مشاهدة النسخة كاملة : الطـــــــــــــــــب والشـــــــــــــــــــاص
سلمان الردسا
06/05/06, (09:02 PM)
قال اللذي في بدع الامثال مختص = يدور الغالي ولايطرق ارخاص
في جادل هي والقمر نص مع نص= متقاسمين الزين عدل بالانصاص
شيهانة تقص جول القطا قص = وتحول بجول الحباري على انقاص
هه ارقبتها مثل شيخ مشخص= له هيبته اليا وقف بين الاشخاص
شفت الدلع مع الثقل والحلا رص = الزين كل الزين با وصافها غاص
وشفت النحل من ثغرها يوم يمتص = كنه طعم كوكتيل به عود مصاص
اليا اقبلت لخدوده الورد يكتص = ولا سلهمت لرموشها الليل يختاص
ياذبح موت القلب والقلب يرقص = لا شفتها متبرقعه ساقت الشاص
لامن عطته اثنين فز انقلص قلص= ولا تلته ثالث على الكوع ما حاص
وبتعشيقة الرابع لها حالي انشص = والخامس اللي ماخذ الروح قلاص
وان جيت الدراسه دراسه علم مختص = رابع سنه بالطب واتميح الشاص
ما تركب مع السواق لو يوم تفحص = ولا تشر لتكسي ولاتركب الباص
قربان اخوها يوم دوم ايتحرص = متكفل بتوصيلها بقمة اخلاص
تمشي كذا سيده ولا اتطوف احصص = من الجامعه للبيت ماعندها لواص
مو بنت عجرم حقت الآه والنص = هاذي نسل فارس وشاعر وقناص
سلمان الردسا
مشعل الضوي
06/05/06, (11:55 PM)
الله الله على هذا الابداع يا سلمان ولن نسمح لك بعد هذه الرائعة عن اخفاء كل جديد
فأنت مراقب من هذه اللحظة مراقبة تامة ومن خلالها تكون ملزوم بامتاعنا بجديدك دائما
فسلمان الردسا شخصية تستحق الاعجاب والاشادة
تقبل تحيات/ مشعل غريب الضوي
سندريلا
07/05/06, (01:50 AM)
صح لسانك رائعة جدا في روعة احساسك
القصيد اللي تقوله مو طبيعي والله يا سلمان شي عجيب
تقبل تحياتي
مطلق النومسي
07/05/06, (02:02 AM)
يا قربانك على هالقصيدة :)
جميل جدا يا سلمان
لاعاد دكتورة وراعية شاص ... عجيب :)
صح لسانك ياغالى
اخوك مطلق
صالح العرجان
07/05/06, (02:30 PM)
يا قربانك على هالقصيدة :)
جميل جدا يا سلمان
لاعاد دكتورة وراعية شاص ... عجيب :)
صح لسانك ياغالى
اخوك مطلق
خالد الردسا يا قربناك يا خالي على هالباذخه
مطلق اتفقنا عند قربناك
صح لساااااااانك يا الردسا
سلمان الردسا
07/05/06, (07:16 PM)
مشعل الضــــــــــــــــــــــوي 00000
والله انك مضوي المنتدى عن جد اشكرلك الاهتمام والتكرم بالاطلاع
ودمت لنا يامشعل
ماكل رجال تسميه رجال = والمرجله ماهي على غير اهلها
سلمان الردسا
07/05/06, (07:20 PM)
اختــــــــــــــــــــــــــــــــــــــــي عنزيه 0000000
شكرا على الاطراء 00000
والله انكم احرجتوني يالربع وخليتوني فوق النجوم
وتقبلي تحيات اخوك 000 سلمان الردسا
لك حق بانك تكتبين اعنزيه = لك الفخر يابنت وايل وراثه
سلمان الردسا
07/05/06, (07:25 PM)
ما اجمل من قصيدي
يامطلق النومسي الا تواضعك وفرض نفسك على الجيع بالاحترام
ولك مني كل الحب والتقدير يابو فهد ولاعدمناك اي والله
اخوك سلمان الردسااااااااااااااااااااااا 0000000000
للشعر في مطلق عفاريت وجنون = وللقدح في بيته ثمانين جني
سلمان الردسا
07/05/06, (07:30 PM)
اخوي صالح لاهنت وصح بدنك يالغالي
وياقربانك 00000 انت ومطلق النومسي
شرف كبير انك تطلع على قصايدي
شكرا لك وجمل الله حالك 00000
اخوك سلمان
اه يادنيا المصالح مابها من شي صالح = الا صالح العرجان وحده وافي ولا ابغى بداله
المطرفي
08/05/06, (01:46 AM)
سلمان بن خالد الردسا
اسم أجبرنا على متابعت مايكتب من مشاركات
بعد هذا النص الشامخ بشموخ قائله
صح لسانك وسلمت يمينك ياسلمان
تقبل احترامي وتقديري
اخوك
المطرفي
تركي صالح
08/05/06, (09:41 AM)
الاخ / خالد الردسا
صح لسانك يالغالي وسلم بنانك
على هذه الرائعه
اللتي أبدعت فعلاً بطرحها
ولم نتعود منك ألا الروعه
لانك رااااااااااائع راااااااااااااااائع
دمت وسلمت وسلم بوحك الراقي
وتقبل فائق التقدير والاحترام
متعب المضعان
09/05/06, (02:41 AM)
لا
لا
لا
لا
الله
الله
الله
اللله
واكبر عليك ياسلمان
ابدااااااااااع الى حد الثمالة
واتعبت القاف ياسلمان
وصح السانك الى ان تقوم الساعة
ولاهنت ,,, يالقرم
اخوك
متعب المضعان
سلمان الردسا
09/05/06, (11:46 PM)
اخوي المطرفي اشكرك على الاطلاع
وشهاده اعتز بها من قبلك
وتقبل تحيات اخوك سلمان الردسا
سلمان الردسا
09/05/06, (11:51 PM)
الاخ تركي صالح اشكرك على المرور والاطرااااااااااء
ودمت لمن يحبك
اخوك سلمان الردسا 0000000
سلمان الردسا
09/05/06, (11:54 PM)
اخـــــــــــ (( متعب المضعان ))ـــــــــــــــــوي
اشكرك على التصفح
وهذه تحياتي واشواقي
اخوك سلمان الردسا 0000000