* * * الجــــوزاء * * *

[الضامر]

***الجوزاء ***
* * *

قام يتقادح بالسمـاء نـوض بـراق=
أركى على متـن السحـاب وفتقهـا
وهلت هماليل المطر بيـن الافتـاق=
واروت معاليق الضما مـن غدقهـا
بالله تاخذني ترى خاطـري ضـاق=
ما ابغى المدينه فكنـي مـن زهقهـا
وقف ودور لي عن الظـل مشـراق=
في روضة خضراء تطايـر عبقهـا
يصدح بها القمري قبل وقت الاشراق=
وصوت ام سالم بالخضيـراء سبقهـا
الله ما احلى الطير من دون مسبـاق=
لا كوبرت خرب الحبـاري صفقهـا
يازين نثر الريش مع وقت الاشفاق=
قبل تذوب الشمـس بأحمـر شفقهـا
وطاحت على فرش خضر خلق خلاق=
متخالـطٍ نويرهـا مــع يهقـهــــــــا
افرطت بالحمسه إلى حـد الاحـراق=
حتى تطايـر قشرهـا مـن عرقهـا
ودقيتـهـا لا دق بالفـكـر دقــاق=
نجر المشاعـر دقهـا مـا سحقهـا
لاعاد سوق الحب من بـد الاسـواق=
احلامنا الحلـوه هـو اللـي سرقهـا
أبحر بها عنوه إلى وسـط الاعمـاق=
واحرق بها مثـل السـلام وغرقهـا
مااصعب من الفرقا على نفس مشتاق=
لا اقفى الزمـان وحاجتـه مالحقهـا
بانت لي الجوزاء مع الهكـع شعـاق=
يبرالهـا المـرزم ونـوره شعقـهـا
راح الربيع وصفرت خضر الاوراق=
حتحت هجير القيض ضافي ورقهـا
ما باقي الا الغصن يابس على الساق=
لو يلمس الرمضـى بظلـه حرقهـا
الله كريـم وكـافـلٍ كــل الارزاق=
أصغر صغار الـذر ربـك رزقهـا

الضامر .. غانم الضومري

[ابن نوبان]

صح لسانك اخوي غانم الضومري والله يعطيك العافيه على الابيات الجميله والرائعه

[مشاري بن جلوي]

الضامر صح السانك ولاهنت اسعدني المرور يالغالي

تحياتي لك

[عبدالكريم العنزي]

الشاعر الكبير /الضامر .. غانم الضومري



صح لسانك على هذه الابياااااااااات الراااااااائعه


ويعطيك العافيه على هذا الاختيااااار


نتمنا المزيد من الابدااااااااااااااااع




دمت بخير

[صبار العنزي]

صح لسانك

الله ما احلى الطير من دون مسبـاق
لا كوبرت خرب الحبـاري صفقهـا
يازين نثر الريش مع وقت الاشفـأق
قبل تذوب الشمـس بأحمـر شفقهـا

[فاضي عبدالعزيز]

الله عليك أخوي
الشاعر الضامر





رائعه رائعه صح السانك ملالالالالالايين



دمت ودام ابداعك

[تركي صالح]

الضامر

***الجوزاء ***
* * *

قام يتقادح بالسمـاء نـوض بـراق=
أركى على متـن السحـاب وفتقهـا
وهلت هماليل المطر بيـن الافتـاق=
واروت معاليق الضما مـن غدقهـا
بالله تاخذني ترى خاطـري ضـاق=
ما ابغى المدينه فكنـي مـن زهقهـا
وقف ودور لي عن الظـل مشـراق=
في روضة خضراء تطايـر عبقهـا
يصدح بها القمري قبل وقت الاشراق=
وصوت ام سالم بالخضيـراء سبقهـا
الله ما احلى الطير من دون مسبـاق=
لا كوبرت خرب الحبـاري صفقهـا
يازين نثر الريش مع وقت الاشفـاق=
قبل تذوب الشمـس بأحمـر شفقهـا
وطاحت على فرش خضر خلق خلاق=
متخالـطٍ نويرهـا مــع يهقـهــــــــا
افرطت بالحمسه إلى حـد الاحـراق=
حتى تطايـر قشرهـا مـن عرقهـا
ودقيتـهـا لا دق بالفـكـر دقــاق=
نجر المشاعـر دقهـا مـا سحقهـا
لاعاد سوق الحب من بـد الاسـواق=
احلامنا الحلـوه هـو اللـي سرقهـا
أبحر بها عنوه إلى وسـط الاعمـاق=
واحرق بها مثـل السـلام وغرقهـا
مااصعب من الفرقا على نفس مشتاق=
لا اقفى الزمـان وحاجتـه مالحقهـا
بانت لي الجوزاء مع الهكـع شعـاق=
يبرالهـا المـرزم ونـوره شعقـهـا
راح الربيع وصفرت خضر الاوراق=
حتحت هجير القيض ضافي ورقهـا
ما باقي الا الغصن يابس على الساق=
لو يلمس الرمضـى بظلـه حرقهـا
الله كريـم وكـافـلٍ كــل الارزاق=
أصغر صغار الـذر ربـك رزقهـا

الضامر .. غانم الضومري

الضامر

شاعراً قدير حضر بقوة وقدم قصيدةً صدحت للعلالي

لقوتها وروعتها وجمال كلماتها

ولمَ تحمله من أبياتً تجبر المتلقي على قراءتها لأكثر من مره

صح لسانك أخوي الضامر وسلم بنانك

ودمت وسلمت

ويا هلا ويا مرحبا فيك يالغالي

وتقبل فائق التقدير والاحترام

[الضامر]

ياعزوتي مروركم يرفع الراس .. ياتاج قلبي جعلها تسلم الـــروس
خليتم الجوزاء تقل قطعة المـاس .. ولبستم الضامر من (الخز) ملبوس

تحياتي لكم كل باسمه .. حياكم من مبداكم الى ملفاكم .. ماقصرتم يالنشامى

الضامر/ غانم الضومِِري

[مشعل الضوي]

كبير انت ايها الضامر بجزالتك وقوة مفرداتك فشكرا لك لانك امتعتنا بهذه الرائعة

صح لسانك وتقيل تحياتي

مشعل غريب الضوي

[الضامر]

مشكور يا مشعل الضــوي ... الله يسلمك يالغالي

تحياتي
الضامر
غانم الضومري

[محمد العايش]

الله يابو سامي حرام عليك كنا ناسين مع المقناص والربيع و العلوم الزينه ورديتنا للقيض والحر لاكن الوعد (حمص) انشا اللهونقضي على باقي شهور ها الصيف وبعده يطلع سهيل وتزين العلوم ننقل الطيرة ونخايل البروق
صح لسانك وتسلم ولك الشكر والتقدير يالشاعر القدير
اخوك ابوعواد

[الضامر]

بالله تاخذني ترى خاطري ضاق
ما ابغى المدينه فكني من زهقها

وقف ودور لي عن الظل مشراق
في روضة خضراء تطاير عبقها

يصدح بها القمري قبل وقت الاشراق
وصوت ام سالم بالخضيراء سبقها
ا
لله ما احلى الطير من دون مسباق
لا كوبرت خرب الحباري صفقها

يازين نثر الريش مع وقت الاشفاق
قبل تذوب الشمس بأحمر شفقها

وطاحت على فرش خضر خلق خلاق
متخالطٍ نويرها مع يهقها

تسلم يا ابو عواد .. قدام ..

يازينها خوة بعيد المرازي ... الذ واحلى من حليب المصاغير

تحياتي ..
الضامر