مشاهدة النسخة كاملة : سعد صالح المطرفي
المطرفي
29/12/05, (09:15 PM)
السلام عليكم ورحمة الله وبركاته
اهدي هذه القصيده لقلوبكم الطاهره بوجه عام
وللأخ سعد صالح المطرفي بوجه خاص
وكلي أمل ان تكون بالوجه الآئق وإن كان هنالك تقصير فلا كامل إلا وجهه عزوجل
والعذر كل العذر عن الانقطاع الحاصل لظروف دراسيه
قم يانديبي بالعجل واكد الحجز = لديار أخو مريم وخذلك اجازه
من فوق بيضاء ليا اقلعت خشمها يغز = حديثة التصنيع بدي وقزازه
ايرباص صممها خبير(ن) بها اعتز = واعلى وسام(ن) للتصاميم حازه
اسرع من اللي تو من غرفته نز = 400 أس(ن) دقيق(ن) جهازه
اليا انطلق بالجو هز البلد هز = واثر على صم الجبال اهتزازه
ملفاك بيت اللي به الطيب يعتز = معتز والمعتز زاد اعتزازه
مثل الوحش بالجو للطيورها لز = سعد ولد صالح جلي(ن) مفازه
ليامن لفيته ثم رحبك وفز = وقدم لك اللي يالسنافي خزازه
قله ترى صاحبك من كاسهم مز = مز الكدر والروح صارت جنازه
تلاطم امواجه تقل شامخ(ن) رز = رز وزما والموج عسر اجتيازه
باسباب من يركي على ضامره قز = قز(ن) جديد وخابر اليوم غازه
عظم(ن) يحز العظم من قاعته حز = وبين اللحم والجلد سوا حزازه
تمت وختم القاف في مطلعه (أز) = والشطر الآخر خاتمينه على (آزه)
من ضامر ابن دهام لدياركم كز = يحمل تحياته وقافه اجازه
سعود المطرفي
تركي صالح
30/12/05, (11:54 AM)
الشاعر / سعود المطرفي
يعجز اللسان أحياناً ولا يدري ماذا يقول في مثل هذه الابداعت الشعريه
اللتي تحمل قوة المعنى وقوة القافية وسلاسه الكلمة
اللتي كمنت في طياتها أروع ألابيات الشعرية
قم يانديبي بالعجل واكد الحجز
...............................لديار أخو مريم وخذلك اجازه
من فوق بيضاء ليا اقلعت خشمها يغز
...............................حديثة التصنيع بدي وقزازه
ايرباص صممها خبير(ن) بها اعتز
...........................واعلى وسام(ن) للتصاميم حازه
اسرع من اللي تو من غرفته نز
...........................400 أس(ن) دقيق(ن) جهازه
اليا انطلق بالجو هز البلد هز
..........................واثر على صم الجبال اهتزازه
وأروع أيات التصوير جست في هذه القصيدة الاكثر من رائعه
لتظهر لنا بهذه القوة وهذا الجمال ليستمتع القاريء
بقراءته لمثل هذه الابيات الشعرية القوية والرائعه بنفس الوقت
ملفاك بيت اللي به الطيب يعتز
........................معتز والمعتز زاد اعتزازه
مثل الوحش بالجو للطيورها لز
....................سعد ولد صالح جلي(ن) مفازه
ليامن لفيته ثم رحبك وفز
.................وقدم لك اللي يالسنافي خزازه
ظهرت هذه الرائعه بهذا لجمال لتهبط بكل هذا البهاء وهذه الروعه
للشاعر الكبير / سعد صالح المطرفي
صح لسانك
أخي سعود المطرفي وسلم بنانك على هذه الرائعه
والاخ سعد المطرفي يستاهل ماكتب له
وتقبل فائق التقدير والاحترام
محمد المقبل
30/12/05, (08:28 PM)
الاخ المطرفي
صح لسانك على هذه الرائعه بهذا لجمال بكل هذا البهاء وهذه الروعه
الاخ للشاعر الكبير / سعد صالح المطرفي يستاهل
وتقبل تحياتي
صبار العنزي
30/12/05, (08:39 PM)
|--*¨®¨*--|صح لسانـــــك
رائعه|--*¨®¨*--|
فاضي عبدالعزيز
30/12/05, (08:44 PM)
الشاعر//المطرفي
صح لسانك ملالالالالالالايين على هذه
القصيده الجزله ورائعه وسعد يستاهل
والف نعم بك وبه
دمتم
بندر المطرفي
31/12/05, (11:46 AM)
الخال الغالي
كعادتك استاذا للجزاله
سعد يستاهل اكثر
ملفاك بيت اللي به الطيب يعتز
........................معتز والمعتز زاد اعتزازه
مثل الوحش بالجو للطيورها لز
....................سعد ولد صالح جلي(ن) مفازه
ليامن لفيته ثم رحبك وفز
.................وقدم لك اللي يالسنافي خزازه
مااروعك ايها المبدع
تبقى الشهاده مجروحه
ولكن قريحتي تقول لك
أنا اشهد انك ياولد ترفع الراس******رابي على الفزعات يحميك ربي
غلاك عندي ما يثمن بالالماس*****اسعد بشر مخلوق لا صرت جنبي
ابك المحبه مالها حدود وقياس******متمكن بالقلب شرق وغربي
سعد وسعود عينان في راس
دمت مبدعا
المطرفي
31/12/05, (04:50 PM)
تركي صالح
هذا الاسم الذي تقف الكلمات حائره اما اسمه الشامخ
تركي صالح
هلااااااااااااااااااااااابك مليوووووون ولا يكفوووووووووون
وصح بدنك طال عمرك
ولا على الغانمين شرواك زود
مثلكم سباق للطيب ولاهي غريبه عليه
تقبل احترام وتقدير اخوك
سعود المطرفي
المطرفي
31/12/05, (04:54 PM)
محمد المقبل
صح بدنك طال عمرك
والرائعه هو وجود اسم محمد المقبل الذي ينير متصفح المطرفي
تقبل فائق الاحترام والتقدير
المطرفي
31/12/05, (04:57 PM)
صبار العنزي
صح بدنك طال عمرك
والرائعه هو مرور صبار
تقبل الاحترام والتقدير
اخوك المطرفي
المطرفي
31/12/05, (05:01 PM)
فاضي عبدالعزيز
صح بدنك طال عمرك
ولاعلى اللي مثلك وشرواك زود
علمك غانم يافاضي
وتستاهل كل خير
تقبل احترام وتقدير
اخوك
المطرفي
المطرفي
31/12/05, (05:06 PM)
بندر المطرفي
صح لسانك طال عمرك
والله يجزاك خير على الابيات التي وإن قلت فاعلم انها بقلب المطرفي توازي المعلقات وإن زادت عليها
تقبل احترامي وتقدير
وشد حيلك ولاتخرب الهقوى نبيك متميز بدرجاتك مثل من متميز بمنتدياتك
تقبل الاحترام والتقدير
المسيكي
01/01/06, (09:44 PM)
قصيدة رائعه اخوي سعود المطرفي
صح لسانك ولاهنت على هالقصيدة
ابداع مابعده ابداع
تقبل اجمل تحية