,’,’, محمد ابن الذيب ..العجميّــه ...النـــود,’,’,

[مشاعر حالمه]

السلام عليكم ورحمة الله وبركاته ..

شلونكم عساكم بخير جميع ..

صديقتي النــــود ..بصراحه اسمعت فيديو كليب لقصيدة الشاعر المعروف / محمد ابن الذيب العجمي ..

عن وضحــى العجميــّه ..اعجبتها وردت عليه بأبيات ..حبيت انقلها لكم ..

.( على فكره القصيده تجي على قناة النجوم طبعاً انا ماعندي هالقناة والا كان نقلت لكم أبيات محمد صحيحه )

اليكم قصيده ابن الذيب في وضحـــى ..

تسمعوا يوم أجر الصوت

ياهل القلوب الهواويه

الهجر بين العرب ممقوت

والوصل ياحيك وحيّه

ياهاجسي قبل يفوت الفوت

عندي رساله خصوصيّه

علم هل المغرب وبيروت

حتى بنات السعوديه

واللي ورى الكوت واهل الكوت

والمسلمه والمسيحيه

وضحى غلاها ترى منحوت

بين الضلوع الشقاوية

منها يغار الشهد والتوت

وتغار الأرض الطبيعيّه

والدر واللولو والياقوت

........... البنت حوريه

بعيونها العاشقين تموت

وتقول للموت ياحيّه

وشلون ماأفخر واجر الصوت

وانا متيّـــــم بعجمـــيّه

رد النــــود ..


ياذيب يومك تجر الصوت

وتقول ميت بعجميّــه

تبي الخبر يوصل لبيروت

وحتى بنات السعوديه

ياذيب حنا بحور الموت

لهل القلوب الخلاويّـــه

صعبين وأثمن من الياقوت

مثل الذهب صعب مشريّه

نظراتنا سهمها موقوت

والموت بعيون نجديّه

غزلان منها تعاف القوت

ترعى النفل كل وسميّه

منا يغارون اهل الكوت

واللي مع البدو طرقــيّه

حتى الزهر والعنب والتوت

وبنات لندن وتركـــيّه

ولو جبت وضحى وهند وقوت

خسّرتهم ألف بالميّـــه

أقولها لك واجر الصوت

وأفخر وانا بنت ياميــــــــّه

^___^

صح السانها فديت عمرها ..

ها وشرآآآآآآآآآيكم...

تحيتي لكم / مشاعر حالمه ,,,

[شمــــــــوخ]

هلا وغلا مشاعر

سمعتها قبل قصيدة محمد أبن الذيب جميله

وماشاءالله عليها النـــــــــــود ردها رائع .. صح لسانها ..

وسلمتي لنقلتس ..


بس يالغاليه لو حاطتها بالمختارات الشعريه أنسب من هنا <<< يالقفتس مير

.

تقديري

[فاضي عبدالعزيز]

مشاعر حالمه





الله يعطيك العافيه




والقصايد جميله وبن الذئب شاعر رئع وكبير




ورد الياميه 100%


صح لسانها ولسانك









نظراتنا سهمها موقوت

................والموت بعيون نجديّه

غزلان منها تعاف القوت

............ترعى النفل كل وسميّه

منا يغارون اهل الكوت

..............واللي مع البدو طرقــيّه

حتى الزهر والعنب والتوت

............وبنات لندن وتركـــيّه

[مزيد المزيد]

مشاعر حالمه


يعطيك العافيه ورااااااااااااائعه الصووت والصدى


ولاهنتي على النقل المميز والرااائع واسمح لي بنقلها الى قسم المحتارات الشعريه


دمتي بخير

[مشاعر حالمه]

شمـــوخ ..

تسلمين فديت روحج وصح ابدنج ولاهنتي على المرور الكريم ..

^__^

( والله مادري ياختي حطيتها بالقسم وقلت على الله )

وزين انه اخوي مزيد المزيد الله لايهينه جابها هنا

تحيتي لج / مشاعر حالمه ..

[مشاعر حالمه]

فاضي بن عبدالعزيز ..

صح بدنك يالشيخ ..

ولاهنت والله على المرور الكريم ..

اي بالله ابن الذيب ذيب ولد ذيب ^__^

تحيتي لك / مشاعر حالمه ..

[مشاعر حالمه]

مزيد المزيد ..

ارحب يالقرم ..

تسلم اخوي على المرور الكريم ..

مسموح يالشيخ ولاهنت والله ..

تحيتي لك / مشاعر حالمه ..

[مشهور السويلم]

مشكورة اختي مشاعر حالمة

على القصيد الرائع

الله يعطيك العافية

[مشاعر حالمه]

مشهور السويلم ..

ارحب ياخوي ..

تسلم والله يعافيك ومشكور على المرور الكريم ..

تحيتي لك / مشاعرحالمه ..

[عـوض الـعـلاطـي]

مـشـاعـرحــالـمـه

قصيدة أبن الذيب راااااااااائعة ورد الـــنــود أروع

أشكرك على هذا النقل المميز

ودمتي لنا


عــوض الــعــلاطــي

[محمد المقبل]

الاخت مشاعر حالمه


يعطيك العافيه على هذا الاختيار الرائع



دمتي بكل خير

[محمد الزناتي]

الأخت العزيز : مشاعر حالمه

لا هنتي على هالنقل المفيد
ألف شــكـــر لك

[بندر المطرفي]

ياسلام






اتحفتيني بمن احببت السماع له



كل الشكر