البـل عندهـم سيلـنـي

بدون شور الـرأي باكـر محيليـن
لا والله ألا دون هجسـاً وضـنـي

قاد الجهام اللي من الصبح مسقيـن
باتا علـى شـور بصبـح نصنـي

وامست بيوت اللي على العز بانيـن
ومن صبح زينات المفـارع طونـي

وغدا عسام الجو لـون الدخاخيـن
الزمـل رد ودالـة القلـب حـنـي

نظناظ جـظ ولـج ناسـا كثيريـن
يدوخ رأس اللـي وقـف بينهنـي

لو تسمع الاصوات بيـن المناديـن
ماتفهـم الموضـوع منهـم ومنـي

قاد السلف ثـم أتلتـه الاضاعيـن
والبيض صفـن زينهـن ينضرنـي

كـلا تقـذ بعينهـا ودهـا الزيـن
فـوق المقاصـر دلهـن نثـرنـي

زوم الجهامـة والمظاهيـر مقفيـن
كنـه طخـاً مزنـاً ثقـالاً زمـنـي

والعد أخلا مـن جميـع المقاطيـن
عليـه ماكـن النـزول اقطبـنـي

علـى مداهلهـم جديـد وقديميـن
* ارضا بهـا قطعانهـم يرغبنـي

من الجوف للخنفة خذها على يميـن
من السمار إلـى الطبيـق أرتعنـي

علـى منازلهـا وبــره معيـيـن
وأفعالهـم باطرفـهـا يشهـدنـي

أخـلاف ذا ياركبـا فـوق ثنتيـن
أصايـلا مـن جيشـنـا نجبـنـي

عسفـا رباعيـات يـوم المقاطيـن
بالأرض يوم أن الخفـاف ابردنـي

غيبة نجوم الحر مع وقـده الشيـن
يوم البراد أشهـر نجومـه بدنـي

عقب التطبع حيـلاً أربـع أسنيـن
جلسيـن لمـا شهودهـن بينـنـي

من شبيح أجهمن صـلاة المصليـن
وكـل اللـوازم فوقهـن حضرنـي

والصبح يبـارن نسفـن البساتيـن
والعصر مع شهب الدميثـة زمنـي

والصبح فوق أكوارهـن مستعزيـن
ذورات مـن أظلالهـن يجفلـنـي

يشدن رفيـف مـوردات القطاتيـن
حـراً طلبهـن روحهـن وانحدنـي

هو يدعـي يصيدهـن بالشطيريـن
وهـن يدعـن ياليتهـن يسلمنـي

ذورات ما يدانن هـوز المحاجيـن
سبحان من ادعاهـن الكـم هدنـي

إن روحن وأنتـم عليهـن مخفيـن
عن مامشن يا بعـد مـا يصبحنـي

لابدكـم مـن الشـرارات لا فيـن
يا موفقيـن خـوذوا الهـرج منـي

وعقب العشا منكم ترى الهرج باغين
مـن ديـار جيشكـم بـه مشنـي

خوذوا و اعطوهم كـلام المحبيـن
وحمض الرجال اعلومهم وأن لفنـي

يا موديا هرجـي وداعتـك ياشيـن
زيـد السـلام وداعتـك لا تكـنـي

أول سلام لوالـدي بـه حريصيـن
زيد السـلام وفيـه مـا يستمنـي

على الحلسة سلمـوا والضباعيـن
وعـزام وفليـحـان لازم يجـنـي

سلم على ربعـي حمـاة المجنيـن
سلام لربعـي دافعـه معـك منـي

سلم علـى أكبارهـم والصغيريـن
غير الردي لا لـه علومـي يجنـي

سلم علـى كليـت بذليـن الأيديـن
لو مادروا يا مودي الهـرج عنـي

سلم على اللي لشمخ الخور حاميـن
حـم الـذرا لافعالهـم يطربـنـي

سلم على اللي بتالي الجيش صلفين
عـز الجـلال وعـز مـن فرعنـي

يوم القاء من كل جيهة خذوا دبـن
ومن كـل جيهـه ذودهـم يطلبنـي

يا مارموا عنـد البكـار المزاييـن
من واحـد مـن جيتـه مـا يثنـي

بتاع قطاع اللغاء أن صار به شيـن
عمارهـم يـوم اللقـاء يرخصنـي

مدحي لهم ما هو تفخيـر وتبييـن
لو مـا ذكـرت أفعالهـم يذكرنـي

من عرض ناسا بالمراجـل وفييـن
أفعالهـم مـن روسهـم يرفعـنـي

ياليـت قبـري بوطنهـم مسويـن
ولا الليالـي عـن وطنهـم نحنـي

أن غربـوا نثايـل القبـر غاشيـن
وأن شرقـن أسلافهـم يدهجـنـي

[سعوط المجانين]

واليكم هذه

مبداي بإسم اللي خلقنا من الطين = وأنزل علينا الذكر باليعربيه

اللي جعل بالدين عز وعزيزيــــن = وختم بدين إسلامنا للبريــــه

من آدم وحواء خلق ربي لهالحين = وحكمه من الله فرقنا عن البقيه

من أصل العرب لاجل التعارف لتالين=شعوب وقبايل لين فرد الرعيه

(قحطان)مع(عدنان)بالعرب قسمين = وحنا (ضناء عدنان) بالعز طيه

حنا (بني وائل)كما النور بالعين = منا (بشر)و(جلاس)بالوائليـــــه

بشر ((عمارات))و((ضناء عبيد))وافين = بالطيب كلن يعتزي بعنزيـــه

شيخ الشيوخ (ابن هذال)نعمين = عمارات منهم خمس غير البقيــــه

((جبلان))و((الصقور))النشاما لتالين = ((ودهامشه))و((الجبل))أهل العطيه

وأتلاهم ((السلقا))هم اربع نياشين = ((شملان))مع ((بجايده))بالحميــــه

وتجي((المطارفه))بعدهم عسرها لين = و((الحسني))هو (نقال هم البقيه)

((وضناءعبيد))الفين نعمٍ مع الفين = ((سبعَة))وأنا منهم بعز مسكيــــه

((وولد سليمان))الضواري بسيفين = (عقابٍ)وإخوه (حجاب)راع العبيـــه

((وفدعان))بإبن مهيد شيخٍ مع غبين = من الطيب صوت بالعشاء مكرميه

هذا ومنا ((جلاس))شيخٍ وشيخيــــن = ((ولد علي))و((روله))بالمقدميـه

((ومنابهه))وراء (إبن ملحم)غنيين = ((خماعله))و((فقراء))عز العزيــــه

((والروله))ب(الشعلان)أول وتالين = من (النوري)ل(ورنس)النشاماء غنيه

((وولد علي))من الله خلقنا عناوين = (((وإبو عنزة طيار))) لاعد بيــــــه

والشيخ (الايدا)فيه سقم المعادين = والكل منهم بإسمه الوايليــــــــــه

((ومنابهه))منهم ((مصاليخ))عالين = حكامنا (((آل سعود))) فيهم عليـــه

هذي ((((عنزة)))) فصلتها للمقيمين = ((وكل قوم إلا عنزة)) عند البقيه لشاعر سعود السيف

[سعوط المجانين]

واليكم هذه

السلام عليكم ورحمة الله،،،،

قال الشاعر عبدالله بن عبار العنزي هذه القصيده يسند على الشيخ ثامر بن طراد الملحم شيخ قبائل المنابهه من عنزة واخيه الشيخ عبدالعزيز بن طراد الملحم...





يقـول ابـن عـبـار فــي نـظـم الاشـعـار,,, القـاف مــن فـيـض القريـحـه يــزودي
أسـبـاب مـاهـاض الـروابـع والافـكــار,,, العـلـم الـلـي بـيّـح خـوافــي ســـدودي
جانـا مـن الملحـم مطـاريـش واخـبـار,,, يـفـرح بطاريـهـا الصـديـق الـــودودي
والـنـعـم بالمـلـحـم سـلاطـيـن وامـــار,,, اخــوان فـضـه كـــان لـلـكـون نـــودي
يتلـون حـر نـاض مــن مـاكـر احــرار,,, فــرخ القطـامـي للـحـبـاري صـيــودي
يفـرى الثـنـادي فــي مخالـيـب شـطـار,,, أشـقـر عـلـى فــرق النـعـام مـهــدودي
أبــو مـوفـق مــن صـواريــم سـنـجـار,,, وعبدالعـزيـز اللـيـث عــوق الـلـدودي
هل البويضـا اللـي يدوسـون الاخطـار,,, يـوم المـوازر مثـل قـصـف الـرعـودي
عـدوهــم مـهـمـا تـكـاثــر بـالانـصــار,,, يصيـر مـن عقـب الشجاعـه شــرودي
عاداتـهـم يـثـنـون بالـمـوقـف الـحــار,,, شجـعـان بـالـروح العـزيـزه تـجــودي
وأولاد وايـــل كـنـهـم حـيــط واجـــدار,,, ذخـر لبعضهـم رغـم انــف الحـسـودي
تاريخهـم مـعـروف فــي كــل الاقـطـار,,, صالـوا وجالـوا فـي جمـيـع الـحـدودي
من معـد مـن عدنـان مـن صلـب نـزار,,, صـفـوة ربيـعـة مــن قـديـم الـجـدودي
عــزوة ربيـعـة لابـتـي صـيـد الأخـيـار,,, مـبـطـي فعايـلـهـم علـيـهـا شــهــودي
الـلـي جـبـل خــزاز شـبـوا بــه الـنــار,,, عـقـد سـنـاهـا يشـتـعـل لـــه وقـــودي
الـلـي حـمــوا دخيـلـهـم يـــوم ذيـقــار,,, وكتـايـب الهـامـرز جـتـهـم حـشــودي
جاهـم مـن جنـود العجـم جيـش جـرار,,, فيهـم ملاحـد مــع مـجـوس ويـهـودي
وتجمـعـوا للـشـور صلبـيـن الاشــوار,,, وتـعـاهــدوا مابـيـنـهـم بـالـصـمــودي
قـالـوا نـريـد الـمـوت مانبـغـي الـعــار,,, دون الـكـرامــه والـمـحــارم نــــذودي
وحاموا علـى عـز العـرب والعـدو نـار,,, عيّـوا علـى الجـار الدخـيـل الـطـرودي
هــذي فعـايـل لابـتـي مـاضــي الأدوار,,, وفخـر العـرب مـن دور عـاد وثمـودي
واليـوم عـادوا سـابـق المـجـد تـكـرار,,, الـمـجـد يـبـقـى والـمـفـاخـر تــعــودي
ربعـي لـهـم بالطـيـب تـاريـخ واذكــار,,, يـوم المـراجـل مـثـل رقــي السـنـودي
أولاد وايــل كــان عــج الـدخــن ثـــار ,,,سقـم الحـريـب وصادقـيـن الـوعـودي
يـرسـون بالهـيـه كـمـا يـرسـي جــدار,,, أعــز وامـنـع مــن شوامـيـخ طـــودي
بشـر وضنـا مسلـم هـل المجـد والكـار,,, يــوم الـعــرب كـلــن لـــواه مـعـقـودي
منهـم (هـل الملحـا) مبيديـن الاشــرار,,, (ولادعه)لـلـخـصـم دايـــــم تــكـــودي
بمركاضهـم تشبـع مجيـعـات الأطـيـار,,, ليـا طــار سـتـر منقـضـات الجـعـودي
ومنهـم (بنـي نبهـان) مرذيـن الأكـوار ,,,ضـد الـعـدا لـيـا زام غـيـض الكـبـودي
اللابـه الـلـي تـكـرم الضـيـف والـجـار,,, تـذري وتدخـل مـن نصـاهـا مـحـدودي
ولابة (بني شرعب) يدوسون الاخطار,,, يـهـاب سطـوتـهـم قـــوي الـعـضـودي
عـدوهـم كـانـه سـمـع طـــاري انـــذار,,, تـسـهـر عـيـونـه بـالـدجـا مـاتـنــودي
ومنهـم (هـل العليا)طويلـيـن الأشـبـار,,, (رويـلات)لاهــاب الـذلـيـل الـهـبــودي
ماهـو بخيـر اللـي علـى ذودهــم غــار,,, مايهـتـنـي عـيـنـه تـعــاف الــرقــودي
ومنهم(محلـف)كـان لاحــو بـالاكــوار,,, يــــردون لـحـيــاض الـمـنـيـه ورودي
(سوالمـه) تسقـي العـدو مـر الامــرار,,, (وعـيــال عـبــدالله) نـــوادر فـهــودي
(وعيال مشجع) لااعتلوا قـب الامهـار,,, شـجـعـان مامـنـهـم بـلـيـد الــزنــودي
ومنهم عيال (سهيل)من صلـب عمـار,,, (سلقاوجبـل) لاجــا نـهـار الحـشـودي
(ودهامشـه)كـان الجـمـل حــد بهـجـار,,, نطيحـهـم شــاف الـكــدر والـزهــودي
ومنهـم عيـال (عبيد)لاصـار مـا صـار,,, يـــروون حـــد مـصـقـلات الـهـنــودي
لابـة(هـل العـرفـا) و(بـواجـت الـــدار),,, (وسـلايـل سليـمـان) مـثـل الـحـيـودي
أولاد وايـــل مـابـهـم طـــق شـبـشــا,,,ر ومـن يـدرك المجـد التلـيـد امحـمـودي
يامـا قطعـوا بالسيـف مـن راس جبـار,,, علـيـه خـمّـشـن الـعــذارى الـخــدودي
نطيحـهـم بـامـر الـولـي كــود يـنـهـار,,, يـقـسـم يـمـيــن لــدارهــم مــايــرودي
هــذي فـعـايـل لابـتــي مـابـهـا انـكــار,,, افخـر بـهـم ولانــي بـحـال الجـحـودي
نفخـر بمجـد اللـي لبسـنـا لــه اشـعـار,,, تـاج الفخـر فـي ظـل حـكـم السـعـودي
يحمـاهـم الله مــن صـواديـف الاقـــدار,,, حامـوا علـى السنـه شـبـال الاســودي
وصلـوا علـى اللـي للمخاليـق مخـتـار,,, عـد الحصـى واعــداد رمــل النـفـودي

[سعوط المجانين]

وهذه لنواف هلال الاشجعي

إدخل على الله قبل لا يلحقك لوم
الهرج غالي والثمن ينحكابه=
ربعٍ تمسّكنا بعادات وسلوم
ندرى الشناه ولا نخاف المجابه=
الأجودي بمعاشر الناس محكوم
ما يشتكي جور الزمن من عذابه=
وعينٍ تنام وعين ما ذاقت النوم
وكفٍ نظيف وكف دمّه خضابه=
كلٍ بطبعه يكسي الناس بهدوم
وكلٍ تبيّن غايته من جوابه=
أحدٍ يموت ولا يقولون مرحوم
وأحدٍ يحبّون الثرى لا مشابه=
القصد للّي يبخص القصد مفهوم
بامر الولي والعبد يلقى ثوابه=
أنا أحمد الله ما تفّوهت بعلوم
أخاف من يومٍ شديدٍ عقابه=
أطيح من شيل الثقيلات وآقوم
عزمي رفض ثوب الدنس مااكتسابه=
أخايل بدربي مسافات ونجوم
ولا والله أشكي للعباد الكآبه=
من خلقة الدنيا بمرباي محشوم
ضاري على درب الجلد ما أهابه=
بعض البشر هرجه ولو كان مسموم
ما وصّل لحلقي ولا شفت نابه=
وما دامها ما وصلَتْ الحلق مااقوم
وإن قمت قومة ذيب بين الذيابه=
إن حدّنا كيد الملا نجزع بيوم
يكفيه شرّه من لمحنا شهابه=
خصيمنا حاله على النقص محتوم
جرح الكرامه به ننّفض ترابه=
صغيرنا لاحدّه الوقت شغموم
وكبيرنا لا نام ما صك بابه=
حنّا بني وايل ليا حلْ ملزوم
الموت والله ما حسبنا حسابه=

[سعوط المجانين]

واليكم هذه

حنا هل الفزعـات والطيـب والكـار
000000تواجـرٍ يشهـد لنـا كـل رجــال

يشهد لنا فـي طيبنـا طرقيـاً مـار
000000نكرم ضيوف الله وهو ضيـف رحـال

ويشهد بعد من يسكن بجنبنـا جـار
000000تقديرنا دلـه علـى طيـب الأفعـال

ما هي غصيبة تاخذ النـاس مقـدار
000000بفعالهـا تاخـذ ولا هيـب مقـيـال

أولاد وائـل نعـرف بدمنـا الـحـار
000000نقفي عـن القايـل ولا نتبـع القـال

حنـا خمـاد النـار لا شبـت النـار
000000أمـا دواهـا أخمـاد وإلا بالإشعـال

حمولتي ما حد رتبي علـى أضـرار
000000أبـداً ولا جانـي تشاكيـل واشكـال

واليوم شوف العين مشقوق الأستـار
000000بنـتٍ ذراهـا ثـور ماهـوب رجـال

زمر لها المزمار ورزح لهـا الطـار
000000عرض الملابس شغلها ثوب وأبـدال

خبيثتـاً مدحـورةٍ بـنـت طــرار
000000ملعونـةٍ منبـوذةٍ كـومـة زبــال

يفرح بها من هـو تباشـر بالأخبـار
000000حقدٍ على رجال التواجـر والأبطـال

مير إيخسى ما هي من مهار الاحـرار
000000نسل النور تعرف من الوجه الانـذال

واللي يقول الحـق مـا ظنتـي بـار
000000**وراع الخطى تاطى على راسه نعال

ياللي تشوف العيب والعيـب بالـدار
000000كبر الخطى شايل من العيـب مثقـال

مجلةً يـوم اوشكـت حـول تنهـار
000000حطو خبر عنها على شـان تنشـال

وأن كانها تمحـي تواريـخ الأخيـار
000000يا لعنبو من هو خذا صيـت بريـال

تاريخنا اصفـى مـن ميـاه الأنهـار
000000واصفى من الماء لا تحدر على جـال

تاريخنـا مشـرق مسـرات وانـوار
000000ما نمدحـه لا شـك نذكـر للأجيـال

ردينـا لا جيـت مــن بـعـد زوار
000000ذبحلـك الحايـل وقهـواك بــدلال

جـزيـرة كـلـه قبـائـل وأمــار
000000وحنـا لنـا عـزٍ وبيـتٍ ومـنـزال

منزالنـا فـوق الشواهيـق شهـار
000000ما ينـزل بسلـمٍ ولا ضـاق بقتـال

واللي ترك بيته على شـان الأشـرار
000000يرجـع وبيتـه للرياجيـل مـدهـال

واللي فرح في هنـد سـرٍ أو إجهـار
000000عساه يذرف له مـن الدمـع همـال

عسـاه بالدنيـا يغربـل ويحـتـار
000000ماله صديـق وجالـسٍ دوم بالحـال

أمراض في جسمه عطيبـات وكثـار
000000الصبح في حالٍ وبالليـل فـي حـال

اليا هرج دمعه علـى الخـد مـدرار
000000واليا سكت هوجس ودمعه بعد سـال

هذا جزاء من هو تحـرش بالأبـرار
000000من حر ما يوجـس يكـذب ويحتـال

الشر ما ياقف إلى شـاع ثـم سـار
000000لكـن يجيلـه يـوم ينحـد لجـبـال

إن كان أنا شاطر به ألفيـن شطـار
000000وإن كان أنا أخطيت فالحـق ينقـال

ردة فعل تنظـم حروفـي والأشعـار
000000حقـي ولا خفتـا مشاكيـل وانـزال




للشاعر / ياسر بن محمد بن علي التويجري

[سعوط المجانين]

واليكم هذه

مساجلة بين الشاعر محمد الاحمد الهزاني والشاعرالكبير عبدالله بن عبار



قال : محمد الاحمد الهزاني



......................يالله يامنشـي المـزون الثقايـل

ياعالم ٍ بالغيب محصـي بشرهـا

.......................تفرج لمن كثرت عليـه الدوايـل

يمشي وكنّه غارق ٍ فـي بحرهـا

......................أشوف بالدنيـا عظيـم الهوايـل

ولا عاد أميز جدها مـن هذرهـا

....................ترفع لها أنذال وتهفـي حمايـل

والحر الأشقر يشتكي من كدرهـا

......................والحمـد لله جعـل فيهـا بدايـل

نفوس ٍ على المعروف ربي فطرها

....................ملزوم نذكر من يـدور الجمايـل

اللي بعلوم الطيب نفسه شهرهـا

....................ملزوم نذكر من علومـه جلايـل

اللي صعيبـات المعالـي قدرهـا

..................مثل القطامي مايصيـد الهزايـل

الحر جزلات المراجـل حصرهـا

.................ترفع له البيضاء بروس الطوايـل

والمسك والعنبر وأشذى زهرهـا

.................عبد الله العبار من نسـل وايـل

من لابة ٍ يخشى المعادي خطرهـا

...............فدعان في الغدراء نجوم ٍ دلايـل

إلى هاجت الهيجاء وعتّم قمرهـا

.................أولاد وايل مـن عـزاز القبايــل

وتاريخهم كتب السجلة سطرهـا

...............وإن جاء نهار ٍ فيه صايل وجايل

تضرب على الكايد وتنصى خطرها

..................عناز تـروي مرهفـات السلايـل

وعدوهم عينه شكت من سهرهـا

..............بني وايل أهل الفعـول الجزايـل

وأن أظلمت بالكون تراهم سفرها

.............وأن عبتهم ياسعود حب الأصايل

وأن حلت العليا تراهـم فخرهـا

.............يا سعود ذا قولي بصدق ودلايـل

قول ٍ على فعل ٍ يصـدّق خبرهـا





فرد عبدالله بن عبار العنزي قائلا :






