(( طـعـون الـحـب ))

[متعب الحشيان]

طعون الحب .. من هنا .. اردد ومن هنا تستمتعون ..


وياليل لك هاجس ... الى الـنـــص ... طعون الحب ..

* *


تـركنـي في يديـن الياس والهـوجاس والـغـربه

وانا في نفس لحظة غربتي ضاعت بي اعرافي

* *

احاول اوصـل المينا واعــانـق بالغـرق تـربـه

واثر غول الشـتات اجتث من دنياي مجدافـي

* *

يابعـدك ياالامـل والابعــد اللـي مانـوى قربــه

تـقبّـلت الشتا بائـس حزين وترجـف اطرافـي

* *

هناي هناك والا ضاع مع ماضاع فـ القربــه

تنثــّر من شقوق ٍ ممـحـله ازلالها الصـافـي

* *

كبيره منــه يهـدي للخفـوق الضيم والكربـه

كبيـره منه يجحـد بالسهـوله حبـي الـدافـي

* *

كسرت الواقع ابفاس الشموخ وحيّ هالضربه

اكابر قبل اعزي النفس فيما تحمل اوصـافي

* *

كتبت من القصيد اللي يجود القلب واشعـربــه

ولو راح اكثري يبقى قليـلي قلـبي الوافــي

* *

رضا التاريـخ والا صّدني الشـربه الشـربـه

حرام اموت مابتل ريقي وتمّمت مشـرافـي

* *

تـزول اجبال والواقع تغيـرّ واختلف دربـــه

وعلى قـد القدم امـد رجلي واوزن الحــافـي

* *

خساره هالدموع اللي بزود الشوق تجهـربـه

ياعيني كفي الدمعه زمان اهل الوفا طـافـي

* *

اقاوم واقـعـي المـؤلـم اقاوم قـد مااقـدربـــه

واناظر خطوتي قدمي ماالدّ النظره اخـلافـي

* *

وانا احمل صولجان الحب واطوي شرقه وغربه

واعانق بالجدي سهيل اليماني وآخر اسلافــي

* *

من الغزوه الى الغزوه وليل ٍ ظلمته خـربـه

وصهيل الجرح واحمال الوفا اللي تكسر اكتافي

* *

عجاف المدن والدنيا غبار وكم تبختر به

ضروس الضيم والدرب الطويل يجندل احلافي

* *

تسرمدت الطريق وقلبي اطلق للفضا سـربـه

تخـّضبه الطعون المدميّه لمعانق اضـفافــي


* *


طعون اقسى من اطعون السهام وطعنة الحربه

طعـون الحـب هاذي ليتها باالعـين تـنشـافـي


* * *

مع امنياتي لكم بقراءه ممتعه ،،،،،،،



محبكم / متعب بن محمد بن زبار بن حشيان
( ساري الرياض )

[صالح الضويحي]

متعب الحشيان

والمصافحه الثانيه

وكما عهدنا الحضور الراقي

لي عوده لمتصفحك

تحياتي

[شــامخ]

طعون اقسى من اطعـون السهـام وطعنـة الحربـه @@ طعـون الحـب هـاذي ليتهـا باالعـيـن تنشـافـي


اخـــوي متــعب



صـــــح لســـــــانك ولاهنــت على هذه الابيات الرائعه والجميلــه


تحياتــي ودمت بــود



اخـــوك/ شـــامخ

[فاضي عبدالعزيز]

الشاعر متعب الحشيان
احـاول اوصـل المينـا واعانـق بالغـرق تـربـه

واثر غـول الشتـات اجتـث مـن دنيـاي مجدافـي

* *

يابعـدك ياالامـل والابعـد اللـي مـانـوى قـربـه

تقبّلـت الشتـا بائـس حزيـن وترجـف اطـرافـي

* *

هنـاي هنـاك والا ضـاع مـع ماضـاع فـالقربـه

تنثّـر مـن شقـوق ٍ ممحلـه ازلالـهـا الصـافـي

* *

كبيـره منـه يهـدي للخفـوق الضـيـم والكـربـه

كبيـره منـه يجحـد بالسهـولـه حـبـي الـدافـي



قمة الابداع وتميز






صح السانك



ولاهنت

[ماجد الوايلي]

الشاعر / متعب الحشيان


ابدعت وحضور رااائع ومتميز

لله درك

وصح لساااااااااااااااااااااااانك مليون

واصل بنثر الابداع على صفحات الويلان

[عبدالله الحجيلان]

متعب




رائع والله يامتعب


ولاهنت

[رنــا]

ليت الطعون .. تتشابـة ..!!
وليت الحروف .. تتشابـة ..!!
/
/
ليت حرفك هنا
تشابـة
مع الحروف الآخرى
لكان الصمت ..
قد يخرج من مخابئة ..!!
ولاكن هنا ..
أطبق الصمت على حرف القلم
قد أعذر صمت حرفي هنا
بمقولة
( الصمت في حرم الجمال .. جمال )
فـ لله درك
لله درك
/
إحساس الشعر
متعب الحشيان
/
دمت متألقاً










.
لاعدمنا تواجدك
أختك
رنــا

[الدبلوماسي]

صح لسانك مليووون
على هالرائعه

الله لايهينك

[متعب الحشيان]

أستاذي / صالح الضويحي

لاهنت على مرورك المضئ ..

لك مني كل الود ..

[متعب الحشيان]

أخوي الغالي/ شامخ

لاهنت على مرورك الراقي هنا ..

لك مني كل الود ..

[تركي صالح]

الشاعر / متعب الحشيان

صح لسانك يالغالي

على هذه المصافحه الرائعه

وتقبل فائق التقدير والاحترام

[متعب الحشيان]

أخوي الغالي / فاضي عبدالعزيز

لاهنت على تواجدك الراقي ..

لك مني كل الود ..

[متعب الحشيان]

أخوي الغالي / ماجد الوايلي

لاهنت على تواجدك العذب هنا ..

لك مني كل الود ..

[متعب الحشيان]

أخوي الغالي / عبدالله الحجيلان

لاهنت على تواجدك المشرق ..


لك مني كل الود ..

[متعب الحشيان]

ألغاليه / رنا

لمرورك رائحة الورد وأناقة الذوق ..

لك مني كل الود ..

[متعب الحشيان]

أخوي الغالي / الدبلوماسي

لاهنت على تواجدك العذب هنا ..


لك مني كل الود ..