قــالوا تســـاهم قلت: ماني امســاهم...

[المسيكي]

.السلام عليكم ورحمة الله

.................................................. .................................................. ...................................


قالوا تساهم قلت ماني امساهم = مابي سهَمْكم لا تجيبون طرياه
قالوا نتفاهم قلت مهنا تفاهم =مالي بحرام وكسبه اليوم مابغاه
وش عاد لو هن زوّدن بالدراهم = وش عاد ياللي مالي ٍ منه مخباه
مابي المال ومالهم في شقاهم= جعله يولّي والشياطين تشلاه
لابارك الله بمالهم مع رباهم = يزرقني الله بالفضايل بليّاه
نفسي نهتني لا تسوسع وراهم = وقول النبي مفهوم قصده ومعناه
مار البلا بالناس جاهم بلاهم = وكل ٍ يهمه بس مال يتقاضاه
مابرّقوا والدين بأمره نهاهم =ولا خير باللي يرّث الهم مسعاه
انشهد إن الخلق زايد عماهم = قلوب ٍ غشاها غاشي ٍ واتغشّاه
واللي يسوّي نفسه اليوم واهم =ماينفعه وله يوم لابد يلقاه
ماينفعه لو قال هـذا ولاهم= كل ٍ يجازى بفعل ٍ تحوش يمناه
هذا الصحيح ويفهمه كل فاهم=وشي ٍ به مراواه بتّه من أقصاه
لاتبحّر لهلكى وتهلك معاهم = انظر لناجي واعرف شلون منجاه
والوقت هذا الخلق لو شفت باهم = وقليل منهو بالمحاسن عرفناه
عقّيلها متساويه واسفهاهم =سفيه عاقل كلها ياملا السفاه
شف البلا ماعاد تمطر سماهم = ولو أمطرت مافيه عشب ٍ رعيناه
كله سبايب ظلمهم مع وذاهم = حسد ٍ وفسد وواجد ٍ ماذكرناه
هذي الحقيقه والخطا من خطاهم =شي ٍ يعذّب مانعده ونحصاه
هنيّ والله واحد ٍ ما تلاهم = اللي يجنّب تايه الراي ينحاه
ماهمته دنياه وايضا دناهم = رجل ٍ تقي وعارف ٍ وين ممشاه
هو حاسب ٍ للموت يوم ٍ يداهم = متمسك ٍ بالدين والحق واعراه
هذاك بمثله نقتدي ولا سواهم = ولاخير باللي شاري اليوم دنياه
هذي نصيحة قلتها بلا تواهم = والله يحاسب كل عبد ٍ ويجزاه

وسلامتكم


فهد المسيكي

[محمد المقبل]

قالوا تساهم قلت ماني امساهـم
.........................مابي سهَمْكم لا تجيبون طريـاه
قالوا نتفاهم قلـت مهنـا تفاهـم
............................مالي بحرام وكسبه اليوم مابغـاه
وش عاد لو هن زوّدن بالدراهم
..........................وش عاد ياللي مالي ٍ منه مخباه


الاخ فهد المسيكي

بارك الله فيك على هذه النصيحه والله يبعدنا عن الربا ولايجعلنا من المرابين الذين ياكلون الربا

قال تعالى (الذين يأكلون الربا لايقومون إلا كما يقوم الذي يتخبطه الشيطان من المس ذلك بأنهم قالوا إنما البيع مثل الربا واحل الله البيع وحرم الربا فمن جاءه موعظة من ربه فانتهى فله ماسلف وامره إلى الله ومن عاد فأولئك أصحاب النار هم فيها خلدون )البقره 275
لابارك الله بمالهـم مـع رباهـم
.............................يزرقنـي الله بالفضايـل بليّـاه

قال تعالى (يمحق الله الربا ويربي الصدقات والله لايحب كل كفار أثيم ) البقره 276
جزاك الله خير الجزاء على هذه النصيحه والمواعظ المعبره

ولك مني كل التقدير والاحترام

[العقرب]

ريالي اللي ليا قضبته نصاهم
...............................عيا يطيع الشور ويقعد بمخباه

توابع عيالي خذوها معاهم
...............................وكلن شرا باسمي سهم ثم خلاه

ولا صوتولي يوم عدو الدراهم
..............................الحق والباطل مابهن شي شفناه



عزاه يالعقرب

اخي المسيكي

جزاك الله خير على موقفك وانشاءالله يكتب اجرك


.

[خلف سليمان البجيدي]

.السلام عليكم ورحمة الله

.................................................. .................................................. ...................................