...................بديت في منشي حقـوق المخايـل

يضفي على القاع المحيله مطرهـا

.....................ينبت زماليـق الزهـر بالخمايـل

ويخضر شتيل أوراقها مع شجرهـا

....................سبحان من يخرج دريـر المشايـل

رحمن والرحمـة بخلقـه نشرهـا

......................نطلب حنانه يـوم نشـر الفوايـل


يوم الخلايق موقفـه بامحشرهـا
...................ومن بعد ذكر الله بديـت المثايـل

رديت للي جابتـه مـا أخصرهـا

....................محمد عريب الساس جزل الفعايـل

ابن أحمد شعوره بشعـره جهرهـا

......................ابن سعد مـن خاطـره رد قايـل

قيفان من غاية ضميـره صخرهـا

......................جرّب وشاهد مـن زمانـه هوايـل

يشكي من الدنيـا وكايـد خطرهـا

...................يا ابن حسن دنياك ما من صمايـل

لو شفت كل الناس تركض باثرهـا

.......................يامسنـدي نعيـم دنيـاك زايــل

لو هرفت لـك مايـدوم أمعشرهـا

.....................يا القرم صيـور الجدايـد سمايـل

والرابح اللـي شيمتـه ماخسرهـا

....................وأشكر جنابـك ياعزيـز النزايـل

يامن علومي بالمجالـس شكرهـا

..................يشكر بذل جهدي على أولاد وايـل

شاف السطور اللي زميله نشرهـا

.....................حاولـت أعـد بدودهـا والعوايـل

وحاولت حصر أقسامها مع أسرها

.....................ولا همّني يالقـرم سـود الدغايـل

اللي على الصاحب يقبقب سحرهـا

..................راعي الحسد يشمت ولا نال طايـل

لو كان شاهد زلتـي مـا غفرهـا

..................ومن قصر شبحه ما يحوش النفايل

وأهل الحسد رب الخلايق عثرهـا

.....................واللـي يبـون يفتقـون الخلايـل

ربي دعا بخذلانهـا مـا نصرهـا

...............وصلّوا على اللي حاش كل الفضايل

نوه بنعمـة خالقـه مـا كفرهـا

[سعوط المجانين]

وهذه

بكل صراحة متناهية يعبر الشاعر 0(فرحان المطرفي) عن احساسه الصادق تجاه صاحب السمو الآمير سلطان بن محمد بن سعود الكبير

في قصيدته فيقول

,,,,,,,,,,,,,,,,,,فخرنا ياذخرنا عند اللزوم

نعتزيبك وانت فينا تعتزي

,,,,,,,,,,,,,,,,,,ياذرانا عند لفحات السموم

عن لواهيب السمايم تحجزي

,,,,,,,,,,,,,,,,,,اسمك اللي له محبتنا تهوم

وفعلك اللي للشهامة يرمزي

,,,,,,,,,,,,,,,,,,وانت ياسلطان ياقرم القروم

يابن محمد يارفيع المعنزي

,,,,,,,,,,,,,,,,,,ياولد ليثٍ على العليا يهوم

السلالة طيبة والمركزي

,,,,,,,,,,,,,,,,,ياسلالة من على القبا القحوم

يمتطيها يوم يغزا ويغزي

,,,,,,,,,,,,,,,,,,وانت نفسك عن مذمتها شيوم

وانت باجزال الفعايل تبرزي

,,,,,,,,,,,,,,,,,,وانت ساسك معدنه مابه ثلوم

النسب بسعود والاصل عنزي

,,,,,,,,,,,,,,,,,,وانت لك بقلوبنا حبٍ عموم

لهفة وسط الضمائر تغرزي

,,,,,,,,,,,,,,,,,يالآمير اللي لك الطولة سلوم

فخر وايل يوم فيها تعتزي

,,,,,,,,,,,,,,,,,,نفتخر بك دائماً دائم ودوم

وانت حيدٍ شامخ متمركزي

,,,,,,,,,,,,,,,,,نحمد الله خصنا في خير قوم

لابة فيها المثايل تعجزي

,,,,,,,,,,,,,,,,,,شجرةٍ نجني ثمرها كل يوم

ظلها ضافي ومنها نحرزي


شجرة ال سعود الكرام

[سعوط المجانين]

هذه الأبيات لعمرو بن كلثوم التغلبي .. وهي من أعظم الأبيات في الفخر



ألا هبي بصحنك فاصبحينا ،،،، ولاتبقي خمور الأندرينا

أبا هند فلا تعجل علينا ،،،، وأنظرنا نخبرك اليقينا

بأنا نورد الرايات بيضا ،،،،، ونصدرهن حمرا قد روينا

وأيام لنا غر طوال ،،،،،عصينا الملك فيها أن ندينا

متى ننقل إلى قوم رحانا ،،،،،يكونوا في اللقاء لها طحينا

ورثنا المجد قد علمت معد ،،،،،نطاعن دونه حتى يلينا

بأي مشيئة عمرو بن هند،،،،، نكون لقيلكم فيها قطينا

ألا لايعلم الأقوام أنا ،،،،، تضعضعنا وأنا قد ونينا

ألا لايجهلن أحد علينا ،،،،،فنجهل فوق جهل الجاهلينا

بأي مشيئة عمرو بن هند ،،،،، تطيع بنا الوشاة وتزدرينا

فإن قناتنا ياعمرو أعيت ،،،،،على الأعداء قبلك أن تلينا

ورثت مهلهلا والخير منه ،،،،، زهيرا نعم ذخر الذاخرينا

وعتابا وكلثوما جميعا ،،،،، بهم نلنا تراث الأكرمينا

ومنا قبله الساعي كليب ،،،،،فأي المجد إلا قد ولينا

ونحن الحاكمون إذا أطعنا ،،،،،ونحن العازمون إذا عصينا

ونحن التاركون لما سخطنا ،،،،، ونحن الآخذون لما رضينا

وأنا المانعون إذا أردنا ،،،،، وأنا النازلون بحيث شينا

وأن النازلون بكل ثغر ،،،،، يخاف النازلون به المنونا

ونشرب إن وردنا الماء صفوا ،،،،، ويشرب غيرنا كدرا وطينا

إذا بلغ الفطام لنا صبي ،،،،، تخر له الجبابر ساجدينا

[سعوط المجانين]

هذي قصيده قالها احد الخوالد في العنوز
وهذا نص ماكتبه الرجال فيكم

زارني احد المعارف في منزلي وكان يتكلم عن سوء معامله جيرانه وبعض المشااكل اللي تحصل له معهم ... فقلت له الحمد لله انا جيراني اجاويد واهل طيب وما عمري سمعت صوتهم ولا عمرهم سمعوا صوتي الا في اموور الطيب والعزايم المتبادله والسؤال عن الحال والحمد لله عن يميني عنزي وعن يساري عنزي ، وسألني هل هم طيبين لهذه الدرجه فقلت نعم فارتجلت هذه القصيده المتواضعه امام هذه القبيله العظيمه وافرادها العظام وهم وجه محلف وحلفائنا من قديم ويستاهلون وهم من اقرب القبايل لبني خالد واحلافنا من مئاات السنين :




كعبة الحجاج مكه .. وكعبة الطيب عنزة
................... وان سئلت الطيب شاصلك ؟ جاوب الطيب : عنزي

هم هل الطيب وصفاته والفخر هم مركزه
.................. كـنهـم للطـيب والنـومـاس بـنـكٍ مـركـزي

هم سنام المجد هم اهل الفعول المنجزه
................. هم ذرى المظيوم هم ستر الضــعيف المـــعتزي

لا تعزوا الوايلي ثم شال سيفه وابرزه
........................... اتمايل ارضنا ثم تنتحب مــثل الرزي

لاحصل زلزال في اليابان وصاحت الاجهزة
......................... قالوا ان هذا عنزي بنخوااات وااايل يعتزي

من يعادي الواايلي بالرمح والسيف إلكزه
...................... ومــــن طباع الوااايلي ان يْغزي ولا ينغزي

هم عمى الظالم وميدان الوغى هم مفرزه
............................. منهّم مشعان وابن مهيد سلطان الغزي

ومنهم الشعلان والطيار طيبه عززه
............................. ومنهم الايدا وابن سْمير رمحه يركزي

وجه محلف ذكرههم ما اظن عاااقل يلمزه
..................... كم غزوا معنا ... وكم كنا معاهم إنغزي

كعبة الحجاج مكه .. وكعبة الطيب عنزة
................... وان سئلت الطيب شاصلك ؟ جاوب الطيب : عنزي


عبدالرحمن الخالدي

طبعا انا كثير من عيال القبايل خاويت وانا اشهد ان كلامه صحيح
ماخويت مثل العنزي من رجال الى قدرته
مهب مثل بعض الناس

منقول من كاتب الموضوع فيصل الخالدي

[سعوط المجانين]

يعني على قولة هل العرف ياحسيـن
******لاخيـر فـي رجـلٍ بليـا جمـاعـه
ولانـي ولـدت بـدار فكاكـة الديـن
******اهل الكرم والطيب واهـل الشجاعـه
ويلان لا وردو على المـوت عجليـن
******فيهـم علـى ورد المنايـا بتـاعـه
الطيبـيـن الطاهـريـن النقـيـيـن
******الخيـريـن الصادقـيـن السبـاعـه
موفين حق الجـار بالطيـب والليـن
******للجار فـي قـرب النشامـا مناعـه
معهم سليت ورحت بالمذهـب الزيـن
******راحت معاهم حفنـة سنيـن ساعـه
ثلثيـن عمـري راح يـا وي ثلثيـن
******مايـوم جتنـي العايلـه واللكـاعـه
صاروا لي الطف من غطا الجفن للعين
******وارق من حكـي الحديـث بشفاعـه
تحس في قـرب الرجـال المياميـن
******انك اخو من ((دم)) ولا ((رضاعـه))
حمّاية الوضحا مـن اللـي مغيريـن
******لاوين مـن طالـت عليهـم ذراعـه
واجب علي اذكـر فعـول الكريميـن
******اللي شروا كسب المراجـل بضاعـه
مدامنـي وافـي واحـب الوفيـيـن
******وقناعتـي فيهـم تفـوق القنـاعـه
لازم علـيّ اعـد فعـل الحشيميـن
******واترك حديـث الناكسـه والرعاعـه
اترك علوم عفون الاشـوار مهفيـن
******حـق الرجـال الطاهـره بالشناعـه
نقالة الحكـي الملفـق علـى ويـن
******بالهون ياهـل الواطيـه والبشاعـه
ياحسيـن ماتوخـذ قبيلـه بخبلّـيـن
******مادامهـم مـا يـوم جابـو قلاعـه
دحوش الرجـال مقابليـن النساويـن
******اهل الحكي والكذب واهـل الخناعـه
وياحسين قالوا في حديـث القديميـن
******تحشم كـلاب القـوم رغـم الدناعـه
وانـا لـك الله ماسمعـت المقفـيـن
******واللي مشا لـي بـاع دبلّـت باعـه
مايرخـص الغاليـن فعـل الردييـن
******راعه بقلبـي حـب الاجـواد راعـه
ياحسين جيت ونبض كـل الشراييـن
******حب عنزه باعلـى عوالـي رفاعـه
ولاتحسبنـي جيـت لانـي مسيكيـن
******ولا سـلايـل دافعـيـن الرتـاعـه
جيتك ولد مـن روس ربـعٍ عريبيـن
******شبـوب نـارٍ عـالـي بانـدلاعـه
انـا سـلايـل لابــة بالملايـيـن
******بالضبـط امـه كاملـه باتسـاعـه
شمر على عرش المراجـل سلاطيـن
******اسياد عرش الطيب من فـوق قاعـه
ان جت على الفزعات نعمك ونعميـن
******وان جت على المده تموت المجاعـه
ولا جت على وصل الرحـم للقريبيـن
******اقسـم قسـم مـا بالطنايـا قطاعـه
الحاصل ان القلـب مابيـن عرقيـن
******متساويـات بنبضـهـن واندفـاعـه
عرق النسب واسم الطنايا العزيزيـن
******وعرقٍ مع الويلان صعـب انقطاعـه
وامنت في قـول الرجـال الحكيميـن
******مربى الولد يغلب على الاصل طاعـه
ياحسين واللي نـزل الطـور والتيـن
******واللي هدى الانسـان فـن الزراعـه
ماقلتها ياحسين واقصـد بهـا شيـن
******غير الثنـا بالطيـب مامـن طماعـه
حبي لكم ياحسين اصـل المضاميـن
******ومداد حرفٍي مـع سنـاه وشعاعـه
حـرف كتبتـه ورد فـل ورياحـيـن
******وياليت كـل النـاس تقـدر سماعـه
وربـي لرددهـا بـكـل الميـاديـن
******ولو لي بعد قـدره نصيـت الاذاعـه
لاني وفـي عشّـاق طبـع الوفييـن
******وقناعتـي فيكـم تفـوق القنـاعـه
وختامها بالـورد والعطـر ياحسيـن
******مني لكـم ياهـل الوفـا يالجماعـه

للشاعر \ عايد الشمري

[سعوط المجانين]

وهذه القصيده للشاعر \ محمد الذويبي الحربي مادحا ً علوش بن ظويهر العنزي وربعه

تستاهل الكيف الحمر يابن وايل
انت الذي تستاهل الكيـف كلـه

اللي نقدته وسط ديـوان حايـل
لولاك ياعلوش محدن فطن لـه

بدلال من يقعد صغا كل عايـل
الضيغمي ريف الايدين المقلـه

الضيغمي مردي المهار الاصايل
يامنقطع في ساقته مـن سجلـه

يابن ظويهر مابها قـول قايـل
تستاهل الفنجال لا جـا محلـه

ياناقـد الفاقـد بحكـم الدلايـل
ياريف هجنٍ والمزاهـب مقلـه

ربعك بني وايل مـذاد القبايـل
اهل الجموع الراسيه والمظلـه

زبن الدخيل اللي تواطاه طايـل
الجمع دونه والرمـك منكهلـه

[سعوط المجانين]

وهاهو رد الشاعر الكبير (خالد بن سعود الكبير) على ياسر التويجري......


شف (ما تراه وخـل عنك)العيـاره
واسمع كلام اللي يشـاورك ويشيـر
ياسر..ترى القلب الخضر له صقاره
ما حازهـا إلا نادريـن الصقاقيـر
القلب طيـر وضاريـن بالجسـاره
يتـوق يـم مشوعـات المناعـيـر
جـود سبوقـه وانتبـه لــه وداره
لي حال دون الجول شعف ومعاصير
اصبر لعـل الجـو يركـد غبـاره
والعين يصفى شوفها والصبر خيـر
واللي يـروح يـروح جعلـه وداره
مثلـك يشـوم ولايـلـد لمدابـيـر
خل الطموح تهف ما هـي خسـاره
لا لا تحسـف والحبـارى مزابيـر
((الوايلي))طبعـه برأسـه سطـاره
يشرب قـراح ولا يحـب الغثابيـر
حتيش لو في الكبد بعـض المـراره
من صد خله واحذف رشـاه بالبيـر
الصيد واجد وأنـت نمـر المغـاره
(شاعر) ولا ينقصك بخص وتدبيـر
كم عيطموس تهتـوي منـك شـاره
لا قمت تسخر عذب الابيات تسخير
وأنـا عوينـك كـان ودك بغـاره
نكسب لك البكره ومعهـا مظاهيـر
حنا هل الطـولات وأهـل النـزاره
حنا السبـاع الضاريـه والهزابيـر
عاداتنـا بالكسـب نأخـذ خـيـاره
بالطيـب ولا بالسيـوف البواتـيـر

[سعوط المجانين]

يامحللـة القصيـد ويـا مصـخـرّة المثـايـل
اسمعو منّي قصيده عـن ثـلاث ميـة قصيـده
من هجوس ِِ ما تعيل ومـا تميـل ومـا تمايـل
خصّهـا الله بالتميّـز مـن نشيـده لا نشيـده
مبتداها يـا سـلام الله علـى واف الخصايـل
يـا سـلام الله سـلامِِ سيـد وموّجـه لسيـده
يم سيـدي صالـح الأمعـط معـدّل كـل مايـل
شيخ وسلالة شيـوخ وشيختـه ماهـي جديـده
شيخته شيخة فعـل ماهـي بشيخـه بالمحايـل
ورث من شيمة وليـده والمـورّث لـه وليـده
شيخنـا , وسنادنـا وحزامنـا يـوم الهوايـل
نارنـا لا قدّحـت راس الحـديـده بالحـديـده
تفتخر بـه عـزوة الويـلان ذربيـن الفعايـل
بنك طيب وتعجـز الآلات لا تحسـب رصيـده
وكان فعل الطيب ينقل للعـرب نقـل الرسايـل
والله ان الشيخ صالـح مستلـم سلطـة بريـده
قلبه أقوى من حديد الصلـب وعضـوده فتايـل
ونفسه لربعه خضـوع ولا خبرنـا بـه حقيـده
كفه أرهى من هديـر السيـل بكبـار المسايـل
يصبر لجوعه ولا يصبـر علـى مـده زهيـده
ولا تكلّـم كلمتـه تلقـى بهـا كـل الـدلايـل
ولا سكت تلقى سكوته نطق للأريـاء السديـده
مثل راسـه لا عدمتـه مـا يجيبـن الحلايـل
لو توالـد فـوق صفحـات المجـرات البعيـده
شيخ سلْم , وشيخ علم , وشيخ حلم وبه صمايل
والوكـاد أنـه فريـد وكـل شيماتـه فـريـده
مامدحته طالـبِِ حاجـه وأظـن الشـك زايـل
يا عسا عمره يطول ويا عسـى أيامـه سعيـده
وسلّمي يا نسمة الغربـي علـى بيضـا نثايـل
ديرةِِ دايم على عـرق الغـلا تصبـح وحيـدة
عـلّ يسقيهـا مـن الله زخّ مـردوم المخايـل
ياخذ إسبوعين والرحمة مـن المولـى تزيـده
ديرة أجدادي وربعي ... ديـرة كبـار الحمايـل
ربعي اللي ما تخضع الرووس والكلمـة وكيـده
من قبل عصر الرسول وصيتنا صايـل وجايـل
لا الزمـن هـذا وحنّـا فـوق مافيهـا جحيـده
من وراء عرعر ليا الخفجي ليا ضلعـان حايـل
لا وراء جدة لبطن العاصمـة لا أقصـى بريـده
ما تضايق لا انتخيت وقلت ويـن عيـال وايـل
كل شبرِِ بالوطـا .. يظهـر منـه ميـة وليـده
ويومها ضرب السيوف .... ويومها لكد الأصايل
ما نشدنا عن حرار الوقـت وإلا عـن عبيـده
من صطارة رووسنا .. ما نطمـع إلا بالجزايـل
إن سلم منا عقيد القوم ... ما يسلـم عضيـده
ولا إنتخت فينا هنوفِِ نقّضت .. شقر الجدايـل
ترتقص في رووسنا رووس الشياطين المريـدة
لين تظهر في عيـون عداتنـا نجـوم القوايـل
والنصر يطبع على صفحاتنا البيـض المجيـده
فعلنا واضح .. ولا حنا من أصحـاب الفشايـل
هرج حق .. وكل عاقل بالعرب يصبـح شهيـده

لمطلق النومسي

[سعوط المجانين]

ياخووك ، أنا صدري بلد .. كله (عنوز)
بفياضهـم ينبـت خضـار ..اعتـزازي
من جيل ابن عبـار لا جيـل ابـو روز
لا جيلي ..اللـي يشهـدون امتيـازي
قطفت جوز الهند ، مـع فـزة الجـوز
وفجرت ،، نبـعٍ بالقصيـد ، ارتـوازي
ماني من اللي بالمواقيـف ، مهـزوز
حامض على بـوز الزمـان اهتـزازي
ماادور الفرصه ولا اتعب علـى الفـوز
كم فرصة ٍ راحـت تمنـى ، انتهـازي
ما همني / رائع / ومبدع / ومحجـوز
ولااتعِب على راي ، الخلايق جهـازي
هالشعر ماجيتـه ولا جيـه ، بالتـوز
ان ماطلـع ..باحسـاس مالله مـوازي
كم ما يجوز.. ليا شتهينا له ، يجـووز
من باب تشبيـه المحـال ، بمجـازي
اهل الخبر تطرب على صوت ، فيـروز
اذا اطربـت لبنـان ريشـة ، عـزازي
ياعويس انا عن سكة الغيم ، ما جـوز
رايك علـى جـزل القصايـد جـوازي
شعري على خبرك ، ترى مابه رموووز
لا تنزعج ، مـاراح .. اظلـل قـزازي

