حزْن أبُو متعب ثقيل وتعْبتْ تْشيله متوني

[الحوراء بنت نجد]

بسم الله الرحمن الرحيم

المصاب جلل والحزن ابلغ من الكلام في رحيلك يابو متعب

الحمدلله على كل حال



إنْتشى الحزْن العظيم وماتتْ الفرْحه بكوني=والسّعدْ فارق حياتي واكْتستْ ثُوب الكآبه
حزْن أبُو متعب ثقيل وتعْبتْ تْشيله متوني= والجزيره كلّ ابوها ماقوت تحْمل مصابه
ليلة الجمعه ثقيله بالقلوب وبالعيوني=القلوب اتْضخْ حزنه والعيون اجْزل صبابه
فقْد أبونا غير فقْد الخلْق ياللّي تفهموني=غيره يعوّض وعبد الله تفرّد في جنابه
عندي أبْداً له شبيه ولا بعدْ مثله يكوني =بالخصايص والسّمات وبالحبابه والمهابه
عِزّ الاسلام ورصيده دُون تغْريب ومُجوني=دِرْعنا لادقّت الساعه ونادو للحرابه
كمْ سهرْ طرْفه وعانا للتعب من كلّ لُوني =وكم تحمّل لاجْل راحتنا الثقيلات ومشى به
خادم البيتين صقْر العُرْب حمّاي الرّكوني=هيبته عشْنا تحتْها في حضوره وفْغيابه
واعسى يجْزاه ربٍّ أمره بكاف ٍ ونوني=في جنان الخُلْد ويْجاور نبيّه والصّحابه

الحوراء بنت نجد

الرياض يوم الجمعه الموافق 3\4\1436 هــ

[سليمان الجعفري]

بارك الله فيك على الطرح المميز والرائع
وصح لسااااانك ملايين
لك تحياتي

[اللحالي الغيداني]

مشكوره يابنت نجد على التعبير المعبر بجزاله من جزله
والله يرحم اموات المسلمين ويعين الحيين على عز الاسلام ونفع المسلمين آمين

[الحوراء بنت نجد]

سليمان الجعفري

اشكر لك رقي حضورك ونسأل الله ان يرحمه برحمته

واموات المسلمين

تقديري لك

[الحوراء بنت نجد]

اللحالي الغيداني

الله يتقبل منك ويجزاك خير

اشكرك للمتابعه تقديري لك

[حمد الضوّي]

الأخت الشاعره القديره

الحوراء بن نجد

صح لسانك وسلم بنانك وفكرك

ورحم الله ملك الإنسانيه رحمة ً واسعه




أنقى التحايا