الفريده

[اميرة الحرف]

بدون مقدمات ،،،،،،،،،،،،،



لاتحسب اني يوم ابادلك الأشواق= سهله لغيرك لا وربي بعيده
صعبه مالنت بيوم لعيون عشاق= ابعد من النجمه عن اللي يريده
تشوم نفسي وياولد عزها فاق= فاق الثريا والخلايق شهيده
ماني من اللي رقمت وسط الأسواق= ولا كل يوم أعيش قصه جديده
حبيبتك غيرك لها مابعد لاق= وغيرك حبيبٍ ياولد ماتريده
افخر بها والله حنت لأجلك أعناق= ارفع بها راسك تعجبك وليده
والله وسع هالكون ولا بعد ظاق= انا افتخر اني حبيبه فريده


الفريده عيووووف

[خلف سليمان البجيدي]

ألأخت الكريمه الشاعره
العيوف

تحيه طيبه

شكرأ أيها لشاعره
الجميله
المبدعه
دائيما الصحيح
يفرض
نفسه
حبيبتك غيرك لها مابعد لاق
وغيرك حبيب ياولد ماتريده

شي عظيم

لك كل الود والأحترام

صح لسانك


تقبلي تحياتي

[فاضي عبدالعزيز]

ا لشاعره // العيوف

صح لسانك
تشوم نفسي وياولد عزهـا فـاق

***********فـاق الثريـا والخلايـق شهيـده
ماني من اللي رقمت وسط الأسواق

**********ولا كل يوم أعيش قصـه جديـده


والله فريده في ابداعك فريده في شموخك وعزتك

فريده وفريده وفريده


تحياتي

[تركي صالح]

الشاعرة / العيوف

صح لسانك

على هذه القصيدة الرائعه جداً

اللتي تحمل بطياتها

صدق الكلمة

وقوة المعنى

وسلاسة المفردة

ودمتي بخير

[عيد الوايلي]

لشاعره العيوف

صح لسانك

والسلام

[محمد المقبل]

الاخت الشاعره العيوف

صح لسانك على هذه القصيده المعبره

ودمتي بكل خير

[خلف كريم]

صح لسانك العز والشرف ورفعت الراس لك ماهي غريبة قصيدة جميلة ومعبرة يااخت العيوف
خلف كريم

[اميرة الحرف]

اخوي الشاعر خلف البجيدي صح بدنك واشكر لك مرورك واعتذر عت التأخير بس والله ضروف ابعدتني عن النت فتره

اشكر لك مرورك
العيووف

[اميرة الحرف]

اخوي فاضي اشكر لك مرورك اللذي يسعدني
وردك هو الفريد
اعتذر عن تأخر الرد اللذي كان بسبب ضروف خارجه عن ارادتي
هلابك

العيووف

[اميرة الحرف]

استاذي تركي صالح
هلابك واشكر لك مرورك الجميل
صح بدنك
واعتذر قوه عن تأخري في الرد لعلك تعذرني
العيوووف

[اميرة الحرف]

اخوي عيد الوايلي صح بدنك ملايين
هلابك واعتذر عن التأخير
عيوووف

[اميرة الحرف]

استاذي محمد المقبل هلابك
اشكر لك مرورك الاجمل لاهنت
اعتذر جدا عن تأخر الرد

العيوووف

[اميرة الحرف]

اخوي خلف كريم
اهلابك اشكر لك ردك اللذي اسعدني لاهنت
واعتذر لك عن تأخر الرد
العيوووف

[شمــــــــوخ]

هلا وغلا بالعيوف:)

وشلونتس يابعدي وش الدنيا بتس


صح لسانتس مليون يالغلاااااا



قصيدة رائعه بروعة كاتبتها



سلمت يمينتس والله


..


أنتظر رائعتس القادمه;)


..

س ل م ل م

[اميرة الحرف]

الغالية شموخ هلابتس يابعدي صح بدنك حبيبتي تشكري على المرور
لنا لقاء بالديوانية :)

[خالد الطابوقي]

الشاعرة : العيوف

كفو والله ..كلمات تعجبني

صح الله لسانك ولاهنتي

أعجاب وتقدير

دمتِ بخير

أخوك

خالد

[اميرة الحرف]

اخي خالد الطابوقي هلابك وصح الله بدنك لاهنت يالذيب على مرورك العذب
دمت بود
اخيتك العيوف

[عبدالكريم العنزي]

بدون مقدمات ،،،،،،،،،،،،،



لاتحسب اني يوم ابادلك الأشواق= سهله لغيرك لا وربي بعيده
صعبه مالنت بيوم لعيون عشاق= ابعد من النجمه عن اللي يريده
تشوم نفسي وياولد عزها فاق= فاق الثريا والخلايق شهيده
ماني من اللي رقمت وسط الأسواق= ولا كل يوم أعيش قصه جديده
حبيبتك غيرك لها مابعد لاق= وغيرك حبيبٍ ياولد ماتريده
افخر بها والله حنت لأجلك أعناق= ارفع بها راسك تعجبك وليده
والله وسع هالكون ولا بعد ظاق= انا افتخر اني حبيبه فريده


الفريده عيووووف


أختي الفاضله / العيوف


صح لسانك على الابيات الرااااائعه والجميله


أنا أحد المعجبين والمتابعين لقصايدك الجميله


واتمنا المزيد من الابدااااااع



دمتي بخير

[اميرة الحرف]

استاذي خالي عبدالكريم العنزي
صح الله بدنك وحضورك هاهنا شرف كبير اسعدتني به وحملتني مسؤلية طرح مايليق بذائقتكم
لاهنت

العيووف

[عبدالله ثويني المانع]

تشوم نفسي وياولد عزهـا فـاق
فـاق الثريـا والخلايـق شهيـده
ماني من اللي رقمت وسط الأسواق
ولا كل يوم أعيش قصـه جديـده



لله درك يا العيوف .. دائما مبهره بنصوصك

شموخ وثقه بالنفس وفخر .. دمتي شامخة


صح لسانك مدد بلا عدد

نص راقي يفوح برائحة الأصاله والوفاء

أرق التحايا من قلب أخيك عبدالله

[اميرة الحرف]

اخي الشاعر المبدع عبدالله المانع
صح بدنك ياغالي لاهنت اشكر لك مرورك وعيوف تعتز بأخوتك
لاهنت يالذيب

عيوووف