لخلف المشعان

[سعوط المجانين]

حضور طاغي .. والذهب من اجود انواع الحلـي
وانتم سـلام الله عليكـم يالرجـال الحاضريـن
يانايف الدعوه مجابه .. جيـت والمخـرج ملـي
والله لو اني وقتها فـي دار ( زيـن العابديـن )
لـ( أكنسل ).. اشغالي واجيك اسوق للطِيب جملي
كـذا تعلّمـت الشهامـه تحـت ظـل الوالديـن
ابوي في ليله ندهني .. قلت : سَـمْ .. ولدّلـي..
قال : ( الخوي لو يطلبك عينك تمـد الإثنتيـن )
قلت : انت تآمر .. بعدها وشلـون ارد الوايلـي
يانايف المقبـل تفضلنـي علـى يـدك اليميـن
وان كان جاب الاصمعي ( صوت صفير البلبلـي )
فأنـا بجيـب العنكبوتيـات لـ( المتفلسفـيـن)
قدّام عينك شفـت كيـف الشعـر قـام ومدّلـي
بطاقة الترشيح بـ(إنموذج ).. لبعض المعجبيـن
كني بشعري يرتكبني علم فـي عـرض جهلـي
ياااااا طول وجه الفكر والتفكير بيـن النقطتيـن!!
وانا ادري اني لو بغيـب سنيـن عنكـم ياهلـي
ماني بناسيكـم ولاانتـم عـن فراقـي دالهيـن
سكنت ( تيما ) لي ثمان سنين تبغون الـ( رلي )
ماكانت الغربه سوى مكسب على مَـر السنيـن
كسبت شرواكم / وشرواكـم مقلّـط لـي طلـي
جيته على فنجال مـرْ .. وقـدّم الطيّـب سميـن
أَبـراي لله وانتـم الويـلان .. والويـلان لــي
واحدهم اكثر من اخو / وان ضاقت الدنيا عويـن
اهل هلا .. ورصاصاهم على عداهـم يصطلـي
قبيلـةٍ مـن فعلهـا تشيـب حجـان الجنـيـن
بالطيـب والله ماتحصّـل مثـل طيـب الوايلـي
يعطي ولايرجي مقابل ..( حلو فعل الطيبيـن )!!
وانـا علـى سنّـة محمـد والكتـاب المنزلـي
مؤمن بمـن ارسـل محمـد رحمـةٍ للعالميـن
عـن الجهالـه كـرّم الله وجـه سيدنـا علـي
والله يلعن من غلا فـي حـب سيدنـا الحسيـن
وانا لاني ( عنكبوت الشعر ).. والاصل ( سهلي )
قصايدي تجـي خرافـه رغـم كيـد الحاسديـن
فكري طبيب / وذائقـة شعـري مثابـة صيدلـي
وقصيدتـي آخـر دوى يمكـن يفيـد العاشقيـن
وانا ادري اكثركم يبي يسمع من الشعـر غزلـي
واكبر دليل اللي طلب قصيدة: ( العقد الثميـن!! )
الحـب لـك فـي داخلـي ياصاحـب الموبايلـي
جاااااري على الهزاز ومسوّي بـلاوي بالرنيـن
فارقتني والدمع في عينـي َ مـن العـام يغلـي
شـف حالتـي الله حسيبـك ماتسـرّ الناظريـن
ضيّعتنـي وانـا حريـص .. ارتّـب َ لمستقبلـي
لقيتنـي لـك آخـر الفرصـه مـع المتقدميـن
وسجلتني لك شيء واقـع بيـن جـدي وهزلـي
وخليتني لـك عبـرة اللحظـة مابيـن الغافليـن
وتركتني لك فـي رضـاي اول مفاتيـح زعلـي
وعلمتني لك وين كذب الشعر حط الصادقيـن !!
لاواهني من هو من ذنوبـه ياابـو مقبـل خلـي
لاواهني اللي كتبـه الله مـن اصحـاب اليميـن
قريـت بالمسنـد روايـه ؛ للإمـام الحنبـلـي
( يقـول ان الله يفـرح بالعـبـاد التائبـيـن )
يالله وانا في رحمتـك ضيّعـت نفسـي بعملـي
استغفـرك يـارب تكتبنـي مـن المستغفريـن




للشاعر صالح السهلي

[سعوط المجانين]

أكذب عليك ان قلت لك : ياصاحبي مافي جديـد
لا والله .. الا ضيّقـت كثـر القصايـد مكتبـي
تبغى فخر / والا حكم / والا غزل .. يابو يزيـد
كل القصيد اللي تبـي موجـود قلـي وشتبـي ؟
الأوله : قلت : ( عنزه ) ماهي بحاجة للقصيـد
صبيها مـن غيرهـا .. يسـوى 900 صبـي
قبيلة ٍ .. من مجدها .. حتى المؤرخ .. يستفيـد
قل للبليد وذكـره .. بأحـداث فلـم المصربـي
كل قوم قيل الاْ عنزه .. قومٌ أولي بأسٍ .. شديـد
صلوا على ذكر النبي / كافي لنـا ذكـر النبـي
الثانيه : قلت الزمن هذا .. زمن حرب الصعيـد
أنا واخويه دون ابن عمـي / وضـد الاجنبـي
والجاهليه عـوّدت .. يمكـن .. ولكـن الأكيـد
اني ارتفعت .. ولا بتي حولي .. وهـذا ملعبـي

لخلف المشعان

[سعوط المجانين]

لايحضرني اسم شاعرها

ياهاجسي وان جات في بدع الابيات
الشعر مابين الضلوع المحاديب
اخفيه بعض اوقات وابديه بأوقات
واعتبره اغلى رفقتي والاصاحيب
ابوح به عن محكم الصمت والذات
وورده هداج صاف المشاريب
هذي بداياته ولاهي نهايات
ارتبه مع صاحي الفكر ترتيب
ابيات شعري محكماتن نقيات
ماجتهن الشكه ولا جاهن الريب
انهج مناهيجن لقلبي عزيزات
ومجنبن عن ناقص الشعر تجنيب
اسبح بحور الشعر لوهن غزيرات
واركّب القيفان بالحرف تركيب
الشعر له وقفه وعزه وهيبات
حراً سكن في عاليات المراقيب
وان عوّدت تمجيد والمدح بالذات
من لايمّجد عزوته جعله العيب
بالشعر والابالعلوم الجزيلات
انا فدا ربعي رجالاً مهاذيب
ربعي بني وايل اهل الوفاء والشجاعات
كسّابت الطالات والمجد والطيب
يوم انها بالسيف والرمح زرقات
منهو جهل ياناس شلفاء تراحيب
في ماضي الايام مع فايتن فات
وش عاد بالخاطر وش اقول واجيب
امجادنا ماتنحصر بالكتابات
يتعب مجمعها بطي المكاتيب
تاريخنا بالطيب صولات جولات
سلمن تعودنا به انشب وانشيب
من رؤس اهلنا كاسبين الوصايات
مانترك الواجب ولا نمشي العيب
سلومنا دايم علينا قويات
السلم حنا قاضبينه تقاضيب
عشنا بعز وحافظين الكرامات
واهم شي الدين زين المكاسيب
انكمل الواجب وخمس الصلوات
ولوجه ربي طالبين المطاليب
قبيلة تمشي وتأخذ بطولات
امجادها تشرق بها الشمس وتغيب
صرحاً بناه الَله رب السموات
مايهدمونه جامعين العذاريب
حنا مطيرولا علينا دعايات
ناخذ مواجبنا ونعطي مواجيب
من غير قاصرفي رجال الشكالات
ذي عزوتي مااحتاج نشده وتجريب
والشاهد الله مابغينا شهادات
من شلة النمه وحش العراقيب
نمشي تحت ظل السيوف الصقيلات
آل السعود اليا عوا الذيب للذيب
اخوان نوره فالليال الصعييبات
يحفظهم الله عالم السر والغيب
نمشي بعزولاعلينا ملامات
من عزناللطيب دايم معازيب
وصلاة ربي عد وبل الرشاشات
على نبين مامشى مشية العيب

[سعوط المجانين]

ياهجوسـي غربيبـي ياهجوسـي شرقيبـي
فالبحور وفوق بابور القوافـي وسـط غبـه
وابحري وسط المحيط بغبـة اليـم المهيبـي
يم قاع اليم يم القصـر أبـو فرخـه وضبـه
وحضريلي من بنات الفكر ملعونـة صليبـي
ياهجوسي رقصيها وارقصي رقـص المحبـه
مثل رقص المهره اللي تضرب جموع الحريبي
فوقها اللي في يده مصقول باليمنـى ضربـه
وحضري واسترسلي مادار في راس العتيبـي
قاف من جزل المعاني ما يجي درب المسبـه
قاف يسترسل ويرسل من صحيب اليا صحيبي
يم أبو شايح هـواء بالـي مطاراتـه مطبـه
عيدهيـاً والبشاشـه فـي محيـاه الرحيبـي
تشبه لنوار نبت الوسم فـي ريضـان خبـه
من رجـالٍ بالملاقـا للقـا عـوق الطليبـي
الزحول أزمـول لحمـول المهمـات المقبـه
(الزحـول الاد وايـل) للعـلا شبـاً وشيـبـي
الخلف درب السلف بنو بعرش المجـد قبـه
وشاعرٍ واحدى ملوك الشعر للقاف الصعيبـي
سنترالشعر ومغنه مدخله فـي وسـط عبـه
يملك من الشعر ما يملك من المال القصيبـي
قاطعاً ضماه من بحـر الشعـر يامـا شربـه
شاعر وماهر وقاهر بالشعر وايضـاً اديبـي
منبر الشعر أن خطبه ما حـدٍ بعـده خطبـه
ما طرق بحر الكموديا والفكاهـه والسريبـي
يضرب بحور الجزال من الشعرشفـه وطبـه
من فرايده الغريبه فالشعـر مصبـح غريبـي
ظلم وين العدل وين العـدل ياعـلام المسبـه
يوم بعض الناس شعره لا يـودي لا يجيبـي
طلعه منهـو يحـرر بالمجـال ومـن كتبـه
ومثل أبو شايح حشـا لله والخالـق رقيبـي
يسبح ابحراً عسر بعض الخلايـق قـد قلبـه
ولكلمـة الحـق اتشـرف للبعيـد وللقريبـي
لو تبا تطلب قدم سلطان جايـر مـا حسبـه
وضم صوته جنب صوتي صاحب العقل اللبيبي
وياسلام الله على اللي مانحـه بالعقـل ربـه
امدحه وابغا امدحه وابغا امدحه ماهوب عيبي
المدح فاللي كفـو ميـزان عـدل ولا نكبـه
ومن خنين العود ببطون المباخـر يالعريبـي
يكسي محياك ويسوقـه مـن الوقـاد شبـه

للشاعر \ فهد دحيم العتيبي

[سعوط المجانين]

يعتبر هذا الشاعر من شعرا عنزه البارزين وشعره يتنوع بتنوع المناسبات وقد اخترانا لكم من جيد شعره فمن ذلك قصيدته في مدح الشيخ ابن مهيد الذي اشتهر بالكرم حتى أطلق عليه لقب (( مصوت بالعشاء )) ويقال انها من قصائد ابن عمه شاكر الخمشي والصحيح أنها لرميح :


يا راكبــين اكــوار حيل مواجيـــــــف’’’ شيب الغوارب والــملاكم مجـــاهـيم
عــوج لحــاهم مـن لطمــهم مشانــيف’’’غـير الســوالف والتـــلطم مصـــاويم
في ماقـع مافيه شـوف وتشــــاريف’’’غير الحباري شوفكم واشقح الـرـيم
بليل الــشتا كنه نهــار مــن الصـــيف’’’غربــــيـة تلـــقا بـــها شـرد الـــغيـم
غربـية تــومي بقـــشع الشـــفاشيف’’’ تـــنفر بهــا جـــل البــكـار المـراييم
يزمي لــكم بيــت يــخرع الى شيـــف’’’ويــفرح قلــوب اللي كلاهم مهاضيم
بيت الصخا ريــفً الى كمــل الريــــف’’’ وانتم على البـــن المبهـر مضـــاريم
لزمــاً إلى جيــتوه يــطرب لكم كــيف’’’تسمع ورا القاطع ضـريس الخداديــم
في بيت من يضحك حجاجه إلى ضيف’’’ ضاري على ذبـح النيـــاق المراديم
كل يبي مثلــه ولاهي علــى الكــيف’’’ يــزوم ليلة ثـــم ينــــكل إلى ضــيم
اللــي يـكــدون المــهار المــزاغيــف’’’ لا حل ضــرب مـثل ضـــرب الــقداديم
يــــروون حـــد مصــقلات مــراهيــف’’’ ربــــع على ذبح الـــمدرع صــواريم

وعلى مااعتقد القصيده اطول من ذلك

...

[سعوط المجانين]

وهذه قصيده لصاحب السمو الملكي الامير \ خالد الفيصل آل سعود في امسيته بالكويت بعد التحرير و التي يفتخر فيها خالدالفيصل بعزوته وعزوة آل الصباح الوايلية ( عناز )

مـن ريــاض المـــجد لامجاد الكــــويت ’’’من ثـــــبات العلم للعلم الثبـــات
جيـت أصافح بالـــتّهاني كــل بيـــت’’’للشّهيــد الـخلد والحي الحيــــاة
فوق غيمة شوق من أبهــــا مشـــيت ’’’من نداها فزّت الصّــــحرا نـــبات
سـيّرتني نشوة الـــــحب وسريـــــت’’’للكويت الّلي هويت أكتب غنـــاة
في غنـاتي للــــشّرف صوت وصـيت’’’ومن غناتي يرفع الفــــارس حداة
وللكـرامة عرضــة في كـــل بيـــــت’’’والسجايا بالشهامه نايـــــــــفات
ياالكويت الّلي على الباغي عصـيت’’’يوم بعض الرّبع ينسى المكرمــات
يـوم بان الغــــــدر قلنا له خســــيت’’’كل شيطان رجم،،ناه بحصــــــاة
دارت الدنيــــــا عـليــهم واعتلــــيت’’’وانهزم جيش النّـــفوس الخاينــــات
يالفهد عــــند الوعد قــلت ووفيـــت’’’’طاغيات الرّوس عادت صاغــــرات
مــااختلــفت ولاذخـــــرت ولاشكيـت’’’شامخ مثل الجبـــال الراســــــيات
دلّــك الله يالســـنافي واهـــتديـــت’’’والنّصر من عــند رب الكاينــــــات
مايـغـــط الحـــــق رجــــال بخيــــت’’’مانسينا يالكـويت السابقــــــــات
يـــوم عـــز بدارنا حـــــلو المبيــــت’’’إستضفتونا زمـــان النّايبــــــــات
لين ابو تركي ظهر من فـــوق هيـت’’’واصطفق من نجد لجبال الــــسّراة
يرفع القرآن والـــسيف الصليـــــــت’’’واسترد الحــكم من عقب الفـــوات
(ياالصّباح وياالسعودي لى انتخيت)’’’(عزوتك( عـــنّاز )راعي الطّايلات )
ويالامير الّلي على الـعليا نشـــــيت’’’جابر العثرات محــــــمود الصفــات
فـي بلادك كــــل تكـــــريم لقيـــــت’’’والنشامى ماكتفوا بالواجبــــات
بالكويت أعطـــاني الشــعر وعطيت’’’وبالكويت الشعر له طــعم وحلاة

...

)

[سعوط المجانين]

هذه الأبيات من الشعر النبطي قالها المرحوم المقدم / عوض غالب جعير العتيبي من حرس الحدود بالمنطقة الشرقية عام 1419هـ . شاكرا" لهزاع بن سعود سلطان الفقير العنزي على معروف سعى به لدى أمير الشرقية على التدخل بالجاه والو جاه من قبل صاحب السمو الملكي الأمير الشهم محمد بن فهد بن عبد العزيز وبموجب تدخل سموه تم العفو عن احد أفراد قبيلة عتيبة استحق عليه الشكر بهذه الأبيات.


تسمعوا يأهل المذاهـب ولأسنـاع ,,, يأهل الجزيرة حضرهـا والبـوادي

البيضه ننشرها على وجـه هـزاع ,,, أكثر بياض من الثيـاب الجـــدادي

بيـاض ماينقـص بياضـه ولمــــاع ,,, علـى الـدوام وكـل يـم يـــــــزداي

في كل قيض وكل صيف ومربـاع,,, امشي بها في كـل ديـره وانـادي

قبيلة ٍ فـي كـل طيـب لهـم بــاع,,, عسى الحاهم ما يجيهـا السـوادي

قوم تحوش النصر في كل مطـلاع,,, وطلعاتهم طلعة صقـور الهــــدادي

عاداتهم لن جاء من النشـر فـزاع,,, وركبوا على قحص المهار الجيادي

من فعلهم طرح المجوخ علىالقاع,, دون العشايـر مقرعـات التـــــوادي

بشلف تخج الصدر من بين الاضلاع,, ومطلاعها تطلـع بلـــــــــب الفؤادي

حرية اليا ركبوا على كل مطـواع,, ودولة مجالس بالشـرف والمبـــــادي

ببيوتهم ريف الفـداوي ليـا جـاع,, مأيذبحـون الا( كــــبــار ) الــهـوادي

بخورهم في كل الاوقـات لعـلاع,, يجــــي لهـا الســـايـر بليـا مــنـادي

البـن بالقنطـار والهيـل بالصـاع ,,, وتفخـر مجالسهـم بعــــــــود ٍ وزادي

نبذه من الماضي كما قطف نعناع,, والا الحــــدود مـن الثريـا و غــــادي

يستاهلون المدح فـي كـل مذيـاع,, مسجل ٍ فـي صــــحفهـا والـروادي

اشكر بشكر يسمعـه كـل سمـاع,, هذا الــــذي فـي قدرتـي واجتهـادي

والبيضه اكررها على وجه هـزاع,, والمعـــــذره لـــو مابلـــغـت المـرادي

وصلاة ربي عـد ماهـب ذعـذاع ,, على النبي اللـي للإســـــــــلام هـادي


...