قالوا تساهم قلت ماني امساهم = مابي سهَمْكم لا تجيبون طرياه
قالوا نتفاهم قلت مهنا تفاهم =مالي بحرام وكسبه اليوم مابغاه
وش عاد لو هن زوّدن بالدراهم = وش عاد ياللي مالي ٍ منه مخباه
مابي المال ومالهم في شقاهم= جعله يولّي والشياطين تشلاه
لابارك الله بمالهم مع رباهم = يزرقني الله بالفضايل بليّاه
نفسي نهتني لا تسوسع وراهم = وقول النبي مفهوم قصده ومعناه
مار البلا بالناس جاهم بلاهم = وكل ٍ يهمه بس مال يتقاضاه
مابرّقوا والدين بأمره نهاهم =ولا خير باللي يرّث الهم مسعاه
انشهد إن الخلق زايد عماهم = قلوب ٍ غشاها غاشي ٍ واتغشّاه
واللي يسوّي نفسه اليوم واهم =ماينفعه وله يوم لابد يلقاه
ماينفعه لو قال هـذا ولاهم= كل ٍ يجازى بفعل ٍ تحوش يمناه
هذا الصحيح ويفهمه كل فاهم=وشي ٍ به مراواه بتّه من أقصاه
لاتبحّر لهلكى وتهلك معاهم = انظر لناجي واعرف شلون منجاه
والوقت هذا الخلق لو شفت باهم = وقليل منهو بالمحاسن عرفناه
عقّيلها متساويه واسفهاهم =سفيه عاقل كلها ياملا السفاه
شف البلا ماعاد تمطر سماهم = ولو أمطرت مافيه عشب ٍ رعيناه
كله سبايب ظلمهم مع وذاهم = حسد ٍ وفسد وواجد ٍ ماذكرناه
هذي الحقيقه والخطا من خطاهم =شي ٍ يعذّب مانعده ونحصاه
هنيّ والله واحد ٍ ما تلاهم = اللي يجنّب تايه الراي ينحاه
ماهمته دنياه وايضا دناهم = رجل ٍ تقي وعارف ٍ وين ممشاه
هو حاسب ٍ للموت يوم ٍ يداهم = متمسك ٍ بالدين والحق واعراه
هذاك بمثله نقتدي ولا سواهم = ولاخير باللي شاري اليوم دنياه
هذي نصيحة قلتها بلا تواهم = والله يحاسب كل عبد ٍ ويجزاه

وسلامتكم


فهد المسيكي



،،
،

ألآخ ألعزيزألشــــــــــــــــــــاعر

القدير

فهـــــــــــــــــــــــد المسيكي

تحيه طيبه

أولاً صح لسانك

ثانياً أبي كرت العايله ياراع العرفا مدام أنك منت أمســــــــــــاهم

علا كل حال لاهنت

والمقصد من كلامي هاذى أنك تضحك لاأقل ولا أكثر0

أخوي فهد

لك

مني

كل

الود

والأحترام

0

وتقبل

تحياتي

[المسيكي]

الاخ القدير محمد المقبل



اشكرك جزيل الشكر على المرور والتعليق


وجزاك الف خير على مااوردت ،،

صح بدنك وتقبل اجمل تحية

[المسيكي]

الاخ العقرب ،،،



صح بدنك ولاهنت على المرور


وشكرا لك على الابيات ........


تسلم ولاهنت ...

[المسيكي]

الاخ والشاعر خلف البجيدي

اولا صح بدنك ولاهنت


الثانيه ،، كرت العايله تسان تبيه أبشر ،،، مايغلا عليك هو وراعيه

مار لما يصير عندي كرت عايله ،،:)


هذيك الساعه ابشر ،، لابالله الا لك ،،،

ومشكور وماقصرت

لاهنت

[عبدالله عايد]

السلام عليكم

صح لسانك اخوي المسيكي

ويعطيك العافية

والله يغنينا بحلالة عن حرامة

وشكرا لك

[المسيكي]

الاخ والشاعر دهام

صح بدنك ولا هنت عى المرور


والله يسمع منك


تقبل فائق الاحترام والتقدير

[مشاعر حالمه]

فهد المسيكي ..

صح لسانك ولاهنت يالطيّب ..

تحيتي لك / مشاعر حالمه ..

[عبدالله ثويني المانع]

الأخ الفاضل / فهـــــــــــــــــــــــد المسيكي

صح لسانك يا القرم ,, طرقت موضوع الساعة بأسلوب المحترف , قضية اجتماعية دينية

رائــــــــــــعة يصعب الحديث عن مدى اعجابــي بها , بدأا من الفــكرة الى المطلع الرائع

الى القافية الجميـلة والتي تطرب موسيقاها قارئها الى الألفاظ السهلة والواضحة والمعـاني السامية التي حملتها ,,

جــزلة يا القرم وابدعت في صياغتها

تقبل خالص الود ,, وأرق التحايا ,, دمت بخير

[المسيكي]

صح بدنك اخوي عبدالله


ولاهنت على المرور والتعليق .........

تقبل اجمل تحية


لاهنت يالقرم

[المسيكي]

صح بدنك الاخت مشاعر حالمه

ولاهنتي على المرور


تقبلي اجمل تحية ،،،،،،،