(( تجربة عمر))

[مفوز مقبل التبيناوي]

بسم الله الرحمن الرحيم

الاخوان والاخوات أعضاء شبكة ويلان إليكم مصافحتي ألاولى وهي تعبر عن نفسها



1. غِصْت في بحر القوافي والمعـــــاني = لَيْن ميَّزْت الهزيله والسميــــــــــنه
2. وامتطيت الشِعْر واسرَجْت الحصــانِ = وقالوا (السّابق تطلّعها يميـــــــــنه)
3. مرٍّ أقصر من جمـــــوحه بالعنــــــانِ = ومَرّ يسبقني ليا شاف الثميــــــــــنه
4. ونوب لو صِحْت ونخيته مايـــــــداني = ونوب يرمي بي على الشّلفا السنينه
5. ونوبٍ يكسِّرْ كلامي ويعصــــــــــاني = ونوبٍ اطوَعْ لي من سيور المكيــنه
6. ونوب يفرَحْ لي ويرسل لي تهـــــاني = ونوب يطرَبْ للمواويل الحزيــــــنه
7. لَيْن حَطّ البيت واستوطن كيـــــــــاني = واصبَح اقرَب للبنادم من وتيـــــــنه
8. واستوى سيفي وكيفي واللســــــــــانِ = واقتِسَمنا قاسي الدنيـــــا وليـــــــــنه
9. وصار لي مرسول طيف وترجمـــانِ = وكل ما كَبْرت بعيني يستهيـــــــــنه
.
10.هاجسي يامنيف للشعْر يحـــــــــداني = كل ما هبّ الهوى من يمّ (ليــــــنه)
11.جايبٍ ريــح النّــفَــــــل والقحـــويانِ = من فيــــاضٍ كنّها وصف الجنيـــنه
12.و(امّ سالم) كل يومٍ له غـــــــــــواني = ما شِقَتْ في زيف وزحام المديـــنه
13.يا(ام سالم) غرّدي صوتِك شجــــاني = واهنيّــــك كل صبحٍ تزعجيـــــــنه
14.مادهاك من الزمــان اللي دهـــــــاني = واصطلاح (العولمه) ماتفهميـــــنه
.
15.افتِكَرْت بما مضى لي من زمـــــــانِ = شــارَفَتْ خمسيـن عامٍ من سنيــــنه
16.يازمــــاني منْك جـــاني ماكفـــــــاني = كم جرى للمسلمين من الغبيــــــــنه
17.وهمّي اللي لو نسيــــته مانســــــــاني = مايروح و(قبّة الصخره) رهيـــــنه
18.يا عُمَــر والمسجد الأقصى يعــــــاني = وين جيشَك ياصلاح الدين ويــــــنه
19.ابتديـــــنا نمتلك كــــــل المـــــــــواني = وانتهيــنا في مؤخَّــــــرْة السفيـــــنه
20.كنّا الاوّل يـــوم باقِ النــــاس ثـــــاني = يـــوم كنّا راس مال الشخص ديـــنه
21.وصِرْنا الاوّل بالملاهي والاغــــــاني = والنّـفـــــاق الاجتمـــاعي مبتليــــــنه
22.وارتضيـــــــنا بالمذلّـــــه والهــــــوانِ = وابتدأ يلعـب بنا (بوش) و(عويــــنه)
23.وكذبة(الإرهاب) وحقـوق الغــــــواني = أحيَتْ الماضي والاحقاد الدفيــــــــنه
24.و(الديموقراطية) أوهــام وأمـــــــــاني = دام عند(البيــك) مفتــاح الخزيــــــنه
.
25.واستفدت من الزمــــــان القلّبــــــــانِ = إنّ ما كلّ الحقيـــــقه مع(جهيــــــنه)
26.وانّ مالايُعقل أقـــــــرب للضّمــــــانِ = في زمــانٍ غمّــض العاقل بعيـــــنه
27.في زمانٍ يصبح المظلــــوم جانـــــي = ويصبح الظّــالم ضحيّة من يِدِيْـــــنه
28.وانّ حُبّ الذات من طبع الأنــــــــاني = وانّ حُبّ المـال هو ساس الضغيــنه
29.وانّ كل النـــــــاس من قاصي وداني = همّـــهم واحد وهُم من كل طيـــــــنه
30.وانّ بعض الشِّــعْر من سِحْر البيـــانِ = واكثره في مجتمعنا صــار ِزيــــــنه
31.وانّ ما للوقـت والدنيـــــا أمـــــــــانِ = ناظروا (صدّام) والقيــد بيديــــنه
32.وإنّ مهـــــما كــان،رِزْق المودمــاني = كـافله ربّــــه ومكتــوب بجبيــــنه
.
33.والزمـــان اللي خذا منّــي عطــــاني = نعمة العقل المفكّــــــر والسكيـــنه
34.فضل معبــــودٍ لتوحيــــده هـــــداني = واحــــــدٍ كل الخلايق تستعيــــــنه
35.أسكن العـــالي ولااحـب الطّمـــــــانِ = عــــادة الطّيـــــار وانتم عارفيـــنه
36.وأرغَبْ الطيّـب واعـدّه من اخــواني = لويشيـــن الوقت له طبعٍ يزيــــــنه
37.والرّدي لـــــــو هو قريـبٍ لي تراني = ما تركت الاّ الرّحَم بيني وبيــــــنه
38.وانتخي لاجل الخوي لامن نخــــاني = واتجاوز زلّــة الصّـــاحِبْ بحيـــنه
39.واترفّــــع عن كــــلام المكلمــــــــانِ = عن كثيــر الهرْج تكـفي(ياسميـــنه)
40.أنتقيــــها من غريبـــاتٍ حســـــــــانِ = للعقـــول المستنيـــره والفطيـــــنه
41.مانظمت استـــجدي فلان الفــــــلاني = مــابي الاّ قــــولة (الله لايهيــــــنه)
42.وماحلا يامنيــف كان سهيــــل بـــانِ = واعْــقبَـــه وسمٍ يفــرّح مرتجيــــنه
43.وقالوا ابشِر سال وادِ الديعجـــــــــانِ = وتاجر الاسهم عسى ربّي يعيـــــنه
44.حُـبّ مقنــاص الـقَـفِـرْ بين المَحـــاني = ثابتٍ لوكان ما للصّـــيد عيــــــــنه
.
45.مــرّتْ أيـــام الـــزّمن مثل الثــــــوانِ = مالحَقْـنا غاية النّفــس المهِيـــــــنه
46.غافليــنٍ ونتطـــــــــاول بالمبـــــــاني = عن تصاريف القَدَرْ ماهي حصينه
47.نطلب الدنيـــــا وهي دار امتحـــــــانِ = كــــم اهــــانتنا وحنّـــا مهتويـــنه
48.لو على كيـــفي توقّــــفت بمكـــــــاني = اتجهّـــــزقبل مااطيح بكميـــــــنه
49.لــكن الايّــــام مافيــــها تـــــــــــوانِ = والعُمـر يمضي ولااحدٍ سدّ دَيْنــه