[سعوط المجانين]

وهذه القصيده لعبد عند ابن هذال وكلنا عبيد لله


أمس الضحا عديت في راس مزموم

000000000000000 تلعب به الارياح شرقٍ وشامي

ماكر حرار ولا يوكر به البوم

00000000000000000 إلا العقاب الصيرمي القطامي

أبكي هلي يا ناس ماني بمليوم

000000000000000 واظن من يبكي هله ما يلامي

ماهو على غروٍ من الدق ما شوم

000000000000000على الشيوخ متيهين الجهامي

قلبي عليهم صارخٍ صرخة البوم

000000000000000ونين وجعانٍ طواه الهيامي

واحن من الوجلا حنين ام خرطوم

000000000000000والا اجاوب نايحات الحمامي

غديت مثل اللي على الوجه ملطوم

000000000000000من عقب مروين النمش بالزحامي

زاعت جهامتهم من الواد ابو دوم

000000000000000 مستجنبين مطيرات العسامي

أقفو ا وخلوني على الدار موسوم

000000000000000وغديت مثل اللي غشاه الكتامي

اجلدت بواد الدوم كني بمنجوم

000000000000000مثل السجين اللي بحبس الظلامي

من طاوع الثنتين يصبر على اللوم

000000000000000 يصبر على فرقا الاهل والعمامي

أقفوا كما طيرٍ قلب راسه الحوم

000000000000000 بغربيةٍ ما يندرى وين حامي

جيت المراح وذكرن كل شغموم

000000000000000 منازل الخلان هم والعمامي

هذا مشب النار والحفر مثلوم

000000000000000 ومركى الدلال المتعبات الشوامي

وهذي مرابط خيلهم دايم الدوم

000000000000000 حقب العيون مروبعات الهوامي

يركب عليهن باللقا كل شغموم

000000000000000من ربعي اللي ما وطوا بالملامي

لا صاح صياحٍ من الضد مزحوم

000000000000000 يردون حوض الموت ورد الضوامي

وخلاف ذا ياراكبٍ فوق عمعوم

000000000000000 يقطع مقاريص الرسن والخطامي

ملفاك عمي ناقل الغيض والزوم

000000000000000مشعان ستر معورجات الوشامي

ملفاك شيخٍ للجهامات زيزوم

000000000000000 زيزوم ناسٍ كالجراد التهامي

ودّه سلامي عد ما فات من يوم

000000000000000 بكتاب مني للوجيه الكرامي

سجلةٍ صفحه من الحبر مرشوم

000000000000000 يم العمام أنهيت غاية كلامي

وا ن سايلك عني فنا اليوم بغموم

000000000000000 من عقبكم ياعم صابن هيامي

لكم اشتكي من ضيم الايام وهموم

000000000000000 ومثلك لعين اللي شكى له ايحامي

قولوا قزينا ماتبي لذة النوم

0000000000000000 ومنا يخو بتلا عليكم ملامي

واد الرشا يذكر به العشب كيهوم

000000000000ترعى به القطعان والرمي حامي

على ركايا الرس ردات ملزوم

00000000000000 أولاد وايل مطيرين العسامي


شثاثا(1) ولملوم(2) وأقصى منازلهم مدح النعامي

1- قرية جنوب العراق 2- وادي الأبيض 60 كيلوم غرب مدينة عرعر

[سعوط المجانين]

لا شان وقتي والزمن لا يابو روز
..............................القى من رجال الشهامة انتخيبه

جربت مر الوقت والظيم والعـــــــوز
..............................وديانت ٍ بالوجه ربي حسيبــــه

والناس تركب من صوالين وبنــــوز
..............................وانا على رجلي ومجناي خيبـه

واليا تناصف ليلنا صارت إلغــــوز
..............................لغز ٍ يعدينـــــــــي ولغز ٍ اجيبه

اسهر مع الحرمان ولا سمع لفــيروز
............................وكل ٍ مع الايام ياخذ نصيبـــــــه

وارجوك تشرح وضعي لناس ٍ عنوز
.............................( اللابة) اللي دايم ٍ نعتــــزينه

اولاد وايل كنـــزنا خير مكنــــــــــــوز
..........................لا شمـــّرت دنياي او شفت عــيبه

للشاعر \ راعي الوضيحه

[سعوط المجانين]

ماني بخيرن كان تبقى على خيـر

ولاني سعيدين كان تبقى سعيـدي
ولع بكيرك حيـل يانافـخ الكيـر

النـار شبـت واللهب يستدزيـدي
أن عشت أطفي نار حر التفاكيـر

وان مت حطو فوق قبري شهيدي
طاشت عيون الكذب عند المشاهير

واصبح بعيني الكون كله زهيـدي
عندي كلام ن بس ويـن التعابيـر

ينبض بما بالقلب حتـى وريـدي
الله لا يجـزا الليالـي المعاسيـر

اللي ارفعت بالكذب حتى البليـدي
تبغى تزيل افعـول قـوم مناعيـر

أفعولهم بالطيـب علمـن أكيـدي
وايل زبون الطيب عند الطوابيـر

بوقتن يشيب منه حتـى الوليـدي
يومن فنجـان الـدلال المباهيـر

مايشربه ياكـود قلبـن شديـدي
لايالهديفـه لاتطـب المحـاذيـر

افطن ترا تحتك يـذوب الجليـدي
لاتخلط اشعارك ببـوك التقاريـر

العلم ماهـو يالسقيطـه جديـدي
الوايلـي حازالمكـارم بتقـديـر

ويلان حنـا كاسبيـن الحميـدي
ويلان حنا كليب والجرو والزيـر

نعتزفـي وايـل زمـانٍ مـديـدي
وحذراك ياصغير تهايـق بهالبيـر

مافيـه لا عـروه ولافيـه قيـدي
مرت عليه امن الزمـان المقاديـر

فمه صخور ونبـع ميـه بعيـدي
مايزمل الجدران طـق المساميـر

وماينحفظ ياكود هرجـن مفيـدي
تبغى تخوبر بس تاكـل خوابيـر

وان مت مانتـا يالمعفـن فقيـدي
مانتا مع اللي يكسبـون المغاتيـر

ولانتا معا اللي حايشين الحميـدي
تدري بوصفك انت زي الطباشيـر

بيدين ورعـن بالدراسـه معيـدي
انت الذباب اللي ينجسـك ويطيـر

واعرف دواك بريـد والا مبيـدي
انتا شبيهك مـن تحـط المناكيـر

ياهيه انا اقتلـك وادفنـك بيـدي
الهرج واضـح لا تـدور بشاكيـر

دمي يفور وكـل ساعـه يزيـدي
حذراك تقـرب للرجـال البياطيـر

اللي مضاربهـم تشـق الحديـدي
توقف ورانا لا نطحنـا المساييـر

وبدلتك تركض سـوات العبيـدي
تفهم وتعرف ويش لا درت بيصير

وعيب ٍ علي اللي عن كلامه يميدي
ياللاش ربعك كل ابوهـم دواويـر

وان جاع واحدهم يحوش الرديدي
هذي طبايعكـم ولافيـه تقصيـر

لانتا بأولهـم ولانـت الوحيـدي
حنا على غيرن وانتم علـى غيـر

حنا شيوخ القوم وانتـم عبيـدي


للشاعر \ علي العنزي

[سعوط المجانين]

قصيده للأمير المرحوم \ محمد احمد السديري في مدح ورثاء الشيخ اورنس الشعلان وربعه الروله ( هلا العليا )

يسقيك يا دار ٍ شمالي عنازه &&& غربي الولج يا علي شرق الطريبيل
سقاك نو ٍ ممطر ٍ من عيازه &&& على رغاب القاع فيض ٍ من النيل
عز الله انه راح فيها جنازه &&& صميدع ٍ توصف عليه الرجاجيل
له فيّ عازات ٍ ولي فيه عازه &&& بوقت اللزوم الى حصل بالدهر ميل
ما لوم قلبي لو يزيد اهتزازه &&& وجرّ الونين وشاف ضيم وغرابيل
عيني كما شن ٍ تفتق خرازه &&& عليه دمعات المحاجر هماليل
حر ٍ جزع وادمى بقلبه حزازه &&& وتفجرت شعبان قلبه مباهيل
تقصر يمين اللي بالايام هازه &&& يرجع ذليل ٍ فاقد العقل بهليل
اللي لمح ضده ثقيل ٍ مرازه &&& أخو محمد صافي الذهن حلحيل
من شبته يا ما قطع من مفازه &&& ويا ما ظهر من غرقة ٍ كنها الليل
رقى سنام المجد والطيب حازه &&& وبيته لعصمان الشوارب مداهيل
قلبه من البالود ما هو قزازه &&& والغيض قد فجر قلوب ٍ مغاليل
وان داخل الشردان رعب ونزازه &&& الذل ما يلقى عليه المداخيل
هزيم حطو حفرته بالعزازه &&& براس الطويله وارفع القبر بالحيل
ومن الذهب حطوا لقبره ركازه &&& ومن صافي الياقوت حطوا قناديل
حتى يجيه اللي بعيد ٍ منازه &&& ويلقى بقربه شمخ القود والحيل
اعتضت به ربع ٍ لقلبي لهازه &&& اعني هل العليا عصاة المشاكيل
علمي الى جاهم سريع ٍ نجازه &&& وانا لهم دايم على العدل والميل
هم فزعة المضيوم وهمه جهازه &&& وبالفعل للشعلان تشهد هل الخيل
شعلان فيهم بالحرايب فيازه &&& بجدع المدرع فوق قب ٍ مشاويل
ربع ٍ حماهم ما يقرب حجازه &&& وعدوهم أسقوه ويل ٍ بثر ويل
ان حل ضرب مخلص ٍ بالبرازه &&& ارووا حدود سيوف حدب ٍ مناحيل
احد ٍ يحوش الطيب غصب ٍ خزازه &&& وناس ٍ عن العليا ضعاف ٍ مهازيل
يبين لك فرق الذهب من بيازه &&& فرق ٍ بعيد ابعد من الجدي لسهيل
البيض ترضع لابن يابس عرازه &&& وبالالف يظهر واحد ٍ به تنافيل
تاخذ رفيعين المباني بزازه &&& يا ليتها تعتاض عنهم تباديل
ان قيل قلبك مصخر ٍ بانحيازه &&& قلت الوفا له وسط قلبي مناقيل
وانا احمد الله ما حضرني خزازه &&& واردون ثوبي ضافيات ٍ مظاليل
يسقيك يا دار ٍ شمالي عنازه &&& مزن ٍ من المنشا ركونه مخاييل

[سعوط المجانين]

لونهـا بالــــمرجلـه جيـت طــلاب = نخيت ربعي هـم رجـال المعونـه
ربعي بني وايل رفيعيـن الانسـاب = كم راس شيخ بالوغى طـاح دونـه
صغيرهم مايرهبه ضـرب الارقـاب = حذف الجنايـز مايزعـزع سكونـه
وكبيرهم يشره على ضيغـم الغـاب = صيد السباع الضاريـه مـن فنونـه
قصيرهم يفرحبهـم ستـر وحجـاب = لاشافهـم هلـت بشايـر مـزونـه
هشين بشيـن عزيزيـن الاصحـاب = خويـهـم بعيونـهـم ياضـعـونـه
افخربهم لاجيت في وسط الاجنـاب = تاريخهـم بامجـادهـم يشعلـونـه
والنـاس كـل دون عانيـه غـلاب = عربـان مايرضـون درب المهونـه
ارض الجزيره كلها بـدو واعـراب = مثل النجـوم الامعـه وسـط كونـه
بس القضيه غيـر يـاوول الالبـاب = ماعاد لي مع فتنـة الشـرق مونـه

[سعوط المجانين]

اعتذر عن عدم ذكر شاعر القصيده فقط سقط اسمه سهوا ً

والقصيده هي للشاعر الرائع \ محمد لطيف العنزي

[سعوط المجانين]

الشيخة للشاعر محمد بن مقحم بن فالح النجدي الصقري العنزي


وهي تسمى شيخة القصايد وفيها ذكر لمكارم الجار وحقوق الجيره وكذلك فيها ثناء ومدح لقبيلته وربعه




من البارحة بالقلب هجـس ٍ وتعبـار = هجـس ٍ وهاجـوس ٍ تعاقـب نـكـيـفــه

الصبر مفتاح الفـرج هـو والافكـار = من لاصبر تصبـح حـوالــه كـسـيـفــه

يالله يالمـطـلــوب يـــاوال الاقـــدار = انــت الــذي مــدات جــودك لـطـيـفــه

يالله يالـمـعـبــود عــاون هــل الكـــار = تــحــل شـــدات عـلـيـهـم كـلـيــفــه

اللـي مجالسهـم بهـا بـن وبهـار = ونـجــر ٍ يـصــوت لـلـمـسـيــر رجـيـفــه

ومكارم ٍ للضيـف عجـلات وكبـار = ومـفـطـحــات فــي صـحــون نـظـيــفــه

تقليطهـم للضيـف قعـدان وبـكـار = وحيل الـغـنـم وقـت السنيـن الـحـفـيـفــه

اكرام ضيـف البيـت حـق وتعبــار = والـكــل مـنــا يـفـتـخــر فـيــه ضـيــفــه

يا مزنةٍ غــرّا مـن الـوســم مــبـدار = اللـي جـذبـنــي مــن بـعـيــدٍ رفـيــفــه

هلت مـن القبلـه هماليـل الأمطـار = مـن سـيلهـا الــوادي غـدالـه وحـيـفــه

تمطر من الهدرا اليـا خشـم سنـار = وتسقـي ديـار مـحـقـبــه والـحـتـيــفــه

وتضفي على كل المفالـي والاقطـار = وتصبح بهـا خــدان ربـعــي مـريـفــه

عقب الحيا فاحت بها ريـح الازهـار = وتعاقـب الـنــوار مــثــل الـقـطـيــفــه

وترعا بها الغرا وتبنـي لهـا طـار = عقب الضعــف راحــت ردوم مـنـيـفـــه

اذوادنــا مـايـرتـعــن دمــنــة الـــدار = ولا يـرعــن الا بـالـفـيـاض النظيـفــه

يرعـن بعـبـدالـلـه وجـبــر ٍ وجــبــار = خـيــالــة يـــوم الـمــلاقــا عـنـيــفـــه

ترعـى بها الوضحا من الذود معطـار = غبوقـة الخطـار عـجــلٍ عـطـيــفـــه

يبنـي عليهـا بنيـة اللُّبْـن لجــدار = عـقـب الـضـعــف راحــت ردومٍ مـنـيـفــه

اذوادنـا يرعـن بنـا سـر وجهـار = من دونـهـن نــروي الـغـلــب والـرديـفــه

ترعى بضف الغوش بقصاف الاعمار = تقطف زهر مرباعهـا مـع مصيفـه

ما هي سوالف مسرد ٍ عقب ما نـار = اللي هرب واطراف رمحـه نـظـيـفــه

إن سوهجوا عنهـا قليليـن الابصـار = من دونها نـروي السيـوف الرهـيـفــه

ان سوهجوا عنها معاميس الابصـار = حنـا نـرد اللـي يـبـيــهــا نـكـيــفـــه

خطو الولد مثـل البليهـي اليـا ثـار = زود ٍ على حمله نـقــل حـمــل ألـيـفـــه

بشدا هديب الشـام شيّـال الاقطـار = واليـا كـبــر حـمـلــه تــزاود زفـيـفـــه

وخطو الولد مثل النداوي اليـا طـار = صيده من الجزلات ماهـي ضعـيفـــه

ترجي العشا من مخلبه وقـع وطيـار = حسه على صيد الخـلا لـه وحــيـفــه

وخطو الولد يصبر على موتـة النـار = صفـر علـى عـود تضـبــه كــتـيـفـــه

وخطو الولد يامال قصـاف الاعـمــار = لانـافــع ٍ نـفســه ولا مـنـه خــيــفـــه

ورجل ٍ بلا ربعه على الغبن صبــار = يمنـى بلا يـسـرى تـراهـا ضــعـيـفـــــه

واليا بخصته ماسـوى ربـع دينـار = مع العـرب يشبـه خـطــاة الـهـــديـفــه

حنا فريـق ولا نغبـي سـنــا الـنــار = مـا نـنــزل الا بــالــديــار الــمـخـيــفــه

ودار ٍ به الحقـران ماهـي لنـا دار = حتيش لو صــارت خـصــاب مـريــفـــه

وحنا لك الله مـن بعيديـن الاخبـار = والنفس مـا نلحـق هواهــا حـسـيــفـــه

حلويـن للصاحـب وللخصـم قهــار = وعـدونــا لــو هــو بـعـيــد نـخــيــفـــه

حنا كما المشخص عن الصرف ما بار = بالوزن يرجـح والمصـاري خفـيفــه

وتلقـى منازلنـا رفيعـات واخـيـار = والرجل عن دوس القصايـر حـفـيــفــه

لابـد مـا نـسجـلهـا تواريـخ واذكـار = وتبقـى لـدسميـن الشـوارب وظــيـفــه

الا ومـع ذلـك لــك الـلـه لـنــا كـــار = عــن جـارنــا ماقـط نخفـي الـطـريـفــه

نرفا خمال الجار لو هـو بنـا بـار = ونضحك حجاجـه بـالـعـلــوم الـلـطـيـفــه

ولا نبدي الخافي لاصار مـا صـار = وندمح خمال الـجـار لــو بــان حـيـفــه

ونرفا خمالـه رفيـه العـش بالغـار = ونودع لـه النـفــس الـقـويــه ضـعـيـفــه

والجار له قيمـة وحشمـة واعتبـار = وجارتـنــا عــن كــل عـايــز عـفـيـفــه

ما زارهن مـن يـبـغــي الحـيــف زوار = الا ولا عـنــهــن نـــدس الـغـريــفــه

نـبـيــه إلـيــا بــدل الـــدار بــديـــار = وكــل بـجـيـرانــه يــعــد الـوصـيــفــه

نكرم سبال الضيـف حــقٍ وتـعـْبــار = لا مــن ولــد الـعـفــن شــح بـرغـيـفــه

أحد ٍ علـى جـاره بختـري ونــوار = و احـدٍ عـلـى جــاره صـفــاتٍ مـحـيـفــه

وصلاة ربي عـد ماخضـر الاشجــار = على الرسول اللـي عـلـومــه شـريـفــه

[سعوط المجانين]

يقال ان هذه الحكاية عن المطارفه وهم فخذ من افخاذ قبيلة عنزه الشهيرة ، وكان لهم جار من قبيلة شمر وكان جارهم هذا صاحب اغنام حيث انهم على العكس كانوا اصحاب ابل وحصل في احد الايام اذا جاءهم النذير بالغزو(النذير:أي الخبر بقدوم غزو اليهم) لاخذ ابلهم وحلالهم ، فأرادوا ان يركبوا بأبلهم الليل حتى اذا جاء الاعداء لمكانهم لايجدوا الا الخيل استعدادا لهم ولحربهم وتكون الابل بعيده عن الاعداء ، ولكن المشكله كانت في جارهم الشمري ماذا يفعلون بأغنامه ، فأشاروا عليه ان يترك الاغنام وبعد انتهاء المعركه يعطوه عن كل راس من الغنم راس من الابل ، فرفض الشمري وانشد يقول :

شياهي مزبنهن عن اللي يريدهن
زحول الرجال اهل الفعال المطارفه

وبذلك قطع عليهم الطريق وألزمهم بحقه عليهم ، فأجتمعوا واتفقوا على ان الخيل تقسم الى قسمين ، قسم يكون في مواجهة الاعداء وقسم يحملون عليه غنم جارهم الشمري ويبعدونها عن ميدان المعركة ، ويعودون لشد ازر القسم الذي يواجه الاعداء بعد ذلك ، وهكذا فعلوا حتى انتصروا على عدوهم ونجوا بأبلهم وغنم جارهم الشمري ، فانشد احدهم قائلا :

يوم العرب غاير وناير بالاشوار
وكلن على فعله يسوى تماثيل

ربعي هل العشوى بعيدين الاذكار
اللي يشيلون الضواين على الخيل

قصيرهم ما يجدعونه على الدار
في راس عيطا نايفات الشهاليل

ساموا شياهه سومة الصدق ببكار
وعيا يبيع وصاح ينخا هل الخيل

ردوا هل العشوى سبب صيحة الجار
نقوة رجال وكل ابوهم حلاحيل

عند الغفيشي هية تشتعل نار
في ساعة وقت الضحى تقل بالليل

صاحوا عليهم صيحة تجلي الامرار
يشبع بها سبع الخلا بالرجاجيل

مركاضهم ذلن من العيب والعار
يبونها تحكي لجيلن بأثر جيل

خيالة العشوى على الكود صبار
مايقبلون لجارهم يلحقه ميل

وشهودهم شمر على كل ماصار
وهرجن بلا فعلن يسمى تهاويل




وهذا من حقوق الجار على الجار



دمتم بخير

...

