الشيخ فـرحان أبن عـيـدان الجـعـفـري

[منصور الرويلي]

عذب القصيد اللي معانيه تنساب = على خيالٍ غيث الاحساس يسقيه
مايقبل التغريب لو هاجسه غاب = حرن عزوف وفزة الحي تحييه
شف كيف كان وكيف له خاطري طاب=صوت الوفا صحّاه وأقبل يغنيه
لا هان رأسٍ للوفا شّرع الباب = صيته قبل لا أدوّن أسمه يسمّيه
في كلمته ميثاق لاقراب وأجناب = وفي ضحكة حجاجه بشاير لداعيه
اليا نخيته ما تردد ولا هاب = صوت المنادي من منامه يصحيه
كلمة وفا ماهي مباهاه وأكذاب = يوم الردي عزمه عن الطيب يثنيه
كم وأحدن ظنه أبعض العرب خاب=ومن يعتزي باللاش خابت هقاويه
والا زبون الكايده عز الاصحاب=ناديت بأسمه وأعتزى عز ناصيه
أوجزت فيما قلت ؟ يأصحاب الالباب= قولٍ ينومس كاتبه قبل قاريه
هذا الكلام وكل جملة لها أعراب؟=خلك معي ياللي صدى الصوت توحيه
(فرحان أبن عيدان) فكاك الانشاب= هو الذي مدحي يخصه ويعنيه
شيخ المواقف وقفته تجلا الاتعاب = عز الدخيل اللي قسى الوقت حاديه
ياعل يفدونه طويلين الاشناب = الوافي اللي شامخاتٍ مباديه
من قبل صوته يلفت أنظار الاعجاب=أقبل مثل غيثٍ حقوقه مناشيّه
من طيب ساسه عاش للطيب طلاّب=جيّر لجزلات المكاسب مساعيه
ماهو غريب الطيب ؟ مثله ليا طاب = الطيب ساسه والشهامة مراكيه
قلته وأنا ربعي عريبين الانساب = (عليا رويلي) عز منهم عوانيه
رويل رمز المجد في راس مرقاب=أفخر بهم والشعر تفخر قوافيه
وأن كشرّت سود الليالي بالانياب=أدنهم اللي شامخ المجد يدعيه

.
.
.
.

[سليمان الجعفري]

الشاعر القدير / منصور الرويلي
صح لسانك ملايين قصيده جزله ومن راس شاعر جزل ومتمكن
يعسف مفردات الكلمة على مزاجه .. مليااار نعم بك وبربعك اهل العليا
ويستأأأأهل فرحان بن عيدان الجعفري جميع ما قيل فيه
لك مني اجمل التحايا والاحترام

[حمد الضوّي]

الشاعر/ منصور الرويلي


صح لسانك مليارات لقد أبدعت
ومليون نعم بك وبربعك اهل العليا وفرحان بن عيدان الجعفري
أهلاً لذلك ويستاهل هذا المدح لاشك




انقى تحيه

[اللحالي الغيداني]

الشاعر منصور انشاءالله أسم على مسمّا والروله هل العليا غنيين عن التعريف / اخي منصور مشكور ألف ع القصيده الجزله من الجزل وان شاءالله انه باللي يستاهل ؟ مفرداته ماصيغت من فراغ :؟ والله من خلال قراءتي احس انّي اعرف منصور من زمان ماشاءالله عليك ؟ تحياتي وتقديري::: وللجميع سلام