نامت عيوني

[ماجدبن منصور{المنسي}]

مساء الخير جميعآ وكل عام وانتم بخير وانشاء الله ينعاد عليكم بالخير والمسرات
اسمحولي بهذه القصيده المتواضعه وانشاءالله تحوز على رضاكم


نامت عيوني على حلم(ن) كبير=وفتّحت عيني ولا شفت اتصال
ذا نهار العيد والايوم غير=واتهرب من اجابة ذا السؤال
استحاله..كيف؟لايمكن يصير=كيف خلي مايعايدني محال
ماتوقعته كذا طبع المصير=ماتوقعته كذا ينسى الوصال
لين جاني صاحبي ويقول خير=عيدوا العالم وانت لاتزال
وهلت الدمعه وانا وضعي خطير=وضاق صدري وضاق بي حتى المجال
فز ياقلبي ترى جاك النذير=خل عنك اللي مضى وش ذا الخبال
فتّح عيونك وشوف اللي يصير=وش تفسر غيبته والبعد طال
يكفي انه تاركك وسط الهجير=مارحم قلبك ودلك عالظلال
كم مضى لك وانت في حبه اسير=فكك قيودك وجى وقت الرحال
كل عام(ن) وانت ياقلبي بخير=وكل عام(ن)وانت وضعك عال ..عال
{المنسي}
ماجدبن منصور

[عبدالله ثويني المانع]

الأخ العزيز / ماجد بن منصــــور

يا هلا وغلا فيك ويسعدني أن أكون أول من صافح هذه الرائعه

كل عـام(ن) وانـت ياقلبـي بخيـر
وكل عام(ن)وانت وضعك عال ..عـال

كل عام وأنت بخــير ويا رب تكون بخير دائما وعلى قولتك ( عال العال )

صــح لسـانك على هذا النص الجميل ولا تحرمنا من جديدك

تقبل خالص الود وأرق التحايا ,, دمت بخير

[الواطي]

جميلة جـــدااااااااااا

[العقرب]

يا ابن منصور

يالمنسي


اشهد بالله انك شاعر فطحل


وهذه القصيدة بالذات تستحق وقفة اعجاب



اسمح لي ايها الاديب ان اقف احتراماً امام هذه الر ائعة



.

[متعب المضعان]

ماجد بن منصور


صح السانك

ولاهنت


اخوك

متعب المضعان

[تركي صالح]

الاخ الشاعر / ماجد بن منصور ( المنسي )

كل عام وأنت بألف خير وعافية

وصح لسانك وسلم بنانك على هذه الرائعه

اللتي جمعة فيها صادق المودة وأشتياق المحبة

وتظهر فيها سلاسة المعنى وقوة الكلمة

لتتكون لدينا هذه الرائعه من شاعراً رائع أبدع ورسم

لنا أبياتً من الشعر الغزلي الجميل

لنا مع هذه الرائعه هذا الجمال وهذا الحسن المبدع

لنستمتع بها بأجمل حليها وروعتها

الاخ / المنسي

دمت بكل خير وعافية

ولك فائق التقدير والاحترام

[ماجدبن منصور{المنسي}]

الأخ العزيز / ماجد بن منصــــور

يا هلا وغلا فيك ويسعدني أن أكون أول من صافح هذه الرائعه

كل عـام(ن) وانـت ياقلبـي بخيـر
وكل عام(ن)وانت وضعك عال ..عـال

كل عام وأنت بخــير ويا رب تكون بخير دائما وعلى قولتك ( عال العال )

صــح لسـانك على هذا النص الجميل ولا تحرمنا من جديدك

تقبل خالص الود وأرق التحايا ,, دمت بخير
الأخ/عبدالله المانع صح بدنك ومشكور كل الشكر على مرورك تقبل خالص تحياتي
اخوك ماجدبن منصور

[ماجدبن منصور{المنسي}]

جميلة جـــدااااااااااا
اخوي غازي شكرآ على مرورك
ولك تحياتي
اخوك ماجدبن منصور

[ماجدبن منصور{المنسي}]

ماجد بن منصور


صح السانك

ولاهنت


اخوك

متعب المضعان
اخوي متعب صح بدنك وشكرآ على مرورك
تقبل خالص احترامي
اخوك ماجد بن منصور

[ماجدبن منصور{المنسي}]

اخوي العقرب شهاده اعتز فيها واضيفها في ملفاتي
شكرآ على مرورك وتقبل فائق احترامي وتقديري

[ماجدبن منصور{المنسي}]

اخوي تركي بن صالح
صح بدنك ويشرفني مرورك ويعطيك الف عافيه
اخوك ماجدبن منصور