[سعوط المجانين]

للشاعر معوض بن معيض



سلام مني عدد ماهلـت ارعـود = وعداد ماهبت هبـوب المخايـل
وقت الربيع اعداد مايخضر العود = وعداد كتبات القلـم باالسجايـل
قصيدتي وجهتهـا يـم جلعـود = جلعود ابن وايل على الطيب طايل
مني سلام اسلام مثني ومـردود = من قلب صافي مايكـن الدغايـل
الطيب اللي يكسب الطيب والفود = واهل الثقايـل ترتكـي للثقايـل
نعمن بكم ياهل الوفاء ماكر الجود = للطيب زرع و للمكاسب حصايـل
انتم هل الشومات والفعل معـدود = وانتم هل الطولات واهل الفعايـل
اعيال وايل باللقاء تكسب الـزود = افعالهم نبـراس بيـن القبايـل
اعيال وايل تـارد العـد وعـدود = لاصارت القالات فعـل وصمايـل
اعيال وايل طيبهم مالـه احـدود = نثبت على صدق الحقايق دلايـل
اعيال وايل فعلهم بااللقـاء كـود = ميقافهم فيه العجـب والهوايـل
اعيال وايل للعداء تـرث الهـود = فزعاتهم مابين صايـل وجايـل
اعيال وايل لهم تاريـخ وشهـود = اعيال وايل من اخيـار الحمايـل
اعيال وايل بااللقاء تنطح اجرود = دلت طريق اللي عن الدرب عايل
اعيال وايل كلها ابطال وافهـود = خصيمهم لامـال مالـه عقايـل
اعيال وايل بيـدت كـل مقـرود = يشفون غبنات الجروح العلايـل
اعيال وايل لامشت مشيها اسنود = عدوها شـاف النجـوم القوايـل

[سعوط المجانين]

رد الشاعر \ جلعود الدهمشي





مبداي بسم اللي بعث صالح وهـود = باعث نبي الحـق بخيـر الرسايـل
مرسي سفينة نوح في قمة الجـود = في قمة الجـودي رسـت بالثقايـل
منجي خليل الله من بطش نمـرود = منجيه من نار(ن) حـروره هوايـل
من بعد ذكره سطـر الـرد جلعـود = لمعوض بن معيض كنـز الجمايـل
جاني سلامك وأرسل الـرد بالـزود = بأحسن تحيـة ياكريـم الخصايـل
خمشه رجال الفعل والفعل مشهـود = في ساعة(ن)تعرف فعـول القبايـل
رجالهم مـاداج فـي درب منقـود = عزيز نفس(ن) ما يجـي للخمايـل
عز الخوي (تنصاه تلقاه موجـود) = ماهو من اللي يسبقـون الرحايـل
عز الصديق وعز من كان مضهـود = عزالرجـال اللـي تعـزوا بوايـل
اعيال وايل بالوفى شيـك مرصـود = هم للوفى نبـراس والشـك زايـل
اعيال وايـل بالشديـدات عبـرود = عدوهـم تسفـل عليـه السفايـل
اعيال وايل واهبت مجهـمَ الـذود = ماهم من اللي يكنـزون الحصايـل
اعيال وايل نافسـوا زايـد الـزود = في مرقبٍ عالـي تعـدى المخايـل
اعيال وايل مابهـم صـد وصـدود = رجالهم مـا مـال والجـو مايـل
اعيال وايل كلهم عضـد وعظـود = عدوهـم مالـه عليهـم دخـايـل
اعيـال وايـل كنهـم أزرق العـود = لاقلت وايـل قـل كريـم السبايـل
اعيال وايـل كايـدوا كايـد الكـود = وأركوا على الكايد وناشوا الجزايـل
عذروبهم بالطيب زادوا على الـزود = وعذروبهم بالفعـل أهـل الفعايـل
مدحت ربعي والقبايـل بهـا جـود = كـلٍ علـى شفـه يديـر المثايـل
وصلوا على اللي بالشفاعات موعود = أحمد رسول الحـقّ خيـر الدلايـل

[سعوط المجانين]

وهذه مجاراة الشاعر \ سلطان الشعلان




سلام يا (ابن معيض) ويا آخوي (جلعود) = وسلام يا أهل الطيب يـا عيـال وايـل
سـلام لا يحصـى ولا هـوب مـعـدود = زود(ن) على مـن قـال هـب المخايـل
أطيب مـن المنثـور والمسـك والعـود = وأحلـى مـن السكـر بـدر الجـزايـل
أصفى من البلـور وأنعـم مـن الخـود = وأجزل مـن بيـوت الشعـر والمثايـل
أهدا من الذعـداع وأقـوى مـن النـود = وأندى مـن عـروق الزهـر بالخمايـل
ومن عقب ذا يالله نبـي نكسـب الفـود = ونقـول كلمـة حـق فيـهـا دلايــل
اعيال وايل عـز مـن بـات مضهـود = يصبـح بعـز(ن) مـا يـدوّر بـدايـل
اعيال وايل حـد مـن مـا لـه حـدود = والحـد حــد مدهـمـرات النصـايـل
اعيـال وايـل بالفعـل حاشـوا الـزود = وتشهـد لهـم بالفعـل كـل القبـايـل
صغيرهـم يبـري ثمانـيـن ملـهـود = وكبيرهـم فعلـه سطـم كــل قـايـل
أرداهـم اللـي مـا لقـي فيـه منقـود = وأطيبهـم اللـي نـال كـل النفـايـل
انشـد وتلقانـا هـل العـز والـجـود = غصب(ن) عن الحقران واهـل الرذايـل
تاريخنـا نـار(ن) علـى راس مسنـود = وأقوالـنـا دايــم تتـرجـم فعـايـل
ردي على من كان أضعـف مـن الـدود = يبـي يـشـوّه أو يـحـط الدغـايـل
حنا على وضـح النقـا ننطـح الكـود = ومـن قـدم الجزلـه تجيـه الجـزايـل
وأنـا أقولـه فخـر والـرب محـمـود = واللي يبـي يزعـل فـلا نيـب سايـل
سلام يا (ابن معيض) ويا آخوي (جلعود) = وسلام يا أهل الطيب يـا عيـال وايـل

[سعوط المجانين]

هذه القصه معروفه بشواهدها وتعتبر من النوادر وهي للمطارفه من عنزه كان لهم جار يدعى
النفيشي من قبيلة شمر المشهوره وهو راعي غنم وهم اهل ابل ومن المعروف ان الغنم لاتستطيع مجارات الابل في السير فقد جاهم نذر بان هناك قوم اعدا عادين عليهم وارادو الرحيل قبل المعركه والخيل تثني دونهم بالهوش وهو يسمى بهوش الساقه وهو مشاغلة الاعدا عن الاهل ولاموال
وقالو لجارهم الشمري غنمك دعها ونعوضك عنها بعددها من الابل ولاكنه رفض
وقال ابياتا يخاطبهم فيها وينخاهم فزادو حماسا قال
--------------------------------------------------------------------------------------

شياهي مزينها عن الي يريدها = زحول الرجال اهل الفعال المطارفه
يافون بالشطات ويدلهون بالرخا = يومن بعض الناس ينكر معارفه
ياويل منهو بالملاقا يضدهم = ينهج كما وادا غثا السيل جارفه
ماقول قول ايقال شوفي ابعيني = في ساعتا به دمعت العين ذارفه
حامو هل العشوا على حق جارهم = في موقفن فيه المنايا امشارفه
لاوردو عدا يبشرونه بالروى = يروون لونه تصافق مغارفه
من لابتا لاقيل يضرب بها المثل = هني منهو بالصداقه ايحالفه
كل قوم ولاعناز ياجاهلن بهم = اهل ناقتا بالكون بالخوف واقفه
سكان دار الخوف مرهبة العدا = بكل ديره جيتها شفت طارفه
وفريسهم يوم اللقا يندعيبهم = من لانعرفه عرف نسمع سوالفه

[سعوط المجانين]

قصيدة الشيخه \ مويضي بنت سعد الدهلاوي العجمي بزوجها الشيخ \ جديع ابن هذال شيخ مشايخ عنزه في ذلك الوقت

حينما رحل مع ربعه في فصل الشتا وابقاها عند اهلها بالرس في القصيم فقالت القصيده تحثه على الرجوع اليها


ياراكب حيل ٍ بروسه لجاجه = امضريات ٍ للمساري والادلاج

لا روح ٍ بالدو كن انزعاجه = سفن ٍ حداهن بالبحر بعض الامواج

سفن البحر سود ٍ بروسه عجاجه = وارقابهن يبّـاس من زعج الامواج

تلفون شيخ ٍ نازل ٍ بالفجاجه = اجديع اللي للمجاويخ زعـّاج

مودع على ( المطران ) كدر العجاجه = ( هجيجهم مابين ابانات وسواج )

خلاّ ( المريخي ) طايح ٍ في مداجه = وخيالة الجبلان رحّـم ومن راج

سلم على اللي راح للحول ماجه = وقله خويك ضايق الصدر وعلاج

انخه (بوايل ) كان ودك احراجه = القيض زل وبارق الوسم لعّـاج

حطيت لك ريش النعايم ولا جه = والبطن لك يامدبس الخيل مسهاج

امي توصيني عن الانزلاجه = وقلبي ليا جا طاري البدو ينفاج

امي تقول ان التمني سماجه = واقول انا بعض التمني به افراج

[سعوط المجانين]

شيخة القصيد \ للشاعر مقحم النجدي العنزي وفيها يذكر بعض محاسن ربعه من تكريمهم للجار وشجاعتهم

فااليكم هذه القصيده




من البارحة بالقلب هجـس ٍ وتعبـار = هجـس ٍ وهاجـوس ٍ تعاقـب نـكـيـفــه

الصبر مفتاح الفـرج هـو والافكـار = من لاصبر تصبـح حـوالــه كـسـيـفــه

يالله يالمـطـلــوب يـــاوال الاقـــدار = انــت الــذي مــدات جــودك لـطـيـفــه

يالله يالـمـعـبــود عــاون هــل الكـــار = تــحــل شـــدات عـلـيـهـم كـلـيــفــه

اللـي مجالسهـم بهـا بـن وبهـار = ونـجــر ٍ يـصــوت لـلـمـسـيــر رجـيـفــه

ومكارم ٍ للضيـف عجـلات وكبـار = ومـفـطـحــات فــي صـحــون نـظـيــفــه

تقليطهـم للضيـف قعـدان وبـكـار = وحيل الـغـنـم وقـت السنيـن الـحـفـيـفــه

اكرام ضيـف البيـت حـق وتعبــار = والـكــل مـنــا يـفـتـخــر فـيــه ضـيــفــه

يا مزنةٍ غــرّا مـن الـوســم مــبـدار = اللـي جـذبـنــي مــن بـعـيــدٍ رفـيــفــه

هلت مـن القبلـه هماليـل الأمطـار = مـن سـيلهـا الــوادي غـدالـه وحـيـفــه

تمطر من الهدرا اليـا خشـم سنـار = وتسقـي ديـار مـحـقـبــه والـحـتـيــفــه

وتضفي على كل المفالـي والاقطـار = وتصبح بهـا خــدان ربـعــي مـريـفــه

عقب الحيا فاحت بها ريـح الازهـار = وتعاقـب الـنــوار مــثــل الـقـطـيــفــه

وترعا بها الغرا وتبنـي لهـا طـار = عقب الضعــف راحــت ردوم مـنـيـفـــه

اذوادنــا مـايـرتـعــن دمــنــة الـــدار = ولا يـرعــن الا بـالـفـيـاض النظيـفــه

يرعـن بعـبـدالـلـه وجـبــر ٍ وجــبــار = خـيــالــة يـــوم الـمــلاقــا عـنـيــفـــه

ترعـى بها الوضحا من الذود معطـار = غبوقـة الخطـار عـجــلٍ عـطـيــفـــه

يبنـي عليهـا بنيـة اللُّبْـن لجــدار = عـقـب الـضـعــف راحــت ردومٍ مـنـيـفــه

اذوادنـا يرعـن بنـا سـر وجهـار = من دونـهـن نــروي الـغـلــب والـرديـفــه

ترعى بضف الغوش بقصاف الاعمار = تقطف زهر مرباعهـا مـع مصيفـه

ما هي سوالف مسرد ٍ عقب ما نـار = اللي هرب واطراف رمحـه نـظـيـفــه

إن سوهجوا عنهـا قليليـن الابصـار = من دونها نـروي السيـوف الرهـيـفــه

ان سوهجوا عنها معاميس الابصـار = حنـا نـرد اللـي يـبـيــهــا نـكـيــفـــه

خطو الولد مثـل البليهـي اليـا ثـار = زود ٍ على حمله نـقــل حـمــل ألـيـفـــه

بشدا هديب الشـام شيّـال الاقطـار = واليـا كـبــر حـمـلــه تــزاود زفـيـفـــه

وخطو الولد مثل النداوي اليـا طـار = صيده من الجزلات ماهـي ضعـيفـــه

ترجي العشا من مخلبه وقـع وطيـار = حسه على صيد الخـلا لـه وحــيـفــه

وخطو الولد يصبر على موتـة النـار = صفـر علـى عـود تضـبــه كــتـيـفـــه

وخطو الولد يامال قصـاف الاعـمــار = لانـافــع ٍ نـفســه ولا مـنـه خــيــفـــه

ورجل ٍ بلا ربعه على الغبن صبــار = يمنـى بلا يـسـرى تـراهـا ضــعـيـفـــــه

واليا بخصته ماسـوى ربـع دينـار = مع العـرب يشبـه خـطــاة الـهـــديـفــه

حنا فريـق ولا نغبـي سـنــا الـنــار = مـا نـنــزل الا بــالــديــار الــمـخـيــفــه

ودار ٍ به الحقـران ماهـي لنـا دار = حتيش لو صــارت خـصــاب مـريــفـــه

وحنا لك الله مـن بعيديـن الاخبـار = والنفس مـا نلحـق هواهــا حـسـيــفـــه

حلويـن للصاحـب وللخصـم قهــار = وعـدونــا لــو هــو بـعـيــد نـخــيــفـــه

حنا كما المشخص عن الصرف ما بار = بالوزن يرجـح والمصـاري خفـيفــه

وتلقـى منازلنـا رفيعـات واخـيـار = والرجل عن دوس القصايـر حـفـيــفــه

لابـد مـا نـسجـلهـا تواريـخ واذكـار = وتبقـى لـدسميـن الشـوارب وظــيـفــه

الا ومـع ذلـك لــك الـلـه لـنــا كـــار = عــن جـارنــا ماقـط نخفـي الـطـريـفــه

نرفا خمال الجار لو هـو بنـا بـار = ونضحك حجاجـه بـالـعـلــوم الـلـطـيـفــه

ولا نبدي الخافي لاصار مـا صـار = وندمح خمال الـجـار لــو بــان حـيـفــه

ونرفا خمالـه رفيـه العـش بالغـار = ونودع لـه النـفــس الـقـويــه ضـعـيـفــه

والجار له قيمـة وحشمـة واعتبـار = وجارتـنــا عــن كــل عـايــز عـفـيـفــه

ما زارهن مـن يـبـغــي الحـيــف زوار = الا ولا عـنــهــن نـــدس الـغـريــفــه

نـبـيــه إلـيــا بــدل الـــدار بــديـــار = وكــل بـجـيـرانــه يــعــد الـوصـيــفــه

نكرم سبال الضيـف حــقٍ وتـعـْبــار = لا مــن ولــد الـعـفــن شــح بـرغـيـفــه

أحد ٍ علـى جـاره بختـري ونــوار = و احـدٍ عـلـى جــاره صـفــاتٍ مـحـيـفــه

وصلاة ربي عـد ماخضـر الاشجــار = على الرسول اللـي عـلـومــه شـريـفــه

[سعوط المجانين]

يالله عسى شمس الضحى ماتغيبي
تشرق على عنـاز وعيـال وايـل
اللابه. اللي.. ما تهاب ..الحريبـي
تاريخهـم يشهـد وفيـه الدلايـل
افخر بربعي.. مدحهم.. ما يعيبـي
كسابـة الطـولات اهـل النفايـل
شجعان من شجعان ما فيه ريبـي
ما همهم وقت اللقـا كـل عايـل
لا راغة الاذهان بامر((ن)) عصيبي
الروح ترخـص والفعايـل فعايـل
لاجل الوطن.. حنا نطيـع ونجيبـي
للقايـد الاعلـى كريـم السلايـل
ابن الملوك ومن سلايـل عريبـي
اللي يعدل كـل مـن كـان مايـل
عبدالله اللي في صفاتـه. حبيبـي
قايـد مسيرتنـا ومثلـه قـلايـل
وولي عهده كـل طيبـه.. يطيبـي
سلطان خير ومنـه الخيـر نايـل
وقبل الختـام اقـول يالله تجيبـي
تحفظ وطنا مـن عـدون وعايـل

للشاعر \ عواد الرغيان

[سعوط المجانين]

يابحـر جـده ياعـذاب المحبيـن = يامدعي طبـع الهـوى والسعـاده
بيني وبينك حلف حسب القوانيـن = والغـدر ياهـدار يعلـن فـسـاده
بعشره ثلاثه عـام ستـه والفيـن = رقم ثلاثـه جيـم تقسيـم صـاده
تحت اسم صلح البحـر والبلاديـن = وقعت انـا ويـاك عقـد وافـاده
فحواه كله ينـدرج تحـت بنديـن = اعيدها لـك كـان تبغـى اعـاده
البنـد الاول واضـح بالعنـاويـن = حسب الشروط المرفقه بالشهـاده
من يوم عشره لين سته وعشريـن = هدنه وكلـن عايـش فـي بـراده
والبند الاخر نخفي الزين والشيـن = وكل علـى ماقيـل ياخـذ مـراده
وباركت لي يابحر بين الصلاتيـن = وصافحتني واعلنـت نيـة سـداده
وطلبت لي شـي يبـل الشراييـن = وطلبـت لـك فنجـان سكرزيـاده
واليوم اشوفك تحترق بيـن ناريـن = تقفي وتقبل لي على غيـر عـاده
من وين رايح وين رايح على ويـن = تعـال عنـدي ياضعـيـف الأراده
ماني مسيحي من جنـوب الفلبيـن = ولانـي بحكمتيـار شهـيـد زاده
ولاني من البشمر ولاني من الصين = ولاني كمال حسين حمدي حمـاده
اسمي محمد وايلي من هل الديـن = وكـل حسـب حريتـه واعتقـاده
انا من الشملـي شمـال الجبليـن = داري وكـل يفتخـر فـي بـلاده
ديرة بني وايل كـرام وعزيزيـن = اهل الكرم واهل الفخـر والريـاده
يومنها بالسيـف والرمـح ذربيـن = عدوهـم يعـاف لــذ الـوسـاده
ربعي وليا نخيتهم جـوك عجليـن = كلن يكاهز فـوق صهـوة جـواده
ناس على شقر الاصايل سلاطيـن = مثل العقاب الصيرمي فـي هـداده
على ظهور الخيل مثـل المجانيـن = ولا حولو رمز الوفـاء والرفـاده
منهم عقاب الخيل ذعـر المعاديـن = والشيخ ساجـر يستحـق الاشـاده
والشيخ بن هـذال راع الدواويـن = شيخ الشيوخ الصيرمي في طـراده
ومنهم مريبد من زحول العداويـن = عقيد ربعـه يـوم هـي بالنكـاده
ومنهم خضير اللي رجح بالموازين = من رد بسهـوم العباريـد صـاده
ومنهم مصوت بالعشـا والشعاليـن = المـوت عنـد وجيهـم واهجـاده
ومنهم غدير الموت والناس داريـن = كـم راس شيـخ بالمياديـن بـاده
اعطيك نبـذه والمعانـي نياشيـن = من كثرهم عجزت لوفـي عـداده
لاشفت فوق الورك اليمن هلاليـن = تراه سيف الموت يعنـي حصـاده
نيرانهـم تاتيـك مثـل البراكيـن = لاشذ سلطان الهدى عـن رشـاده
ركبوا على قب سـواة الشياهيـن = وعقيدهـم علـق وسـام القـيـاده
النادريـن القاطعـيـن الميامـيـن = مال للعدو في وجه الابطـال راده
طشوه بوجبه الذيـاب السراحيـن = واركوا على ارقاب المعادي حداده
سربة هل البلهـا تـدك المياديـن = يهتـز منهـا اللـي قـوي فـواده
الخاشعيـن التايبيـن المصلـيـن = يرجون مـد اللـي كريـم مـداده
للسيف غمـد وللبطولـه عناويـن = وحنا عناويـن الفخـر واعتمـاده
وان كان عندك يازرق الموج قولين = يغنيك عن شعـر المعنـى وكـاده
فلا تهددني مـن اللحيـن للحيـن = بالموج واسرار المحيـط وعتـاده

للشاعر \ محمد لطيف

[سعوط المجانين]

بديـت بالرحمـن وجيـت استعينـا
بالواحد المعبـود خـلاق ماطـاب
الواحـد الغفـار منجـي السجينـا
هو اللطيف الغافـر لمذنـب تـاب
ومن بعـد ذكـرالله جيـت بحنينـا
لربوعي اللي طيبهم فوق الأحـداب
ربوعـي الويـلان عـز الزبيـنـا
لطامة العايـل سنـد كـل مرتـاب
كسـابـة الامـجـاد أول وحيـنـا
أهل الكرم حنا عريبيـن الاصـلاب
جيت أنشد القلب العزيـز الفطينـا
عن جملة ساقه لي العقـل بكتـاب
هـو انتخـاب قالـوا انـه ثميـنـا
جاوبتهـم مقامنـا فـوق الاهـداب
ويـلان شمـس نورهـا بالجبيـنـا
نور سطع ماينحجـب دوم بحجـاب
ويـلان يهتـز الجبـل لاانتخيـنـا
ماهو معجزنـا انتخـاب يالاحبـاب
يـوم انهـا فزعـه فزعنـا وجينـا
نبـي مـع العليـا قـروم وغـلاب
مانقبـل اللـي دونهـا ولا رضينـا
رحنا نتسابق لـه شبـاب وشيـاب
ياشيـخ ذا الكرسـي مهومهتويـنـا
بس نجلسه دامه مداحـم بالاشنـاب
مقامنـا فـوقـه بـحـق ويقيـنـا
بس نجلسه دامه مداحـم بالاشنـاب
كرسينـا فـوق الثـريـا بعريـنـا
بس نجلسه دامه مداحـم بالاشنـاب
كرسينـا مجـد جـرى فـي يدينـا
في قبته نور سطع بيـن الاغـراب
اعيـال وايـل طيبـنـا محتويـنـا
يامـا سعينـا لـه حفـاة وركـاب
حنا صعدنـا المعتلـي مـن سنينـا
حنا لبسنا التاج بسيـوف وأنسـاب
حنا شربنـا المجـد حتـى روينـا
حنا لبسنا العز يوم الـردي خـاب
حنـا حمينـا طيـرنـا واحتميـنـا
حنا جرعنا الطيب من بين الاطيـاب
حنـا كسبنـا مـن المعـزه ثمينـا
حنا ارتفعنا فوق من بيـن الاجنـاب
فينـا الفـزع فينـا المـروه وفينـا
طبع عجـز لايجلبـه كـل جـلاب
الجـار قـدره بالضمايـر مكيـنـا
دايـم عزيـز مالبـس ذلـه وراب
اليا انتخى يبشـر بـدرع حصينـا
ينزاح همه والعـدو مالـه حسـاب
وليا بغيـت اعيـد مـاض السنينـا
ابطال وصيت المجد في كل محراب
اكليـب ومهلهـل وعلـم يجيـنـا
والذيب بن كلثوم قطـاع الارقـاب
وغيـرهـم وغيـرهـم لاحكيـنـا
ابطال يخضع عندهـم كـل غـلاب
وملـوك فكاكـة ضعيـف زبيـنـا
فريس ماينصك مـن دونهـم بـاب
لادارت الهـيـه وقــل العويـنـا
ارداهم اللي مثل ذيب وسـط غـاب
فـي ساعـة الاكـوان والله وفينـا
لاطار عجه ثـم كشـر بـه النـاب
عدونـا قـفـى كسـيـر غبيـنـا
وصديقنا يفخربنا بيـن الاصحـاب
نسـد حاجـات العـرب لا نخينـا
ولامن عطينا نعطي بليـا احسـاب
فينا السخا والعلـم الابيـض يزينـا
كف ندي مانشـد صولـة اسبـاب
صغيرنـا مـن كـان طفـل جنينـا
وهو يرضع العزه وللمجد شـراب
من صغره وصيـده جزيـل سمينـا
وليا كبر يبطـش بكـف ومخـلاب
لي الفخـر واالا أقصـر الغانمينـا
نعم بهم ثم نعم في كـل الاعـراب
كـل القبايـل فيهـا طيـب متينـا
ولاني من اللي يحجب النور بحجاب
وختامهـا صلـو علـى مهتديـنـا
على الرسول اللي رسالتـه بكتـاب

