ودي بشوفك بس هذي المقادير

[نواف العنزي]

ودي بشوفك بس هذي المقادير
طالت مابين الوصل بيني وبيـــنك
ودي بوصفك بس تخون التعابير
وشلون ابوصف والحال هو رهينك
يادنيتي غاية عيوني مساهير
همي الوصل ومعانق يدي بيديــــنك
ساهر وصابر اطلب اللة تدابير
ارجي لقان يجمع عيني بعينــــــــــك
وتكثر لنا بدار المحبة مسايير
تحوفها نغمة شفاك وحنينـــــــــــــك
اسعد بحضنك اطغى نار مساعير
وانسى هموم البعد برياض زينـــــك
ماتردنا ضروف الزمن والمعاذير
عشاق لوطالت سنيني وسنينــــــــك
رغم العنا رغم الشقا والمقادير
ماأخون قلبك دام قلبى بيمينــــــــك


اطلب منكم ابداء رايكم في هذه القصيده

[شمــــــــوخ]

ماشاءالله أذا هذي تعتبرها بداية لك ومحاوله شعريه


أنا أعتبرها قصيدة ..؟

بما أني متذوقه للشعر فقط بس لامانع من أبداء رأيي

صح لسانك


وربي ماشاءالله جميله وتستحق الإشاده والإعجاب


وموفق خير أخوي نواف


,,

شمـــــــــوخ

[فايز البذيلي]

العزيز جدا على فايز

اهلا بك في منتداك

وسبق ان استمتعت بها من لسانك

صح لسانك مليووووووووون ولا يكفون

قصيده رائعه ومعبره

دمت ودام نبضك

والمفروض تنزلها بالشعراء

لاهنت وصح لسانك مرة اخرى

مني كل التحيه

[كبرياء انثى]

ماشالله كلمات ماتكون الا من شاعر صراحه له باع بالشعر

صح لسانك وياهلا بك وبقصائدك

[سعود الشاكي]

صح السانك ويعطيك العافي وماقصرت رغم الكسور اللي فيها وراح اضرب لك مثال ومن دون زعل

البيت الاول

ودي بشوفك بس هذي المقادير
طالت مابين الوصل بيني وبيـــنك

و تقرا البيت بتمعن راح تشوف الخطا واضح والكسر واضح لان هذا الابيات على البحر المسحوب


ودي بشوفك بس هذي المقادير

حال الوصل ياصاح بيني وبينك

ارجو انك تمشي على هذا المنوال وتتاكد من كتابة القصيده وشكرررررررا

توقيع سعود الشاكي مدينةالرياض حي البديعه