مفــوّز بن مقبل التبينــاوي
(ابو فيصــــل)
1/7/1426هـ

[محمد المقبل]

15.افتِكَرْت بما مضى لي من زمـانِ=شارَفَتْ خمسيـن عـامٍ مـن سنينـه
16.يازمانـي منْـك جانـي ماكفانـي =كـم جـرى للمسلميـن مـن الغبينـه
17.وهمّي اللي لـو نسيتـه مانسانـي =مايـروح و(قبّـة الصخـره) رهينـه
18.يا عُمَر والمسجد الأقصى يعانـي =وين جيشَـك ياصـلاح الديـن وينـه
19.ابتدينـا نمتلـك كـل المـوانـي =وانتهينـا فـي مـؤخَّـرْة السفيـنـه
20.كنّا الاوّل يوم بـاقِ النـاس ثانـي =يوم كنّا راس مـال الشخـص دينـه
21.وصِرْنا الاوّل بالملاهي والاغانـي =والنّـفـاق الاجتمـاعـي مبتلـيـنـه
22.وارتضينـا بالمـذلّـه والـهـوانِ= وابتدأ يلعب بنـا (بـوش) و(عوينـه)
23.وكذبة(الإرهاب) وحقوق الغوانـي =أحيَـتْ الماضـي والاحقـاد الدفينـه
24.و(الديموقراطية) أوهـام وأمانـي =دام عند(البيـك) مفـتـاح الخزيـنـه

الحماس العربي والغيره الاسلاميه تسيطر على هذا المقطع من هذه الملحمه في تجربتك أيها الشاعرالمخضرم
.
وأرغَبْ الطيّب واعدّه من اخواني =لويشيـن الوقـت لـه طبـعٍ يزينـه
37.والرّدي لو هو قريبٍ لي ترانـي =ما تركـت الاّ الرّحَـم بينـي وبينـه
38.وانتخي لاجل الخوي لامن نخاني =واتجـاوز زلّـة الصّاحِـبْ بحيـنـه
39.واترفّـع عـن كـلام المكلـمـانِ= عـن كثيـر الهـرْج تكفي(ياسمينـه)
40.أنتقيهـا مـن غريبـاتٍ حـسـانِ= للعـقـول المستنـيـره والفطـيـنـه
41.مانظمت استجدي فـلان الفلانـي =مـابـي الاّ قـولـة (الله لايهيـنـه)

بيض الله وجهك يابو فيصل

عزة النفس والتواضع الملي بالشموخ (ما تركـت الاّ الرّحَـم بينـي وبينـه )

صح لسانك وسلم بنانك لاتحرمنا من تواجدك

لك مني كل الاحترام والتقدير

[عبدالكريم العنزي]

كنّا الاوّل يوم بـاقِ النـاس ثانـي=يوم كنّا راس مـال الشخـص دينـه
وصِرْنا الاوّل بالملاهي والاغانـي=والنّـفـاق الاجتمـاعـي مبتلـيـنـه
وارتضينـا بالمـذلّـه والـهـوانِ=وابتدأ يلعب بنـا (بـوش) و(عوينـه)
وكذبة(الإرهاب) وحقوق الغوانـي=أحيَـتْ الماضـي والاحقـاد الدفينـه
و(الديموقراطية) أوهـام وأمانـي=دام عند(البيـك) مفـتـاح الخزيـنـه