للشاعر \ حامد العيد

[السيف الصقيل]

بكل صراحة موضوع متميز ويستحق المشاركة والاهتمام ومن أجمل القصايد التي قيلت في عنزة قصيدة للشاعر المبدع والمتميز وعضو هذا المنتدى المتميز منتدى ويلان الشاعر المتألق
((صالح الجزاع))
وهي بحق قصيدة تستحق تسليط الضوء عليها والاهتمام بها أترككم مع الإبداع


بسم الله أبدا طروز القاف وأبدعها
واكتب قصيدة بها التمجيد لأبياتي

لأني أبغا إذا الناقد تســــــمعها
يلقى عليها من الابداع بصماتي

وأبيه يرجع عليها ويتتبعها
وبعون ربي يبي يشكر عباراتي

لأني من صميم الراس صانعها
ولاجتني بدغمرة وإلا بحيالاتي

وماني من اللي طلب جوال بايعها
ناسٍ تبيع القصايد بالمجلاتي

هذي غريزة عظيم الشان زارعها
في داخلي واعتبرها من هواياتي

ويحق لي يوم تبدي لي روابعها
أثني على اللي لهم بالمجد غاياتي

ربعي بني وائل اللي من يبايعها
مايشتكي من ظروف الوقت لوعاتي

قبيلة العز والطولات مطمعها
هذي حقيقة ولاتحتاج لاثباتي

من ماض الازمان رب البيت رافعها
لها تسيطر على التاريخ صفحاتي

هي بالحسب والنسب معروف جامعها
الجد وائل وكن الجد ماماتي

اليا انتخوا به قلوب القوم يفزعها
من قبل الاسلام حتى وقتنا الآتي

ويوم القبايل تفاخر في مواقعها
لنا ترفرف بنجد العز راياتي

وشمالي الشام روس الروم نقمعها
لا حد بيروت وأسوار الحكوماتي

وأرض العراق الحصينة في مدافعها
بها ولينا بحد السيف باشاتي

حلالنا الوضح وأحلى دو مرتعها
ياويل منهو عليها شن غاراتي

كم شيخ قوم طغى والنفس طمعها
يبي المكاسب وعود بالخساراتي

من عقب ماهو علينا الرجل يدفعها
تذوق نفسه قبل ماتموت حسراتي

بسيوف ربعي يد العدوان نقطعها
واللي تعدا علينا صار مواتي

هذي شجاعة ولاكن الكرم معها
يبزغ بزوغ القمر من بين نجماتي

هو منهو اللي بطون الجوع مشبعها
وقت السنين العجاف ووقت فاقاتي

هو منهو اللي رفاف البيت شرعها
مايكتفي بالعزيمة صوت اصواتي

هذا مثل وإن بغيت أعد واقعها
يصعب عليه حصر كل الكراماتي

وقت البداوه وحد السيف ماروعها
واليوم وقت التقدم والحضاراتي

وأولاد وائل تباها في تربعها
على سنام المعالي والجزالاتي

وأبذكر ارجال معروفة صنايعها
اختارهم حامي البيتين قاداتي

آل السعود الفريدة في طبايعها
من نسل مقرن كعام الضد ساداتي

أفعالهم بالذهب والماس رصعها
عدل وتواضع وطيب الحظ والذاتي

والاسرة اللي كويت الجود تتبعها
في ظلهم شعبهم مرتاح مايحاتي

وأيضا الخليفة من أكبر راس منبعها
الآبة على البحرين سلطاتي

بهم اتباها لو العدوان يوجعها
مدحي لربعي وتمجيد انتمائاتي

بس افهموا كلمتي والكل يسمعها
كل القبايل لهم بالطيب عاداتي

الجعفري قال والأبيات روبعها
مشكور يالمستمع وأقبل تحياتي

[طلال معيض]

موضوع جيد ونتمنى ان نثبت به جداراتنا

[سعوط المجانين]

يالشامخ اللي شوفتك رحمة الموت = قدومك أرحم من عـذاب أنتظـارك
لاجابك الطاري طرى حرب جالوت = ومقارع سيوف العـرب بالمعـارك
يطري عقاب الخيل لازغردت نوت = لعيونها يطـا الخطـر والمـدارك
ويطري علّيه صيحة البنت بالصوت = لعيونها جاهـا الدريعـي مشـارك
وأطلقت صوتٍ داخل الصدر مكبوت = ياليل قلـي عـن بدايـة نهـارك
حنا المفاخر نلبسه عِْقل وبشـوت = وحنا يمينك يالفخر عـن يسـارك
حنا هل التاريخ والفعـل مثبـوت = تاريخنـا يانجمـة سهيـل جـارك
حنا ( بني وايل ) على كل طاغوت = ماتـدري أنّـا بالملاقـا دمــارك
حنا ليامن قلت حنا تجـى بيـوت = صواعقٍ ياسـرع عنهـا فـرارك
من كبرنا ماهمنا البحـر والحـوت = حنا الفضا اللي فيه يصغر مـدارك
يالشامخ اللي شوفتك رحمة الموت = قدومك أرحم من عـذاب أنتظـارك



للشاعر \ منصور الرويلي

[سعوط المجانين]

السلام عليكم ورحمةالله وبركاته

هذه القصيده للشاعر \ قريم الدوسري يثني على الشيخ \ خليل بن حاكم المهيد

بعد أن جاء وافدا علي الشيخ خليل وامضى في مضيفه فتره من الزمن يتحين الفرصة لعله يسأله وفي

أحد الأيام حصل نقاش علي قصيدة الشيخ راكان بن حثلين التي منها قوله: ما قل دل وزبدة الهرج

نيشان...والهرج يكفي صامله عن كثيره

فااغتنم الفرصه قريم خلال هذه المناقشه واستأذن من الشيخ خليل وقال


يا الله طلبتك يامدير الهبايب = يارافي الخملات حنا برجواك
تفرج لمن كثرت عليه المصايب = ياغافرالزلات يامجري الأفلاك
وخلاف ذا شديت عوص النجايب = أنصا الشيوخ البينه عقب مانصاك
خليل يا أبن مهيد جنك ركايب = ركايب من ديرة البعد تلفاك
ركايب ماشدهن كل خايــب = ولاظن ينصن غيرمثلك وشرواك
صاعك كبير وتحتمل للنوايب = ياراعي العليا عسى الرب ياقاك
شيخ ولد شيخ علومك عجايب = وأنت الجواد اللي كبار عطاياك
جدك مصوت بالعشا باجذايب = في نجد ماعينت مثلك وشرواك
ما قل دل وزبدت الهرج صايب = والهرج يكفي صامله دوم عن ذاك
الدوسري قال العلوم الغرايب = مخطاك ماصابك وماصاب ماخطاك
وصلاة ربي عد مزن السحايب = واعداد بدو زوعوا في هداياك

وسلامتكم

[سعوط المجانين]

تعال اشرح شرح وافى بتاكيد = وتاخذ على مااقول منى كفاله

ربعى هل الطولات بواجة الريد = هل الوفاوالطيب واهل الجماله

ويلان من ويلان ماهم تقاليد = قروم الرجال مسيسين الشكاله

يوم الملاقا بالنمش والبواريد = يشهد لهم بالطيب عصر الجهاله

منا هل العوجا غدو بالتحاميد = اللى حكموها من جنوب لشماله

ومنا الخليفة بالملاقى بواليد = ضغوم الرجال اللى عليهم مقاله

* ومنا الصباح اهل الرماح المواريد = ريف الضعيف اللى لجا والتجاله

وشيوخنا ماتنحصى 000بالتعاديد = يشهد لهم جنوب نجد وشماله

عدوهم يمشى على غير مايريد = وكم طامح بالكون فكوا حباله

يوم القبايل بين فيض وتسنيد = كم عقله وردوا مقاطين جاله

منا ابن هذال كنمر مسيد = شيخ الشيوخ اللى قليل امثاله

ياخذ على القالات حل وتوريد = حلحيل بالحيلات فى كل حاله

وانشد عن الطيار عساك ماتفيد = سلطان مهدى للطراقى زماله

ومنا مصوت بالعشا للا جاويد = ابن مهيد اللي يتذكر افعاله

عنده ضياع الناس المغاريد = ومن صكته سود الليالى عناله

ومنا العواجية شيوخ صناديد = عقبان نجد اللى عليها المقاله

فريس والله ماتعرف التصاديد = الياضيعت غرز العشاير عياله

والشيخ الايداء ضد من له تضاديد = من عانده يلقلا عقايب نكاله

نمر النموره راسي حيد محيد = صطام لطام الياصار قاله

مقلط الهيل الخضر بالبغاديد = وبالطيب يرخص بالمواجيب ماله

الشيخ لطام العدا بالمواعيد = نعم بالايداء كل ماجاء مجاله

والشيخ ابن شعلان من ترثه الزيد = ماظنتى برويل يطلع بداله

مجول ونايف والربوع المواريد = تاريخهم يشهد بدور مضاله

وخلف اللى ياخذ عليهم ملاكيد = كم راس شيخ عن ثناديه شاله

ومنا الرفدي متعب الجيش بالبيد = كلن سمع بالفاطر اللى اعتزاله

حطت على السبعان مع المعاويد = وحنة بالصوت من سمعها دعاله

فزعوا لها السلقا على الجيش والجيد = وحمى الوطيس وشب نار اشتعاله

كامزنه غرى نشلته رواعيد = من جاء تحتها حامى النار شاله

والشيخ ابن مجلاد قرم الاواليد = الطيب له من ساس جده وخاله

نعم بابن مجلادسعران ورشيد = كلن مقر له بفعلن جراله

اورنس اخو شيمه مزبن عن الكيد = صطام لطام العدى بافعاله

صطام لطام العدى بالتهاويد = كم غني ضيعة من حلاله

حر يوم انه شهل يرمى الصيد = ولايذبح الامن نوادر اجزاله

حر اليا صرد على الصيدي تصريد = عز الله انه يعجب من دعاله

ومنا الفقير الياهبي كل رعديد = دبشي اليا عدوا رجال الشكاله

وراكان ابن مرشد سطام المعانيد = شيخ الشيوخ اللى عزيز قباله

ومنا السويلم وابن شامان وعبيد = الكل يكفي دون عرفه افعاله

والشيخ ابن معجل زبون المحاريد = لاصار بالجمع العزاوي زعاله

ومنا ابن ملحم بالموازيم صنديد = يفرح بهتاش الخلا وان لفاله

والشيخ ابن رشدان زبن الرعاديد = حيد الحيود اللى زمامن جباله

يحط بكبود الاعادي مراصيد = عز الدخيل اللى عن الضيم جاله

ياخذ على تالي الهزيمه تراديد = بيوم به الشيطان حضر اعياله

وابن سمير عيد الركاب المصاعيد = الشيخ خشار الضعوف بحلاله

فى رفقته تلقى الضعافي ملابيد = كم دخيل يلتجي فى ظلاله

والشيخ ابن جندل محيف النواديد = يجزي صناديد العدي بالصياله

ومحدي مخلي الركايب عراجيد = عزام جزام الياصار قاله

ابن موينع والغبيني وابن عيد = وابن الامير منهل الطيب ناله

وابن هديب محدد الارض تحديد = ارض يروده مايجونه رجاله

ومشعان اخو جحله الضده لواديد = وبرجس غدير الموت مرذي سلاله

وغنيم ضد اللى ضده على الحيد = عز الدخيل اللى بظيمه شكاله

والشيخ ابن ضويهر معدي المناقيد = ضد العدوان ثار معرك كتاله

والمرتعد له بالفراسه ملاكيد = مسكتين الورع يوم الصياله

وعمر وبن كلثوم ودهام ومريد = الكل منهم وافيات خصاله

وكليب ومهلهل مخيف الرواويد = الكل بالتاريخ كلن دراله
من عقب وايل ساس جد وتجديد = جدود وروي جدود تحوش الجماله

هذا الصحيح اللى كل العرب تشيد = امجاد ورث اجداد مابه جهاله

وكثرهم لو ابى اعدد سراميد = يضيع فكري ويتوسع مجاله

كلامنا مافيه كذب وتزويد = من طق فى قولى على بقباله

وصلاة ربى عد وبل الرواعيد = على النبى المبعوث راعي الرساله


للشاعر الكبير \ جريد بن عوض الغضوري العنزي

[سعوط المجانين]

أحيان أحس إني أتعدى حدود الإطار = واحيان أحس إني أرقى وافقد الأكسجين


ياللي لكل أسمين تقليدي معا مستعار = لاتدحم الناس في جنبك لو إنه متين


والله لو إنا نبي حلقك يابو مستشار = أقربلك إيديننا من قرب حبل الوتين


ماتدري إننا مقابيس الوغى والشرار = نهار يفرق ضنين عن مضنّة ضنين


على ضهور الصفر ولا ضهور البكار = نارد حياض المنايا ماندور عوين


من دم وايل توزعنا على كل دار = شيوخ في نجد وشيوخٍ على الرافدين


قومٍ نحب الفخر والعز والأنتصار = ياناخذ الطايله ولا نموت أجمعين

لـ ياسر التويجري

[سعوط المجانين]

ياصاحبـي كنّـا ونبقـى حلاحيـل = للمجد نرقـى فـوق قمّـة جبلهـا
افهم عدل لاتـأول الوضـع تأويـل = والكلمه العوجا من المـزح شلهـا
يومنها بالسيف والرمـح والخيـل = نملك مزاييـن الأبـل مـع فحلهـا
نغير في وسط الضحى واوسط الليل = ونجيبها غصبٍ عن خشـوم أهلهـا
ويـلان حنـا فعلنـا لـه دواليـل = نردم علـى كبـد المعـادي عللها
وان زغردت ام الرموش المظاليـل = وقامت تناظـر كيـف ردّة فعلهـا
نشوش من زود السطر كالمهابيـل = والموت احلا عندنـا مـن عسلهـا
متوارثين المجد جيـلٍ ورى جيـل = فتخيـن الأيـدي كاسبينـن نفلهـا
ويلان حنا أهل الكـرم والمعاميـل = عـاداتـنـا ماغـيّـرتـهـا فللها
لضيوفنا نذبح من السمّـن الحيـل = وقصيرنـا مـاراح يشـكـي مللها
والحمد لله يـوم صـارت تساهيـل = جاها السديد بديـن ربـي شملهـا
يكفي يمثلنا مـن النفـس حلحيـل = مشعل أخو نـوره بجـوده كفلهـا
مادام صارت بالذهـب والتهاويـل = واحيت علينـا عنصريـة جهلهـا
ماعاد نبغى من وراهـا محاصيـل = وقلوبنـا للخيـر ربـي عدلـهـا
نعطي الفقير اللي شكى العوز والويل = وام اليتامـا بذلنـا قـد وصلـهـا
وضعيفنا نرفى خماله عـن الميـل = اخير من دفـع الفلـوس بجملهـا
ونذلل ظـروف المساجيـن تذليـل = ونعتـق رقـابٍ دافـع الله أجلهـا
ياصاحبي نقدر وفينـا لهـا حيـل = ونملـك ملاييـن الفلـوس وهللها
واذا رغبنـا بالليالـي المقابـيـل = تشوف ويلان السعـد وش عملهـا
قلته وانـا مـاودّي القـال والقيـل = حسبي على اللي حيييل كبدي دبلها


للشاعر \ الاطرق الهذال

[سعوط المجانين]

قصيده للشاعر سمو الامير \ عبدالرحمن بن عبدالله بن عبدالرحمن آل سعود نشرت بمجلة المختلف

في العدد 182 في شهر سبتمبر 2006 م بعنوان جميل المثايل واليكم هذه القصيده التي فيها من

الحكمه الشيء الكثير والثناء لربعه عنزه











يقـول مـن يبـدع جميـل المثـايـل = مثايـل ٍ عذبـه .. نقيـه .. مصفـات
يقولهـا مـن عـرفـه ان الاوايــل = مابقـو لتاليهـم امـور ٍ مصـفـات
يقولهـا ينصـح عـيـال الحمـايـل = للي لهـم زينـات الافعـال عـادات
ينصـح بهـا اهـل المـدن والقبايـل = لعل فيهـا لراعـي العـرف عبـرات
العاقـل اللـي يعـرف ان التحـايـل = مافيـه لـه فـود ٍ ولا فيـه نفعـات
العاقـل اللـي يعـرف ان الحبـايـل = تصيـد حابلهـا وتسقـيـه لـوعـات
والجاهـل اللـي كـل ماقـال قايـل = صدق كلامـه دون برهـان واثبـات
والجاهـل اللـي فالمسـا والقوايـل = يـدور بـوش ٍ لايقـيّـل ولابــات
والجاهل اللـي لـو عيونـه تخايـل = يطيح وسـط النـار مثـل الفراشـات
والطيـب ياباغيـه شـيـل الثقـايـل = لامـن عجـز عنـه ردييـن هامـات
والعيـب والمنقـود راس الفشـايـل = عصيانـك الرحمـن رب السمـوات
والعيـب والمنقـود شـب الفتـايـل = بين الجماعـه والمعايـر بمـا فـات
والعيـب والمنقـود لاجـاك عـايـل = وطّيت لـه راسـك وذليـت بسكـات
والكذب راس العيـب ياللـي تسايـل = حبله قصير ويقطعك وسط مضمـات
خلك على العايل صـدوق الصمايـل = لكم من شجاع ٍ عاش واللي هرب مات
اصبر علـى وقتـك ولوكـان مايـل = الصبر مفتاح الفـرج فـي المهمـات
والعيب بذل المال مـن غيـر طايـل = علـى المعاصـي والخنـا والملـذات
والعيب نقـل الهـرج بيـن العوايـل = نقل الـدوادي الفارغـه والحكايـات
خلك خفيـف النفـس والشـك زايـل = وش عاد لو تومر ولو قيل لك هـات
حسن الخلـق زينـه لكـل الفضايـل = كمل بها اخلاقـك وللنـاس شوفـات
لاصـرت تبغـى وافييـن الخصايـل = فاصل رحمـك وأد حـق القرابـات
هذا كلام رشيد مـن نسـل (وايـل ) = ( اهل الكرم والجود واهل المروات )
لباسـة الماهـود واهـل الاصـايـل = عون الرفيق اللي وقع وسط شطـات
كـم شيـخ قـوم ٍ ذاق مـر الملايـل = من ضربهم لاجو على الخيل عجلات
لطامـة العايـل ليـا جـاك مـايـل = شينين .. زينين ٍ .. مطافيق .. وثقات
لطامـة ٍ .. نطـاحـة .. ماتسـايـل = فرسان .. شجعان ٍ .. مدابيس غارات
وطعونهـم تلقـى بهـا الـدم سايـل = وصحونهم يلقى بها الضيف خيـرات

[سعوط المجانين]

كل القبايل زاينت وعنزة وين؟؟ = ما شفت بالساحة مزاين سباقه ؟؟
سألتني وافتيك يا بارد العين = اسمع من المسؤول زبدة مذاقه :
المجد ماهو في جمال البعارين = وطيب القبايل ما نقيسه بناقه
والمجد ما ينباع وسط الدكاكين = ولا هو على زين الشكل والرشاقة
المجد يا باغيه في خدمة الدين = في طاعة الله وابتعد عن نفاقه
والمجد في سنة ختام النبيين = نتبع هداه ولا نخالف وثاقه
والمجد باكرام الضيوف البعيدين = وكم حايل للضيف نرمي شناقه
والمجد باكرام الخوي لو بعد حين = ونرفا خطا الصاحب ولو كان عاقه
والمجد بتفقد حوال المساكين = والمجد في لمة وجيه الرفاقة
والمجد باوفاي العهد والعهد دين = يوم ان ولد اللاش قصر وباقه
والجار منزاله على الراس والعين = ولو غاب عنا ما هتكنا رواقه
والمجد يوم انه بكسب البعارين = كم ذود شيخ من يدينا نفاقه
ناطا وصوت الملح مثل البراكين = ليا ما نتخير بين ناقة وناقة
بالمعركة نقلب ثقيل الموازين = وكم فارس صارت حياته شفاقه
عقيل وان جات الحرايب مجانين = نهدر هدير الزمل وقت اصطفاقه
( عيال وايل ) لا تلاقا القبيلين = كم جيش قوم جيشنا الذرب عاقه
الكيل وافي يوم نقص الموازين = يفرح بنا اللي جاير الوقت ضاقه
جنود كسرى كسروها ( الشيابين ) = واهدى لهم ( هاني ) من الموت باقة
لجت بنا اللي شافت الظلم والبين = يوم الردي ما له على الطيب طاقة
وما حد يصوت بالعشا للضعيفين = يا كود حنا والخلايق بفاقة
نعطي العطايا للبعيد وللادنين = والله كفل رزق الخلايق وساقه
عن ( السبيعي ) تم دفع الملايين = والسيف جا له من سببنا الاعاقة
شلنا الحمول الكايدة بين يومين = وسجين بعض الناس يبست ارياقه
واليوم في ظل الملوك الميامين = كل العرب عاشت بعز ورواقه
نعيش واقعنا ملوك وسلاطين = ونعيش ماضينا رجال العراقة
الزين هذا الزين يا طالب الزين = طيب الفعايل عاشقينه عشاقة
وياللي سألت وقلت وين المزايين = المجد هذا ما نقيسه بناقة


للشاعر \ خلف الغريب

[صالح العرجان]

كعبة الحجاج مكة .. وكعبة الطيب عنزه
وإن سألت الطيب شصلك ؟! .. جاوب الطيب عنزي .

