وجددت قصة قيس

[عايد عوض]

انا كنت احبك حب مجنـــون مــاله حد
وجددت قصة قيس عندك من اولها
وانا اذكــر انك صح تموت بي من جد
واكبر دليل اوراق لي انت مرسلها
وانا اذكـــر انك يوم تســعد انا اسعد
ادور على سعــــادتك لين احصلها
وانت امتــــأكــــد انـــي احبـك تأكد
لاني ادور رضــــاك واناس ازعلها
ومرت ثمـــــان سنين كــــله غرام ود
وفيها رسمنا احــــلامنا وانتخيلها
وبعد الثمـان اشفيك عني بديت تصد
واذكـــــرك بايام وانت امتجاهلها
واقــــــول تذكـــــر يوم نحط يد بيد
يوم امسك يدينك واحرك باناملها
وتذكــــر بدايت حبنا ليش تسكت رد
قول الصــــــراحه لاتردد بها قلها
واذكــــــرك واذكرك ويش تبغا اعد
لكن خلاص اقـــول ماني مطولها
مادام تبغـى الصد ابشر انا ابغااصد
جميع صفحـــــــاتك تراني مقفلها