الشاعر الكبير / مفوّز بن مقبل التبيناوي



صح لسانك ولاهنت على الابيات الرااااائعه


نتمنا منك المزيد من الابداااااااع


لك الوووووووووووود

[تركي بن هايل]

شاعر الكبير / مفوّز بن مقبل التبيناوي



صح لسانك ولاهنت على هذه الملحمه الرااااائعه
اسمحلى بالاحتفاظ بنسخة منها,,,,
تحياتي

[تركي صالح]

الشاعر الكبير / مفوز التبيناوي

لاأدري ماذا أقول أو ماذا ابداء وفاءً لهذه الرائعه وشاعرها المبدع

الذي فعلاً وبدون مجمامله قد أبحر بنا بقوافي القصيدة

وروعتها الى الافق البعيد والجزاله المتناهية فعلاً وقوة كلماتها الرائعه وأصالتها العربية .

لقد اغرقتنا بجمال هذه الرائعه وتركتنا نبحر بجميع أبياتها الجميله اللتي لايمكن أن نختار بيتً عن أخر بالافضلية والروعه

لانها جميعها تحمل القوة الشعرية الرائعه اللتي تسيطر على القاريء وتجبره أن يتمعن بجمالها وروعتها السحرية

الاخ الشاعر / أبو فيصل

صح لسانك وسلم بنانك على كل كلمه وكل حرف قد أمتعتنا بقراءته وبمصافحته

وتقبل فائق التقدير والاحترام

وأرجوا أن نستمتع بما تحمل جعبتك من قصائد شعرية رائعه قريباً انشاء الله

ودمت بكل خير وعافية

[عبدالله عايد]

السلام عليكم

الله لا يهينك

الشاعر مفوز التبيناوي

صح لسانك ياغالي والله يطول في عمرك

القصيدة ما قدرت اني انسخ منها شي

لان كل بيت افضل من اللي قبله

مرة ثانيه اقولك صح لسانك ولا هنت اخوي مفوز

[القايد]

الشاعر الكبير / مفوّز بن مقبل التبيناوي

صح لسانك ولاهنت على الابيات الرائعه انت مدرسة لمن يتابع قصايدك ارجوا بان لاتكون بخيلاً على من يتابعون حرفك

ولاتكرر كلمة انا كسول كما ذكرت في احد ردودك فنحن ننتظر منك الجديد

لك كل الود

[عبدالله ثويني المانع]

مـرحبــا بالشــعر , والاحســاس الـرائع والجــزالة

صــح لســانك وفــكرك الواعي

18.يا عُمَر والمسجد الأقصى يعانـي وين جيشَـك ياصـلاح الديـن وينـه

(يـا عـمر ) ياء النداء هنا للبعيد لا بل للأبعد من البعيد الى من تسكن أجسادهم الطاهرة تحت الأرض , يا لن تحيي المـوتى ولكن قد تنبه الغافلين

19.ابتدينـا نمتلـك كـل المـوانـي وانتهينـا فـي مـؤخَّـرْة السفيـنـه


لله درك على هذا التصـوير , سفينة تبحث عن ربان لكي يعدل دفتها الى الوجهة الصحيحة


20.كنّا الاوّل يوم بـاقِ النـاس ثانـي يوم كنّا راس مـال الشخـص دينـه
21.وصِرْنا الاوّل بالملاهي والاغانـي والنّـفـاق الاجتمـاعـي مبتلـيـنـه
22.وارتضينـا بالمـذلّـه والـهـوانِ وابتدأ يلعب بنـا (بـوش) و(عوينـه)
23.وكذبة(الإرهاب) وحقوق الغوانـي أحيَـتْ الماضـي والاحقـاد الدفينـه
24.و(الديموقراطية) أوهـام وأمانـي دام عند(البيـك) مفـتـاح الخزيـنـه

( كنــا ) والمجــد الذي أنهكنا بكائه

رائــعة طـرقت همومنا والامنا وعرت ضعفــنا واستسلامنا

تشـم فـي بـعض أبياتها ( شعـوبية ) وجــلدا للذات العــربية

[عبدالله التركي]

الشاعر الكبير مفوز التبيناوي قصيده رائعه نرغب ان تكرر مثلها لك جزيل الشكر وصح لسانك ولاهنت

[عيد الوايلي]

الاخ مفوز التبيناوي


صح لسانك على الابياااات الرااائعه والجميله


نتمنا منك مزيد من القصايد الرااااائعه



لك الووووود

[عيد الوايلي]

الاخ مفوز التبيناوي

صح لسانك مره ثانيه وسمحلي

أحتفظة بنسخه من هذه الرائعة في ملفي الخاص

لك تجياتي

[فيصل خلف]

صح لسانك يابو فيصل عن جد حلوه مره

تحياتي لك أخوك أبو سلوى ولاتبخل علينا بمثل هذه الدرر