[أبو غرام]

كعبة الحجاج مكة .. وكعبة الطيب عنزه
وإن سألت الطيب شصلك ؟! .. جاوب الطيب عنزي .

=============================================

بارك الله فيك اخ صالح

ولقد كتبت بدوري عندما اتتني هذه الرساله بيتين
ىمل ان تنول على رضاكم واستحسانكم


=============

وجهة الطيب الشمال ومنبع الطيب عنزه

واللي مسعاه الكمال يمشي ويخاوي عنزي

لابتي مابه خمال ولا بفعله معجزه

وانت لو جالك مجال بمثل ربعي اعتزي

[سعود المسعودي]

يالشامخ اللي شوفتك رحمة الموت = قدومك أرحم من عـذاب أنتظـارك
لاجابك الطاري طرى حرب جالوت = ومقارع سيوف العـرب بالمعـارك
يطري عقاب الخيل لازغردت نوت = لعيونها يطـا الخطـر والمـدارك
ويطري علّيه صيحة البنت بالصوت = لعيونها جاهـا الدريعـي مشـارك
وأطلقت صوتٍ داخل الصدر مكبوت = ياليل قلـي عـن بدايـة نهـارك
حنا المفاخر نلبسه عِْقل وبشـوت = وحنا يمينك يالفخر عـن يسـارك
حنا هل التاريخ والفعـل مثبـوت = تاريخنـا يانجمـة سهيـل جـارك
حنا ( بني وايل ) على كل طاغوت = ماتـدري أنّـا بالملاقـا دمــارك
حنا ليامن قلت حنا تجـى بيـوت = صواعقٍ ياسـرع عنهـا فـرارك
من كبرنا ماهمنا البحـر والحـوت = حنا الفضا اللي فيه يصغر مـدارك
يالشامخ اللي شوفتك رحمة الموت = قدومك أرحم من عـذاب أنتظـارك

:more61::more61::more61::more15::more15::sm160::sm 160:

للشاعر \ منصور الرويلي








تعال اشرح شرح وافى بتاكيد = وتاخذ على مااقول منى كفاله

ربعى هل الطولات بواجة الريد = هل الوفاوالطيب واهل الجماله

ويلان من ويلان ماهم تقاليد = قروم الرجال مسيسين الشكاله

يوم الملاقا بالنمش والبواريد = يشهد لهم بالطيب عصر الجهاله

منا هل العوجا غدو بالتحاميد = اللى حكموها من جنوب لشماله

ومنا الخليفة بالملاقى بواليد = ضغوم الرجال اللى عليهم مقاله

* ومنا الصباح اهل الرماح المواريد = ريف الضعيف اللى لجا والتجاله

وشيوخنا ماتنحصى 000بالتعاديد = يشهد لهم جنوب نجد وشماله

عدوهم يمشى على غير مايريد = وكم طامح بالكون فكوا حباله

يوم القبايل بين فيض وتسنيد = كم عقله وردوا مقاطين جاله

منا ابن هذال كنمر مسيد = شيخ الشيوخ اللى قليل امثاله

ياخذ على القالات حل وتوريد = حلحيل بالحيلات فى كل حاله

وانشد عن الطيار عساك ماتفيد = سلطان مهدى للطراقى زماله

ومنا مصوت بالعشا للا جاويد = ابن مهيد اللي يتذكر افعاله

عنده ضياع الناس المغاريد = ومن صكته سود الليالى عناله

ومنا العواجية شيوخ صناديد = عقبان نجد اللى عليها المقاله

فريس والله ماتعرف التصاديد = الياضيعت غرز العشاير عياله

والشيخ الايداء ضد من له تضاديد = من عانده يلقلا عقايب نكاله

نمر النموره راسي حيد محيد = صطام لطام الياصار قاله

مقلط الهيل الخضر بالبغاديد = وبالطيب يرخص بالمواجيب ماله

الشيخ لطام العدا بالمواعيد = نعم بالايداء كل ماجاء مجاله

والشيخ ابن شعلان من ترثه الزيد = ماظنتى برويل يطلع بداله

مجول ونايف والربوع المواريد = تاريخهم يشهد بدور مضاله

وخلف اللى ياخذ عليهم ملاكيد = كم راس شيخ عن ثناديه شاله

ومنا الرفدي متعب الجيش بالبيد = كلن سمع بالفاطر اللى اعتزاله

حطت على السبعان مع المعاويد = وحنة بالصوت من سمعها دعاله

فزعوا لها السلقا على الجيش والجيد = وحمى الوطيس وشب نار اشتعاله

كامزنه غرى نشلته رواعيد = من جاء تحتها حامى النار شاله

والشيخ ابن مجلاد قرم الاواليد = الطيب له من ساس جده وخاله

نعم بابن مجلادسعران ورشيد = كلن مقر له بفعلن جراله

اورنس اخو شيمه مزبن عن الكيد = صطام لطام العدى بافعاله

صطام لطام العدى بالتهاويد = كم غني ضيعة من حلاله

حر يوم انه شهل يرمى الصيد = ولايذبح الامن نوادر اجزاله

حر اليا صرد على الصيدي تصريد = عز الله انه يعجب من دعاله

ومنا الفقير الياهبي كل رعديد = دبشي اليا عدوا رجال الشكاله

وراكان ابن مرشد سطام المعانيد = شيخ الشيوخ اللى عزيز قباله

ومنا السويلم وابن شامان وعبيد = الكل يكفي دون عرفه افعاله

والشيخ ابن معجل زبون المحاريد = لاصار بالجمع العزاوي زعاله

ومنا ابن ملحم بالموازيم صنديد = يفرح بهتاش الخلا وان لفاله

والشيخ ابن رشدان زبن الرعاديد = حيد الحيود اللى زمامن جباله

يحط بكبود الاعادي مراصيد = عز الدخيل اللى عن الضيم جاله

ياخذ على تالي الهزيمه تراديد = بيوم به الشيطان حضر اعياله

وابن سمير عيد الركاب المصاعيد = الشيخ خشار الضعوف بحلاله

فى رفقته تلقى الضعافي ملابيد = كم دخيل يلتجي فى ظلاله

والشيخ ابن جندل محيف النواديد = يجزي صناديد العدي بالصياله

ومحدي مخلي الركايب عراجيد = عزام جزام الياصار قاله

ابن موينع والغبيني وابن عيد = وابن الامير منهل الطيب ناله

وابن هديب محدد الارض تحديد = ارض يروده مايجونه رجاله

ومشعان اخو جحله الضده لواديد = وبرجس غدير الموت مرذي سلاله

وغنيم ضد اللى ضده على الحيد = عز الدخيل اللى بظيمه شكاله

والشيخ ابن ضويهر معدي المناقيد = ضد العدوان ثار معرك كتاله

والمرتعد له بالفراسه ملاكيد = مسكتين الورع يوم الصياله

وعمر وبن كلثوم ودهام ومريد = الكل منهم وافيات خصاله

وكليب ومهلهل مخيف الرواويد = الكل بالتاريخ كلن دراله
من عقب وايل ساس جد وتجديد = جدود وروي جدود تحوش الجماله

هذا الصحيح اللى كل العرب تشيد = امجاد ورث اجداد مابه جهاله

وكثرهم لو ابى اعدد سراميد = يضيع فكري ويتوسع مجاله

كلامنا مافيه كذب وتزويد = من طق فى قولى على بقباله

وصلاة ربى عد وبل الرواعيد = على النبى المبعوث راعي الرساله


للشاعر الكبير \ جريد بن عوض الغضوري العنزي


سعوط المجانين
بيض
الله
وجهك
على
النقل
الموفق

[صالح التويجري]

ونعم ونعم ....



الحمد لله اللي خلقني مسلم و عنزي ....




ابوووووكـــ يالــعــــز

[سعوط المجانين]

هنـا .. هنـا .. للموقـف الإلزامـي = غنيّـت قافـي ... وانطلـق قـدامـي
أسـج ساعـة ... وأتـكـدّر سـاعـة = هــذي ليالـيـي .. وذي أيـامــي
النار .. تطلـع مـن حشـاي وترجـع = وأصبح حطبها .. من دقيـق عظامـي
ولحقت على عينـي .. وشبّـت فيهـا = وبدت فصـول .. المشهـد الإدرامـي
أفـكّـر بـعبدالمجـيـد .. وحـالـه = وأصد .. وأمسح .. دمعتي بـإبهامـي
ياليت .. ماصرت بـمثـل هالموقـف = أو ليت قبل .. أحضره .. حلّ إعدامـي
عبدالمجيد .. إسمـع وأنـا بـن عمـك = صوتـك علـى هالمنبـر الإعلامـي
أصيح به .. وأنخى .. وأطـش عقالـي = وأجثي على ركبّي ... وراسـي زامـي
مدام لـي لابـة .. ليـا صكّـوا بـي = قالو دخيـل البيـت .. مـا ينضامـي
يا لابتي .. يا عيـال وايـل .. جمعـا = يا عزوتي ... يا مسندي .. يا حزامـي
يـا منبـع الفزعـة .. ويـا مرجعهـا = يا أهل البطولـة .. والمقـام السامـي
يا حاكمين أرض الجزيـرة ... مبطـي = ولـهالزمـن وأنتـم بعـد حكـامـي
فزعاتنـا ماهـي .. بـحاجـة شاهـد = والشاهـد الله ... مـا عليهـا كـامـي
تـذكّـروا ... فزعاتـنـا للصيـحـة = يوم إن ضرب السيف .. حامي .. حامي
واليـوم هـذي صيحـةِِ .. تشبهـهـا = صيحـة ( سبيعـيـة ) ولا تنـلامـي
تبكي ولدهـا ... وتحلـم بـرجوعـه = بأحلامها ... وأحلامكـم ... وأحلامـي
قوموا .. لهـا مقـام .. رجـلِِ واحـد = رجلِِ على شيل الحمـول .. عصامـي
كل عنزي .. مسـؤول عـن دمعتهـا = قـدام .. أهـل الكوكـب .. المترامـي
هذى ... شرفنا .. عرضنا .. عورتنـا = وحنا على .. عرض القصير .. نحامي
لازم نحـامـي .. والحمـيـا عــادة = فينـا ... ولا فينـا عفـن وهـلامـي
واللي ما يفزع .. لا انتخت بـه حـرّة = لا يشرب الفنجـال .. بيـن أعمامـي
خلوه .. يلبس .. ثـوب بنـتٍٍ مجـوز = وتحـرم .. لـمثلـه لبسـة البسامـي
ذي حزة الفزعـة ... ولامـن صـدة = عن مثل هـذا .. الموقـف الإلزامـي
يا عيال وايـل .. مرجلـة .. وحميـا = ويامـر عليهـا .. ديننـا الإسـلامـي
مـدّوا يديـكـم .. علّـنـي فدوتـهـا = وأنتم كرام .. ومن عـروق .. كرامـي
باقي عن المـدة .. شهـر .. وشويـة = مافيـه وقـت .. نراجـع الأرقـامـي
عشـرة ملاييـن .. ونفـك رقبـتـه = هذا عنزي .. ماهـوب قطعـة خامـي
وليا انتهينـا ... صوتـوا ... بالدحّـة = نامي.. هنيّة ( يا سبيعيـة) ... نامـي

للشاعر \ مطلق النومسي

[سعوط المجانين]

يا طير ياللي تركـب الريـح يـا طيـر = قـل للحـرار اللـي تطيـر بـسمانـا
اليـوم هـذا غيـر وأفراحنـا غـيـر = وصدورنـا يدفـع زعلـهـا رضـانـا
كل عام وأنت بخير .. وأحرارنا بخيـر = وكـل عـام والدنيـا علـى مشتهانـا
كـل عـام تجمعنـا حسـان المقاديـر = ويربـط بعضنـا فـي بعضنـا غلانـا
تمايـلـن يالفـاتـنـات الغـنـاديـر = ولجّـن زغاريـد الفـرح مـن ورانـا
البارحة هبّـت علـى خشمـي عصيـر = وتمثنـت بصـدري نسـايـم هـوانـا
وأخذت لي مع جـن شعـري مشاويـر = وليـا توانـا قلـت وشـبـك تـوانـا
يا جن أنا فـي مـخ راسـي سعاطيـر = وليا أتربـت لحيتـك .. تكـرم لحانـا
هنا .. هنا .. للشعـر معنـى وتقديـر = وهنا .. هنا .. شعورنـا يـا شعرانـا
جانـا هـلال العيـد .. والعيـد بكيّـر = لا والله إلا العيـد ... بكـيّـر جـانـا
مـع جيـة علـوم السعـد والتباشيـر = حـي البشيـر وحـي عـلـمِِ لفـانـا
بشـارة تسـوى الذهـب والدنانـيـر = عطـا مـن الله جــل رب عطـانـا
بشرى .. الشفا والعافيـة يالله الخيـر = يـا أميرنـا .. وأميـر كـل أمـرانـا
مرضـك يمرضنـا .. ولا فيـه تفكيـر = إن الشفا .. لـعروق جسمك .. شفانـا
وطيحتك غزو أسود.. ووقفتك .. تحرير = والحمـد لله .. مستصـح .. ومعـانـا
يا شيخنا .. يـا قمـة طويـق والنيـر = ياللـي نشوفـه .. وإن بغانـا لقـانـا
يا أطهر سريرة .. سيرتك للعرب سيـر = يا وجهنا .. يـا جاهنـا .. يـا ذرانـا
يـا مقـدم زحـول الرجـال البواتيـر = حنّـا ... وحنّـا مـن يشـرف نبانـا
جعافرة .. يكتب لنـا العـز .. تقريـر = يوم الفزع .. ما أحدن توطـى حمانـا
فراشنا شلـف ... وغطانـا شواطيـر = والله مـن عـزِِ بـلمـعـة غطـانـا
مـا للمذلـة عندنـا أيــة معابـيـر = الله خلقنا عـزاز .. مـا هـو خطانـا
في عصرنا الحالي والى ماورى الزيـر = وهـو مستـوانـا ثابـتـاً مستـوانـا
اطفالنـا ترعـب قـلـوب المناعـيـر = وحنـا علـى كبـود النشامـا عشانـا
نكسر عيـون المجـد بالـزود تكسيـر = والـمـاء ليامـنـا بغيـنـاه مـانــا
ونكسـب بأيادينـا بـهـز الطوابير = ماهـو بورثـة جـد مــات وكفـانـا
قـد قالهـا سعـدون شيـخ المظاهيـر = كسـبِِ بالأيـدي مـن حلايـب عدانـا
جعافرة .. وإكتب يساوي .. مخاسيـر = للـي قـرده الله .. وقــام وغـزانـا
بالحـق مـا نقبـل كـلام ومعـاذيـر = وحقوقنـا .. وحلوقهـم .. مـا تدانـا
عشنا كـذا .. ولـعزّنـا صـار تأثيـر = ومن عزّنـا عاشـو بـعـز ..حلفانـا
ذا .. بإختصار .. ودون شرحِِ وتفسير = طرّاه .. شوف الشيـخ صالـح معانـا
سالم .. ومتعافي .. ومرتاح .. وبخيـر = والحـزن مالـه غيمـة فـي سمـانـا
قلت أتمثّل بـإبن الأمعط .. وأنا أشيـر = يا وجهنا ... يا جاهنـا .. يـا ذرانـا


للشاعر \ مطلق النومسي

[سعوط المجانين]

لا تـفـرحـيـن بـعـثـرتـي كـبـوة حـصـان = ماحـدن رماني وقتي اللي رماني
.
ذنبي رفعت النفس بحضور شيطان = لو شفت مرسول الغرام ودعاني
.
أبـيـع دمـي للـكــرامـه ولا أنهان = وأضحك لـيا كـشـّر بوجهي زماني
.
ماني بناقــص شرهة فلان وفلان = دام الطعون أسـتـوطـنـت في كياني
.
أنسان حظه يخدمه يعرف أنسان = وأنسان بأسباب المعرفه يعاني
.
يوم أنتهى درب الصداقه ولاّ بان = ماتبع عـدوي لو زماني حداني
.
ماهي غريبه من تـنكـّـر ومن خـان = بس الغريبه شوفته في مكاني
.
الله وأكبر بالغلا كان له شأن = وأنا بعد في نظرته شيء .. ثاني
.
طارت شراره وأحرقت كل ماكان = وصارت سبب ناراً لهـبـها كواني
.
وأن كان قصده إنكسر قدر الامكان = بدري عليه أنه يـزعـزع كـياني
.
لو عاش ماعانيت من هم وأحزان = في ذمتي الا يـشـيـّـب بـثـواني
.
والواقع اللي بين لوعه وحرمان = مايسـتبـيـح اللي لـجـا بالمحـاني
.
أنا عـــزايه بالنشاما بليهان = الـيا نخـيته فـزعـتي وأن نخـاني
.
ومايـنـعـثـر اللي تـعــزوا بــ ويــلان = أقـصاهـم اللي لاتـضايقـت جـانـي

للشاعر \ منصور الرويلي

[سعوط المجانين]

بديت بسم اللي على العرش عالـي = مرسل رسول الكون من نسل عدنان
من بعدها سطرت جـزيل المقالـي = بعشرَ السنين اللي لها عندنا شـان
عشرن بها بين البنيخـي وصالـي = مابين عم وخال وأقـراب واخـوان
في منتدى عنّـاز نعـم الرجالـي = ربعي سنام المجد ويـلان ويـلان
ويلان وان مالت صروف الليالـي = رجالهم يرسي كمـا راس حـوران
ويلان وان لاحت بـروق النزالـي = بكفوفهم من قطفت الروس دمـان
ويلان وان عجت خيـول العيالـي = عالوا على من عال بالعون شجعان
ويلان وان عـدّ الكـرم والسبالـي = لهم وسام الجود في كـل الأزمـان
مايشربـون الا القـراح الزلالـي = ولا يقلطون ألا على حيل(ن) سمان
ويلان سنـام المجـد أول وتالـي = حكام ورجـال المكـارم وفرسـان


للشاعر \ منصور الجلعود

[سعوط المجانين]

ليش تفرح ياغناتي يوم طال وقوفي = ويوم شفت الدمع لاجلك بالخفى ذرافي
اعترف لك في لهيبٍ يشتعل في جوفي = وان قلبك بالمحبه ما حلب لي صافي
شلت قلبي في عيونٍ داعجه وردوفي = وزولك اللي بالعذارى في جماله وافي
لك من لباس العذارى في حلاه صنوفي = تودع القلب المعنى بالحلا رجافي
عندلٍ بك عن خواتك بالوصايف نوفي = بس زينك من طبوعك يالغلا ينعافي
صرت مثل اللي طريحن والقدم مشنوفي = طاح من ناسٍ سلاحه بندقٍ وشلافي
في قيوظٍ حر ناره للحشا ذايوفي = في صحاصيحٍ سروحه دوم ما تنشافي
حوله ذيابٍ فعوله بالعرب معروفي = من سمعها في هروجي صاح بي يا كافي
كيف تلعب في خفوقٍ صاحبه مكتوفي = لين صرت اطرد غرامك في قيوضه حافي
ليت لي من نسل وايل من يعرف ظروفي = لاجل اشوف الخيل تمشي بالرجال اسلافي
ماكرٍ فيه الحرار اللي تجيك صفوفي = والوجع برماح وايل يالعشير اضعافي
لانخيت اولاد وايل لا تسوق حلوفي = شلفهم هدت رجالٍ كان راسه جافي
مجدهم في نجد كله ظاهرٍ للشوفي = مثل ظلع طويق زامي فوق ماهو خافي
في جبال الطيب تنقش رسمها بحروفي = وهم علاج اللي زبنهم والطبيب الشافي
هم حرارٍ باللوازم بالمراجل توفي = اصغر الويلان طيرٍ ينزل المشرافي
اشقرٍ خلا الحباري دمها مغروفي = لاصفق صيده يشادي صفقة الخطافي
هم شموسٍ مايجيها في سماه كسوفي = وفي سباق الطيب وايل صعب ماتنطافي
ياسباعٍ بالملاقى ينقلون حتوفي = واطرف الويلان رجلٍ بالفعول سنافي
يابحور الطيب كله ياغناة ضعوفي = يا سباع بالملاقى تاصل الاطرافي
من ظلم حظه بوايل كذبهم مكشوفي = ومن يناطح خيل وايل فاعرف انه هافي
المعادي جفن عينه بالقهر مطروفي = راجحٍ ميزان وايل والعداة خفافي
ما مدحت فعول وايل ناقصٍ مصروفي = بس احب اللي كرمهم يارجال اصنافي
من سهر للضيف كنه بالسهر مكلوفي = ما يساوي من لياله بالشتاوي غافي
مثل مشعان السرايا ما يهاب جروفي = ومثل ابن مجلاد يقلط والعداة احلافي
او خلف ذيب الغداري لاوطاك جنوفي = او عقاب اللي خيوله بالعرب تنخافي
ومثل ساجر بالحرايب ساتر الغطروفي = لاضرب وجه المعادي غصب يعطي قافي
له شلافٍ بالمعادي ترتوي وسيوفي = وله قلوبن للمجاور بالشتاوي دافي
هم ربيع اللي يجيهم ضايقٍ ملهوفي = وكل ثوبن زان وايل بالمراجل ضافي
لبسهم ديباج عزه والردايا صوفي = وكم حريبن صار دمه سايرٍ وكافي
صعب اعد اجواد وايل لو مليت رفوفي = وكل شيخٍ له بربعه باللزم ميقافي
وياعنودي لو خفوقي عندكم مخطوفي = وايلي يسوى حلاتك واسكن الخصافي


