سـمـــي

[عايض المشعان]

سمي ترى ما فيه غيرك يسمي
*********** يامن ملكتي نبض قلبي والانفاس

و لبيه يا عشق تغلغل بـ دمي
*********** لبيه يا صوت جلى كل هوجاس

اسمك عذوبة سيمفونيه بفمي
*********** ما كنها الا لذة الكيف و الكاس

روحي معك من اصبعي لين كمي
*********** رهن الاشاره في يدك حي ذالراس

تعوذي باللي خلق و استحمي
*********** ثم اقري الكرسي بعد سورة الناس

همك اشيله لو دبل فوق همي
*********** لا يزعجك قولي لهم الف لا باس

دامك جمعتي شمل خالي وعمي
********** بين الذهب متمركزه وابيض الماس

هاك القصايد كلها هاك شمي
********** عطر القوافي والمعاني والاحساس

صوتك وصل واللي تبينه يتمي
********** ولعيونك الثنتين تُنشر على (واس)