اطقطق على الكيبورد

[برق الحفر]

تخيل صار لـي ساعـه أحـاول أستفـز القـاف
على الكيبورد اطقطق ليـن مـا جفـت شرايينـي

أبكتب شي لعيونك .. لغيـرك صعـب ماينشـاف
أبقتـل نكهـة أبياتـي بـشفـره بينـك وبيـنـي

حروفٍ تثقـب الأوزون منهـا ينصطـل عـراف
حلف كل حرف منهـا يـزرع بسمعـك بساتينـي

تمشي فوق أعصابي .. جروحي ماعليها خـلاف
وفيـه هالجـروح بغيتـك تسـهـر تواسيـنـي

خيالي فيك لو شفته لك الله مـا تشـوف اطـراف
رغـم بعـد المسافـه بيننـا مستوطـن بعيـنـي

تخيل صرت أحب الظلم منك وأكـره الإنصـاف
لجل تبقى جروحك مـن صقيـع الهجـر تدفينـي

مادام الظلم من حضرة جنابك .. أعشق الإجحاف
أبي ظلمك .. أبي جورك .. أزيديني .. أزيدينـي

أزيدي فوق سبع عجاف من عمري .. بسبع عجاف
أبـد ماتقحـل أيامـي معـاك وتعجـف سنينـي

[منال العنزي]

أخوي لو سمحت القصيده قديمه ومنشوره بأحدى المنتديات ؟؟

http://shmmr.net/vb/showthread.php?p=440017

[عبدالله المعزي]

ياهلا بالحفر وبرق الحفر

حتى ولو منقوله

صح السانك

وصح نقلك

ماقصرت

تقبل تحياتي

[مزيد المزيد]

ننتظر رد برق الحفر ان كانت القصيده له ام لا ؟؟

[عبدالله الحجيلان]

الف خطيره يامنال

[تركي صالح]

شكراً اخت

منال

على هذه المتابعه

ونحن بأنتظار برق الحفر

لتوضيح الامر

[مصلح النشمي]

أخوي لو سمحت القصيده قديمه ومنشوره بأحدى المنتديات ؟؟

http://shmmr.net/vb/showthread.php?p=440017


تسلمين اختي منال وشكرا للتنبيه..




اخي برق الحفر ...

اتمنى ان توضح لنا الامر ..

حتى وان كانت منقوله ..يجب توضيح اسم شاعرها حفظا لحقوقه .. وهناك قسم خاص للمختارات الشعرية..

بانتظار توضيحك

[برق الحفر]

اشكرك اختي منال العنزي

نعم القصيدة منقوله وانا اسف لاني لم اذكر اشم شاعرها

لكم تحياتي

[تركي صالح]

بما انها من القصائد المنقوله

تنقل الى منتدى المختارات الشعريه

لانه المنتدى الخاص بها

وشكراً اخوي برق الحفر

على التوضيح