للشاعر والراوي المعروف \ فواز الغسلان البقعاوي

[سعوط المجانين]

قصيده للشاعر والراوي المعروف\ فواز الغسلان موجهه للاخونا الشاعر خلف الغريب ولربعه بوجه العموم





شكواي بالبرق والقيفـان مشفوعـه = للي بتيماء صنوف الطيب فـي داره
يمناه تطرد ظلام الجـوع بشموعـه = وطيبه مرابع محول الوقت بامطـاره
بيت الغريب بذار الطيـب وزروعـه = من فضل رب رفع طيبـه ومقـداره
دارن بها منقـع الفزعـه وينبوعـه = اسقت خلف من نبوع الطيب وانهاره
فيها بيارق هل الطـولات مرفوعـه = ريفن للاضياف مع سترن على الجاره
ويلان تطفي كبودن تشتكي جوعـه = يشهد لهم ماضي التاريـخ واخبـاره
فقير بأسمه غناة الخلـق بطبوعـه = وبالمجد ثروة بني وايـل ومعيـاره
حمولتن جعلهـا ماهـي بمقطوعـه = من شان تبقى زمول الناس واخياره
من شان طفلن يتيمن ضاق بدموعه = فرخن ضعيفـن ولا يغنيـه منقـاره
يلقى بهم راحة الخاطـر ومطموعـه = وعلاج كبدن شكت بالقيظ مصهـاره
هذا خلف صاحبن نمشي على طوعه = ونفـرح بمسيارنـا والا بمسـيـاره
بحدود تيماء صخى الدنيا ومشروعه = وحصن المراجل ينوش الغيم باسواره
مفاتح الطيب في يمنـاه مجموعـه = روضن وريفه جمع عشبـه ونـواره
اجواد قومن لدرب الطيـب مدفوعـه = وتشهد على طيبهم عبده وسنجـاره
ياشوق بنتن بنقش الملح مردوعـه = ريمن هنوفن بياضـه تقـل جمـاره
عين اشقرن يرهب الصيدات بطلوعه = اسرع من النـار بالبـارود لاثـاره
يمناه فيها رماح المـوت مشموعـه = كم صيدتن جاه في روضه ولا طـاره
صفقات كفه بجوف الخرب مسموعه = ظفره شطيرن حديدن تقـل سنـاره
تلقى الثنادي بوسط الروض مجدوعه = من مخلبن يطعن الصيده بمسمـاره
ومهرة عقيدن تبوج القوم وجموعـه = لاثار ثاير رصاص القـوم وغبـاره
لاصاح صايح نذير الخيل وفزوعـه = تدخل جموعن بقاعن ضاق معبـاره
يفداك عفنن يشح بنصف جربوعـه = لاشاف ضيفه تطيح الروح منهـاره
الصدر ضايق ووسط الروح مفجوعه = والقلب يرجي صليب الراي واشواره

[سعوط المجانين]

مااضيق حول اللي تحدد جملهـا = اما مـع المجـلاد والا الجلاعيـد
بأرض الخطر يسرح ويمرح هملها = وعند الوعد مايخلفون المواعيـد
بالمرجله والطيب ربـي شملهـا = وتفزع ولو غيره عفونن مقاعيـد
حازوا جديد المرجله عن سملهـا = ياعيد هذي زبدة الهـرج ياعيـد

للشاعر الراوي \ فواز الغسلان

[سعوط المجانين]

الا يامرحبـا ترحيبـة يرجـح بهـا المـيـزان = من اللي لاحضر في ماقف ٍ يحسب لـه حسابـه
ترددها هلا الوادي العوج فـي منطقـة نجـران = رجال ٍ لاحضر منها صبي يغنيـك عـن لابـه
وانا شاعر ليـا منـي بديـت اسخـر القيفـان = اذب الرجم واعرف ويـن نيشانـي ومضرابـه
اسطرهـا كـذا وتجـي كـذا واسيّـس البنيـان = واعرف انه ليا ضاق الزمن ربعي لـي عصابـه
بني عمي هل الفعل السمين مرخصـة للاثمـان = لهـم منـي سـلام يغتشـي نجـران وتـرابـه
ومن مثل ديار العز في ذا الصيف راعـي شـان = وانا افرح يوم قالوا كـل غمـر ٍ شـل مشعابـه
يكلمني ولد عمـي وانـا فـي مفـرق الصمـان = وقلت ارحب وقال اسمع كلام ٍ حـي مـن جابـه
ولا مطلـق يرددهـا قصيـده يـام ياهـمـدان = وانا شوشت واخلفت الطريق وجملـة اصحابـه
يامطلق ياولـد عـم الظفـر يالمحـزم المليـان = ياحر ٍ لاشهـر بكبـد السمـا يدمـي بمخلابـه
(ليا دحو بني وايل وصـار الحـرب فالميـدان = يقولون اللي طويـل ٍ شاربـه اتقصـر اشنابـه
خبلهم يوم شـاش فـرد ذود وجنـدل العـدوان = نهـار ٍ يمتلـي عـج الرمـك والنـار شبابـه
بني وايل مداغيش الوغا ( وامـارة الشيخـان ) = هلا السيف الحدب والـدرع لافـل الوغـا بابـه
هل َ القومه هل َ الفزعه هل َ النخوه هل َ الفرسان = يموت الرجل منهم لين يروي السيـف ونصابـه
مقاديم الوغـا حمّايـة البيـرق هـل َ النيشـان = مساطير الوغا حمّايـة الصاحـب مـن انشابـه
تهجد الجن ويطيـح الحطـب ويكبـل الشيطـان = ليا صاحوا بنـي وايـل وكـل ٍ زهـب اركابـه
سلام الله على وجهك يامطلق والرجـال اخـوان = ومثلك يابن وايـل للمواقـف يحسـب احسابـه




للشاعر \ عبيان اليامي

[سعوط المجانين]

سلام والتقدير بالصدر محفوظ = من شاعرٍ قضى حياته جمايل
شاعر ولاخلا من العز مركوض = قاس المسافه كلها،، بالدلايل
من دور غانم ,,لاشمخ ينهض نهوض = الين دور المعمعه والفشايل
مغّذى من العزه ولايقبل الخوض = إلا بزومات (الطنا) والأصايل
اقولها في هيبة المزن والنوض = وايل وياكبر الفخر عند وايل
يوم انها واجب ووقفات وفروض = (ملوك الجزيرة) عدّلو كل مايل
بالسيف خلو (داعي الخوف) مرفوض = وبالرمح خلو (واجد الظلم) زايل
عدوهم بالكون طايح ومنقوض = وصغيرهم بالسيف صايل وجايل
ومن ينتخي فيهم من الناس..محظوظ = بني (عنّاز) مطوعة كل عايل
فكاكة الأذواد..كسارة الحوض = بركابهم طالوا على كل طايل
هداتهم تشفي غليلٍ وممروض = وبطيبهم تشهد جميع القبايل
قلته،، وتاريخي على الكل معروض = يشهد (جبل سنجار) و (جبال حايل)
شمر هل الردات والقول مفروض = اهل الصدارة للفخر والأوايل

للشاعر : ابراهيم الحسان الشمري

[سعوط المجانين]

ليه الخطأ .. ليه التجاهـل والإهمـال = ليه التمادي والخطأ .. ويش أبـي بـه
الأولـه: تشـرى وتنبـاع بـريـال = راحت ولاجت من وراهـا مصيبـه
والثانيه: ماعاد تطـري علـى البـال = ولا تسجّل فـي سجـل ( المعيبـه )
والثالثـه: والرابعـه ذرب الأعمـال = أخفى رداها .. من شموخه.. وطيبـه
والخامسه والسادسه: قال ..وش قـال = بالسابعه: ماجبـت.. بالـك تجيبـه
والسابعه : تكرّرت نفـس الأحـوال = قـال أتحمّلهـا ..ولاهـي غريـبـه
والثامنـه: هـم ومغثـه وغـربـال = ولا دفعنـا مـن وراهـا ضريـبـه
والتاسعه: قال إنت إبن خال ..يا خال = والله يعلـم مـن تجـي فـي نصيبـه
والعاشره: صارت بدون أيّة إشكـال = ماغير هجس وشك.. والشك.. ريبـه
أنا أشهد إنك يابن مجـلاد .. رجّـال = مواقفك وقـت اللـوازم ..عجيبـه
بك حاجة السائل.. وبك طيب الأفعال = وبك نصرة المظيوم .. طيب وغصيبـه
يجبرك تاريخـن مشـرّف .. ومتعـال = إسمك شرف .. يا حظ .. من يندعيبه
بندر.. وبندر.. ما تكفيّـه الاقـوال = وإن ضقت... وانا شمري.. أعتزيبـه

للشاعر : نمش الشمري

[سعوط المجانين]

قصيده للشاعر حمود نايف الغضوري بمناسبة زواج الشيخ \ منصور بن حمود الظويهر





بأسم شيخٍ رحب بقـدر ومـوده = بالضيوف وبالمعارف والقرابـه

في فرح منصور فرحه مستجده = وشوفكم زاد الفرح طيب ورحابه

مرحبا هي مبتدا القاف ومشـده = قالها وقال انـت قلهـا بالنيابـه

افتخر وأغلى المشاعر مستعـده = للوفاء اللي به مشاعرنـا تشابـه

للحضور العود الازرق فاح نـده = عند شيخٍ منـزل العليـا رقابـه

المراجل ورث ابوه وورث جده = يرفع الراس العزيـز ويعتزابـه

من شيوخٍ تنطح الجمع وتصـده = روس قومٍ صيتهم كـلاً درابـه

من عصور اهل الركايب والأشده = والتحدي والتصـدي والمجابـه

شجرةٍ حاضـر وفاهـا تستمـده = من زمانٍ طيب ماضيهـا وفابـه

بيرق اهل المجد يوم الوقت شده = عالياً واليوم حاضرهـا احتفابـه

الضويهر يـوم كـلاً دون حـده = مجدهم مابـه جـدال ولاغرابـه

منهم سليمان ضد اللـي يضـده = اخو نمشه عز مضهـوداً لجابـه

ومنهم محمد تمـد الجـزل يـده = من سخاه يزهب الطرقي زهابـه

ومنهم اللي قال قول وصار قـده = قول فارس عند فريـس وثنابـه

من يمين اللي له الفنجـال مـده = ركده والكيف ذوقـه ماسخابـه

ذاك علوش الضويهر يـوم رده = في محل الضيغمي برهن جوابه

لو بغينا نحصي الفعـل ونعـده = ماوصلنا وصف حرفيـن بكتابـه

ومثل ماقلت اثني القاف لمشـده = وكل بيتٍ من قصيـدي ياهلابـه

مدح ابوفهد رضـى قلبـي ووده = شيخنا اللي له مقام ولـه مهابـه

حاضره بالطيب بين امسه وغـده = فخرنا وحمود تفخر فيـه لابـه

بالمكارم جـود ماجـوده يمـده = الكرم هتان جود وهـو سحابـه

يبني الصـرح المشيـد مايهـده = صان موروث الاوائل واعتنابـه

منهلٍ ماغار صافـي جـم عـده = كـا مـازادت وروده زاد مابـه

مايتخلـى بالظـروف المستبـده = ماقفه يشفي غليل اللـي هقابـه

ما ل قولة نعم عن شرواه صـده = كلمةٍ تشريفهـا حضـرة جنابـه

وان بدت طرق المراجل مجرهده = له ربوعاً فعلهم يلقـى الذرابـه

والحرار اللـي تهقويـه وتسـده = كـل واحـد باللـوازم ينتخابـه

قلتهـا واقولهـا والحـق اعـده = ومن يقول الحق عند الله ثوابـه

كل طيب نعتـزي فيـه ونـوده = والردي لاهو حزام ولاعصابـه

لو قدر يلـد قـول الحـق لـده = ولو ملك رزق الخلايق صك بابه

والختام اغلى المشاعر مستعـده = للوفاء اللي به مشاعرنـا تشابـه

[سعوط المجانين]

قصيده للشاعر\ مبارك الظفيري

يثني على العقيد\ محمد طنا العنزي





سـلام يارمـز الرجـوله والافعال = سـلام ياعـــزالـرفيق وعضــيده

سـلام ياحـر(ن) لـه الطيب منزال = ياكاسب(ن)كل الصفات الحميده

سـلام ياللـي للصعـيبات حـــــلاَل = سـلام تعـجـز عن وصـوفه قصـيده

سـلام لو يرسا على عالي الجـال = تزحزحت كــل الصخـور العنـيده

لـبو مشاري طيب الصيت والـفـال = عزالله انــه مايــهاب الشـديـده

مـحمد طـنا للوقت الاقشر أليا مال = رجـل المواقف والمواقف عديـده

أن كـان للفزعـات تاريـخ وارجــال = انشـهـد انــه يعتــبرها عقــيده

مـن نسل وايـل للمناعــير مدهـال = من افعالهم تشيب روس(ن) عـنـيده

جيته وانا شايل معي ضيقة البال = مـاشفت غيره بالمـواقف ولــيده

وقفـلها الحــر الـنداوي ولا زال = لـه وقفت(ن) بالطـيب دايم سديـده

والـطايله لـو دونـهـا ارجـال واجـبال = يرقـالها لـو المسافـه بعــيده

مشكـور يالـوافي على كل لاحـوال = وعـسى سنينك يابو مشاري مـديده

[خلف الغريب]

جهد رائع وتعب يستحق التقدير اخوي سعوط المجانين ..

كفيت ووفيت وبيض الله وجهك واشهد انك ما قصرت ...

الف شكر لك مني ومن ادارة ويلان ...

[خلف الغريب]

يشرفني نقل ردي على قصيدة اخي الشاعر فواز الغسلان الموجودة اعلاه التي نقلها اخي سعوط المجانين :


هلا هلا وامتلا الخفاق وفروعه=ترحيب بالذيب والاشواق فوارة
( تيماء ) تهلي وتوقد حفلة شموع=هوالليل مثل النهار وزاد بانواره
يا مرحبا عد صبح بان بطلوعه=وعداد كوكب بدا ونجوم سيارة
وعداد رمل ووبل صب في قوعه=وعداد عشبه مع أشجاره ونواره
باللي نصاني قصيده واذهب الروعه=عقد من اللول مجلوب بمحاره
سبايك من بنات الفكر مصنوعة=من بطن مهد الذهب جابوه تجاره
امواج لا هاج شاطيها حسب طوعه=ما يقدر السير فيها كل بحارة
( فواز ) لا هاز صيد الشعر بطلوعه=مخلاب كفه تقول سيوف بتارة
يهوي ويدلي وياخذ منه مطموعه=والخرب حول وعاقه ضرب شنكاره
فواز يا حافظ التاريخ بضلوعه=وياخالط الدر والمرجان باشعاره
يا حي قافك عسى الجيات بتبوعه=لحيث نشفق على مثلك ومسياره
خوة رجال الوفا يازين طالوعه=وخوة هلوس الردا ياشين مصداره
الطيب اشفق على لاماه واجوعه=والعفن مسهوج لو هو باول الحارة
ارفع مقامي عن المسهوج واربوعه=واعز نفسي عن الهلباج وافكاره
ورفقتك عندي شرف واروع من الروعة=ولرفقة الناس عندي فن واداره
بناية الصدق عندي غير مصدوعه=اتعب على ساسها واطول جداره
واذا نواها خبيث الساس بجموعه=يبطي عظم ما وصل من عالي اسواره
وسلعة صداقه صديقي غير مبيوعه=لو زود الطامع السوام باسعاره
في خزنة من ( حديد الترك ) مصنوعة=وفراشها من حرير ودونها ستارة
وبعض العرب تنتهي رفقته باسبوعه=زبدة وذابت وملح طاح في ناره
وشكواك بالقلب قبل الاذن مسموعه=شبت بوسط الضماير نار كراره
ان يسر الله لتشرب حلو قرطوعه=( هداج ) يروي ظما الظامي عن امراره
ابشر بعز يهز الخصم بسنوعه=وش الطلب ؟ قل , وانا ملزوم باحضاره
اضرب بكف على النوماس باتوعه=واجلب لك الروح ما راعيت لآثاره
المال والجاه لك مرهون وفزوعه=والقوة اللي تخض الخصم في داره
( عيال وايل ) سنايد من هم ربوعه=اطرفهم اللي رقا في طيبه القاره
مير اعتبر حاجتك يالقرم مشلوعه=لو هي بوسط البحر لاجيب بحاره
وانا لو ازرع من الابيات مشروعه=ما جيت معشار معشارك ومعشاره
وهرج بليا فعل ما بان منفوعه=سحاب صيف سرا ما هلت امطاره
وان كنت غلطان فالغلطات مرجوعه=كم رامي للهدف ما صوب الشارة






وسلامة الجميع

[هيـاا العـازمـي]

من أجمل ما قيل في بني وائل

قصيدة صوتية للشاعر عبدالعزيز بن شتات العنزي

في قصيده على وزن ناقتي يا ناقتي في مدح قبيلة عنزه

http://www.w7m.org/2008/Jan/1210807720.wav


تقديري

هيــــاااا

[سليمان الجعفري]

ماهمنا مـن ذمنـا لـو يذمنـا = ذميمً على الذمه فلانـي بلايمـه
حيثه تجرع باول الوقت سمنـا = ويذمنا قصده يغطـي هزايمـه
واليوم يبغا ايسيد ويصير عمنـا = وعيت تجي ماهي علينا ملايمـه
حنا الاسود ان كان ابو ذيل شمنا = من خوفنـا ماينهضنـه قوايمـه
ياشين منطقنـا وياثقـل دمنـا = على الذي نبغا نهبـط عزايمـه
وحنا ذراء من حده الضيم يمنـا = عيناه بحمانـا قريـره ونايمـه




هي بالحقيقه ليسى لي انما اعجبتني جداً

[راعي سميراء]

اخر ماقلت من جديدي في محافل قبيلتي اولاد واايل اتشرف بنقلها هنااا


ربعي بني وايل على مر الازمان = افعالهم بالطيب فوق العوالي
افعال ربعي من قديم(ن) الى الآن = نشوش وفينا للحميا جزالي
مشايخ(ن) في كل ديرة لنا شان = يشهد لنا التاريخ مابه جدالي
نشفق على الجزلة اسودٍ وشجعان = رجال(ن) عزيزة ماشية باعتدالي
خمشة سمو فالجود والفعل برهان = تشهد لهم عوص النضا فالمجالي
قبيلة(ن) فعله ينومس بالاوطان = ونعم (ن) بهم والراس مرفوع عالي
كل وايلي منا صميدع بليهان = واصغر طفل يفزع وطيبه شمالي
لاهان قايدنا شمخ صقر حوران = الحر ابو متعب زعيم الرجالي
الله يعز الدين ويديم الايمان = ويخزي دعاة الشر واهل الظلالي

الشاعر : راعي سميرااء :

ابراهيم بن عبدالله بن جلعــود

[أبو غرام]

صح لسانك

ابيات عز الله جزله من شاعر جزل

[فهد الشافي]

يعطيك العافيه اخي عبدالله تركي العنزي

اقتراح جداً رائع و بمحله

[شجاع النومسي]

يعطيك العافيه اخي عبدالله تركي العنزي

اقتراح جداً رائع و بمحله

[عبدالعزيز السعود]

رائع سلمت يداك ..http://www.kll2.com/upfiles/CDs06168.gif

[حـــور]

رائع سلمت يداك
ولاهنت